Click it and Unblock the Notifications
Just In
Don't Miss!
-
ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ -
IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ -
ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ -
ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ! -
ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ -
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೀವ್ರತೆ ಪಡೆದ ಪೈಪೋಟಿ; ಅಪ್‌ಗ್ರೇಡ್ ಆಗಲಿದೆ ವೆರ್ನಾ
ನಿಕಟ ಪ್ರತಿಸ್ಪರ್ಧಿಗಳಿಂದ ಮಾರುಕಟ್ಟೆಯಲ್ಲಿ ವರ್ಧಿಸುತ್ತಿರುವ ಪೈಪೋಟಿಯ ಹಿನ್ನಲೆಯಲ್ಲಿ ಹ್ಯುಂಡೈ ವೆರ್ನಾ ಅಪ್‌ಗ್ರೇಡ್ ಮಾಡಿಕೊಳ್ಳಲು ದೇಶದ ಎರಡನೇ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹ್ಯುಂಡೈ ನಿರ್ಧರಿಸಿದೆ.
ಕಳೆದ ಕೆಲವು ವರ್ಷಗಳಲ್ಲಿ ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈಯಿಂದ ದೇಶದಲ್ಲಿ ಲಭ್ಯವಿರುವ ಅತ್ಯಂತ ಬೇಡಿಕೆಯ ಕಾರುಗಳಲ್ಲಿ ಕಾಣಿಸಿಕೊಂಡಿದ್ದ ವೆರ್ನಾ, ಹೆಚ್ಚು ಜನಪ್ರಿಯತೆಯನ್ನು ಕಾಯ್ದುಕೊಂಡಿತ್ತು.
ಆದರೆ ಅತಿ ನೂತನ ಹೋಂಡಾ ಸಿಟಿ ಹಾಗೂ ಮಾರುತಿ ಸಿಯಾಜ್ ಆಗಮನದೊಂದಿಗೆ ವೆರ್ನಾ ಮಾರಾಟ ಕ್ಷೀಣಿಸಿದೆ. ಇದನ್ನು ಮನಗಂಡಿರುವ ಸಂಸ್ಥೆಯು ಸದ್ಯದಲ್ಲೇ ವೆರ್ನಾ ಅಪ್‌ಗ್ರೇಡ್‌ಗೊಳಿಸಲು ನಿರ್ಧರಿಸಿದೆ.
ಈ ಆರ್ಥಿಕ ಸಾಲಿನ ಮೊದಲ ಐದು ತಿಂಗಳಲ್ಲಿ ವೆರ್ನಾ ಮಾರಾಟದಲ್ಲಿ ಶೇಕಡಾ 26ರಷ್ಟು ಕುಸಿತವುಂಟಾಗಿದೆ. ಕಳೆದ ವರ್ಷ ಎಪ್ರಿಲ್‌ನಿಂದ ಆಗಸ್ಟ್ ತಿಂಗಳ ವರೆಗೆ 20,759 ಯುನಿಟ್‌ಗಳಷ್ಟಿದ್ದ ವೆರ್ನಾ ಮಾರಾಟವು ಈ ವರ್ಷ 15,462 ಯುನಿಟ್‌ಗಳಿಗೆ ಇಳಿಕೆಯಾಗಿತ್ತು.
ಇನ್ನೊಂದೆಡೆ ಕಳೆದ ಬಾರಿ 9,855 ಯುನಿಟ್‌ಗಳಿಷ್ಟಿದ್ದ ಹೋಂಡಾ ಸಿಟಿ ಹೊಸ ಮಾದರಿಯ ಪ್ರವೇಶದೊಂದಿಗೆ ಈ ಬಾರಿ 30,447 ಯುನಿಟ್‌ಗಳ ಭರ್ಜರಿ ಮಾರಾಟ ಕಂಡುಕೊಂಡಿತ್ತು.
ಹಾಗೆಯೇ ಇದೀಗಷ್ಟೇ ಬಿಡುಗಡೆಯಾಗಿರುವ ಮಾರುತಿ ಸುಜುಕಿ ಸಿಯಾಝ್ ಈಗಾಗಲೇ 13,000ಕ್ಕೂ ಹೆಚ್ಚು ಬುಕ್ಕಿಂಗ್‌ ದಾಟಿದೆ. ಈ ಪೈಕಿ 4,000 ಯುನಿಟ್‌ಗಳನ್ನು ಗ್ರಾಹಕರಿಗೆ ಹಸ್ತಾಂತರಿಸಲಾಗಿದೆ.
ನಿಮ್ಮ ಮಾಹಿತಿಗಾಗಿ, ರಷ್ಯಾದಲ್ಲಿ ಈಗಾಗಲೇ ವೆರ್ನಾ ಫೇಸ್‌ಲಿಫ್ಟ್ ಮಾದರಿ ಬಿಡುಗಡೆಗೊಂಡಿದೆ. ಇದು ಸೊಲರಿಸ್ ಎಂದರಿಯಲ್ಪಟ್ಟಿದೆ. ಅದೇ ರೀತಿ ಭಾರತಕ್ಕೂ ಪರಿಷ್ಕೃತ ಆವೃತ್ತಿ ಬಿಡುಗಡೆ ಮಾಡುವುದು ಸಂಸ್ಥೆಯ ಗುರಿಯಾಗಿದೆ.
