Just In
- 1 hr ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 2 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 2 hrs ago Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
- 3 hrs ago ಹೊಸ ಜೀಪ್ ರಾಂಗ್ಲರ್ ಸಂಪೂರ್ಣ ರಿವ್ಯೂ ವಿಡಿಯೋ: ಆಫ್ರೋಡ್ನಲ್ಲಿ ಇದನ್ನು ಮೀರಿಸುವವರಿಲ್ಲ!
Don't Miss!
- News ಬೆಂಗಳೂರು ಗ್ರಾಮಾಂತರ ಕ್ಷೇತ್ರವನ್ನೇ ಗುರಿಯಾಗಿಸಿ ಐಟಿ ದಾಳಿ : ಡಿ ಕೆ ಶಿವಕುಮಾರ್ ಏನಂದ್ರು?
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Movies ತಮನ್ನಾ ಪಾಲಿಗೆ 'ದುಬಾರಿ' ಆಯಿತು 'ಪ್ರಚಾರ' ; ಮಿಲ್ಕಿ ಬ್ಯೂಟಿಯನ್ನ ವಿಚಾರಣೆಗೆ ಕರೆದ ಸೈಬರ್ ಇಲಾಖೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಾಣ ತೆಗೆಯುವ 8 ಕೇರ್ ಲೆಸ್ ಡ್ರೈವಿಂಗ್ ಹ್ಯಾಬಿಟ್
ನಮ್ಮ ದೈನಂದಿನ ಜೀವನದಲ್ಲಿ ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ತೆರಳಲು ವಾಹನಗಳನ್ನು ಆಶ್ರಯಿಸಿರುತ್ತೇವೆ. ಹಾಗಿರುವಾಗ ಡ್ರೈವಿಂಗ್ ಎಂಬ ಕಲೆ ಕರಗತ ಮಾಡಿಕೊಳ್ಳಬೇಕಾಗಿರುವುದು ಅತಿ ಅಗತ್ಯವಾಗಿದೆ.
ಡ್ರೈವಿಂಗ್ ಎಂಬ ಕಲೆಯನ್ನು ಅತಿ ಜಾಗರೂಕತೆಯಿಂದ ಪಾಲಿಸಬೇಕಾಗಿರುವುದು ಅಷ್ಟೇ ಮುಖ್ಯವಾಗಿದೆ. ಸ್ವಲ್ಪನೂ ಗಮನ ತಪ್ಪಿದರೆ ಅಪಾಯ ಕಟ್ಟಿಟ್ಟ ಬುತ್ತಿ. ಇನ್ನು ಕೆಲವು ಬಾರಿ ಡ್ರೈವಿಂಗ್ ಸಂದರ್ಭದಲ್ಲಿ ಸಣ್ಣ ಪುಟ್ಟ ಕೆಟ್ಟ ನಡವಳಿಕೆಗಳು ನಿಮ್ಮ ಪ್ರಾಣಕ್ಕೆ ಹಾನಿಯನ್ನುಂಟು ಮಾಡುವ ಸಾಧ್ಯತೆಯಿದೆ.
ಹಾಗಾಗಿ
ಅಂತಹ
ವಿಚಾರಗಳನ್ನು
ಖಂಡಿತ
ನಿರ್ಲಕ್ಷಿಸಬಾರದು.
ಡ್ರೈವ್
ಸ್ಪಾರ್ಕ್ನ
ವಾಹನ
ಸಲಹೆ
ವಿಭಾಗವು
ಈ
ಬಗ್ಗೆ
ಹೆಚ್ಚಿನ
ಮಹತ್ವ
ಕೊಡುತ್ತಿದ್ದು,
ಇಂತಹ
ಕೇರ್
ಲೆಸ್
ನಡವಳಿಕೆಗಳ
ಬಗ್ಗೆ
ಪಟ್ಟಿ
ಮಾಡಿದೆ.
ಒಂದು
ವೇಳೆ
ತಿಳಿದೋ
ತಿಳಿಯದೆಯೋ
ನೀವಿದ್ದನ್ನು
ಅನುಸರಿಸುತ್ತಿದ್ದಲ್ಲಿ
ಆದಷ್ಟು
ಬೇಗನೇ
ಇಂತಹ
ಚಟಗಳನ್ನು
ಕೈಬಿಡಬೇಕಾಗಿ
ವಿನಂತಿಸಿಕೊಳ್ಳುತ್ತಿದ್ದೇವೆ.
