Just In
- 10 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 10 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 11 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 11 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಂಗಳೂರಿನಲ್ಲಿ ಜಾರಿಗೆ ತರಲಾಗಿರುವ ಈ ಹೊಸ 'ಹಳದಿ ಚೌಕ' ನಿಯಮದ ಬಗ್ಗೆ ತಿಳಿದುಕೊಳ್ಳಿ
ಇತ್ತೀಚಿಗಷ್ಟೇ ಹಳದಿ ಚೌಕದ ನಿಯಮವನ್ನು ಬೆಂಗಳೂರು ಪೊಲೀಸರು ಪರಿಚಯ ಮಾಡಿದ್ದು, ಈ ವಿಚಾರವಾಗಿ ಒಂದಿಷ್ಟು ಮಾಹಿತಿ ಇಲ್ಲಿದೆ.
ಕೆಲವು ದಿನಗಳಿಂದ ಬೆಂಗಳೂರಿನ ಪ್ರತಿಯೊಬ್ಬ ವಾಹನ ಸಾವರನಿಗೆ ಹಳದಿ ಬಣ್ಣದ ಬಾಕ್ಸ್ ಟ್ರಾಫಿಕ್ ಸಿಗ್ನಲ್ಲಿನಲ್ಲಿ ಕಾಣ ಸಿಗುತ್ತಿರುವುದು ಖಂಡಿತವಾಗಿಯೂ ಆಶ್ಚರ್ಯ ಉಂಟು ಮಾಡಿರುವುದಂತೂ ನಿಜ.
ಏನಪ್ಪಾ ಇಷ್ಟೊಂದು ಹಳದಿ ಬಣ್ಣದ ಚೌಕಗಳನ್ನು ಟ್ರಾಫಿಕ್ ಸಿಗ್ನಲ್ನಲ್ಲಿ ಹಾಕಿದ್ದಾರೆ ಎಂದು ನಿಮಗೆ ಕೊಂಚ ಮಟ್ಟಿನ ಗೊಂದಲ ಉಂಟು ಮಾಡುವುದಂತೂ ಸತ್ಯ, ಅದಕ್ಕೆ ಕಾರಣ ತಿಳಿದುಕೊಳ್ಳಬೇಕೆಂದರೆ ಮುಂದೆ ಓದಿ.
ಏನಿದು ಹಳದಿ ಬಣ್ಣದ ಬಾಕ್ಸ್ ?
'ಕ್ರಿಸ್ ಕ್ರಾಸ್' ಪಟ್ಟಿ ಎಂಬ ಹೆಸರಿನಿಂದ ಕರೆಯಲ್ಪಡುವ ಈ ಹಳದಿ ಬಣ್ಣದ ಚೌಕವನ್ನು 1964ರಲ್ಲಿ ಮೊದಲ ಬಾರಿಗೆ ಲಂಡನ್ ಸಿಟಿಯಲ್ಲಿ ಪರಿಚಯಿಸಲಾಯಿತು.
ಅತಿ ಹೆಚ್ಚು ಟ್ರಾಫಿಕ್ ಹೊಂದಿರುವ ಸ್ಥಳಗಳಲ್ಲಿ ಈ ಕ್ರಿಸ್ ಕ್ರಾಸ್ ಪಟ್ಟಿಯನ್ನು ಬಳಸಬಹುದಾಗಿದ್ದು, ಇದರಿಂದಾಗಿ ವಾಹನ ದಟ್ಟಣೆ ಕಡಿಮೆಯಾಗಲಿದೆ.
ಟ್ರಾಫಿಕ್ ಹೆಚ್ಚಿಗೆ ಇರುವ ಜುಂಕ್ಷನ್ಗಳಲ್ಲಿ ವಾಹನ ದಟ್ಟಣೆ ಕಡಿಮೆ ಮಾಡುವುದೇ ಈ ಕ್ರಿಸ್ ಕ್ರಾಸ್ ಪಟ್ಟಿಯ ಮೂಲ ಉದ್ದೇಶವಾಗಿದೆ.
ಇತ್ತೀಚೆಗೆ ಬೆಂಗಳೂರಿನ ಪ್ರಮುಖ ಟ್ರಾಫಿಕ್ ಸಿಗ್ನಲ್ಗಳಲ್ಲಿ ಈ ರೀತಿಯ ಹಳದಿ ಬಣ್ಣದ ಕ್ರಿಸ್ ಕ್ರಾಸ್ ಪಟ್ಟಿಗಳನ್ನು ಬಳಿಯಲಾಗುತ್ತಿದ್ದು, ಇದರಿಂದಾಗಿ ಟ್ರಾಫಿಕ್ ಜಂಕ್ಷನ್ಗಳಲ್ಲಿ ಆಗುವಂತಹ ಟ್ರಾಫಿಕ್ ಕಿರಿ ಕಿರಿಯನ್ನು ತಪ್ಪಿಸಲಿದೆ.
