ಟಾಟಾ ಮೋಟರ್ಸ್ ಕಂಪನಿಯ ಮೊದಲ 'ಸ್ಟೈಲ್ ಬ್ಯಾಕ್' ಕಾರಿನ ಬಗ್ಗೆ ತಿಳಿದುಕೊಳ್ಳಿ

Written By:

ಟಾಟಾ ಕಂಪನಿ ಯುವ ಜನತೆಯನ್ನು ದೃಷ್ಟಿಯಲ್ಲಿ ಇಟ್ಟುಕೊಂಡು ಮಾಡಲಾಗಿರುವ ಕಾಂಪ್ಯಾಕ್ಟ್ ಸೆಡಾನ್ 'ಟಿಗೋರ್ ಸ್ಟೈಲ್ ಬ್ಯಾಕ್' ಕಾರಿನ ವೈಶಿಷ್ಟ್ಯತೆ ಮತ್ತು ಬಿಡುಗಡೆಯ ದಿನಾಂಕವನ್ನು ಬಿಡುಗಡೆಗೊಳಿಸಿದೆ

ಟಾಟಾ ಮೋಟರ್ಸ್ ನ ಮೊದಲ ಸ್ಟೈಲ್ ಬ್ಯಾಕ್ ಕಾರು ಎಂಬ ಖ್ಯಾತಿಗೆ ಪಾತ್ರವಾಗಿರುವ ಟಿಗೋರ್ ಇತ್ತೀಚಿಗಷ್ಟೇ ಬಿಡುಗಡೆಗೊಂಡ 'ಟಿಯಾಗೊ' ಹ್ಯಾಚ್ ಬ್ಯಾಕ್ ಕಾರಿನಷ್ಟೇ ಹೆಚ್ಚು ಪ್ರಖ್ಯಾತಿ ಪಡೆಯಲಿದೆ ಎಂದು ವಿಮರ್ಶಕರು ಭವಿಷ್ಯ ನುಡಿದಿದ್ದಾರೆ.

ಟಿಯಾಗೊ ಹ್ಯಾಚ್ ಬ್ಯಾಕ್ ಮತ್ತು ಹೆಕ್ಸಾ ಕ್ರಾಸ್ಒವರ್ ಕ್ರೀಡಾಬಳಕೆಯ ಕಾರಿನ ನಂತರ 'ಇಂಪ್ಯಾಕ್ಟ್ ಡಿಸೈನ್ ಫಿಲಾಸಫಿ ಹೊಂದಿರುವ' ಟಾಟಾದ ಮೂರನೇ ಕಾರು ಈ ಟಿಗೋರ್.

ಟಾಟಾ ಕಂಪನಿ ಬಿಡುಗಡೆಗೊಳಿಸಿರುವ ಈ ಕಾರು ಹೊಸ ವಿನ್ಯಾಸ ಪಡೆದುಕೊಂಡಿದ್ದು, ತನ್ನ ಮೊದಲ ಸ್ಟೈಲ್ ಬ್ಯಾಕ್ ಕಾರು ಎಂದು ಗುರುತಿಸುವ ಮೂಲಕ ಸ್ಟೈಲ್ ಬ್ಯಾಕ್ ಸರಣಿಗೆ ಮುನ್ನುಡಿ ಬರೆದಿದೆ.

ಕಾರಿನ ವಿನ್ಯಾಸ ಹಳೆ ಕಾಲದ 'ನಾಚ್ ಬ್ಯಾಕ್ ಕಾರನ್ನು ಮತ್ತೆ ನೆನಪಿಸುವಂತಿದ್ದು, ಈ ಕಾರಣಕ್ಕೆ ಈ ಕಾರಿಗೆ ಸ್ಟೈಲ್ ಬ್ಯಾಕ್ ಎಂದು ಹೆಸರಿಡಲಾಗಿದೆ ಎಂದು ಕಂಪನಿ ತಿಳಿಸಿದೆ.

ಇದೇ ತಿಂಗಳು 29 ರಂದು ಬಿಡುಗಡೆಗೊಳ್ಳುತ್ತಿರುವ ಈ ಕಾರು ಡೀಸೆಲ್ ಮತ್ತು ಪೆಟ್ರೋಲ್ ಎರಡೂ ಮಾದರಿಗಳಲ್ಲಿ ಲಭ್ಯವಿರಲಿದೆ ಎಂದು ಕಂಪನಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ. ಈ ಟಿಗೋರ್ ಕಾರು 1.2 ಪೆಟ್ರೋಲ್ ಮತ್ತು 1.05 ಡೀಸೆಲ್ ಇಂಜಿನ್ ಹೊಂದಿರುವ ಕಾರನ್ನು ಬಿಡುಗಡೆಗೊಳಿಸಲು ಕಂಪನಿ ಸಜ್ಜಾಗಿದೆ.

