ಜೀರೋ ಎಮಿಷನ್ ಬೈಕ್ ಉತ್ಪಾದನೆಗೆ ಮುಂದಾದ ಹೀರೊ ಮೊಟೊಕಾರ್ಪ್..!!

Written By:

ವಾಯುಮಾಲಿನ್ಯ ತಗ್ಗಿಸುವ ಉದ್ದೇಶದಿಂದ ಭಾರತೀಯ ಆಟೋ ಉದ್ಯಮದಲ್ಲಿ ಜೀರೋ ಎಮಿಷನ್ ವಾಹನಗಳ ಉತ್ಪಾದನೆಗೆ ಬೇಡಿಕೆ ಹೆಚ್ಚುತ್ತಿದ್ದು, ಈ ನಿಟ್ಟಿನಲ್ಲಿ ಹೀರೊ ಮೊಟೊಕಾರ್ಪ್ ಸಂಸ್ಥೆಯು ಹೊಸ ಮಾದರಿಯ ಬೈಕ್ ನಿರ್ಮಾಣಕ್ಕೆ ಮುಂದಾಗಿದೆ.

ದಿನದಿಂದ ದಿನಕ್ಕೆ ವಾಯುಮಾಲಿನ್ಯದ ಪ್ರಮಾಣ ಹೆಚ್ಚುತ್ತಿದ್ದು, ನಗರಪ್ರದೇಶಗಳಲ್ಲಿನ ಜನತೆಯಲ್ಲಿ ಆರೋಗ್ಯದ ಸಮಸ್ಯೆ ಉಲ್ಬಣಗೊಳ್ಳುತ್ತಿವೆ. ಈ ಹಿನ್ನೆಲೆ ಆಟೋ ಉದ್ಯಮ ವಲಯದಲ್ಲಿ ಹೊಸ ಕ್ರಾಂತಿ ಶುರುವಾಗಿದ್ದು, ಜೀರೋ ಎಮಿಷನ್ ವಾಹನ ಉತ್ಪಾದನೆಗೆ ಭಾರೀ ಬೇಡಿಕೆ ಸೃಷ್ಠಿಯಾಗಿದೆ.

ಸದ್ಯ ಜೀರೋ ಎಮಿಷನ್ ಬೈಕ್ ಉತ್ಪಾದನೆ ಬಗ್ಗೆ ಹೊಸ ಪರಿಕಲ್ಪನೆ ಅನಾವರಣ ಮಾಡಿರುವ ಹೀರೋ ಮೋಟೋಕಾರ್ಪ್ ಸಂಸ್ಥೆಯು, ಭಾರತೀಯ ಗ್ರಾಹಕರಿಗಾಗಿ ವಿಶೇಷ ವಿನ್ಯಾಸ ಹೊಂದಿರುವ ಬೈಕ್ ಮಾದರಿಯನ್ನು ಪರಿಚಯಿಸಲಿದೆ.

ಕಳೆದ 2 ತಿಂಗಳು ಹಿಂದಷ್ಟೇ ಭಾರತೀಯ ಮಾರುಕಟ್ಟೆಯಲ್ಲಿ ಬಿಎಸ್-3 ವಾಹನಗಳನ್ನು ನಿಷೇಧ ಮಾಡಲಾಗಿತ್ತು. ಇದಕ್ಕೆ ಪೂರಕವಾಗಿ ಹೊಸ ಯೋಜನೆ ರೂಪಿಸಿರುವ ಹೀರೋ ಮೋಟೋಕಾರ್ಪ್ ಸಂಸ್ಥೆಯು, ಸುಧಾರಿತ ತಂತ್ರಜ್ಞಾನ ಹೊಂದಿರುವ ಬೈಕ್ ಉತ್ಪಾದನೆ ಕೈಗೆತ್ತಿಕೊಳ್ಳಲಿದೆ.

ಕಳೆದ ವರ್ಷ ಇಂಡಿಯನ್ ಆಟೋ ಎಕ್ಸ್‌ಪೋದಲ್ಲಿ ಹೊಸ ಬೈಕ್ ಪರಿಕಲ್ಪನೆಯನ್ನು ಪರಿಚಯ ಮಾಡಿದ್ದ ಹೀರೋ ಸಂಸ್ಥೆಯು, ಹೊಸ ಮಾದರಿಯ ಬೈಕ್‌ಗೆ ಉತ್ತಮ ಪ್ರತಿಕ್ರಿಯೆ ಬಂದ ಹಿನ್ನೆಲೆ ಉತ್ಪಾದನೆಯನ್ನು ಆರಂಭ ಮಾಡಿದೆ.

124 ಸಿಸಿ ಎಂಜಿನ್ ಹೊಂದಲಿರುವ ಹೊಸ ಬೈಕ್, ಪೆಟ್ರೋಲ್ ಹಾಗೂ ಅಯಾನ್ ಲಿಥಿಯಮ್ ಬ್ಯಾಟರಿಯೊಂದಿಗೆ ಅಭಿವೃದ್ಧಿಗೊಳ್ಳಲಿದೆ.

ಇನ್ನೊಂದು ವಿಶೇಷ ಅಂದ್ರೆ ಹಿರೋ ಮೋಟೋ ಕಾರ್ಪ್ ಸಿದ್ದಪಡಿಸಿರುವ ಹೊಸ ಯೋಜನೆಗೆ ಬೆಂಗಳೂರು ಮೂಲದ ಅಧೆರ್ ಏನರ್ಜಿ ಸಂಸ್ಥೆಯು ರೂ.205 ಕೋಟಿ ಬಂಡವಾಳ ಹೂಡಿಕೆ ಮಾಡುತ್ತಿದೆ.

ಹೀಗಾಗಿ 2020ರ ವೇಳೆಗೆ ಹೊಸ ಮಾದರಿಯ ಬೈಕ್ ಖರೀದಿಗೆ ಲಭ್ಯವಾಗಲಿದ್ದು, ಎಲೆಕ್ಟ್ರಿಕ್ ಹಾಗೂ ಜೀರೋ ಎಮಿಷನ್ ಬೈಕ್‌ಗಳ ಖರೀದಿ ಭರಾಟೆ ಕೂಡಾ ಹೆಚ್ಚಲಿದೆ.

English summary
Read in Kannada about Hero MotoCorp Working On Zero Emission Vehicles.
Please Wait while comments are loading...

Latest Photos