ಹೇಗೆ ಕಾರ್ಯ ನಿರ್ವಹಿಸಲಿದೆ ಈ ಕ್ರಿಸ್ ಕ್ರಾಸ್ ಹಳದಿ ಬಣ್ಣದ ಬಾಕ್ಸ್ ?
ಈ ಹಳದಿ ಬಣ್ಣದ ಪ್ರತಿಯೊಂದು ನಿಯಮದ ಬಗ್ಗೆ ಈ ಕೆಳಗೆ ಸವಿವರವಾಗಿ ವಿವರಿಸಲಾಗಿದ್ದು, ಸೂಕ್ಷ್ಮವಾದ ವಿಚಾರವಾದ್ದರಿಂದ ಏಕಾಗ್ರತೆಯಿಂದ ಓದಿ ತಿಳಿಯಿರಿ.
ಬಲ ತಿರುವು ತೆಗೆದುಕೊಳ್ಳುವುದು ಹೇಗೆ ?
ಮೇಲಿನ ಚಿತ್ರದಲ್ಲಿ ಒಮ್ಮೆ ಗಮನಿಸಿ, ಹೊಸ ನಿಯಮದ ಪ್ರಕಾರ ಟ್ರಾಫಿಕ್ ಸಿಗ್ನಲ್ನಲ್ಲಿ ಹಸಿರು ಬಣ್ಣ ಬೆಳಗಿದ ನಂತರವೂ ಸಹ C ರಸ್ತೆಯಲ್ಲಿ ಯಾವುದೇ ವಾಹನಗಳು ಇಲ್ಲ ಎಂಬುವುದು ಖಾತ್ರಿಯಾದ ನಂತರವೇ A ಕಾರು ಚಲಿಸತಕ್ಕದು.
C ಸ್ಥಳದಲ್ಲಿ ವಾಹನ ಇರುವುದು ತಿಳಿದ ಮೇಲೆ ಹಸಿರು ಬಣ್ಣ ಬೆಳಗಿದರೂ ಸಹ ಚಲಿಸದೆ ಹಳದಿ ಬಣ್ಣದ ಚೌಕದ ಹಿಂದೆ ಉಳಿಯಬೇಕು. C ಸ್ಥಳದಲ್ಲಿ ವಾಹನ ನಿಂತಿದ್ದರು ಸಹ ಹಳದಿ ಚೌಕವನ್ನು ಪ್ರವೇಶಿಸಿದರೆ ಬೇರೆ ರಸ್ತೆಯಿಂದ ಚಲಿಸುವ ವಾಹನಗಳಿಗೆ ತೊಂದರೆ ಮಾಡುವುದನ್ನು ತಪ್ಪಿಸಲು ಈ ರೀತಿಯ ನಿಯಮ ರೂಪಿಸಲಾಗಿದೆ.
ನೇರ ರಸ್ತೆ ಪ್ರವೇಶ ಪಡೆಯುವುದು ಹೇಗೆ ?
ಚಿತ್ರದಲ್ಲಿ ಗಮನಿಸಿದಂತೆ, B ಕಾರು ನೇರವಾಗಿ ಚಲಿಸುತ್ತಿದ್ದರೆ ಮಾತ್ರ A ಕಾರು ನೇರವಾಗಿ ಮುಂದೆ ಚಲಿಸಬಹುದಾಗಿದ್ದು, B ಕಾರು ನೇರವಾಗಿರುವ ರಸ್ತೆಯಲ್ಲಿ ಚಲಿಸಿ ಹಳದಿ ಬಣ್ಣದ ಚೌಕ ಹಾದು ಹೋಗಿ ನಿಂತರೆ, B ಕಾರಿನ ಹಿಂದೆ ಬರುತ್ತಿರುವ A ಕಾರು ಚೌಕವನ್ನು ಪ್ರವೇಶಿಸದೆ ನಿಲ್ಲಬೇಕು.