ಇಲ್ಲಿ ಕೊಡಲಾಗಿರುವ ಫೋಚೊ ಫೀಚರನ್ನು ಒಂದೊಂದಾಗಿ ಕ್ಲಿಕ್ಕಿಸುತ್ತಾ ಹೋಗಿರಿ... ನಿಮ್ಮ ಸವಾಲಿಗಿರುವ ಉತ್ತರ ದೊರಕಲಿದೆ.
Tailgating
ಡ್ರೈವಿಂಗ್ ಸಂದರ್ಭದಲ್ಲಿ ಯಾವುದೇ ರೀತಿಯ ಪ್ರಚೋದನೆಗೆ ಒಳಗಾಗದಂತೆ ಚಾಲಕ ಗಮನ ವಹಿಸಬೇಕಾಗುತ್ತದೆ. ಯಾಕೆಂದರೆ ಕೆಲವೊಂದು ಬಾರಿ ಅಶಿಸ್ತಿನ ಡ್ರೈವಿಂಗ್ ಪ್ರಾಣಕ್ಕೆ ಕುತ್ತು ತರಬಲ್ಲದು. ಯಾವುದೇ ರೀತಿ ಉದ್ರೇಕಕ್ಕೆ ಒಳಗಾಗದೇ ನಿಮ್ಮ ಮುಂದಿರುವ ವಾಹನವನ್ನು ಅಡ್ಡಾಡ್ಡಿಕೊಂಡು ಹೋಗುವ ಪರಿಸ್ಥಿತಿಯನ್ನು ತಪ್ಪಿಸಬೇಕಾಗುತ್ತದೆ.
Talking on mobile while driving
ಮೊಬೈಲ್ ಸಂಭಾಷಣೆ ಸಲ್ಲ
ಇಂದಿನ ಯಾಂತ್ರಿಕ ಯುಗದಲ್ಲಿ ಎಲ್ಲವೂ ಮೊಬೈಲ್ಮಯ. ಮೊಬೈಲ್ ಇಲ್ಲದೆ ಯಾವುದೇ ವ್ಯವಹಾರ ನಡೆಯದು. ಹಾಗಿರುವಾಗ ಡ್ರೈವಿಂಗ್ ಸಂದರ್ಭದಲ್ಲಿ ಫೋನ್ನಲ್ಲಿ ಮಾತನಾಡುವುದನ್ನು ತಪ್ಪಿಸಿಕೊಳ್ಳಬೇಕು. ಇದರಿಂದ ನಿಮ್ಮ ಏಕಾಗ್ರತೆ ಭಂಗವನ್ನುಂಟು ಮಾಡುವ ಸಾಧ್ಯತೆಯಿದೆ. ಒಂದು ವೇಳೆ ಫೋನ್ ಕರೆ ಸ್ವೀಕರಿಸಬೇಕಾಗಿರುವುದು ಅನಿವಾರ್ಯವಾಗಿದ್ದರೆ ವಾಹನವನ್ನು ಬದಿಗೆ ನಿಲ್ಲಿಸಿ ಮಾತನಾಡಬಹುದು. ಆಮೇಲೆ ಸುಖ ಪ್ರಯಾಣವನ್ನು ಮುಂದುವರಿಸಬಹುದು.
Over Speeding
ಮುಖ್ಯವಾಗಿಯೂ ಇಂದಿನ ಯುವ ಜನಾಂಗ ಡ್ರೈವಿಂಗ್ ಮೇಲೆ ಅತೀವ ಕ್ರೇಜ್ ಹೊಂದಿರುತ್ತಿದ್ದು, ಅಪರಿಮಿತ ವೇಗದಲ್ಲಿ ಕಾರು ಅಥವಾ ಬೈಕ್ ಚಲಾಯಿಸುವುದನ್ನು ಇಷ್ಟಪಡುತ್ತಾರೆ. ಡ್ರೈವಿಂಗ್ ಸಂದರ್ಭದಲ್ಲಿ ರೋಡ್ ಪರಿಸ್ಥಿತಿಯನ್ನು ಅರಿತುಕೊಳ್ಳುವುದು ಅಷ್ಟೇ ಮುಖ್ಯವಾಗಿರುತ್ತದೆ.
