ಗುಜರಾತ್ ಪೊಲೀಸ್‌ಗೆ ಬಂತು ಆನೆ ಬಲ

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಹಾರ್ಲೆ ಡೇವಿಡ್ಸನ್ ಅಮೆರಿಕ ಮೂಲದ ಸಂಸ್ಥೆಯಾಗಿದ್ದು, ದೇಶದಲ್ಲಿ ತನ್ನದೇ ಆದ ನಿರ್ಮಾಣ ಘಟಕವನ್ನು ಹೊಂದಿದೆ. ಅಲ್ಲದೆ ಅತ್ಯಂತ ಶಕ್ತಿಶಾಲಿ, ಗುಣಮಟ್ಟ ಹಾಗೂ ನಿರ್ವಹಣಾ ಬೈಕ್ ಗಳನ್ನು ಉತ್ಪಾದಿಸುವುದರಲ್ಲಿ ನಿಸ್ಸೀಮವಾಗಿದೆ.

ಈಗ ಹಾರ್ಲೆ ಡೇವಿಡ್ಸನ್‌ನ ಅತ್ಯಂತ ಜನಪ್ರಿಯ ಸ್ಟ್ರೀಟ್ 750 ಮೋಟಾರ್ ಸೈಕಲ್ ಗಳನ್ನು ಗುಜರಾತ್ ಪೊಲೀಸ್ ವಿಭಾಗಕ್ಕೆ ಹಂಚಲಾಗಿದೆ. ಇದನ್ನು ಪೊಲೀಸ್ ವಿಭಾಗವು ತನ್ನ ಅಗತ್ಯಕ್ಕೆ ಅನುಸಾರವಾಗಿ ವಿಶೇಷವಾಗಿ ಮಾರ್ಪಾಡುಗೊಳಿಸಿದೆ.

ಇಂತಹ ಒಂಬತ್ತು ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ 750 ಬೈಕ್ ಗಳನ್ನು ಗುಜರಾತ್ ಪೊಲೀಸ್ ಖರೀದಿಸಿದೆ. ಇತರ ರಾಜ್ಯದ ಪೊಲೀಸ್ ರಕ್ಷಣಾ ವಿಭಾಗವನ್ನು ಗಮನಿಸಿದಾಗ ದುಬಾರಿ ಬೈಕ್ ಗಳನ್ನು ಗುಜರಾತ್ ಪೊಲೀಸ್ ಖರೀದಿಸಿರುವುದು ಕಂಡುಬಂದಿದೆ.

ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ 750 ಬೈಕ್ ವಿ ಟ್ವಿನ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತಿದ್ದು, ನಗರ ಹಾಗೂ ಹೆದ್ದಾರಿ ಪಯಣಕ್ಕೆ ಯೋಗ್ಯವೆನಿಸುತ್ತದೆ. ಇದರಲ್ಲಿ ಆರು ಸ್ಪೀಡ್ ಗೇರ್ ಬಾಕ್ಸ್ ಕೂಡಾ ಇರುತ್ತದೆ.

ಈಗ ಖರೀದಿಸಿರುವ ಹಾರ್ಲೆ ಬೈಕ್ ಗಳನ್ನು ಪ್ರಾಥಮಿಕವಾಗಿ ತ್ವರಿತ ಕಾರ್ಯಾಚರಣೆಗಾಗಿ ಬಳಕೆ ಮಾಡಲಾಗುವುದು. ಉದಾಹರಣೆಗೆ ಹಿರಿಯ ಸಚಿವರಿಗೆ ಬೆಂಗಾವಲಾಗಿ ಅಥವಾ ನೈಸರ್ಗಿಕ ವಿಪತ್ತುಸಂಭವಿಸಿದಾಗ ತ್ವರಿತ ಕಾರ್ಯಾಚರಣೆ ನಡೆಸಲಾಗುವುದು ಎಂದು ಗುಜರಾತ್ ಪೊಲೀಸ್ ವಿಭಾಗ ತಿಳಿಸಿದೆ.