ಹಸಿರು ದೀಪ ಬೆಳಗಿದರೂ ಸಹ ಹಾದು ಹೋಗಬೇಕಾಗಿರುವ ರಸ್ತೆಯಲ್ಲಿ ಯಾವುದೇ ನಿರ್ಬಂಧ ಇಲ್ಲದೆ ಇದ್ದರೆ ಮಾತ್ರ ಚೌಕ ಪ್ರವೇಶಿಸಬೇಕು ಎಂಬುದು ಮುಖ್ಯ ನಿಯಮವಾಗಿದ್ದು, ಇದರಿಂದಾಗಿ ಹಳದಿ ಬಣ್ಣದ ಚೌಕದಲ್ಲಿ ಹೆಚ್ಚು ತೊಂದರೆ ಇಲ್ಲದೆ ಸರಾಗವಾಗಿ ವಾಹನಗಳು ಸಂಚರಿಸಲಿವೆ.
ಕ್ರಿಸ್ ಕ್ರಾಸ್ ಚೌಕಾಕಾರದ ಪಟ್ಟಿಯೊಂದಿಗೆ ಜಿಗ್ ಜಾಗ್ ಪಟ್ಟಿಗಳನ್ನೂ ಸಹ ರಸ್ತೆ ಮೇಲೆ ಬಳಿಯಲು ಬೆಂಗಳೂರಿನ ಪೊಲೀಸರು ಮುಂದಾಗಿದ್ದು, ಈ ಪಟ್ಟಿ ಜಂಕ್ಷನ್ ಶುರುವಾಗುವ 25 ಮೀಟರ್ ಹಿಂದಿನಿಂದ ಶುರುವಾಗಲಿದೆ.
ಸದ್ಯ ಬಿಬಿಎಂಪಿಯ ಟೆಂಡರ್ಶ್ಯೂರ್ ಜಂಕ್ಷನ್ಗಳಲ್ಲಿ ಮಾತ್ರ ಈ ಪಟ್ಟಿಗಳನ್ನೂ ಅಳವಡಿಸಲಾಗಿದ್ದು, ಮುಂಬರುವ ದಿನಗಳಲ್ಲಿ ಎಲ್ಲಾ ಜಂಕ್ಷನ್ಗಳಲ್ಲಿ ಈ ಹಳದಿ ಪಟ್ಟಿ ಬಳೆಯಲಾಗುತ್ತದೆ ಎನ್ನಲಾಗಿದೆ.
ಸದ್ಯ ಈ ಪಟ್ಟಿ ಬಳೆಯುವ ಕಾರ್ಯಕ್ಕೆ ಅಂದಾಜು 3 ಲಕ್ಷ ಖರ್ಚು ಆಗಲಿದ್ದು, ಇದನ್ನು ಹಣವನ್ನು ಸಂಬಂಧ ಪಟ್ಟ ಇಲಾಖೆ ಈಗಾಗಲೇ ಬಿಡುಗಡೆಗೊಳಿಸಿದೆ.
ಇನ್ನು ಕೆಲವೇ ತಿಂಗಳುಗಳಲ್ಲಿ ಕನಿಷ್ಠ 100 ಜಂಕ್ಷನ್ಗಳಲ್ಲಿ ಈ ಹಳದಿ ಪಟ್ಟಿ ನಿಯಮ ಜಾರಿಗೆ ಬರಲಿದ್ದು, ಆದರೆ ಈ ಹಳದಿ ಮತ್ತು ಬಿಳಿ ಬಣ್ಣದ ಪಟ್ಟಿಗಳು ಸಾಕಷ್ಟು ವಾಹನ ದಟ್ಟಣೆ ಇರುವ ಬೆಂಗಳೂರಿನಲ್ಲಿ ಎಷ್ಟು ದಿನ ಬಾಳಿಕೆ ಬರುತ್ತವೆ ಎನ್ನುವುದು ಸಂಚಾರಿ ಪೊಲೀಸ್ ವಿಭಾಗದ ಮುಂದಿರುವ ದೊಡ್ಡ ಪ್ರೆಶ್ನೆಯಾಗಿದೆ.
ಈ ಹಳದಿ ಬಣ್ಣದ ಚೌಕದ ಬಗ್ಗೆ ಹೆಚ್ಚು ಜನರಿಗೆ ಅರಿವಿಲ್ಲದ ಕಾರಣ ಈಗಾಗಲೇ ಸಂಚಾರಿ ಪೊಲೀಸ್ ವಿಭಾಗ ಕಾರ್ಯಪ್ರವೃತವಾಗಿದ್ದು, ಜನತೆಗೆ ಈ ವಿಚಾರವಾಗಿ ಹೆಚ್ಚಿನ ಮಟ್ಟದ ಶಿಕ್ಷಣ ಒದಗಿಸಲು ಮುಂದಾಗಿದೆ.
ದೊಡ್ಡ ಮೊತ್ತದ ದಂಡ ಬೀಳುತ್ತೆ ಹುಷಾರ್!!
