ಅಮೀರ್ ಖಾನ್ 'ದೇಶಭಕ್ತ' ಅಂದ್ರೆ ತಪ್ಪೇ? ಸಂಶಯವಿದ್ದಲ್ಲಿ ಇದನ್ನು ಓದಿ

ಈ ಸಂಬಂಧ ಹೇಳಿಕೆ ಕೊಟ್ಟಿರುವ ಅಮೀರ್ ಖಾನ್, "ವಿಕ್ರಾಂತ್ ಹಡಗಿನ ಲೋಹದಿಂದ ನಿರ್ಮಿಸಿದ ವಿ ಬೈಕ್ ನೊಂದಿಗೆ ಬಜಾಜ್ ಬರುತ್ತಿದೆ ಎಂಬುದನ್ನು ಮೊದಲ ಬಾರಿಗೆ ಕೇಳಿಸಿಕೊಂಡಾಗ ಅತೀವ ಸಂತಸಗೊಂಡಿದ್ದೆ" ಎಂದಿದ್ದಾರೆ.

ಮಾತು ಮುಂದುವರಿಸಿದ ಅವರು, ಬಜಾಜ್ ವಿಕ್ರಾಂತ್ ಬಗ್ಗೆ ಕೇಳಿದಾಕ್ಷಣ ತಮ್ಮ ತಂಡದಲ್ಲಿ ಈ ಐಕಾನಿಕ್ ಬೈಕ್ ಬುಕ್ ಮಾಡಿಸಿಕೊಳ್ಳುವಂತೆ ತಿಳಿಸಿರುವುದಾಗಿ ವಿವರಿಸುತ್ತಾರೆ.

ಬಜಾಜ್ ವಿ ಬೈಕ್ ಖರೀದಿಸಿರುವುದರ ಬಗ್ಗೆ ಹೇಳಿಕೆ ಕೊಟ್ಟಿರುವ ಅಮೀರ್, ತಾವು ಕೂಡಾ ಇತಿಹಾಸದ ಭಾಗವಾಗಲು ಬಯಸುವುದಾಗಿ ತಿಳಿಸಿದ್ದಾರೆ.

ಇದರಂತೆ ಬಜಾಜ್ ವ್ಯವಸ್ಥಾಪಕ ನಿರ್ದೇಶಕ ರಾಜೀವ್ ಬಜಾಜ್ ಅವರು ಮೊದಲ ಬೈಕನ್ನು ಅಮೀರ್ ಖಾನ್ ಅವರಿಗೆ ಹಸ್ತಾಂತರಿಸಿದ್ದಾರೆ. ಹೇಳಿ ಕೇಳಿ ಇವರಿಬ್ಬರು ಆಪ್ತ ಸ್ನೇಹಿತರಾಗಿದ್ದು, ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿದೆ.

ಅಮೀರ್ ಖಾನ್ ಬಯಕೆಯಂತೆ ವಿಶೇಷ ಮಾರ್ಪಾಡುಗಳನ್ನು ಬಜಾಜ್ ವಿ ಬೈಕ್ ಗೆ ತರಲಾಗಿದೆ. ಮುಂದುಗಡೆ ಟ್ಯಾಂಕ್ ಮೇಲ್ಗಡೆಯಾಗಿ ಅಮೀರ್ ಹೆಸರಿನ ಪ್ರಾರಂಭಿಕ ಅಕ್ಷರ 'ಎ' ಮತ್ತು ಹಿಂಭಾಗದಲ್ಲಿ 'ಚೋಟೆ ಲಾಲ್' ಸಹಿಯನ್ನು ಲಗತ್ತಿಸಲಾಗಿದೆ.

ಹಿನ್ನೆಲೆ...

1961ನೇ ಇಸವಿಯಲ್ಲಿ ಭಾರತೀಯ ನೌಕಾಸೇನೆಗೆ ಸೇರ್ಪಡೆಗೊಂಡಿರುವ ಮೊದಲ ಯುದ್ಧ ವಿಮಾನ ವಾಹಕ ಹಡಗು ಐಎನ್‌ಎಸ್ ವಿಕ್ರಾಂತ್, 1971ರ ಪಾಕಿಸ್ತಾನ ವಿರುದ್ಧದ ಯುದ್ಧದಲ್ಲಿ ಭಾರತಕ್ಕೆ ಐತಿಹಾಸಿಕ ಗೆಲುವನ್ನು ಒದಗಿಸಿಕೊಡುವಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು.

36 ವರ್ಷಗಳಷ್ಟು ಕಾಲ ಭಾರತೀಯ ನೌಕಾ ಸೇನೆಯ ಸೇವೆಯಲ್ಲಿದ್ದ ಐಎನ್‌ಎಸ್ ವಿಕ್ರಾಂತ್ 1997ನೇ ಇಸವಿಯಲ್ಲಿ ನಿವೃತ್ತಿ ಹೊಂದಿತ್ತು. ಬಳಿಕ 2012ರ ವರೆಗೂ ಮುಂಬೈನ ವಸ್ತು ಸಂಗ್ರಹಣಾಲಯದಲ್ಲಿ ಪ್ರದರ್ಶನಕ್ಕಿಡಲಾಗಿತ್ತು.

ಆದರೆ ದುರದೃಷ್ಟವಶಾತ್ 2014 ಐಎನ್‌ಎಸ್ ವಿಕ್ರಾಂತ್ ಹಡಗನ್ನು ನೆಲಸಮಗೊಳಿಸಿ ಅದರ ಬಿಡಿಭಾಗಗಳನ್ನು ಮಾರಾಟ ಮಾಡಲು ನಿರ್ಧರಿಸಲಾಗಿತ್ತು. ಇಲ್ಲಿಗೆ ಈ ವೀರ ಪರಂಪರೆಯು ಕೊನೆಯಾಗಲಿದೆ ಎಂದೇ ಎಲ್ಲರು ನಂಬಿದ್ದರು.

ಏತನ್ಮಧ್ಯೆ ಐಎನ್‌ಎಸ್ ವಿಕ್ರಾಂತ್ ಇತಿಹಾಸ ಅಳಿಸಿ ಹೋಗದಂತೆ ನೋಡಿಕೊಂಡಿರುವ ಬಜಾಜ್ ಆಟೋ, ಬಜಾಜ್ ವಿ ಮುಖಾಂತರ ಮರು ಜೀವ ತುಂಬಿದೆ.

ಅಸಹಿಷ್ಣುತೆ ನಾಡಲ್ಲಿ ಅಮೀರ್‌ಗೆ ಭದ್ರತೆಯನ್ನು ಕೊಟ್ಟಿತೇ ಇನ್ ಕ್ರೆಡಿಬಲ್ ಕಾರುಗಳು?

ಐತಿಹಾಸಿಕ 'ವಿಕ್ರಾಂತ್' ಹಡಗಿನ ಲೋಹದಿಂದ ನೂತನ ಬಜಾಜ್ ಬೈಕ್ ತಯಾರಿ