ಹೊಸ 2017 ಫೇಸ್‌ಲಿಫ್ಟ್ ಒಕ್ಟಾವಿಯಾ ಬಿಡುಗಡೆ ದಿನಾಂಕ ನಿಗದಿಪಡಿಸಿದ ಸ್ಕೋಡಾ

ಜುಲೈ ಮಧ್ಯದಲ್ಲಿ ಈ ಹೊಸ ಒಕ್ಟಾವಿಯಾ ಫೇಸ್‌ಲಿಫ್ಟ್ ಕಾರನ್ನು ಭಾರತದಲ್ಲಿ ಪ್ರಾರಂಭಿಸಲಾಗುವುದು ಎಂದು ಸ್ಕೋಡಾ ಸಂಸ್ಥೆ ದೃಢಪಡಿಸಿದೆ.

By Girish

Published: Friday, June 9, 2017, 15:24 [IST]

ಹಲವು ಬಾರಿ ರಹಸ್ಯ ಚಿತ್ರಗಳ ಬಿಡುಗಡೆಗೊಂಡು ಈಗಾಗಲೇ ಹೆಚ್ಚು ಗಮನ ಸೆಳೆದಿರುವ ಹೊಸ 2017 ಸ್ಕೋಡಾ ಒಕ್ಟಾವಿಯಾ ಫೇಸ್ ಲಿಫ್ಟ್ ಕಾರಿನ ಬಿಡುಗಡೆ ದಿನಾಂಕದ ಬಗ್ಗೆ ಸಂಸ್ಥೆ ಸುಳಿವು ನೀಡಿದೆ.

ಹೊಸ 2017 ಫೇಸ್‌ಲಿಫ್ಟ್ ಒಕ್ಟಾವಿಯಾ ಬಿಡುಗಡೆ ದಿನಾಂಕ ನಿಗದಿಪಡಿಸಿದ ಸ್ಕೋಡಾ

ಜುಲೈ ಮಧ್ಯದಲ್ಲಿ ಈ ಹೊಸ ಒಕ್ಟಾವಿಯಾ ಫೇಸ್‌ಲಿಫ್ಟ್ ಕಾರನ್ನು ಭಾರತದಲ್ಲಿ ಪ್ರಾರಂಭಿಸಲಾಗುವುದು ಎಂದು ಸ್ಕೋಡಾ ಸಂಸ್ಥೆ ದೃಢಪಡಿಸಿದೆ. ಈ ಹಿಂದಿನ ಮಾದರಿಯ ಕಾರಿಗೆ ಫೇಸ್ ಲಿಫ್ಟ್ ಅಂಶಗಳನ್ನು ಅಳವಡಿಸಿ ಹೆಚ್ಚು ಅಂದಗೊಳಿಸಲಾಗಿದೆ.

ಹೊಸ ಸ್ಕೋಡಾ ಒಕ್ಟಾವಿಯಾ ಹೊರಭಾಗದಲ್ಲಿ ಮತ್ತು ಒಳಭಾಗದಲ್ಲಿ ಕಾಸ್ಮೆಟಿಕ್ ನವೀಕರಣಗಳನ್ನು ಪಡೆಯಲಿದೆ ಎನ್ನಲಾಗಿದ್ದು, ಬಿಡುಗಡೆಯ ನಂತರ ಹೆಚ್ಚು ವಿಚಾರಗಳು ತಿಳಿಯಲಿವೆ.

ಗಮನಾರ್ಹ ಬದಲಾವಣೆಗಳೆಂದರೆ, ಹೊಸ ಮುಂಭಾಗದ ಗ್ರಿಲ್ ಪಡೆದಿರುವ ಈ ಕಾರು, ನವೀನ ರೀತಿಯಲ್ಲಿ ವಿನ್ಯಾಸಗೊಳಿಸಲಾದ ವಿಭಾಗ ಮಾಡಲಾದ ಹೆಡ್ ಲ್ಯಾಂಪ್‌ಗಳನ್ನು ಹೊಂದಿದೆ.

ಒಳಗಡೆ, ಹೊಸ ಸ್ಕೋಡಾ ಒಕ್ಟಾವಿಯಾ ಫೇಸ್‌ಲಿಫ್ಟ್ ಕಾರಿನಲ್ಲಿ ಎಲ್ಇಡಿ ದೀಪಗಳು, ಸ್ಮಾರ್ಟ್ ಫೋನ್ ಏಕೀಕರಣದೊಂದಿಗೆ ಹೊಸ 8-ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಇರಿಸಲಾಗಿದೆ.

ನವೀನ ಮಾದರಿಯ ಸ್ಕೋಡಾ ಒಕ್ಟಾವಿಯಾ ಫೇಸ್‌ಲಿಫ್ಟ್ 1.4-ಲೀಟರ್ ಮತ್ತು 1.8-ಲೀಟರ್ ಪೆಟ್ರೋಲ್ ಇಂಜಿನ್‌ಗಳನ್ನು ಹೊಂದಿದೆ ಮತ್ತು 2.0-ಲೀಟರ್ ಡೀಸೆಲ್ ಮೋಟಾರ್ ಅನ್ನು ಪ್ರಸ್ತುತ ಮಾದರಿಯಿಂದ ಉಳಿಸಿಕೊಳ್ಳುತ್ತದೆ.