ಬೆಂಗಳೂರಿನಲ್ಲಿ ಮಿಂಚಿನ ದಾಳಿ; 450 ರಿಕ್ಷಾಗಳ ಮುಟ್ಟುಗೋಲು

ಸಿನೆಮಾ ಶೈಲಿಯಲ್ಲಿ ಬೆಂಗಳೂರು ಟ್ರಾಫಿಕ್ ಪೊಲೀಸರು ಕಾರ್ಯಾಚರಣೆಗಿಳಿದಿದ್ದರು. 100 ಮಹಿಳಾ ಪೊಲೀಸ್ ಸೇರಿದಂತೆ 700ರಷ್ಟು ಪೊಲೀಸ್ ಪೇದೆಗಳು ತಮ್ಮ ವೇಷಭೂಷಣ ಬದಲಿಸಿ ಸಾಮಾನ್ಯ ಪ್ರಯಾಣಿಕರಂತೆ ಆಟೋವನ್ನೇರಿದ್ದರು.

ಇದರಂತೆ ನಡೆಸಿರುವ ಕಾರ್ಯಾಚರಣೆಯಲ್ಲಿ 450 ಆಟೋಗಳವನ್ನು ತಪ್ಪಿತ್ತಸ್ಥವೆಂದರು ಗುರುತಿಸಿಕೊಂಡಿದ್ದು ಮುಟ್ಟುಗೋಲು ಹಾಕಲಾಗಿದೆ. ಹಾಗೆಯೇ 3350 ಆಟೋ ರಿಕ್ಷಾಗಳಿಗೆ ದಂಡ ಹೇರಲಾಗಿದೆ.

ಕನ್ನಡ ಭಾಷೆ ಬಾರದವರಂತೆ ನಟಿಸಿದ್ದ ಪೊಲೀಸ್ ಪೇದೆಗಳು ನಗರದ್ಯಾಂತ ತ್ವರಿತ ಕಾರ್ಯಾಚರಣೆ ನಡೆಸಿದ್ದರು. ಬೆಳಗ್ಗೆ 6 ಗಂಟೆಗೆ ಆರಂಭವಾದ ಮಿಂಚಿನ ದಾಳಿಯು ನಿರಂತರ 15 ತಾಸುಗಳ ಕಾಲ ಮುಂದುವರಿದಿತ್ತು.

ಬೆಂಗಳೂರಿನ 40 ಟ್ರಾಫಿಕ್ ಪೊಲೀಸ್ ಠಾಣೆಗಳ ತಲಾ 20ರಷ್ಟು ಪೊಲೀಸ್ ಪೇದೆಗಳು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು. ಇತ್ತೀಚೆಗಿನ ದಿನಗಳಲ್ಲಿ ಸವಾರರ ಮೇಲಿನ ಆಟೋ ಚಾಲಕರ ಹಿಂಸಾಚಾರ ಪ್ರಕರಣಗಳು ಹೆಚ್ಚಾಗಿ ಕೇಳಿ ಬರುತ್ತಿರುವುದು ತ್ವರಿತ ಕಾರ್ಯಾಚರಣೆಗೆ ಕಾರಣವಾಗಿದೆ.

ಮೂಲಗಳ ಪ್ರಕಾರ, ಕನ್ನಡದಲ್ಲಿಯೇ ಮಾತನಾಡಿದರೆ ಆಟೋ ಚಾಲಕರು ಯಾವುದೇ ತಗಾದೆ ಎತ್ತುವುದಿಲ್ಲ. ಅದೇ ವೇಳೆ 'ಬೈಯಾ' ಇತ್ಯಾದಿ ಹಿಂದಿ ಅಥವಾ ಇಂಗ್ಲಿಷ್ ಪದಗಳನ್ನು ಬಳಕೆ ಮಾಡಿದ್ದಲ್ಲಿ ಆಟೋ ಚಾಲಕರು ಸುಲಿಗೆ ಮಾಡುತ್ತಾರೆ ಎಂಬ ಆರೋಪ ಕೇಳಿಬಂದಿದೆ.

ಒಟ್ಟಾರೆಯಾಗಿ ಈ ಘಟನೆಯು ಸಭ್ಯ ಆಟೋ ಚಾಲಕರ ಮೇಲೂ ದುಷ್ಫಾರಿಣಾಮ ಬೀರುವಂತಾಗಿದೆ. ಈ ಸಂಬಂಧ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಲು ಮರೆಯದಿರಿ.

ದೂರು ಸಲ್ಲಿಸುವ ವಿಧಾನ

24 ತಾಸಿನ ಸೇವೆ - 080-22868444/22868550

ಇ ಮೇಲ್ - [email protected]

ಎಸ್‌ಎಂಎಸ್ - 5225 ವಿಧಾನ - AUTO REF (ರಿಜಿಸ್ಟ್ರೇಶನ್ ನಂಬರ್) (ಸ್ಥಳ, ಎಲ್ಲಿಂದ ಎಲ್ಲಿಗೆ) (ದಿನಾಂಕ ಹಾಗೂ ಸಮಯ) ಉದಾ: AUTO REF KA01A1000 Malleswaram to Navrang 3:30 pm, 1 July, 2014

ಮಿತಿಮೀರಿದ ಚಾರ್ಜಿಂಗ್ ಈಡು ಮಾಡಿದ್ದಲ್ಲಿ: AUTO OVC (ರಿಜಿಸ್ಟ್ರೇಶನ್ ನಂಬರ್) (ಸ್ಥಳ, ಎಲ್ಲಿಂದ ಎಲ್ಲಿಗೆ) (ದಿನಾಂಕ ಹಾಗೂ ಸಮಯ)