Just In
- 6 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 9 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 9 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 10 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2011ರ ನೂತನ ಹ್ಯುಂಡೈ ವೆರ್ನಾ ಸೌಂದರ್ಯ ಲಹರಿ
ಹ್ಯುಂಡೈ ಕಾರು ಇಷ್ಟವಾಗುವುದಕ್ಕೆ ಪ್ರಮುಖ ಕಾರಣಗಳೇನು. ಪ್ರಶ್ನೆಗೆ ಉತ್ತರ ಸ್ಟೈಲ್ ಮತ್ತು ಪವರ್. ನೂತನ ವೆರ್ನಾ ಮೇಲಿರುವ ವಿನ್ಯಾಸ, ಅದರ ಸ್ಟೈಲಿಶ್ ಗೆರೆಗಳು ಸಹಜ ಬದುಕಿನ ಲಯಗಳಿಗೆ ಕನ್ನಡಿ ಹಿಡಿಯುವಂತಿದೆ.
ನಯವಾದ ಹೊರಮೈ, ಅಪ್ಸರೆಯನ್ನು ನಾಚಿಸುವ ಲುಕ್, ಸ್ಪೋರ್ಟ್ಸ್ ಕಾರುಗಳ ಫೀಚರ್ ಗಳು, ಇತ್ತೀಚಿನ ತಂತ್ರಜ್ಞಾನ, ವೇಗ, ಆವೇಗ, ಸುಮಧುರ ಅನುಭವ ನೀಡುವ ಇಂಟಿರಿಯರ್ ಇವೆಲ್ಲ ವೆರ್ನಾ ಇಷ್ಟವಾಗಲು ಇನ್ನಿತರ ಕಾರಣಗಳು.
ಆಕರ್ಷಕತೆ, ಲಕ್ಷಣಗಳು ಮತ್ತು ವಿನ್ಯಾಸ ಇವೆಲ್ಲ ವಿಷಯಗಳಲ್ಲಿ ಹ್ಯುಂಡೈಗೆ ಹ್ಯುಂಡೈನೇ ಸಾಟಿ. ಕಾರನ್ನು ಕಲಾತ್ಮಕವಾಗಿ, ಸುಂದರವಾಗಿ ಗ್ರಾಹಕರ ಕೈಗಿಡುವಲ್ಲಿನ ಅದರ ಪರಿಶ್ರಮ ಇಷ್ಟಪಡಲೇ ಬೇಕು. ಚಕ್ರಗಳು ವಕ್ರವಾಗಿರದೇ ಅಲ್ಲೂ ಒಂದಿಷ್ಟು ಸೃಜನಶೀಲತೆಗೆ ಇಷ್ಟವಾಗುವಂತಹ ಕಲಾತ್ಮಕತೆಗೆ ಬಹುಪರಾಕ್ ಎನ್ನಲೇ ಬೇಕು.
ಇದರ ಹೊರ ವಿನ್ಯಾಸದ ಗ್ರಿಲ್ಲುಗಳು, ಎಲ್ ಆಕಾರದ ಹಿಂಬಂದಿ ಲ್ಯಾಂಪ್ ಗಳು, ಹೆಡ್ ಲ್ಯಾಂಪ್ ಗಳು ಇನ್ನಷ್ಟು ಮೆರುಗು ನೀಡುತ್ತವೆ. ಮೇಲೆ ಎರಡು ಹೆಡ್ ಲ್ಯಾಂಪ್, ಕೆಳಗೆ ಮೀನಿನ ಕಣ್ಣಿನಂತಹ ಇನ್ನೆರಡು ಹೆಡ್ ಲ್ಯಾಂಪ್ ಗಳು ಇದರ ಸೌಂದರ್ಯವನ್ನು ಹೆಚ್ಚಿಸಿವೆ.
ಇಂಟಿರಿಯರ್ ನ್ನು ಒಮ್ಮೆ ಇಣುಕಿ ನೋಡಿದರೆ ಸಾಕು. ಗುಣಮಟ್ಟ, ಆಕರ್ಷಕತೆ, ಶ್ರೀಮಂತಿಕೆ ಮತ್ತು ಐಷಾರಾಮಿ ಗುಣಗಳು ಎದ್ದು ಕಾಣುತ್ತವೆ. ಕಟ್ಟಿಂಗ್ ಎಡ್ಜ್ ವಿನ್ಯಾಸದ ಡ್ಯಾಷ್ ಬೋರ್ಡ್ ಅಂತೂ ಸೂಪರ್ ಆಗಿದೆ.