ಹೌದು, ಈ ನಿಯಮ ಸರಿಯಾದ ಕ್ರಮದಲ್ಲಿ ಎಲ್ಲಾ ಕಡೆ ಜಾರಿಗೆ ಬಂದ ದಿನದಿಂದ ಸಂಚಾರಿ ಪೊಲೀಸ್ ವಿಭಾಗ ಹೆಚ್ಚು ಜಾಗೃತವಾಗಲಿದ್ದು, ನಿಯಮ ಉಲ್ಲಂಘನೆ ಮಾಡಿದವರಿಗೆ ಹೆಚ್ಚಿನ ಮೊತ್ತದ ದಂಡ ಹಾಕಲಿದೆ.
ಇನ್ನು,
ನೋ ಪಾರ್ಕಿಂಗ್ ದಂಡ - ರೂ. 100
ಸಿಂಗಲ್ ಜಂಪ್ - ರೂ. 100
ಅಜಾಗರೂಕತೆಯ ಚಾಲನೆ(ದ್ವಿಚಕ್ರ) - 300
ಅಜಾಗರೂಕತೆಯ ಚಾಲನೆ(ನಾಲ್ಕು ಚಕ್ರ) - 300
ಸದ್ಯ ಕೆ.ಆರ್.ರಸ್ತೆ, ಕಬ್ಬನ್ ರಸ್ತೆ, ಇಂದಿರಾನಗರದಲ್ಲಿ ಇರುವ 100 ಫೀಟ್ ರಸ್ತೆ, ಹಳೆ ಮದ್ರಾಸ್ ರಸ್ತೆ, ಕಾವೇರಿ ಆರ್ಟ್ಸ್ ಮತ್ತು ಕ್ರಾಫ್ಟ್ ಎಂಪೋರಿಯಂ, ಟ್ರಿನಿಟಿ ಸರ್ಕಲ್, ಆಡುಗೋಡಿಯಲ್ಲಿರುವ ಸೋನಿ ವರ್ಲ್ಡ್ ಜಂಕ್ಷನ್, ಊರ್ವಶಿ ಚಿತ್ರಮಂದಿರ, ಸದಾಶಿವನಗರ ಪೊಲೀಸ್ ಠಾಣೆಯ ಜಂಕ್ಷನ್ಗಳಲ್ಲಿ ಈ ಹಳದಿ ಬಣ್ಣದ ಚೌಕಗಳನ್ನು ಬಳಿಯಲಾಗಿದೆ.
ವಾರದ ಒಳಗಾಗಿ ಅತಿ ಹೆಚ್ಚು ಟ್ರಾಫಿಕ್ ಜಾಮ್ ಆಗುವಂತಹ ಸ್ಥಳಗಳಾದ ಚಾಲುಕ್ಯ ಸರ್ಕಲ್ ಮತ್ತು ಸಿಲ್ಕ್ ಬೋರ್ಡ್ ಜಂಕ್ಷನ್ಗಳಲ್ಲಿ ಈ ಹಳದಿ ಬಣ್ಣದ ಚೌಕಾಕಾರದ ಪಟ್ಟಿಗಳನ್ನು ಕಾಣಬಹುದಾಗಿದೆ.
ಅದೇನೇ ಇರಲಿ ಅತಿ ಹೆಚ್ಚು ಕ್ಲಿಷ್ಟತೆ ಇಂದ ಕೂಡಿರುವ ಈ ನಿಯಮವನ್ನು ತಿಳಿದುಕೊಳ್ಳುವುದಕ್ಕೆ ಹೆಚ್ಚು ಸಂಯಮ ಬೇಕಾಗಿದ್ದು, ಇದನ್ನು ಎಷ್ಟು ಜನ ಪಾಲನೆ ಮಾಡುತ್ತಾರೆ? ಎಂಬುದೇ ಈಗಿರುವ ಪ್ರೆಶ್ನೆಯಾಗಿದೆ.
ಬಹಳಷ್ಟು ಜನ ಉಲ್ಲಂಘನೆ ಮಾಡುವ ಈ ನಿಯಮದಿಂದ ಸರ್ಕಾರದ ಬೊಕ್ಕಸಕ್ಕೆ ಕೋಟಿ ಕೋಟಿ ಆದಾಯ ಬರುವುದಂತೂ ಖಂಡಿತ. ಬೆಂಗಳೂರಿಗರು ಆದಷ್ಟು ಈ ನಿಯಮವನ್ನು ಮನೆಯಲ್ಲಿ ಕುಳಿತು ಅಧ್ಯಯನ ಮಾಡಿ ರಸ್ತೆಗಿಳಿಯುವುದು ಒಳಿತು.