ಬಸ್ಸಿನ ಬಾಡಿ ಎಲ್‌ಸಿಡಿ ಪರದೆಯಾಗಿ ಪರಿವರ್ತನೆ..!

ಪ್ರಸ್ತುತ ಪರಿಕಲ್ಪನೆಯ ಹಂತದಲ್ಲಿರುವ ಈ ವಿಲ್ಲಿ ಬಸ್ಸನ್ನು ಟ್ಯಾಡ್ ಒರ್ಲೊಸ್ಕಿ (Tad Orlowski) ಎಂಬವರನ್ನು ವಿನ್ಯಾಸಗೊಳಿಸಿದ್ದಾರೆ.

ಇದರಲ್ಲಿ ಎಲ್ಲ ತರಹದ ಆಧುನಿಕ ತಂತ್ರಗಾರಿಕೆಗಳನ್ನು ಬಳಕೆ ಮಾಡಲಾಗಿದ್ದು, ನಗರದುದ್ಧಕ್ಕೂ ತನ್ನದೇ ಆದ ವಿಶೇಷ ಶೈಲಿಯಿಂದ ಗುರುತಿಸಿಕೊಳ್ಳಲಿದೆ.

ಇತರ ಸಾಂಪ್ರದಾಯಿಕ ಬಸ್ಸುಗಳಿಗಿಂತ ವಿಭಿನ್ನವಾಗಿ ವಿಲ್ಲಿ ಬಸ್ಸಿನ ವಿನ್ಯಾಸದತ್ತ ಹೆಚ್ಚಿನ ಗಮನ ವಹಿಸವಹಿಸಲಾಗಿದೆ. ಇದರ ಪಾರದರ್ಶಕತೆಯ ಎಲ್‌ಸಿಡಿ ಪರದೆಗಳನ್ನು ಬಸ್ಸಿನ ನಾಲ್ಕು ಬದಿಗಳಲ್ಲೂ ಲಗತ್ತಿಸಲಾಗಿದೆ.

ಇಂತಹ ಪಾರದರ್ಶಕ ಎಲ್‌ಸಿಡಿ ಪರದೆಗಳು ಟಚ್ ಸ್ಕ್ರೀನ್ ಮಾದರಿಯಲ್ಲಿ ಕಾರ್ಯವೆಸಗಲಿದೆ.

ಪ್ರಮುಖವಾಗಿಯೂ ಜಾಹೀರಾತು ಪ್ರದರ್ಶಿಸಲು ಅಥವಾ ಸಿನೆಮಾ ಕ್ಲಿಪಿಂಗ್‌ಗಳನ್ನು ತೋರಿಸಲು ಇದನ್ನು ಬಳಕೆ ಮಾಡಬಹುದಾಗಿದೆ.

ಇದು ಕೇವಲ ಜಾಹೀರಾತಿಗಷ್ಟೇ ಸೀಮಿತವಾಗಿಲ್ಲ. ಬದಲಾಗಿ ಪ್ರಯಾಣಿಕರಿಗೆ ಬೇಕಾದ ಅಗತ್ಯ ಮಾಹಿತಿಗಳನ್ನು ಅಂದರೆ ಪ್ರಯಾಣ ಯೋಜನೆ, ಹವಾಮಾನ ವರದಿ, ಪತ್ರಿಕಾ ಹಾಗೂ ಟಿವಿ ವ್ಯಾಪ್ತಿ ಜತೆಗೆ ಪ್ರವಾಸಿ ಮಾಹಿತಿಯನ್ನು ಪ್ರದಾನ ಮಾಡಲಿದೆ.

ಒಟ್ಟಿನಲ್ಲಿ ಈ ಟಚ್ ಸ್ಕ್ರೀನ್ ಎಲ್‌ಸಿಡಿ ಪರದೆಯು ಮನರಂಜನೆ ಜತೆಗೆ ಅಗತ್ಯ ಮಾಹಿತಿಗಳನ್ನು ನೀಡುವುದರಲ್ಲಿ ಗಮನ ಕೇಂದ್ರಿತವಾಗಿರಲಿದೆ.

ಏತನ್ಮಧ್ಯೆ ಇಷ್ಟೊಂದು ಬೃಹತ್ತಾಕಾರದ ಎಲ್‌ಸಿಡಿ ಪರದೆ ಪ್ರಾಯೋಗಿಕವಾಗಿಯೂ ಯಶ ಕಾಣಲಿದೆಯೇ ಎಂಬುದು ಆಟೋ ವಿಮರ್ಶಕರಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಪ್ರಸ್ತುತ ಎಲ್‌ಸಿಡಿ ಬಸ್ಸಲ್ಲಿ ಜಾಹೀರಾತು ಪ್ರದರ್ಶಿಸುವ ಮೂಲಕ ವಾಣಿಜ್ಯ ಲಾಭವನ್ನು ಪಡೆಯಬಹುದು. ಆದರೆ ಪ್ರಯಾಣಿಕರ ಪ್ರೀತಿಗೆ ಪಾತ್ರವಾಗಲಿದೆಯೇ ಎಂಬುದು ಕುತೂಹಲ ಮೂಡಿಸಿದೆ.

ಭವಿಷ್ಯದ ಸಂಚಾರ ವಾಹಕದ ಅಂಗವಾಗಿ ಈ ಪಾರದರ್ಶಕ ಬಸ್ಸು ಸಾರಿಗೆ ವ್ಯವಸ್ಥೆಯ ಭಾಗವಾದ್ದಲ್ಲಿ ಅಚ್ಚರಿಪಡಬೇಕಾಗಿಲ್ಲ.

ಇದರ ವಿನ್ಯಾಸಕರ ಪ್ರಕಾರ ದೊಡ್ಡ, ನಯವಾದ ಮತ್ತು ಮೃದುವಾದ ಮೇಲ್ಮೈ ಪ್ರಶಾಂತತೆ ಮತ್ತು ಶಾಂತಿಪರತೆ ಸೃಷ್ಟಿಸುವಲ್ಲಿ ಕಾರಣವಾಗಿದೆಯಂತೆ.

ವೀಡಿಯೋ ವೀಕ್ಷಿಸಿ