ಬರಲಿದೆ ವಿನೂತನ ಫೋಕ್ಸ್‌ವ್ಯಾಗನ್ ಪೊಲೊ ಹ್ಯಾಚ್‌ಬ್ಯಾಕ್..!!

Written By:

ಮಧ್ಯಮ ವರ್ಗದ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿರುವ ಫೋಕ್ಸ್‌‌ವ್ಯಾಗನ್ ಮುಂಬರುವ ದಿನಗಳಲ್ಲಿ ವಿನೂತನ ಪೊಲೊ ಹ್ಯಾಚ್‌ಬ್ಯಾಕ್ ಮಾದರಿಯನ್ನು ಬಿಡುಗಡೆಗೊಳಿಸುತ್ತಿದ್ದು, ಹೊಸ ಕಾರಿನ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಜರ್ಮನ್ ಪ್ರತಿಷ್ಠಿತ ಕಾರು ಉತ್ಪಾದನಾ ಸಂಸ್ಥೆಯಾಗಿರುವ ಫೋಕ್ಸ್‌ವ್ಯಾಗನ್ 2017ರ ವಿನೂತನ ಹ್ಯಾಚ್‌ಬ್ಯಾಕ್ ಮಾದರಿಯೊಂದನ್ನು ಬಿಡುಗಡೆಗೊಳಿಸಲು ಸಜ್ಜುಗೊಂಡಿದ್ದು, ಇದಕ್ಕೂ ಮೊದಲು ಫ್ರಾಂಕ್‌ಫರ್ಟ್ ಆಟೋ ಎಕ್ಸ್‌ಪೋದಲ್ಲಿ ಹೊಸ ಪೊಲೊ ಮಾದರಿಯನ್ನು ಪ್ರದರ್ಶನ ಮಾಡಿದೆ.

ಬಿಡುಗಡೆಗೂ ಮುನ್ನವೇ ಸಾಮಾಜಿಕ ಜಾಲತಾಣಗಳಲ್ಲಿ ಹೊಸ ಪೊಲೊ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆದಿದ್ದು, ಭಾರತೀಯ ಮಾರುಕಟ್ಟೆಯಲ್ಲೂ ವರ್ಷದ ಅಂತ್ಯಕ್ಕೆ ಬಿಡುಗಡೆಯಾಗಲಿದೆ.

ಫೋಕ್ಸ್‌ವ್ಯಾಗನ್ ಹೊಸ ಕಾರು ಮಾದರಿಯು ಸ್ಪೋರ್ಟ್ ಲುಕ್ ಹೊಂದಿದ್ದು, ಪ್ರಸ್ತುತ ಮಾರುಕಟ್ಟೆಯಲ್ಲಿನ ಬೇಡಿಕೆ ತಕ್ಕಂತೆ ಸುಧಾರಿತ ತಂತ್ರಜ್ಞಾನಗಳೊಂದಿಗೆ ಅಭಿವೃದ್ದಿ ಹೊಂದಿದೆ.

ಪೆಟ್ರೋಲ್ ಮಾದರಿಯೂ 1-ಲೀಟರ್ ಮತ್ತು 1.5-ಲೀಟರ್ ಎಂಜಿನ್ ಹೊಂದಿರಲಿದ್ದು, ಡಿಸೇಲ್ ಮಾದರಿಯೂ 1.6-ಲೀಟರ್ ಎಂಜಿನ್ ಹೊಂದಿರಲಿದೆ.

ಇದರ ಜೊತೆಗೆ ಪವರ್ ಬ್ರ್ಯಾಂಡ್‌ವೊಂದನ್ನು ಪರಿಚಯಿಸುತ್ತಿರುವ ಫೋಕ್ಸ್‌ವ್ಯಾಗನ್ 2.0-ಲೀಟರ್ ಎಂಜಿನ್ ಹೊಂದಿರುವ ಜಿಟಿಐ ಕಾರು ಆವೃತ್ತಿಯೊಂದನ್ನು ಬಿಡುಗಡೆ ಮಾಡಲಿದೆ.

English summary
Read in Kannada about German automaker Volkswagen is all set to debut its 2017 Polo hatchback.
Please Wait while comments are loading...

Latest Photos