Just In
- 5 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 6 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 7 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 7 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾಯುವಿಕೆಗೆ ಅಂತ್ಯ; ಹೋಂಡಾ ಬಿಆರ್ವಿ ಮಿನಿ ಎಸ್ಯುವಿ ಎಂಟ್ರಿ
ವಾಹನ ಪ್ರೇಮಿಗಳ ಕಾಯುವಿಕೆಗೆ ವಿರಾಮ ಹಾಡಿರುವ ಅತಿ ನೂತನ ಹೋಂಡಾ ಬಿಆರ್ ವಿ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನವು ಭಾರತ ವಾಹನ ಮಾರುಕಟ್ಟೆಗೆ ಭರ್ಜರಿ ಎಂಟ್ರಿ ಕೊಟ್ಟಿದೆ.
ಆರಂಭಿಕ
ಬೆಲೆ
(ಎಕ್ಸ್
ಶೋ
ರೂಂ
ದೆಹಲಿ)
ಪೆಟ್ರೋಲ್:
8.75
ಲಕ್ಷ
ರು.
ಡೀಸೆಲ್:
9.9
ಲಕ್ಷ
ರು.
ವಿಶ್ವಾಸಾರ್ಹ
ಕಾರು
ಉತ್ಪನ್ನಗಳನ್ನು
ಭಾರತೀಯ
ಮಾರುಕಟ್ಟೆಗೆ
ಪರಿಚಯಿಸಿರುವ
ಹೋಂಡಾ
ಈಗ
ಎಂಟ್ರಿ
ಲೆವೆಲ್
ಕ್ರೀಡಾ
ಬಳಕೆಯ
ವಾಹನ
ವಿಭಾಗಕ್ಕೂ
ಎಂಟ್ರಿ
ಕೊಡುವ
ಮೂಲಕ
ಮೋಡಿ
ಮಾಡಿದೆ.
ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)
ಪೆಟ್ರೋಲ್
- ಹೋಂಡಾ ಬಿಆರ್-ವಿ ಇ: 8.75 ಲಕ್ಷ ರು.
- ಹೋಂಡಾ ಬಿಆರ್-ವಿ ಎಸ್: 9.9 ಲಕ್ಷ ರು.
- ಹೋಂಡಾ ಬಿಆರ್-ವಿ ವಿ: 10.9 ಲಕ್ಷ ರು.
- ಹೋಂಡಾ ಬಿಆರ್-ವಿ ವಿಎಕ್ಸ್: 11.84 ಲಕ್ಷ ರು.
- ಹೋಂಡಾ ಬಿಆರ್-ವಿ ವಿ ಸಿವಿಟಿ: 11.99 ಲಕ್ಷ ರು.
- ಹೋಂಡಾ ಬಿಆರ್-ವಿ ಇ: 9.9 ಲಕ್ಷ ರು.
- ಹೋಂಡಾ ಬಿಆರ್-ವಿ ಎಸ್: 10.99 ಲಕ್ಷ ರು.
- ಹೋಂಡಾ ಬಿಆರ್-ವಿ ವಿ: 11.85 ಲಕ್ಷ ರು.
- ಹೋಂಡಾ ಬಿಆರ್-ವಿ ವಿಎಕ್ಸ್: 12.9 ಲಕ್ಷ ರು.
- ಪೆಟ್ರೋಲ್: 15.4 ಕೀ.ಮೀ.
- ಡೀಸೆಲ್: 21.9 ಕೀ.ಮೀ.