Not Using Seat Belts
ಈಗಲೂ ಹಲವರಿಗೆ ಸೀಟ್ ಬೆಲ್ಟ್ ಮಹತ್ವದ ಬಗ್ಗೆ ತಿಳಿದಿಲ್ಲ. ಹಾಗಾಗಿ ನಿರ್ಲಕ್ಷ ಮಾಡುತ್ತಾರೆ. ಆದರೆ ಅಪಘಾತದ ಸಂದರ್ಭದಲ್ಲಿ ಸೀಟ್ ಬೆಲ್ಟ್ ಖಂಡಿತವಾಗಿಯೂ ನಿಮ್ಮ ನೆರವಿಗೆ ಬರಬಹುದು. ಇನ್ನು ಕೆಲವು ಬಾರಿ ಟ್ರಾಫಿಕ್ ಪೊಲೀಸರಿಂದ ಬಚಾವಾಗಲು ಮಾತ್ರ ಸೀಟ್ ಬೆಲ್ಟ್ ಧರಿಸುತ್ತಾರೆ. ಅಂತವರು ಸಿಗ್ನಲ್ ದಾಟಿದ ಕೂಡಲೇ ತಮ್ಮ ಸೀಟ್ ಬೆಲ್ಟ್ ಕಳಚಿಡುತ್ತಾರೆ. ಆದರೆ ಇವೆಲ್ಲ ತಪ್ಪು ನೀತಿಯಾಗಿದ್ದು, ಅಪಘಾತ ಯಾವ ಸಂದರ್ಭದಲ್ಲಾದರೂ ಸಂಭವಿಸಬಹುದು. ಹಾಗಾಗಿ ನಿಮ್ಮ ಸ್ವಯಂ ರಕ್ಷಣೆಗಾಗಿ ಸೀಟ್ ಬೆಲ್ಟ್ ಧರಿಸುವುದನ್ನು ಮರೆಯಬಾರದು.
Ignoring Traffic Signs
ಇನ್ನು ಹಲವು ಬಾರಿ ತಮ್ಮ ಮನೆ, ಕಚೇರಿಗಳಿಗೆ ತೆರಳುವ ಭರಸದಲ್ಲಿ ಚಾಲಕರು ಟ್ರಾಫಿಕ್ ಸಿಗ್ನಲ್ಗಳನ್ನು ಉಲ್ಲಂಘಿಸುತ್ತಾರೆ. ಆದರೆ ನಿಮಗೆ ಹೇಳಬಯಸುವುದೇನೆಂದರೆ ಜೀವನದಲ್ಲಿ ಪ್ರತಿಯೊಬ್ಬನೂ ಬ್ಯುಸಿಯಾಗಿರುತ್ತಾನೆ. ಆದರೆ ಯಾರು ಬುದ್ಧಿವಂತಿಕೆ ಉಪಯೋಗಿಸಿ ಮುಂದಕ್ಕೆ ತೆರಳುತ್ತಾನೋ ಕಟ್ಟಕಡೆಗೆ ಆತನೇ ವಿಜಯಿಯೆನಿಸುತ್ತಾನೆ. ಹಾಗಾಗಿ ಟ್ರಾಫಿಕ್ ಸಿಗ್ನಲ್ಗಳನ್ನು ಉಲ್ಲಂಘಿಸದೇ ನಿಧಾನವಾಗಿ ಪಯಣಿಸಲು ಪ್ರಯತ್ನಿಸಿ. ಎಚ್ಚರವೇ ಪ್ರಧಾನ..!
Road Rage
ಇದು ಅಪಾಯಕಾರಿ ಮಾತ್ರವಲ್ಲದೆ ಘಾತಕವಾಗಿದೆ. ಕೆಲವು ಬಾರಿ ಓವರ್ಟೇಕ್ ಸಂದರ್ಭದಲ್ಲಿ ಚಾಲಕರು ಒಬ್ಬರನ್ನೊಬ್ಬರು ಬೈದಾಡಿಕೊಳ್ಳುವ ಪ್ರಸಂಗ ಎದುರಾಗುತ್ತದೆ. ಇದರಿಂದ ಚಾಲಕನ ಏಕಾಗ್ರತೆಗೆ ಭಂಗವುಂಟಾಗುವ ಸಾಧ್ಯತೆಯಿದೆ. ಒಂದು ವೇಳೆ ನಿಮ್ಮ ವಿರುದ್ಧ ನಿಂದನೀಯ ಶಬ್ದ ಎದುರಾದರೂ ಅದರತ್ತ ಕಿವಿಗೂಡದೇ ಡ್ರೈವಿಂಗ್ನತ್ತ ಗಮನ ವಹಿಸಿ.
