ಗರಡಿಯಲ್ಲಿ ಪಳಗುತ್ತಿರುವ ಮಾರುತಿ ಸಿಯಾಝ್ ಪ್ರತಿಸ್ಪರ್ಧಿ ಟೊಯೊಟಾ ವೈಯೊಸ್

Four Wheelers

oi-Nagaraja

By Nagaraja

Published: Saturday, February 14, 2015, 11:07 [IST]

ಜಪಾನ್ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟೊಯೊಟಾ ಮಗದೊಂದು ಅತ್ಯಾಕರ್ಷಕ ಕಾರನ್ನು ದೇಶದಲ್ಲಿ ಬಿಡುಗಡೆಯಾಗಲಿದೆ. ವರದಿಗಳ ಪ್ರಕಾರ ಟೊಯೊಟಾ ವೈಯೊಸ್ ಸೆಡಾನ್ ಕಾರು ಭಾರತಕ್ಕೆ ಯಾವುದೇ ಕ್ಷಣವಾದರೂ ಎಂಟ್ರಿ ಕೊಡಲಿದೆ.

ಈ ಸಂಬಂಧ ಸಂಸ್ಥೆಯು ಹೊಸ ಕಾರಿನ ಟೆಸ್ಟಿಂಗ್ ಪ್ರಕ್ರಿಯೆಯನ್ನು ಈಗಾಗಲೇ ಆರಂಭಿಸಿದೆ. ವಿಶೇಷವೆಂದರೆ ಬೆಂಗಳೂರಿನಲ್ಲೇ ಹೊಸ ಕಾರಿನ ಟೆಸ್ಟಿಂಗ್ ಹಮ್ಮಿಕೊಳ್ಳಲಾಗಿದೆ.

ಥೈಲಾಂಡ್, ಮಲೇಷ್ಯಾ ಹಾಗೂ ಇಂಡೋನೇಷ್ಯಾಗಳಂತಹ ರಾಷ್ಟ್ರಗಳಲ್ಲಿ ತನ್ನ ಸಾನಿಧ್ಯ ವ್ಯಕ್ತಪಡಿಸಿರುವ ವೈಯೊಸ್ 2015 ವರ್ಷಾಂತ್ಯದಲ್ಲಿ ಅಥವಾ 2016 ವರ್ಷಾರಂಭದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಸ್ಥಳೀಯವಾಗಿ ನಿರ್ಮಾಣ ಮಾಡುವ ಮೂಲಕ ಹೊಸ ಕಾರನ್ನು ಸ್ಪರ್ಧಾತ್ಮಕ ಬೆಲೆಗಳಲ್ಲಿ ಬಿಡುಗಡೆ ಮಾಡುವುದು ಸಂಸ್ಥೆಯ ಉದ್ದೇಶವಾಗಿದೆ. ಇದು ಏಳರಿಂದ 10 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಪೆಟ್ರೋಲ್ ಜೊತೆಗೆ ಡೀಸೆಲ್ ವೆರಿಯಂಟ್‌ಗಳಲ್ಲಿ ಹೊಸ ಕಾರು ಆಗಮನವಾಗಲಿದೆ. ಇದು 1.4 ಲೀಟರ್ ಫೋರ್ ಸಿಲಿಂಡರ್ ಡೀಸೆಲ್ ಎಂಜಿನ್ ಪಡೆಯಲಿದ್ದು, 67.04 ಅಶ್ವಶಕ್ತಿ (170 ತಿರುಗುಬಲ) ಉತ್ಪಾದಿಸಲಿದೆ. ಹಾಗೆಯೇ 1.5 ಲೀಟರ್ ಫೋರ್ ಸಿಲಿಂಡರ್ ಪೆಟ್ರೋಲ್ ಎಂಜಿನ್ 107.4 ಅಶ್ವಶಕ್ತಿ (141 ತಿರುಗುಬಲ) ಉತ್ಪಾದಿಸಲಿದೆ.

ಭಾರತದಲ್ಲಿ ಟೊಯೊಟಾದ ಹೊಸ ಕಾರು ಮಾರುತಿ ಸುಜುಕಿ ಸಿಯಾಝ್, ಹ್ಯುಂಡೈ ವೆರ್ನಾ, ಫೋಕ್ಸ್ ವ್ಯಾಗನ್ ವೆಂಟೊ ಹಾಗೂಗಳಂತಹ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.