- ಉದ್ದ: 4456
- ಅಗಲ: 1735
- ಎತ್ತರ: 1666
- ಚಕ್ರಾಂತರ: 2662
- ಕಾರ್ನೆಲಿಯನ್ ರೆಡ್ ಪಿಯರ್ಲ್,
- ವೈಟ್ ಓರ್ಕಿಡ್ ಪಿಯರ್ಲ್,
- ಅಲಬಾಸ್ಟರ್ ಸಿಲ್ವರ್ ಮೆಟ್ಯಾಲಿಕ್,
- ಗೋಲ್ಡನ್ ಬ್ರೌನ್ ಮೆಟ್ಯಾಲಿಕ್,
- ಅರ್ಬನ್ ಟೈಟಾನಿಯಂ ಮೆಟ್ಯಾಲಿಕ್,
- ಅಲಬಾಸ್ಟರ್ ಸಿಲ್ವರ್ ಮೆಟ್ಯಾಲಿಕ್,
- ಟಫೆಟಾ ವೈಟ್
ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)
ಡೀಸೆಲ್
ಹೋಂಡಾ ಬಿಆರ್-ವಿ ಪೂರ್ಣರೂಪ
ಅತಿ ನೂತನ ಹೋಂಡಾ ಬಿಆರ್-ವಿ ಪೂರ್ಣರೂಪ ಬೋಲ್ಡ್ ರನ್ಎಬೌಟ್ ವೆಹಿಕಲ್ (Bold Runabout Vehicle) ಎಂದಾಗಿದೆ. ಇದನ್ನು ಸಂಕ್ಷಿಪ್ತವಾಗಿ ಬಿಆರ್-ವಿ ಎಂದು ಉಚ್ಚರಿಸಲಾಗುತ್ತಿದೆ.
ದೃಢವಾದ ನಿಲುವು, ಅತ್ಯುತ್ತಮ ಗ್ರೌಂಡ್ ಕ್ಲಿಯರನ್ಸ್, ಪವರ್ ಫುಲ್ ನಿರ್ವಹಣೆ, ನಿಖರವಾದ ಮೈಲೇಜ್ ಮತ್ತು ಮೂರು ಸಾಲಿನ ಆಸನ ವ್ಯವಸ್ಥೆಯೊಂದಿಗೆ ಪ್ರೀಮಿಯಂ ಒಳಮೈ ವೈಶಿಷ್ಟ್ಯಗಳಿಗೆ ಆದ್ಯತೆ ಕೊಡಲಾಗಿದೆ.
ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ನೂತನ ಹೋಂಡಾ ಬಿಆರ್-ವಿ ಲಭ್ಯವಾಗಲಿದೆ. ಇದು 16 ವಾಲ್ವ್, 4 ಸಿಲಿಂಡರ್ 1.5 ಲೀಟರ್ ಐ-ವಿಟೆಕ್ ಪೆಟ್ರೋಲ್ ಎಂಜಿನ್ ಮತ್ತು 1.5 ಲೀಟರ್ ಐ-ಡಿಟೆಕ್ ಡೀಸಲ್ ಎಂಜಿನ್ ಪಡೆದುಕೊಂಡಿದೆ.
ಪೆಟ್ರೋಲ್ ಆವೃತ್ತಿಯು ಆರು ಸ್ಪೀಡ್ ಮ್ಯಾನುವಲ್ ಜೊತೆಗೆ ಫಸ್ಟ್ ಇನ್ ಕ್ಲಾಸ್ ಸಿವಿಟಿ ಗೇರ್ (Continuously Variable Transmission) ಬಾಕ್ಸ್ ಆಯ್ಕೆಯನ್ನು ಕೊಡಲಾಗುತ್ತಿದೆ. ಅದೇ ಹೊತ್ತಿಗೆ ಅರ್ಥ್ ಡ್ರೀಮ್ ತಂತ್ರಜ್ಞಾನ ಶ್ರೇಣಿಯ ಆರು ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಬಳಕೆಯಾಗಲಿದೆ.
ಅಷ್ಟೇ ಯಾಕೆ ಇದೇ ಮೊದಲ ಬಾರಿಗೆ ಈ ಸೆಗ್ಮೆಂಟ್ ನಲ್ಲಿ ಆಟೋಮ್ಯಾಟಿಕ್ ಸಿವಿಟಿ ವೆರಿಯಂಟ್ ನಲ್ಲಿ ಕ್ರೀಡಾ ಕಾರಿನಿಂದ ಸ್ಪೂರ್ತಿ ಪಡೆದ ಪೆಡಲ್ ಶಿಫ್ಟ್ (paddle shift) ವ್ಯವಸ್ಥೆಯನ್ನು ಕೊಡಲಾಗುತ್ತಿದೆ. ಇದು ಚಾಲಕರಿಗೆ ಮ್ಯಾನುವಲ್ ಕಾರು ಚಾಲನೆ ಮಾಡಿದಷ್ಟೇ ಖುಷಿ ಕೊಡಲಿದೆ.
