ಮಹೀಂದ್ರಾ 'ಜಿನಿಯೊ ಡಬಲ್ ಕ್ಯಾಬ್' ಮಾರುಕಟ್ಟೆಗೆ

Four Wheelers

oi-Praveen

By Praveen Chandra

Published: Wednesday, June 20, 2012, 12:09 [IST]

ಬೆಂಗಳೂರು, ಜುಲೈ7: 'ಪಿಕ್ ಅಪ್' ಸರಣಿಯ ಹೊಸ ಮಾದರಿ 'ಜಿನಿಯೊ ಡಬಲ್ ಕ್ಯಾಬ್' ಅನ್ನು ಮಹೀಂದ್ರಾ ಆಂಡ್ ಮಹೀಂದ್ರಾ ಕಂಪೆನಿ ಇತ್ತೀಚೆಗೆ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. 'ಸಿರ್ ಡಿ' ಎಂಜಿನ್ ಹೊಂದಿರುವ ಈ ವಾಹನದ ಬೆಂಗಳೂರು ಎಕ್ಸ್ ಷೋರೂಂ ಬೆಲೆ ರೂ 5.46 ಲಕ್ಷ ಇದೆ.

ಹವಾನಿಯಂತ್ರಿತ ವ್ಯವಸ್ಥೆ ಸೇರಿದಂತೆ ಹೆಚ್ಚುವರಿ ಸೌಲಭ್ಯವಿರುವ ವಾಹನಕ್ಕೆ ರೂ 5.95 ಲಕ್ಷ ನಿಗದಿಪಡಿಸಲಾಗಿದೆ. 'ಜಿನಿಯೊ' ಪ್ರತಿ ಲೀಟರಿಗೆ 13 ಕಿ.ಮೀ ಇಂಧನ ಕ್ಷಮತೆ ಹೊಂದಿದ್ದು, ಆಗಸ್ಟ್ ಮೊದಲ ವಾರದಲ್ಲಿ ದೇಶದಾದ್ಯಂತ ಲಭ್ಯವಾಗಲಿದೆ ಎಂದು ಕಂಪೆನಿಯ ಮಾರುಕಟ್ಟೆ ಉಪಾಧ್ಯಕ್ಷ ವಿವೇಕ್ ನಾಯರ್ ಬುಧವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

'ಪಿಕ್ ಅಪ್' ಸರಣಿಯಲ್ಲಿ ಮಹೀಂದ್ರಾ ಶೇ 73ರಷ್ಟು ಮಾರುಕಟ್ಟೆ ಪಾಲು ಹೊಂದಿದೆ. ವಾಣಿಜ್ಯ ಮತ್ತು ಗೃಹ ಬಳಕೆ ಎರಡನ್ನೂ ಗಮನದಲ್ಲಿಟ್ಟುಕೊಂಡು, ವಿಶ್ವದರ್ಜೆಯ ಗುಣಮಟ್ಟದೊಂದಿಗೆ ಈ ವಾಹನ ವಿನ್ಯಾಸಗೊಳಿಸಲಾಗಿದೆ ಎಂದು ನಾಯರ್ ಹೇಳಿದರು