ಪ್ರತಿಕಾರುಗಳ ಸೌಂದರ್ಯ ಹೆಚ್ಚಿಸುವುದು ಅದರಲ್ಲಿರುವ ಫೀಚರ್ ಗಳು. ವೆರ್ನಾ ದಲ್ಲಿ ಸುಲಭವಾಗಿ ನಿರ್ವಹಿಸಬಹುದಾದ ಸ್ವಿಚ್ ಗೇರ್, ವಿಆಕಾರದ ಕನ್ಸೊಲ್, ಜೊತೆಗೆ ಮುದ್ದಾಗಿರುವ ಮ್ಯೂಸಿಕ್ ಸಿಸ್ಟಮ್, ಹೊಂದಾಣಿಕೆ ಮಾಡಿಕೊಳ್ಳಬಹುದಾದ ಸ್ಟೀರಿಂಗ್ ವೀಲ್, ಆಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ ಮತ್ತು ಸುಂದರ ಸೀಟುಗಳು ಆರಾಮದಾಯಕತೆಯೊಂದಿಗೆ ಸುರಕ್ಷತೆಯ ಅನುಭವವನ್ನೂ ನೀಡುತ್ತವೆ.
ಯುಎಸ್ ಬಿ ಪೋರ್ಟ್ ಮತ್ತು ಬ್ಲೂಟೂಥ್ ಸಾಧನ ಸೇರಿದಂತೆ ಮ್ಯೂಸಿಕ್ ಮನರಂಜನೆಗೆ ಇಲ್ಲಿ ಯಾವುದೇ ಮಿತಿಗಳಿಲ್ಲ. ಒಳಗಡೆ ಆರು ಏರ್ ಬ್ಯಾಗ್ ಗಳಿವೆ. ಇದರಲ್ಲಿ 2 ಸೈಡ್ ಏರ್ ಬ್ಯಾಗ್ ಗಳಿವೆ. ಡ್ರೈವರ್ ಮತ್ತು ಎದುರು ಕೂತ ಪ್ರಯಾಣಿಕನಿಗೂ ಒಂದೊಂದು ಏರ್ ಬ್ಯಾಗ್ ಗಳಿವೆ.
2011ರ ವೆರ್ನಾ ಎರಡು ಪೆಟ್ರೊಲ್ ಮತ್ತು ಎರಡು ಡೀಸಲ್ ಆವೃತ್ತಿಗಳಲ್ಲಿ ದೊರಕುತ್ತವೆ. ಎರಡೆರಡು ಆವೃತ್ತಿಗಳೇನು ಎಂದರೆ 1.4 ಲೀಟರ್ ಮತ್ತು 1.6 ಲೀಟರ್ ಎಂಜಿನ್ ಗಳಾಗಿವೆ. ಇದರಲ್ಲಿ 1.4 ಲೀಟರ್ ಎಂಜಿನ್ ಆವೃತ್ತಿಗಳಲ್ಲಿ 5 ಸ್ಪೀಡ್ ಮ್ಯಾನುಯಲ್ ಟ್ರಾನ್ಸ್ ಮಿಷನ್ ಇದೆ. 1.6 ಲೀಟರ್ ಆವೃತ್ತಿಗಳಲ್ಲಿ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಇದೆ.
ಯಾವುದೇ ಒತ್ತಡವಿಲ್ಲದೇ ಆರಾಮವಾಗಿ ಸವಾರಿ ಮಾಡುವಲ್ಲಿ ಇವೆರಡು ಎಂಜಿನ್ ಗಳು ಅನನ್ಯ ಕ್ಷಮತೆ ನೀಡುತ್ತವೆ. ದೇಶದ ರಸ್ತೆಗೆ ಪೂರಕವಾಗಿರುವ ಇದರ ಸಸ್ಪೆನ್ಸನ್ ಇಷ್ಟವಾಗುತ್ತದೆ. ನೂತನ ವೆರ್ನಾ ಕಾರಿಗೆ ಬೆಂಗಳೂರು ಎಕ್ಸ್ ಶೋರೂಂ ದರ ಸುಮಾರು 7,08,320 ರು.ನಿಂದ 10,88,826 ರು.ವರೆಗಿದೆ.
ಖಂಡಿತಾ ನೂತನ ಹ್ಯುಂಡೈ ವೆರ್ನಾ ಕಾರು ಹ್ಯುಂಡೈ ಮೋಟರ್ ಇಂಡಿಯಾದ ಗುಣಮಟ್ಟ ಮತ್ತು ಹಣದ ಮೌಲ್ಯಕ್ಕೆ ಕೊರತೆಯಾಗದಂತೆ ರೂಪಿಸಲಾಗಿರುವ ಅತ್ಯುತ್ತಮ ಕಾರೆಂಬುದರಲ್ಲಿ ಎರಡು ಮಾತಿಲ್ಲ. 2011ರ ನೂತನ ಹ್ಯುಂಡೈ ವೆರ್ನಾ ಇಷ್ಟಪಡಲು ಸದ್ಯ ಇಷ್ಟು ಕಾರಣಗಳು ಸಾಕು.