ಸುರಕ್ಷತೆಗೂ ಗರಿಷ್ಠ ಆದ್ಯತೆ ಕೊಡಲಾಗಿದ್ದು, ಎಲ್ಲ ವೆರಿಯಂಟ್ ಗಳಲ್ಲೂ ಡ್ಯುಯಲ್ ಎಸ್ ಆರ್ ಎಸ್ ಏರ್ ಬ್ಯಾಗ್ ಸ್ಟ್ಯಾಂಡರ್ಡ್ ಆಗಿ ಕೊಡಲಾಗಿದೆ. ಇದರ ಜೊತೆಗೆ ಅನೇಕ ಆಕ್ಟಿವ್ ಮತ್ತು ಪ್ಯಾಸಿವ್ ಭದ್ರತಾ ವ್ಯವಸ್ಥೆಗಳನ್ನು ಒಳಗೊಂಡಿರಲಿದೆ.
ನೂತನ ಹೋಂಡಾ ಬಿಆರ್ ವಿಯಲ್ಲಿರುವ 1.5 ಲೀಟರ್ ಐ-ವಿಟೆಕ್ ಪೆಟ್ರೋಲ್ ಎಂಜಿನ್ 145 ಎನ್ ಎಂ ತಿರುಗುಬಲದಲ್ಲಿ (4600 ಆರ್ ಪಿಎಂ) 119 ಅಶ್ವಶಕ್ತಿಯನ್ನು (6600 ಆರ್ ಪಿಎಂ) ಉತ್ಪಾದಿಸಲಿದೆ.
ಅದೇ ರೀತಿ 1.5 ಲೀಟರ್ ಐ-ಡಿಟೆಕ್ ಡೀಸೆಲ್ ಎಂಜಿನ್ 200 ಎನ್ ಎಂ ತಿರುಗುಬಲದಲ್ಲಿ (1750 ಆರ್ ಪಿಎಂ) 100 ಅಶ್ವಶಕ್ತಿಯನ್ನು (3600 ಆರ್ ಪಿಎಂ) ಉತ್ಪಾದಿಸಲಿದೆ.
ಮೈಲೇಜ್
ಹೊರಮೈ
ಮುಂಭಾಗದಲ್ಲಿ ಅಗಲವಾದ ರಸ್ತೆ ಸಾನಿಧ್ಯ, ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್, ಫ್ರಂಟ್ ಗ್ರಿಲ್ ವಿನ್ಯಾಸ ಮತ್ತು ಎಲ್ ಇಡಿ ಪೊಸಿಷನ್ ಲ್ಯಾಂಪ್ ಗಳ ಸೇವೆಯಿರಲಿದೆ.
ಮೇಲ್ಬಾಗದಲ್ಲಿ ರೂಫ್ ರೈಲ್ ಕಾರಿಗೆ ಕ್ರೀಡಾತ್ಮಕ ನಿಲುವು ತುಂಬಲಿದೆ. ಮತ್ತಷ್ಟು ಪ್ರೀಮಿಯಂ ಸ್ಪರ್ಶ ನೀಡುವುದಕ್ಕಾಗಿ ಹಿಂಬದಿಯಲ್ಲಿ ಕನೆಕ್ಟಡ್ ಟೈಲ್ ಲೈಟ್ ಡಿಸೈನ್ ಜೊತೆ ಎಲ್ ಇಡಿ ಗೈಡ್ ಲ್ಯಾಂಪ್ ಕೊಡಲಾಗಿದೆ.
