ಬೆಂಗಳೂರಿನಲ್ಲಿ ಲಂಬೋರ್ಗಿನಿ ಮತ್ತು ಟಾಟಾ ಇಂಡಿಕಾ ಕಾರುಗಳ ಮದ್ಯೆ ಅಪಘಾತ

ಬೆಂಗಳೂರಿನಲ್ಲಿ ಇತ್ತೀಚಿಗೆ ನೆಡೆದ ಘಟನೆಯಲ್ಲಿ ಲಂಬೋರ್ಗಿನಿ ಕಾರು ಮತ್ತು ಇಂಡಿಕಾ ಕಾರಿನ ಮಧ್ಯೆ ಅಪಘಾತ ಸಂಭವಿಸಿದ್ದು, ಕಾರಿನ ರಿಪೈರಿ ಮಾಡಿಸಲು ಐಷಾರಾಮಿ ಕಾರಿನ ಮಾಲೀಕ ಲಕ್ಷಾಂತರ ರೂ. ವ್ಯಹಿಸಬೇಕಾದ ಪರಿಸ್ಥಿತಿ ಎದುರಾಗಿದೆ.

ಲಂಬೋರ್ಗಿನಿ ಹರಾಕಾನ್ ಅಪಘಾತದ ಚಿತ್ರಗಳನ್ನು ಟೀಮ್ ಬಿಎಚ್‌ಪಿ ತನ್ನ ವೆಬ್ಸೈಟ್‌ನಲ್ಲಿ ಪೋಸ್ಟ್ ಮಾಡಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.

ಚಿತ್ರಗಳನ್ನು ಗಮನಿಸಿದರೆ ದುಬಾರಿ ಸೂಪರ್ ಕಾರಿನ ಮುಂಭಾಗದ ತುದಿಯು ತೀವ್ರವಾಗಿ ಹಾನಿಗೊಳಗಾಗಿದ್ದು, ಕಾರಿನ ಮಾಲೀಕ ತಲೆ ಚಚ್ಚಿಕೊಳ್ಳುವ ಪರಿಸ್ಥಿತಿ ಬಂದೊದಗಿದೆ ಎನ್ನಬಹುದು.

ಕೇವಲ ಲಂಬೋರ್ಗಿನಿ ಕಾರಿನ ಚಿತ್ರಗಳು ಮಾತ್ರ ಲಭ್ಯವಾಗಿದ್ದು, ಟಾಟಾ ಇಂಡಿಕಾ ಕಾರಿನ ಚಿತ್ರಗಳು ಲಭ್ಯವಾಗಿಲ್ಲ, ಬಲ್ಲ ಮೂಲಗಳ ಪ್ರಕಾರ ಟಾಟಾ ಇಂಡಿಕಾ ಕಾರಿಗೂ ಕೊಂಚ ಮಟ್ಟಿನ ಹಾನಿಯಾಗಿದೆ ಎನ್ನಲಾಗಿದೆ.

ಲಂಬೋರ್ಗಿನಿ ಕಾರಿನ ಮುಂಭಾಗದ ಬಂಪರ್ ತೀವ್ರ ಹಾನಿಯಾಗಿದ್ದು, ಕಾರಿನ ಅಲಾಯ್ ಚಕ್ರಗಳಿಗೂ ಕೂಡ ಈ ಪ್ರಭಾವ ಬೀರಿದೆ ಎನ್ನಬಹುದು.

ಅಪಘಾತದ ಪ್ರಭಾವದಿಂದಾಗಿ ಕಾರಿನ ಚಾಲಕನಿಗೆ ನೀಡಲಾಗುವ ಏರ್ ಬಗ್ಸ್ ಕೂಡ ತೊಂದರೆಗೊಳಗಾಗಿದ್ದು, ಹೆಚ್ಚು ಕಡಿಮೆ ಇದನ್ನು ಸರಿಪಡಿಸಲು ಬಹಳಷ್ಟು ಹಣ ಬೇಕಾಗಲಿದೆ ಎನ್ನಬಹುದು.

ಆದರೆ ಅಪಘಾತದ ಕಾರಣ ಇಲ್ಲಿಯವರೆಗೂ ತಿಳಿದಿಲ್ಲ ಹಾಗು ಇದು ಯಾವ ಕಾರಿನ ಚಾಲಕನ ತಪ್ಪು ಎಂಬ ವಿಚಾರ ಕೂಡ ತಿಳಿಯದೆ ಇರುವುದು ಪರಿಸ್ಥಿತಿಯ ಅವಲೋಕನಕ್ಕೆ ತೊಂದರೆ ಉಂಟು ಮಾಡಿದೆ.