ಪ್ರಬಲ ಅಮೆರಿಕ, ಚೀನಾವನ್ನೇ ನಡುಗಿಸಬಲ್ಲ ರಷ್ಯಾ ರಹಸ್ಯ ಫೈಟರ್ ಜೆಟ್

Written By:

ಮಿಲಿಟರಿ ಬಲ ವೃದ್ಧಿಸಿಕೊಳ್ಳುವಲ್ಲಿ ಕ್ಷಿಪ್ರ ಕ್ರಾಂತಿ ನಡೆಸುತ್ತಿರುವ ರಷ್ಯಾ ಮಗದೊಂದು ರಹಸ್ಯ ಫೈಟರ್ ಜೆಟ್ ಪ್ರದರ್ಶಿಸಿದೆ. ಇದು ಪ್ರಬಲ ಅಮೆರಿಕ, ಚೀನಾವನ್ನೇ ನಡುಗಿಸುವಷ್ಟು ಬಲಶಾಲಿಯಾಗಿದೆ. ಈ ಸಂಬಂಧ ಪ್ರಯೋಗಿಕ ಪರೀಕ್ಷಾರ್ಥ ವೇಳೆ ಸೆರೆ ಹಿಡಿದ ಎಕ್ಸ್ ಕ್ಲೂಸಿವ್ ಚಿತ್ರ ಹಾಗೂ ವಿವರಗಳನ್ನು ಹೊರ ಬಿಡಲಾಗಿದೆ.

ವಿಶೇಷವಾಗಿ ಸಿದ್ಧಪಡಿಸಲಾದ ರನ್ವೇಯಲ್ಲಿ ಟ್ವಿನ್ ಎಂಜಿನ್ ನಿಯಂತ್ರಿತ ಸುಖೋಯ್ ಟಿ-50 ಫೈಟರ್ ಜೆಟ್ ಪರೀಕ್ಷೆ ನಡೆಸಲಾಗಿದೆ.

ಪರೀಕ್ಷೆ ನಡೆಸಿದ ನೆಲೆಯನ್ನು ರಷ್ಯಾ ರಹಸ್ಯವಾಗಿಟ್ಟುಕೊಂಡಿದೆ. ಇದು ಟಿ-50 ಯುದ್ಧ ವಿಮಾನದ ಒಂಬತ್ತನೇ ಮಾದರಿಯಾಗಿದೆ.

ನೂತನ ಟಿ-50 ಅಮೆರಿಕದ ಎಫ್-22, ಎಫ್-35 ಸೇರಿದಂತೆ ಚಿನಾ ಜೆ-20 ರಹಸ್ಯ ಯುದ್ಧ ವಿಮಾನಗಳಿಗೆ ಪೈಪೋಟಿಯನ್ನು ಒಡ್ಡಲಿದೆ.

ಅಂದ ಹಾಗೆ ರಷ್ಯಾ ಟಿ-50 ಯುದ್ಧ ವಿಮಾನವು ಬರೋಬ್ಬರಿ 50 ಮಿಲಿಯನ್ ಅಮೆರಿಕನ್ ಡಾಲರ್ ಬೆಲೆ ಬಾಳುತ್ತದೆ.

ಇತರೆ ರಹಸ್ಯ ಯುದ್ಧ ವಿಮಾನಗಳನ್ನು ಹೋಲಿಸಿದಾಗ ರಷ್ಯಾ ಫೈಟರ್ ಜೆಟ್ ಹೆಚ್ಚು ಶಕ್ತಿಶಾಲಿ ಎನಿಸಿಕೊಂಡಿದ್ದು, ನಿಖರ ಗುರಿಯನ್ನಿಡಲು ನೆರವಾಗಲಿದೆ.

 

 

ಇತರೆ ಫೈಟರ್ ಜೆಟ್ ಗಳನ್ನು ಹೋಲಿಸಿದಾಗ ಉನ್ನತ ತಂತ್ರಗಾರಿಕೆಯ ಟಿ-50 ಯುದ್ಧ ವಿಮಾನ, ಶೇಕಡಾ 30ರಷ್ಟು ಹೆಚ್ಚು ವೇಗದೊಂದಿಗೆ 2000 ಮೈಲು ವ್ಯಾಪ್ತಿಯಲ್ಲಿ ಕಾರ್ಯಾಚರಣೆ ನಡೆಸುವಷ್ಟು ಸಮರ್ಥವೆನಿಸಿಕೊಂಡಿದೆ.

ಅತ್ಯಾಧುನಿಕ 30 ಎಂಎಂ ಕ್ಯಾನನ್ ಆಟೋಮ್ಯಾಟಿಕ್ ಫೈರ್ ಸಿಸ್ಟಂ ಸಹ ಇದರಲ್ಲಿರಲಿದೆ. ಇದು ಪ್ರತಿ ನಿಮಿಷಕ್ಕೆ 1800 ಸುತ್ತುಗಳಷ್ಟು ಗುಂಡಿನ ದಾಳಿಯನ್ನಿಡಲಿದೆ.

ಕ್ಯಾನನ್ ಸ್ಪೋಟಿಸುವ, ಬೆಂಕಿ ದಾಳಿಯಿಡುವ, ಶಸ್ತ್ರಸಜ್ಜಿತ ನೆಲ, ಸಮುದ್ರ ಮತ್ತು ವೈಮಾನಿಕ ಗುರಿಯನ್ನಿಡುವ ವಿರುದ್ಧ ಪರಿಣಾಮಕಾರಿಯಾಗಿ ಕಾರ್ಯಾಚರಿಸಲಿದೆ.

ಇದು ನೆಲ ಗುರಿಯನ್ನು 1,800 ಮೀಟರ್ ಹಾಗೂ ಆಕಾಶಕ್ಕೆ 1,200 ಮೀಟರ್ ದೂರದ ವರೆಗೂ ಗುರಿಯನ್ನಿಡಬಹುದಾಗಿದೆ.

ಅಂದ ಹಾಗೆ ಟಿ-50 ರಹಸ್ಯ ಫೈಟರ್ ಜೆಟ್ 2018ನೇ ಸಾಲಿನಿಂದ ರಷ್ಯಾ ಮಿಲಿಟರಿ ಸೇರ್ಪಡೆಗೊಳ್ಳಲಿದೆ.

ರಷ್ಯಾ ಜೊತೆ ಉತ್ತಮ ಬಾಂಧವ್ಯ ಹೊಂದಿರುವ ಭಾರತೀಯ ವಾಯುಪಡೆ ಭವಿಷ್ಯದಲ್ಲಿ ಟಿ-50 ರಹಸ್ಯ ಯುದ್ಧ ಜೆಟ್ ಖರೀದಿಸುವ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿದೆ.

Click to compare, buy, and renew Car Insurance online

Buy InsuranceBuy Now

English summary
Russian T-50 Stealth Fighter Jet
Please Wait while comments are loading...

Latest Photos