ಇವೆಲ್ಲದರ ಹೊರತಾಗಿ ದೇಶದ ಯಾವುದೇ ರಸ್ತೆ ಪರಿಸ್ಥಿತಿಗೆ ಹೊಂದಿಕೆಯಾಗುವ ರೀತಿಯಲ್ಲಿ ಎಲ್ಲ ಹೊಸತನದ 16 ಇಂಚುಗಳ ಅಲಾಯ್ ಚಕ್ರಗಳನ್ನು ಒದಗಿಸಲಾಗಿದೆ.
ಒಳಮೈ
ಕಾರಿನೊಳಗೆ ಸ್ಪೋರ್ಟಿ ಆಲ್ ಬ್ಲ್ಯಾಕ್ ಕಲರ್ ಥೀಮ್ ಗೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಭವಿಷ್ಯತ್ತಿನ ಡ್ಯಾಶ್ ಬೋರ್ಡ್ ವಿನ್ಯಾಸ, ಉನ್ನತ ಗುಣಮಟ್ಟದ ಉಪಕರಣ, ಆರಾಮದಾಯಕ ಮತ್ತು ಹೆಚ್ಚು ಸ್ಥಳಾವಕಾಶಯುಕ್ತ ಮೂರು ಸಾಲುಗಳ ಆಸನ ವ್ಯವಸ್ಥೆಯಿರಲಿದೆ.
ಪ್ರೀಮಿಯಂ ಒಳಮೈಗೆ ಮತ್ತಷ್ಟು ಮೆರಗನ್ನು ತುಂಬುವನ ನಿಟ್ಟಿನಲ್ಲಿ ಸಿಲ್ವರ್ ಆಸೆಂಟ್, ಕೂಲ್ ಮೆಶ್ ಡಿಸೈನ್, ಮತ್ತು ಇನ್ಸ್ಟ್ರುಮೆಂಟ್ ಪ್ಯಾನಲ್ ನಲ್ಲಿ ಪಿಯಾನೊ ಬ್ಲ್ಯಾಕ್ ಫಿನಿಶ್ ಕೊಡಲಾಗಿದೆ.
ಬಹು ಮಾಹಿತಿ ಪರದೆಯ ಜೊತೆ ತ್ರಿಡಿ ಸ್ಪೀಡೋಮೀಟರ್ ಕಾರಿಗೆ ಕ್ರೀಡಾತ್ಮಕ ಅನುಭವ ನೀಡಲಿದೆ.
ಇನ್ನುಳಿದಂತೆ ಬಹು ಪರದೆಯ ಲೆಥರ್ ಹೋದಿಕೆಯ ಸೀಟು, ಲೆಥರ್ ಹೋದಿಕೆಯ ಸ್ಟೀರಿಂಗ್ ವೀಲ್, ಲೆಥರ್ ಗೇರ್ ನಾಬ್, ಲೆಥರ್ ಡೋರ್ ಆರ್ಮ್ ರೆಸ್ಟ್ ಮತ್ತಷ್ಟು ಆಕರ್ಷಣೆಯನ್ನು ತುಂಬಲಿದೆ.
ತಂತ್ರಜ್ಞಾನ
ಪುಶ್ ಬಟನ್ ಸ್ಟ್ಯಾರ್ಟ್ ಜೊತೆ ಸ್ಮಾರ್ಟ್ ಎಂಟ್ರಿ, ಇಂಟೇಗ್ರೇಟಡ್ ಬ್ಲೂಟೂತ್ ಆಡಿಯೋ ಸಿಸ್ಟಂ ಜೊತೆ ಹ್ಯಾಂಡ್ಸ್ ಫ್ರಿ ಟೆಲಿಫೋನ್ (ಎಚ್ಎಫ್ ಟಿ), ಆಡಿಯೋಗಾಗಿ ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್, ಆಟೋಮ್ಯಾಟಿಕ್ ಎಸಿ, ವಿದ್ಯುನ್ಮಾನವಾಗಿ ಹೊಂದಾಣಿಸಬಹುದಾದ ಹೊರಗಡೆಯ ರಿಯರ್ ವ್ಯೂ ಮಿರರ್ ಮುಂತಾದ ವೈಶಿಷ್ಟ್ಯಗಳಿರಲಿದೆ.