ಬಾಗಿದ ರೂಫ್ ಹೊಂದಿರುವ ಕಾರು ಇದಾಗಿದ್ದು, ಮೂರು ಸಿಲಿಂಡರ್ ಹೊಂದಿರುವ 1.2-ಲೀಟರ್ ರೆವೊಟ್ರಾನ್ ಪೆಟ್ರೋಲ್ ಹೊಂದಿದ್ದು, ಎನ್ಎಂ ತಿರುಗುಬಲದಲ್ಲಿ 83 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಇನ್ನು, ಡೀಸೆಲ್ ಕಾರು ಮೂರು ಸಿಲಿಂಡರ್ ರೆವೊಟೊರ್ಕ್ 1.05-ಲೀಟರ್ ಎಂಜಿನ್ ಹೊಂದಿರುವ ಕಾರು 140 ಎನ್ಎಂ ತಿರುಗುಬಲದಲ್ಲಿ 69 ಅಶ್ವಶಕ್ತಿಯನ್ನು ಉತ್ಪಾದಿಸುವಷ್ಟು ಬಲಿಷ್ಠವಾಗಿದೆ.

ನವೀನ ಮಾದರಿಯ ಟಿಗೋರ್ ಕಾರು 3992 ಎಂಎಂ ಉದ್ದ ಇದ್ದು, 1677ಎಂಎಂ ಅಗಲ ಹೊಂದಿದೆ. ಇನ್ನು ಈ ಕಾರು 1537ಎಂಎಂ ಎತ್ತರ ಹೊಂದಿದ್ದು, ಎಂದಿನಂತೆ 5-ಸ್ಪೀಡ್ ಮಾನ್ಯುಯಲ್ ಗೇರ್ ಬಾಕ್ಸ್ ಹೊಂದಿರುವ ಕಾರು ಇದಾಗಿದೆ.

ಸ್ವೀಪ್ಟ್-ಬ್ಯಾಕ್ ಹೆಡ್ ಲ್ಯಾಂಪ್ ಹೊಂದಿರುವ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಈ ಕಾರು, ಎಲ್ಇಡಿ ದೀಪಗಳನ್ನು ಹೊಂದಿದೆ.ಪ್ರೆಟ್ರೋಲ್ ಮಾದರಿಯ ಟಿಗೋರ್ ಕಾರು 1062 ಕೆ.ಜಿ ತೂಕ ಹೊಂದಿದ್ದು, ಡೀಸೆಲ್ ಕಾರು 1130 ಕೆ.ಜಿ ತೂಕ ಹೊಂದಿದೆ.

ಈ ಸೆಡಾನ್ ಕಾರು ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್, ಫೋರ್ಡ್ ಕಂಪನಿಯ ಆಸ್ಪೈರ್, ಹೋಂಡಾ ಕಂಪನಿಯ ಅಮೇಜ್, ಮತ್ತು ಹ್ಯುಂಡೈ ಕಂಪನಿಯ ಎಕ್ಸ್‌ಸೆಂಟ್ ಕಾರುಗಳೊಂದಿಗೆ ಸೆಣೆಸಲಿದೆ.

 

ಡ್ರೈವ್‌ಸ್ಪಾರ್ಕ್‌ನಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳು ನಿಮಗಾಗಿ...

ಶಾಪಿಂಗ್ ಮಾಡೋ ಭರಾಟೆಗೆ ಟ್ಯಾಕ್ಸಿಯಲ್ಲೇ ಮಗು ಮರೆತು ಹೋದ ಮಹಿಳೆ..!!

ಡ್ರೈವ್‌ಸ್ಪಾರ್ಕ್‌ನಲ್ಲಿ ನೋಡಬೇಕಾದ ಫೋಟೋ ಗ್ಯಾಲರಿ

ಟಿಗೋರ್ ಸ್ಟೈಲ್ ಬ್ಯಾಕ್

ಹೋಂಡಾ WR-V

Story first published: Monday, March 20, 2017, 13:42 [IST]
English summary
[read in kananda] The much anticipated Tata Tigor subcompact sedan is all set to go on sale on March 29, 2017. Specs, Features, Dimensions + Photos Revealed
Please Wait while comments are loading...

Latest Photos