ಬಿಡುಗಡೆಗೆ ಸಜ್ಜಾಗಿರುವ ಮಗದೊಂದು ಬೆಂಝ್ ಐಷಾರಾಮಿ ಕಾರು

Four Wheelers

oi-Nagaraja

By Nagaraja

Published: Tuesday, March 3, 2015, 12:28 [IST]

ಜರ್ಮನಿಯ ಐಷಾರಾಮಿ ಕಾರು ತಯಾರಿಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್ ಭಾರತಕ್ಕೆ ಮಗದೊಂದು ಐಷಾರಾಮಿ ಕಾರನ್ನು ಪರಿಚಯಿಸಲಿದೆ. ಅದುವೇ ಮರ್ಸಿಡಿಸ್ ಬೆಂಝ್ ಬಿ ಕ್ಲಾಸ್.

ಮರ್ಸಿಡಿಸ್ ಬೆಂಝ್ ಪರಿಷ್ಕೃತ ಬಿ ಕ್ಲಾಸ್ ಬಿಡುಗಡೆ ದಿನಾಂಕವನ್ನು ಬಹಿರಂಗಪಡಿಸಲಾಗಿದ್ದು, ಇದೇ ತಿಂಗಳ 11ರಂದು ಭರ್ಜರಿ ಲಾಂಚ್ ಕಾಣಲಿದೆ. ಇದು ಪ್ರಸಕ್ತ ಸಾಲಿನಲ್ಲಿ ಸಂಸ್ಥೆಯು ದೇಶದಲ್ಲಿ ಬಿಡುಗಡೆ ಮಾಡಲಿರುವ 15 ಮಾದರಿಗಳ ಭಾಗವಾಗಿರಲಿದೆ.

2012ನೇ ಇಸವಿಯಲ್ಲಿ ಮೊದಲ ಬಾರಿಗೆ ಪರಿಚಯವಾಗಿದ್ದ ಬೆಂಝ್ ಬಿ ಕ್ಲಾಸ್ ಪರಿಷ್ಕೃತ ಮಾದರಿಯು 2014 ಪ್ಯಾರಿಸ್ ಮೋಟಾರು ಶೋದಲ್ಲಿ ಅನಾವರಣಗೊಂಡಿತ್ತು. ಈಗ ದೇಶದ ಮಾರುಕಟ್ಟೆಯತ್ತ ತನ್ನ ಪಯಣ ಬೆಳೆಸಿದೆ.

ಎಂಜಿನ್ ತಾಂತ್ರಿಕತೆ
2143 ಸಿಸಿ ಡೀಸೆಲ್ - 107 ಅಶ್ವಶಕ್ತಿ, 250 ತಿರುಗುಬಲ, 7 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್.
1595ಸಿಸಿ ಪೆಟ್ರೋಲ್ - 120 ಅಶ್ವಶಕ್ತಿ, 200 ತಿರುಗುಬಲ, 7 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್.

ಪರಿಷ್ಕೃತ ಬೆಂಝ್ ಬಿ ಕ್ಲಾಸ್ ಕಾರಿನ ಹೊರಮೈ ಹಾಗೂ ಒಳಮೈಯಲ್ಲಿ ಬದಲಾವಣೆ ಕಂಡುಬರಲಿದೆ. ಇದರಲ್ಲಿ ಎಲ್‌ಇಡಿ ಡೈ ಟೈಮ್ ರನ್ನಿಂಗ್ ಲೈಟ್ಸ್ ಕೂಡಾ ಇರಲಿದೆ.