ದೇಶದ್ಯಾಂತ ಫಿಯೆಟ್ ಉಚಿತ ಚೆಕಪ್ ಕ್ಯಾಂಪ್

ಇಟಲಿ ಮೂಲದ ಮುಂಚೂಣಿಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ಫಿಯೆಟ್ ಕ್ರೈಸ್ಲರ್ ಆಟೋಮೊಬೈಲ್ ಸಂಸ್ಥೆಯು ದೇಶದ್ಯಾಂತ ಚೆಕಪ್ ಕ್ಯಾಂಪ್ ಆಳವಡಿಸಲು ನಿರ್ಧರಿಸಿದೆ. ಈ ಉಚಿತ ವಾಹನ ಪರಿಶೋಧನಾ ಶಿಬಿರ ಮೂರು ದಿನಗಳ ಪರ್ಯಂತ ಸಾಗಲಿದೆ.

104 ನಗರಗಳಲ್ಲಿ ಸ್ಥಿತಗೊಂಡಿರುವ ಫಿಯೆಟ್ 122ರಷ್ಟು ಚೆಕಪ್ ಕ್ಯಾಂಪ್‌ಗಳಲ್ಲಿ 2015 ಫೆಬ್ರವರಿ 26ರಿಂದ 28ರ ವರೆಗೆ ಪರೀಶೀಲನೆ ನಡೆಯಲಿದೆ. ಇದರ ಸಂಪೂರ್ಣ ಪ್ರಯೋಜನ ಪಡೆಯುವಂತೆ ಫಿಯೆಟ್ ಮಾಲಿಕರನ್ನು ವಿನಂತಿಸಿಕೊಳ್ಳಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಫಿಯೆಟ್ ಕ್ರೈಸ್ಲರ್ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಅಧ್ಯಕ್ಷರಾಗಿರುವ ಕೆವಿನ್ ಫ್ಲೈನ್, ಫಿಯೆಟ್ ಚೆಕಪ್ ಕ್ಯಾಂಪ್‌ಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ ಎಂದಿದ್ದಾರೆ.

ಇದೇ ಸಂದರ್ಭದಲ್ಲಿ ಕೆಲವು ಆಫರುಗಳನ್ನು ನೀಡಲಾಗುತ್ತದೆ. 2011 ಜನವರಿ ಬಳಿಕ ವಾಹನ ವಿತರಣೆಯಾದವರಿಗೆ ಕಾರ್ಮಿಕ ಶುಲ್ಕದಲ್ಲಿ ಶೇಕಡಾ 15ರಷ್ಟು ಹಾಗೂ ಬಿಡಿಭಾಗ ಬದಲಾವಣೆ ಮಾಡಬೇಕಾದರೆ ಶೇಕಡಾ 10ರಷ್ಟು ರಿಯಾಯಿತಿ ನೀಡಲಾಗುತ್ತಿದೆ.