ಬಹು ಮಾಹಿತಿ ಪರದೆ (ಎಂಐಡಿ)
ಬಹು ಮಾಹಿತಿ ಪರದೆಯ ಸಹಾಯದಿಂದ ಚಾಲನೆ ವೇಳೆಯಲ್ಲೇ ಚಾಲನಾ ದೂರ, ಸರಾಸರಿ ಇಂಧನ ಕ್ಷಮತೆ, ತಾಪಮಾನ ಮತ್ತು ಸಮಯ ಮುಂತಾದ ಅಗತ್ಯ ಮಾಹಿತಿಗಳನ್ನು ಒದಗಿಸಲಿದೆ. ಇಕೊ ಲ್ಯಾಂಪ್ ನೆರವಿನಿಂದ ಇಂಧನ ಕ್ಷಮತೆಯ ಬಗ್ಗೆ ಮಾಹಿತಿ ದೊರಕಲಿದೆ.
ಮ್ಯಾನ್ ಮ್ಯಾಕ್ಸಿಮಮ್ ಮೆಷಿನ್ ಮಿನಿಮಮ್ ಕಾನ್ಸೆಪ್ಟ್ ತಳಹದಿಯಲ್ಲಿ ಹೋಂಡಾ ಬಿಆರ್ ವಿ ನಿರ್ಮಿಸಲಾಗಿದೆ. ಇದರಂತೆ ಗರಿಷ್ಠ ಹೆಡ್ ರೂಂ, ಲೆಗ್ ರೂಂ ಮತ್ತು ಮೊಣಕಾಲು ಸ್ಥಳಾವಕಾಶವನ್ನು ಕೊಡಲಾಗಿದೆ.
ಆಯಾಮ (ಎಂಎಂ)
ಎರಡನೇ ಸಾಲಿನಲ್ಲಿರುವ 60:40 ಅನುಪಾತದ ವಿಭಜಿತ ಸೀಟುಗಳು ಸ್ಲೈಡ್ ಮತ್ತು ಒರಗಲು ನೆರವಾಗಲಿದೆ. ಅಂತೆಯೇ ಮೂರನೇ ಸಾಲಿನಲ್ಲಿ 50:50 ವಿಭಜಿತ ಮಡಚಬಹುದಾದ ಸೀಟು ಆಯ್ಕೆಯನ್ನು ಕೊಡಲಾಗಿದೆ.
223 ಲೀಟರ್ ಡಿಕ್ಕಿ ಜಾಗವನ್ನು ಹೊಂದಿರುವ ಹೋಂಡಾ ಬಿಆರ್-ವಿ ಮೂರನೇ ಸಾಲಿನ ಸೀಟನ್ನು ಮಡಚಿದಾಗ 691 ಲೀಟರ್ ಗಳಷ್ಟು ಲಗ್ಗೇಜ್ ಜಾಗವನ್ನು ಪಡೆಯಲಿದೆ.
ಎರಡನೇ ಸಾಲಿನ ಸೀಟಿನಲ್ಲಿರುವ ಒನ್ ಟಚ್ ಟಂಬಲ್ ವ್ಯವಸ್ಥೆಯ ಮೂಲಕ ಮೂರನೇ ಸಾಲಿಗೆ ಹೋಗಲು ಮತ್ತು ಹೊರಬರಲು ಸುಲಭವಾಗಿ ನಿರ್ವಹಿಸಬಹುದಾಗಿದೆ.
ಇವೆಲ್ಲದರ ಹೊರತಾಗಿ ಎಲ್ಲ ಮೂರು ಸಾಲಿನಲ್ಲೂ ಹೊಂದಾಣಿಸಬಹುದಾದ ಹೆಡ್ ರೆಸ್ಟ್ ಕೊಡಲಾಗುತ್ತಿದೆ. ಹಿಂಬದಿಯಲ್ಲಿ ರೂಫ್ ಮೌಂಟೆಡ್ ಎಸಿ ಸೇವೆಯು ಇರಲಿದೆ.
