ಫೆರಾರಿ ಕೆಂಪು ಸುಂದರಿಯನ್ನು ನಿಮ್ ಸುಂದ್ರಿಗೆ ಕೊಡಿ

ಪ್ರೇಮಿಗಳ ದಿನಕ್ಕೆ ನೀಡಬಹುದಾದ ದುಬಾರಿ ಕೆಂಪು ಕಾರುಗಳ ಪಟ್ಟಿಯಲ್ಲಿ ಫೆರಾರಿ ಕಾರೊಂದು ಅಗ್ರಸ್ಥಾನದಲ್ಲಿದೆ. ಫೆರಾರಿ 458 ಹೆಸರಿನ ಈ ಕಂಡು ಕೆಂಪು ಕಾರು ಎಲ್ಲರ ಕಣ್ಮನ ಸೆಳೆಯುವಂತಿದೆ. ಕೆಂಪು ಎಂದರೆ ಫ್ಯಾಷನ್. ರೋಷ ಮತ್ತು ಪ್ರೀತಿಯ ಸಂಕೇತವಾಗಿರುವ ಕೆಂಪು ಬಣ್ಣದ ಈ ಕಾರಿನ ಕುರಿತು ಕೊಂಚ ಮಾಹಿತಿ ಇಲ್ಲಿದೆ.

ಈ ಕಾರು 458 ಇಟಲಿಯಾ ಫ್ಯಾಮಿಲಿ ಸೇರಿದ್ದು ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ. ಇದು 4499 ಸಿಸಿಯ ವಿ8 ಎಂಜಿನ್ ಹೊಂದಿದೆ. ಈ ಕಾರಿನಲ್ಲಿ ಗಂಟೆಗೆ ಗರಿಷ್ಠ 320 ಕಿ.ಮೀ. ವೇಗದಲ್ಲಿ ಸಾಗಬಹುದಾಗಿದೆ. ಕೇವಲ 3.4 ಸೆಕೆಂಡಿನಲ್ಲಿ 0-100 km/h ವೇಗ ಪಡೆದುಕೊಳ್ಳಬಹುದಾಗಿದೆ.

ಈ ಕಾರು ಪ್ರತಿಲೀಟರ್ ಇಂಧನಕ್ಕೆ 11.9 ಕಿ.ಮೀ. ಮೈಲೇಜ್ ನೀಡುತ್ತದೆ. ಇದು ಡ್ಯೂಯಲ್ ಕ್ಲಚ್, 7 ಸ್ಪೀಡಿನ ಎಫ್1 ಗೇರ್ ಬಾಕ್ಸ್ ಹೊಂದಿದೆ. ಅತ್ಯಧಿಕ ಕಾರ್ಯಕ್ಷಮತೆಯ ಎಬಿಎಸ್ ಸಿಸ್ಟಮ್ ಸೇರಿದಂತೆ ಹತ್ತು ಹಲವು ಫೀಚರುಗಳನ್ನು ಹೊಂದಿದೆ.