ಮುಂದಿನ ವರ್ಷದಲ್ಲಿ ಹೊಸ ಇನ್ನೋವಾ ಅನಾವರಣ

Four Wheelers

oi-Nagaraja

By Nagaraja

Updated: Saturday, August 23, 2014, 12:33 [IST]

ಜಗತ್ತಿನ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಟೊಯೊಟಾ ಸಂಸ್ಥೆಯು ಮುಂದಿನ ವರ್ಷ ಎಲ್ಲ ಹೊಸತನದಿಂದ ಕೂಡಿರುವ ಇನ್ನೋವಾ ಬಹು ಬಳಕೆಯ (ಎಂಪಿವಿ) ವಾಹನವನ್ನು ಅನಾವರಣಗೊಳಿಸಲಿದೆ.

ಪ್ರಸಕ್ತ ಸಾಲಿನಲ್ಲೇ ಎಟಿಯೋಸ್ ಕ್ರಾಸ್ ಬಿಡುಗಡೆ ಮೂಲಕ ಕ್ರಾಸೋವರ್ ವಿಭಾಗಕ್ಕೆ ಕಾಲಿಟ್ಟಿರುವ ಟೊಯೊಟಾ, ಇತ್ತೀಚೆಗಷ್ಟೇ 2014 ಕರೊಲ್ಲಾ ಆಲ್ಟೀಸ್ ಬಿಡುಗಡೆಗೊಳಿಸಿತ್ತು. ಇದಾದ ಬೆನ್ನಲ್ಲೇ ಮುಂದಿನ ವರ್ಷ ಇನ್ನೋವಾ ಮಾದರಿಯ ಅನಾವರಣಕ್ಕೆ ಸಜ್ಜಾಗಿ ನಿಂತಿದೆ.

ಪರಿಷ್ಕೃತ ಇನ್ನೋವಾ ಜೊತೆ 2015 ಕ್ಯಾಮ್ರಿ ಸಹ ಆಗಮನವಾಗಲಿದೆ. ಭಾರತದಲ್ಲಿ ಅತಿ ಹೆಚ್ಚು ಜನಪ್ರಿಯತೆ ಗಿಟ್ಟಿಸಿಕೊಂಡಿರುವ ಇನ್ನೋವಾ, 2016ರಲ್ಲಿ ಬಿಡುಗಡೆ ಕಾಣಲಿದೆ. ಇನ್ನೋವಾ ಬಿಡಿಭಾಗಗಳನ್ನು ಸ್ಥಳೀಯವಾಗಿ ಉತ್ಪಾದಿಸುವ ಮೂಲಕ ಸ್ಮರ್ಧಾತ್ಮಕ ಬೆಲೆ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಗಮನ ಕೇಂದ್ರಿಕರಿಸಿದೆ.

ಅದೇ ಹೊತ್ತಿಗೆ ಟೊಯೊಟಾ ಇನ್ನೋವಾ ಆಟೋಮ್ಯಾಟಿಕ್ ವೆರಿಯಂಟ್‌ನಲ್ಲೂ ಆಗಮನವಾಗಲಿದೆ. ಇದು ಪ್ರಮುಖವಾಗಿಯೂ ಮಾರುತಿ ಸುಜುಕಿ ಎರ್ಟಿಗಾ, ಹೋಂಡಾ ಮೊಬಿಲಿಯೊ, ನಿಸ್ಸಾನ್ ಇವಾಲಿಯಾ ಮತ್ತು ಷೆವರ್ಲೆ ಎಂಜಾಯ್ ಆವೃತ್ತಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. ಇದು 9.50ರಿಂದ 14.50 ಲಕ್ಷ ರು.ಗಳ ನಡುವೆ ಆಗಮನವಾಗುವ ಸಾಧ್ಯತೆಯಿದೆ.