ಹೋಂಡಾ ಬಿಆರ್-ವಿ ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಗಳು ಅನುಕ್ರಮವಾಗಿ 5.3 ಮತ್ತು 5.5 ಮೀಟರ್ ಗಳಷ್ಟು ಟರ್ನಿಂಗ್ ರೇಡಿಯಸ್ ಕಾಪಾಡಿಕೊಂಡಿದೆ. ಈ ಮುಖಾಂತರ ನಗರ ಪ್ರದೇಶದ ಚಾಲನೆಗೂ ಸೂಕ್ತವೆನಿಸಲಿದೆ.
ಹೋಂಡಾ ಬಿಆರ್ ವಿನಲ್ಲಿರುವ ಸುರಕ್ಷಿತ ದೇಹ ಸಂರಚನೆಯು (Advanced Compatibility Engineering) ಅತ್ಯುತ್ತಮ ರಕ್ಷಣೆಯನ್ನು ಒದಗಿಸಲಿದೆ. ಇನ್ನು ಮುಖ್ಯ ಭಾಗಗಳಲ್ಲಿ ಅಧಿಕ ಕರ್ಷಕ ಸ್ಟೀಲ್ ಬಳಕೆ ಮಾಡಲಾಗಿದೆ.
ಎಲ್ಲ ವೆರಿಯಂಟ್ ಗಳಲ್ಲೂ ಫ್ರಂಟ್ ಡ್ಯುಯಲ್ ಎಸ್ ಆರ್ ಎಸ್ ಏರ್ ಬ್ಯಾಗ್ ಮತ್ತು ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ, ಎಲೆಕ್ಟ್ರಾನಿಕ್ ಬ್ರೇಕ್ ಫೋರ್ಸ್ ಡಿಸ್ಟ್ರಿಬ್ಯೂಷನ್, ಪ್ರಿಟೆನ್ಷನರ್ ಸೀಟ್ ಬೆಲ್ ಜೊತೆ ಲೋಡ್ ಲಿಮಿಟರ್ ಸೇವೆಗಳಿರಲಿದೆ. ಎಲ್ಲ ಡೀಸೆಲ್ ವೆರಿಯಂಟ್ ಗಳಲ್ಲೂ ಎಬಿಎಸ್ ಮತ್ತು ಇಬಿಡಿ ಸ್ಟ್ಯಾಂಡರ್ಡ್ ಆಗಿ ಒದಗಿಸಲಾಗುವುದು.
ಅಂದ ಹಾಗೆ ನಾಲ್ಕು ವೆರಿಯಂಟ್ ಗಳಲ್ಲಿ ಹೋಂಡಾ ಬಿಆರ್ ವಿ ಲಭ್ಯವಾಗಲಿದೆ. ಅವುಗಳೆಂದರೆ ಇ, ಎಸ್, ವಿ ಮತ್ತು ವಿಎಕ್ಸ್. ಇವುಗಳ ಪೈಕಿ ಸಿವಿಟಿ ಆಯ್ಕೆಯೂ ಪೆಟ್ರೋಲ್ ವಿ ವೆರಿಯಂಟ್ ನಲ್ಲಿ ದೊರಕಲಿದೆ.
ಆರು ಆಕರ್ಷಕ ಬಣ್ಣಗಳು
ನೂತನ ಬಿಆರ್ ವಿ ಕಾರಿಗೆ ಮೂರು ವರ್ಷಗಳ ಅನಿಯಮಿತ ಕೀ.ಮೀ.ಗಳ ವಾರಂಟಿ ಮತ್ತು ಎರಡು ವರ್ಷಗಳ ಐಚ್ಛಿಕ ವರ್ಧಿತ ವಾರಂಟಿ ಸೇವೆಯನ್ನು ಹೋಂಡಾ ಸಂಸ್ಥೆ ನೀಡುತ್ತಿದೆ.