ಇನ್ನೋವಾ ಕ್ರೈಸ್ಟಾ ಸಾಲಿಗೆ ಬರುತ್ತಿದೆ ಮಗದೊಂದು ಸಾರಥಿ 'ವೆಂಚ್ಯುರರ್'

ಬಲ್ಲ ಮೂಲಗಳ ಪ್ರಕಾರ ಟೊಯೊಟಾ ಇನ್ನೋವಾ ಕ್ರೈಸ್ಟಾ ಮಗದೊಂದು ಟಾಪ್ ಎಂಡ್ ವೆರಿಯಂಟ್ ಗಿಟ್ಟಿಸಿಕೊಳ್ಳಲಿದೆ. ಇದು 'ನ್ಯೂ ವೆಂಚ್ಯುರರ್' ಎಂದು ಹೆಸರಿಸಿಕೊಳ್ಳಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಟೊಯೊಟಾ ಇನ್ನೋವಾ ವೆಂಚ್ಯುರರ್ ಲಭ್ಯವಾಗಲಿದೆ.

ಪ್ರಸ್ತುತ ಟೊಯೊಟಾ ಇನ್ನೋವಾ ವೆಂಚ್ಯುರರ್ ರಹಸ್ಯ ಚಿತ್ರಗಳು ನೆರೆಯ ಇಂಡೋನೇಷ್ಯಾದಲ್ಲಿ ಲೀಕ್ ಆಗಿದ್ದು, ಮುಂದಿನ ದಿನಗಳಲ್ಲಿ ಭಾರತಕ್ಕೂ ಕಾಲಿಡಲಿದೆ.

ಇಲ್ಲಿನ ಚಿತ್ರಗಳು ಸಾರುತ್ತಿರುವಂತೆಯೇ ಹೊಸ ಇನ್ನೋವಾ ವೆಂಚ್ಯುರರ್ ಹೊರಮೈಗೆ ವಿಶೇಷ ಕೆಂಪು ಬಣ್ಣವನ್ನು ಬಳಿಯಲಾಗಿದೆ. ಇದು ವಿಶಿಷ್ಟ ದೇಹ ಶೈಲಿಯನ್ನು ಕಾಪಾಡಿಕೊಂಡಿದೆ.

ಇನ್ನು ಕ್ರೋಮ್ ಸ್ಪರ್ಶವನ್ನು ಕೊಡಲಾಗಿದೆ. ಫಾಗ್ ಲ್ಯಾಂಪ್ ಸಹ ವಿಶೇಷ ಆಕರ್ಷಣೆಯನ್ನು ಪಡೆದಿದೆ.

ಅಂತೆಯೇ ಸ್ಟ್ಯಾಂಡರ್ಡ್ ವೆರಿಯಂಟ್ ಗಿಂತಲೂ ವಿಭಿನ್ನವಾದ ಬೂದು ವರ್ಣದ ಅಲಾಯ್ ಚಕ್ರ ಮತ್ತು ವಿನ್ಯಾಸವನ್ನು ಗಿಟ್ಟಿಸಿಕೊಂಡಿದೆ.

ಕಾರಿನೊಳಗೆ ಡ್ಯುಯಲ್ ಟೋನ್ ಸೀಟು ಮತ್ತು ಈಗಿನ ಮಾದರಿಗಿಂತಲೂ ಹೆಚ್ಚು ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಪಡೆಯಲಿದೆ.

ಅಂದ ಹಾಗೆ ಮೊದಲು ಇಂಡೋನೇಷ್ಯಾ ಮಾರುಕಟ್ಟೆಯನ್ನು ತಲುಪಲಿರುವ ಟೊಯೊಟಾ ಇನ್ನೋವಾ ವೆಂಚ್ಯುರರ್ ತದಾ ಬಳಿಕ ಭಾರತದತ್ತ ಹೆಜ್ಜೆಯನ್ನಿಡಲಿದೆ.