ಭಾರತೀಯ ಮಾರುಕಟ್ಟೆಯಿಂದ ಡಯಾವೆಲ್ ಬೈಕ್ ಹಿಂಪಡೆದ ಡುಕಾಟಿ..!!

ಭಾರತೀಯ ಆಟೋ ಉದ್ಯಮ ವಲಯದಲ್ಲಿ ಬಿಎಸ್-3 ಎಂಜಿನ್ ವಾಹನಗಳು ನಿಷೇಧಗೊಂಡಿದ್ದು, ಈ ಹಿನ್ನೆಲೆ ಬಿಎಸ್-4 ಎಂಜಿನ್‌ನೊಂದಿಗೆ ಅಭಿವೃದ್ಧಿಗೊಳ್ಳುತ್ತಿರುವ ಡುಕಾಟಿ ಡಯಾವೆಲ್ ಭಾರತದಲ್ಲಿ ಮರು ಬಿಡುಗಡೆಗೆ ಎದುರು ನೋಡುತ್ತಿದೆ.

ಡುಕಾಟಿ ಡಯಾವೆಲ್ ಬರಿ ಕ್ರೂಸರ್ ಬೈಕ್ ಎಂದೆನಿಸಿಕೊಳ್ಳುವುದಿಲ್ಲ. ಬದಲಾಗಿ ಇಂದೊಂದು ಪವರ್ ಕ್ರೂಸರ್ ಆಗಿದ್ದು, ಸೂಪರ್ ಬೈಕ್ ಎಂಜಿನ್ ಸಾಮರ್ಥ್ಯ ಹೊಂದಿರಲಿದೆ. ಜೊತೆಗೆ ಸ್ಪೋರ್ಟ್ಸ್ ಬೈಕ್ ವೈಶಿಷ್ಟ್ಯಗಳನ್ನು ಸಹ ಪಡೆದುಕೊಳ್ಳಲಿದೆ.

ಹಿಂದಿನ ಆವೃತ್ತಿಯ ಡಯಾವೆಲ್‌ಗಿಂತಲೂ ಹೆಚ್ಚು ಆಕ್ರಮಣಕಾರಿ ವಿನ್ಯಾಸವನ್ನು 2017ರ ಡುಕಾಟಿ ಡಯಾವೆಲ್‌ಗೆ ಕೊಡಲಾಗುತ್ತಿದ್ದು, ಪೂರ್ಣ ಪ್ರಮಾಣದ ಎಲ್‌ಇಡಿ ಹೆಡ್ ಲ್ಯಾಂಪ್ ಪಡೆದುಕೊಳ್ಳಲಿದೆ.

2017ರ ಡುಕಾಟಿ ಡಯಾವೆಲ್ ಬೈಕು ಟೆಸ್ಟಾಸ್ಟ್ರೆಟ್ಟಾ 11 ಡಿಗ್ರಿ ಡಿಎಸ್ ಎಂಜಿನ್‌ನಿಂದ ನಿಯಂತ್ರಿಸ್ಪಡಲಿದ್ದು, 162ಬಿಎಚ್‌ಪಿ ಮತ್ತು 130 ಎನ್‌ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿರುತ್ತದೆ.

ಅಂತೆಯೇ ಡುಕಾಟಿ ಪವರ್ ಕ್ರೂಸರ್ ಡಯಾವೆಲ್ ಬೈಕ್‌ನ ಎಕ್ಸಾಸ್ಟ್ ಕೂಡಾ ಪರಿಷ್ಕೃತಗೊಂಡಿದ್ದು, ಡ್ಯುಯಲ್ ಸಿಸ್ಟಂ ಪಡದುಕೊಂಡಿದೆ.

ನೀವು ಈಗಾಗಲೇ ಗಮನಿಸಿರುವಂತೆಯೇ ಮೂರು ವಿಭಿನ್ನ ಕಲರ್ ವೆರಿಯಂಟ್‌ಗಳಲ್ಲಿ 2017ರ ಡುಕಾಟಿ ಡಯಾವೆಲ್ ಖರೀದಿಗೆ ಲಭ್ಯವಾಗಲಿದ್ದು, ಬೆಲೆಗಳು ದುಬಾರಿ ಎನ್ನಿಸಲಿವೆ.

ಬೆಲೆ

ಕೇವಲ ವರದಿಗಳ ಪ್ರಕಾರ ಸುಧಾರಿತ ತಂತ್ರಜ್ಞಾನ ಹಾಗೂ ಬಿಎಸ್-4 ಎಂಜಿನ್‌ನೊಂದಿಗೆ ಬಿಡುಗಡೆಯಾಗಿರುವ ಡಯಾವೆಲ್ ಬೈಕ್ ಬೆಲೆ ರೂ. 16 ಲಕ್ಷದಿಂದ ರೂ.17 ಲಕ್ಷದವರೆಗೆ ಆಗಬಹುದೆಂದು ಅಂದಾಜಿಸಲಾಗಿದೆ.