ವಿಚಿತ್ರ ವಾಹನ ಪ್ರೇಮ; ತುಕ್ಕು ಹಿಡಿದ ಕೋಟಿ ಬೆಲೆಬಾಳುವ ಪೋರ್ಷೆ ಕಾರು

ತಮ್ಮ ಕಾರಿನಲ್ಲಿ ಚಿಕ್ಕ ಪುಟ್ಟ ಗೆರೆ ಬೀಳುವುದನ್ನು ಸಹಿಸಿಕೊಳ್ಳಲಾಗದ ಆಧುನಿಕ ಕಾರು ಮಾಲಿಕರ ಮನೋಸ್ಥಿತಿಯ ನಡುವೆಯೂ ಕೇರಳದ ಕಲ್ಲಿಕೋಟೆಯ ಮೂಲದ ಈ ಪೋರ್ಷೆ ಕಾರಿನ ಮಾಲಿಕ ಗಮನಕ್ಕೆ ಪಾತ್ರವಾಗಿದ್ದಾರೆ.

ಇಲ್ಲಿ ಕೋಟಿ ಬೆಲೆಬಾಳುವ ಪೋರ್ಷೆ 911 ಕರೆರಾ ಎಸ್ ಕ್ಯಾಬ್ರಿಯೊ ಕಾರಿಗೆ ತುಕ್ಕು ಹಿಡಿದಂತಹ ಹೋದಿಕೆಯನ್ನು ಬಳಿದಿದ್ದಾರೆ.

ಬೆಂಗಳೂರು ತಳಹದಿಯ ಡಿಸೈನ್ ಮೋಟಾರ್ ಮೈಂಡ್ ಆಟೋಮೋಟಿವ್ ಡಿಸೈನ್ಸ್ ನಲ್ಲಿ ಐಷಾರಾಮಿ ಪೋರ್ಷೆ ಕಾರಿಗೆ ಹೊಸ ರೂಪವನ್ನು ಕಲ್ಪಿಸಿ ಕೊಡಲಾಗಿದೆ.

ಸತ್ತವರಿಗೆ ಸಂತಾಪ ಸೂಚಕವಾಗಿ ಆಂಗ್ಲ ಭಾಷೆಯಲ್ಲಿ 'ರೆಸ್ಟ್ ಇನ್ ಪೀಸ್' ಹೇಳುವುದು ವಾಡಿಕೆ. ಆದರೆ ಪ್ರಸ್ತುತ ಪೋರ್ಷೆ ಕಾರಿಗೆ 'ರಸ್ಟ್ ಇನ್ ಪೀಸ್' (Rust In Peace) ಎಂದು ವಿಶ್ಲೇಷಿಸಲಾಗುತ್ತಿದೆ.

ಐಕಾನಿಕ್ ಮಾರ್ಟಿನ್ ರೇಸಿಂಗ್ ಜೊತೆಗೆ ಕಡು ನೀಲಿ, ತಿಳಿ ನೀಲಿ ಮತ್ತು ಕೆಂಪು ರೇಖೆಗಳನ್ನು ನೀವಿಲ್ಲಿ ಕಾಣಬಹುದಾಗಿದೆ.

ಶಕ್ತಿಶಾಲಿ 3.8 ಲೀಟರ್ ಸ್ಟ್ರೇಟ್ ಸಿಕ್ಸ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಪೋರ್ಷೆ 911 ಕರೆರಾ ಎಸ್ ಕ್ಯಾಬ್ರಿಯೊ 4.7 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ.

ವರ್ಷಗಟ್ಟಲೆ ಪಾಳು ಬಿದ್ದಿರುವ ಕಾರಿಗೆ ಹೇಗೆ ತುಕ್ಕು ಹಿಡಿದಿರುತ್ತದೆಯೋ ಅದೇ ರೀತಿ ಪೋರ್ಷೆ ಕಾರಿಗೆ ನೈಜ ತುಕ್ಕು ಹಿಡಿದ ಪ್ರತೀತಿ ನೀಡುತ್ತದೆ. ಹತ್ತಿರದಿಂದ ಬಹಳ ಸೂಕ್ಷ್ಮವಾಗಿ ಗಮನಿಸಿದಾಗ ಮಾತ್ರ ಸತ್ಯಾಂಶ ಬಯಲಾಗಲಿದೆ.

ತಮ್ಮ ನೆಚ್ಚಿನ ಕಾರಿಗೆ '911' ಎಂಬ ನಂಬರ್ ಪ್ಲೇಟ್ ಪಡೆಯುವಲ್ಲಿಯೂ ಕೇರಳದ ಈ ವ್ಯಕ್ತಿ ಯಶಸ್ವಿಯಾಗಿದ್ದಾರೆ.