'ಬಾಹುಬಲಿ' ಸೂಪರ್ ಹಿಟ್; ಪ್ರಭಾಸ್ ಅದೃಷ್ಟ ಖುಲಾಯಿಸಿತೇ?

ಒಂದೇ ವಾರದಲ್ಲಿ ಪಿಕೆಗಳಂತಹ ಬಾಲಿವುಡ್ ಚಿತ್ರದ ಗಳಿಕೆಯನ್ನು ಹಿಂದಿಕ್ಕಿರುವ ಬಾಹುಬಲಿ ಈಗಾಗಲೇ 200 ಕೋಟಿಗಿಂತಲೂ ಹೆಚ್ಚು ಗಳಿಕೆಯನ್ನು ಸಂಪಾದಿಸಿದೆ. ಅಂದ ಹಾಗೆ ತೆಲುಗು ನಟ ಪ್ರಭಾಸ್ ಅವರು ಜಾಗ್ವಾರ್ ಎಕ್ಸ್ ಜೆ ಐಷಾರಾಮಿ ಕಾರನ್ನು ಹೊಂದಿದ್ದಾರೆ.

ಇದುವರೆಗೆ ಭಾರತದ ಅತ್ಯಂತ ಹೆಚ್ಚು ಬಜೆಟ್ ಚಿತ್ರವಾದ (250 ಕೋಟಿ ರು. ) ಬಾಹುಬಲಿ ಚಿತ್ರದ ಯಶಸ್ಸಿನ ಬಳಿಕವೂ ತಮ್ಮ ಮೃದು ಸ್ವಭಾವವನ್ನೇ ತಮ್ಮದಾಗಿಸಿಕೊಂಡಿರುವ ಪ್ರಭಾಸ್, ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಬ್ರಿಟನ್ ಮೂಲದ ಜಾಗ್ವಾರ್ ಕಾರನ್ನು ಹೆಚ್ಚು ಇಷ್ಟಪಡುತ್ತಾರೆ.

ಕೋಟಿ ದುಬಾರಿಯ ಜಾಗ್ವಾರ್ ಎಕ್ಸ್‌ಜೆ ಕಾರಿನಲ್ಲಿ ಅತ್ಯುನ್ನತ ವಿನ್ಯಾಸ ತಂತ್ರಗಾರಿಕೆಯನ್ನು ಅನುಸರಿಸಲಾಗಿದೆ. ಇದರ ಮೆತ್ತನೆಯ ಲೆಥರ್ ಸೀಟುಗಳು ಆರಾಮದಾಯಕ ಪಯಣವನ್ನು ಖಾತ್ರಿಪಡಿಸುತ್ತದೆ.

ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಎಬಿಎಸ್, ಇಬಿಡಿ, ಕ್ರೂಸ್ ಕಂಟ್ರೋಲ್, ಪಾರ್ಕಿಂಗ್ ಸೆನ್ಸಾರ್, ಅಡ್ವಾನ್ಡ್ ಬ್ರೇಕಿಂಗ್ ಸಿಸ್ಟಂ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಂ ಮುಂತಾದ ವ್ಯವಸ್ಥೆಗಳಿರಲಿದೆ.

ಭಾರತದಲ್ಲಿ ಜಾಗ್ವಾರ್ ಎಕ್ಸ್‌ಜೆ ಡೀಸೆಲ್ ಹಾಗೂ ಪೆಟ್ರೋಲ್ ಮಾದರಿಗಳಲ್ಲಿ ಮಾರಾಟವಾಗುತ್ತಿದೆ. ಇವೆರಡು ಆರು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆಯಲಿದೆ.

ಇದರಲ್ಲಿ ಆಳವಡಿಸಲಾಗಿರುವ 2993 ಸಿಸಿ ಎಂಜಿನ್ ಡೀಸೆಲ್ ಎಂಜಿನ್ 275 ಅಶ್ವಶಕ್ತಿ (600 ತಿರುಗುಬಲ) ಉತ್ಪಾದಿಸಲಿದೆ. ಹಾಗೆಯೇ 5000 ಸಿಸಿ ಪೆಟ್ರೋಲ್ ಎಂಜಿನ್ 385 ಅಶ್ವಶಕ್ತಿ (515 ಎನ್ಎಂ ತಿರುಗುಬಲ) ಉತ್ಪಾದಿಸಲಿದೆ.

ಒಟ್ಟಾರೆಯಾಗಿ ಬಾಹುಬಲಿ ಯಶಸ್ಸಿನ ಬಳಿಕ ಪ್ರಭಾಸ್ ಅದೃಷ್ಟವೂ ಖುಲಾಯಿಸಿದೆ. ಅಂತೆಯೇ ಸದ್ಯದಲ್ಲೇ ಪ್ರಭಾಸ್ ಕಾರು ಸಂಗ್ರಹಾಲಯಕ್ಕೆ ಮತ್ತಷ್ಟು ದುಬಾರಿ ಕಾರುಗಳು ಬಂದು ಸೇರುವ ಸಾಧ್ಯತೆಯಿದೆ.

ಪರಿಸರ ಸ್ನೇಹಕ್ಕೆ ಅಜಿತ್ ಶರಣು