ಸದಲ್ಲದೆ ಪರಿಷ್ಕೃತ ಕವಾಸಕಿ ನಿಂಜಾ 650 ಮತ್ತು ಇಆರ್-6ಎನ್ ಎಂಟ್ರಿ

ಕೆಲವು ನಿರ್ದಿಷ್ಟ ಮಾರುಕಟ್ಟೆಗಳಲ್ಲಿ ಇಆರ್-6ಎಫ್ ಎಂಬುದಾಗಿಯೂ ಗುರುತಿಸ್ಪಟ್ಟಿರುವ ಕವಾಸಕಿ ನಿಂಜಾ 650 ಕ್ರೀಡಾ ಟೂರರ್ ಬೈಕ್, ಹೊಸ ಗ್ರಾಫಿಕ್ಸ್ ಗಳೊಂದಿಗೆ ತಾಜಾತನವನ್ನು ಪಡೆದಿದೆ. ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆಗಳನ್ನು ತರಲಾಗಿಲ್ಲ.

ಇನ್ನೊಂದೆಡೆ ಕವಾಸಕಿ ಇಆರ್-6ಎನ್ ಆವೃತ್ತಿಯು ಎಲ್ಲ ಕಪ್ಪು ವರ್ಣದ ಬಣ್ಣದ ಜೊತೆಗೆ ನೂತನ ಗ್ರಾಫಿಕ್ಸ್ ಗಳನ್ನು ಪಡೆಯಲಿದೆ. ಇಲ್ಲೂ ಎಂಜಿನ್ ಮಾನದಂಡಗಳಲ್ಲಿ ಬದಲಾವಣೆಗಳಿರುವುದಿಲ್ಲ.

ಕವಾಸಕಿ ಜೋಡಿ ಬಣ್ಣಗಳ ಪ್ರಮುಖ ವ್ಯತ್ಯಾಸವೆನೆಂದರೆ ನಿಂಜಾ 650 ಸಂಪೂರ್ಣ ಫೇರ್ಡ್ ಬೈಕ್ ಎನಿಸಿಕೊಂಡಲ್ಲಿ ಇಆರ್-6ಎನ್ ನೆಕ್ಡ್ ಬೈಕಾಗಿರಲಿದೆ.

ಕವಾಸಕಿ ನಂಜಾ 650 ಬೈಕ್ ಡನ್ ಲಪ್ ರೋಡ್ ಸ್ಮಾರ್ಟ್ II ಚಕ್ರಗಳನ್ನು ಪಡೆದಿದ್ದು, ಆಫ್ ರೋಡ್ ಮತ್ತು ಟೂರಿಂಗ್ ಚಾಲನೆಗೆ ಹೆಚ್ಚು ಯೋಗ್ಯವೆನಿಸಿದೆ. ಮತ್ತೊಂದೆಡೆ ಇಆರ್-6ಎನ್, ಡನ್ ಲಪ್ ಸ್ಪೋರ್ಟ್ ಮ್ಯಾಕ್ಸ್ ಡಿ214 ಚಕ್ರಗಳನ್ನು ಪಡೆಯಲಿದೆ.

ಈ ಎರಡು ಬೈಕ್ ಗಳು 649 ಸಿಸಿ ಲಿಕ್ವಿಡ್ ಕೂಲ್ಡ್ ಟ್ವಿನ್ ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 64 ಎನ್ ಎಂ ತಿರುಗುಬಲದಲ್ಲಿ 70 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಬಲ್ಲ ಮೂಲಗಳ ಪ್ರಕಾರ ಈ ಎರಡು ಮಾದರಿಗಳು ಈಗಾಗಲೇ ಡೀಲರುಗಳನ್ನು ತಲುಪಿದೆ. ಆದರೆ ಭದ್ರತೆಯತ್ತ ದೃಷ್ಟಿ ಹಾಯಿಸಿದಾಗ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ ಕೊರತೆಯನ್ನು ಕಾಡಲಿದೆ.