Drunken Driving
ಇತ್ತೀಚೆಗಿನ ದಿನಗಳಲ್ಲಿ ಸುರಕ್ಷಿತ ಪಯಣಕ್ಕಾಗಿ ಟ್ರಾಫಿಕ್ ಪೊಲೀಸರಿಂದ ಅನೇಕ ಸುರಕ್ಷಾ ಫಲಕಗಳನ್ನು ಮಾರ್ಗ ಮಧ್ಯೆಗಳಲ್ಲಿ ಹಾಕಲಾಗುತ್ತದೆ. ಹಾಗಿದ್ದರೂ ಪಾನಮತ್ತರಾಗಿ ಡ್ರೈವಿಂಗ್ ಮಾಡುವ ಸಂಖ್ಯೆಯಲ್ಲಿ ಯಾವುದೇ ಇಳಿಕೆವುಂಟಾಗಿಲ್ಲ. ತಡ ರಾತ್ರಿಯ ವರೆಗೂ ಪಾರ್ಟಿ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಅಂತವರು ಲೋಕಜ್ಞಾನವಿಲ್ಲದೆ ಡ್ರೈವಿಂಗ್ ಮಾಡುವ ಮೂಲಕ ತಮ್ಮ ಪ್ರಾಣವನ್ನೇ ಅಡವಿಡುತ್ತಾರೆ. ನಿಮ್ಮ ಮಾಹಿತಿಗಾಗಿ, ರಸ್ತೆಗಳಲ್ಲಾಗುವ ಶೇಕಡಾ 70ರಷ್ಟು ಅಪಘಾತಗಳಿಗೆ ಕಾರಣ ಡ್ರಿಂಕ್ ಆಂಡ್ ಡ್ರೈವ್ ಆಗಿದೆ ಎಂದು ಸಮೀಕ್ಷಾ ವರದಿ ತಿಳಿಸುತ್ತಿದೆ.
Not being Attentive
ಇನ್ನು ಕೆಲವು ಬಾರಿ ಮಾನಸಿಕ ಅಸ್ವಸ್ಥತೆಯಿಂದಾಗಿ ಚಾಲಕರು ತಮ್ಮ ಏಕಾಗ್ರತೆಯನ್ನು ಕಳೆದುಕೊಳ್ಳುತ್ತಾರೆ. ಕುಟುಂಬದಲ್ಲಿರುವ ವೈಮನಸ್ಸು, ಕಚೇರಿಯಲ್ಲಿ ಮೇಲಾಧಿಕಾರಿಗಳ ಒತ್ತಡ, ಆರ್ಥಿಕ ಅಥವಾ ದೈಹಿಕ ಸಮಸ್ಯೆಯಿಂದಾಗಿ ತಮ್ಮ ಏಕಾಗ್ರತೆಯನ್ನು ಕಳೆದುಕೊಳ್ಳುವ ಸಂಭವವಿದೆ. ಹಾಗಾಗಿ ಡ್ರೈವಿಂಗ್ ಸಂದರ್ಭದಲ್ಲಿ ಏಕಾಗ್ರತೆಗೆ ಭಂಗವುಂಟಾಗದಂತೆ ಅತೀವ ಎಚ್ಚರಿಕೆ ವಹಿಸಬೇಕಾಗುತ್ತದೆ.
ಮೇಲೆ ಕೊಡಲಾದ ಈ ಎಲ್ಲ ಸಲಹೆಗಳು ನಿಮ್ಮ ಸುರಕ್ಷಿತ ಡ್ರೈವಿಂಗ್ಗೆ ನೆರವು ಮಾಡುವ ಭರವಸೆಯನ್ನು ಡ್ರೈವ್ ಸ್ಪಾರ್ಕ್ ಹೊಂದಿದೆ. ಇದೀಗ ನಿಮ್ಮ ಅನಿಸಿಕೆ ಹಾಗೂ ಅನುಭವಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ.