ಡಿಜೈರ್ ಸ್ಪರ್ಧಿ ಹೊಸ ಫೋರ್ಡ್ ಕಾರಿನ ಹೆಸರು ಏನು ಗೊತ್ತೇ?

2015ರಲ್ಲಿ ಹೊಸ ಪೀಳಿಗೆಯ ಫಿಗೊ ಬಿಡುಗಡೆ ಮಾಡುವುದು ಸಂಸ್ಥೆಯ ಇರಾದೆಯಾಗಿದೆ. ಇಕೊಸ್ಪೋರ್ಟ್‌ಗಳಂತಹ ಯಶಸ್ವಿ ಕಾಂಪಾಕ್ಟ್ ಎಸ್‌ಯುವಿ ಕಾರುಗಳನ್ನು ಭಾರತಕ್ಕೆ ಪರಿಚಯಿಸಿರುವ ಫೋರ್ಡ್ ಸೆಡಾನ್ ಕಾರಿನಲ್ಲೂ ಮೋಡಿ ಮಾಡುವ ನಿರೀಕ್ಷೆಯನ್ನಿಟ್ಟುಕೊಂಡಿದೆ.

ಸೆಡಾನ್ ಕಾರು ಮಾತ್ರವಲ್ಲದೆ ಇನ್ನಿತರ ಶ್ರೇಣಿಯ ವಾಹನಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡುವ ಯೋಜನೆಯನ್ನು ಫೋರ್ಡ್ ಹೊಂದಿದೆ. ಇದರಲ್ಲಿ ಆಸ್ಪೈರ್ ಹೊರತಾಗಿ ಎಲ್ಲ ಹೊಸತನದ ಎಂಡೀವರ್ ಎಸ್‌ಯುವಿ, ಮುಂದಿನ ಪೀಳಿಗೆಯ ಫಿಗೊ ಹ್ಯಾಚ್‌ಬ್ಯಾಕ್ ಪ್ರಮುಖವಾಗಿದೆ.

ವಿಶೇಷವೆಂದರೆ ಫೋರ್ಡ್ ಹೊಸ ಆಸ್ಪೈರ್ ಕಾರು ಕಾಂಪಾಕ್ಟ್ ಸೆಡಾನ್ ವಿಭಾಗದಲ್ಲಿ ಗುರುತಿಸಿಕೊಳ್ಳಲಿದೆ. ಭಾರತದಲ್ಲಿ ಕಾಂಪಾಕ್ಟ್ ಸೆಡಾನ್ ಕಾರುಗಳಿಗೆ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಫೋರ್ಡ್ ಆಗಮನವಾಗುವ ಇನ್ನಷ್ಟು ಪೈಪೋಟಿಗೆ ಕಾರಣವಾಗಲಿದೆ.

ಕಾಂಪಾಕ್ಟ್ ಸೆಡಾನ್ ವಿಭಾಗದಲ್ಲಿ ಈಗಾಗಲೇ ಮಾರುತಿ ಸ್ವಿಫ್ಟ್ ಡಿಜೈರ್, ಹ್ಯುಂಡೈ ಎಕ್ಸ್‌ಸೆಂಟ್, ಹೋಂಡಾ ಅಮೇಜ್ ಹಾಗೂ ಟಾಟಾ ಜೆಸ್ಟ್ ಮಾದರಿಗಳು ಉತ್ತಮ ಮಾರಾಟ ಕಂಡುಕೊಳ್ಳುತ್ತಿದೆ. ಹಾಗಿರುವಾಗ ಫೋರ್ಡ್ ಹೇಗೆ ಚಮತ್ಕಾರ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.

ಹೊಸ ಆಸ್ಪೈರ್ ಕಾರಿನಲ್ಲಿ ಹ್ಯಾಚ್‌ಬ್ಯಾಕ್‌ನಲ್ಲಿರುವುದಕ್ಕೆ ಸಮಾನವಾದ ಎಂಜಿನ್ ಬಳಕೆಯಾಗುವ ಸಾಧ್ಯತೆಯಿದೆ. ಹಾಗಿದ್ದರೂ ಸೌಲಭ್ಯ ಹಾಗೂ ಸುರಕ್ಷತೆಯ ವಿಚಾರಕ್ಕೆ ಬಂದಾಗ ಬದಲಾವಣೆ ಕಂಡುಬರಲಿದೆ.