Just In
- 5 min ago Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- 12 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 13 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 15 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
Don't Miss!
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- News Smartphone: ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಬರುತ್ತಿದೆ ಸ್ಯಾಮ್ಸಂಗ್ M35 5G
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Movies Neha Murder Case: ನೇಹಾ ಹತ್ಯೆ ಅಪರಾಧಿಗೆ ಅತ್ಯುಗ್ರ ಶಿಕ್ಷೆ ನೀಡಬೇಕು ಎಂದು ಸಿನಿಮಾ ತಾರೆಯರ ಆಗ್ರಹ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಗೂ ಮುನ್ನವೇ ಭರ್ಜರಿ ಸದ್ದು; ನಾಳೆಗೆ ಕೆಟಿಎಂ 390 ಡ್ಯೂಕ್, 200 ಡ್ಯೂಕ್ ರಿಲೀಸ್
ಸ್ಪೋರ್ಟ್ ಬೈಕ್ಗಳ ಆವೃತ್ತಿಗಳಲ್ಲಿ ಮುಂಚೂಣಿಯಲ್ಲಿರುವ ಕೆಟಿಎಂ ನೂತನ ಮಾದರಿಯ 390 ಡ್ಯೂಕ್, 200 ಡ್ಯೂಕ್ ಬೈಕ್ಗಳಿಗೆ ಭಾರೀ ಬೇಡಿಕೆ ಸೃಷ್ಠಿಯಾಗಿದೆ. ಈಗಾಗಲೇ ಭಾರತದಲ್ಲಿ ಬಹುತೇಕ ಕಡೆ ಬೈಕ್ ಖರೀದಿಸಲು ಜನ ಮುಗಿಬಿದ್ದಿದ್ದಾರೆ.
ಆಸ್ಟ್ರಿಯನ್ ಪ್ರಮುಖ ದ್ವಿಚಕ್ರ ವಾಹನಗಳ ತಯಾರಕ ಕಂಪನಿ ಕೆಟಿಎಂ, 2017 ನೂತನ ಮಾದರಿಗಳನ್ನು ಬಿಡುಗಡೆಗೊಳಿಸಲು ಸಜ್ಜುಗೊಂಡಿದೆ. ನಾಳೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಕೆಟಿಎಂ 390 ಡ್ಯೂಕ್ ಮತ್ತು 200 ಡ್ಯೂಕ್ ಗ್ರಾಹಕರ ಕೈಸೇರಲಿದ್ದು, ಖರೀದಿಗೆ ಭಾರೀ ಬೇಡಿಕೆ ಸೃಷ್ಠಿಯಾಗಿದೆ.
ಅಂತರ್ಜಾಲಗಳ ವರದಿ ಪ್ರಕಾರ ನಾಳೆಯೇ ಕೆಟಿಎಂ 390 ಡ್ಯೂಕ್ ಮತ್ತು 200 ಡ್ಯೂಕ್ ಬಿಡುಗಡೆಗೊಳ್ಳುವ ಸಾಧ್ಯತೆಗಳಿದ್ದು, ಹೊಸ ಬೈಕ್ ಮಾದರಿ ಬಗೆಗೆ ಭಾರೀ ನೀರಿಕ್ಷೆ ಹುಟ್ಟುಹಾಕಲಾಗಿದೆ. ಈ ಹಿಂದೆ 2016ರ ನವೆಂಬರ್ನಲ್ಲಿ ನಡೆದ ಅಂತರ್ರಾಷ್ಟ್ರೀಯ EICMA ಪ್ರದರ್ಶನದಲ್ಲಿ 390 ಡ್ಯೂಕ್ ಮತ್ತು 200 ಡ್ಯೂಕ್ ಯಶಸ್ವಿ ಪ್ರದರ್ಶನ ಕಂಡಿದ್ದವು.
ಈ ಮಧ್ಯೆ ನೂತನ ಮಾದರಿಯ ಕೆಟಿಎಂ 390 ಡ್ಯೂಕ್ ಹಾಗೂ 200 ಡ್ಯೂಕ್ ಖರೀದಿಗೆ ಜನ ಮುಗಿಬಿದ್ದಿದ್ದಾರೆ. ಇದ್ದನ್ನೇ ಬಂಡವಾಳವಾಗಿ ಮಾಡಿಕೊಂಡ ಕೆಲ ಬೈಕ್ ವಿತರಕರು, ಗ್ರಾಹಕರಿಂದ 20 ಸಾವಿರ ರೂಪಾಯಿ ಮುಂಗಡ ಹಣ ಪಡೆದು ಬುಕಿಂಗ್ ಆರಂಭಿಸಿದ್ದಾರೆ.
ಈ ಮೊದಲು ಕೆಟಿಎಂ ತನ್ನ 200 ಡ್ಯೂಕ್ ಪ್ರಾರಂಭಿಸುವ ಮೂಲಕ 2012 ರಲ್ಲಿ ಭಾರತೀಯ ದ್ವಿಚಕ್ರ ಮಾರುಕಟ್ಟೆ ಪ್ರವೇಶ ಮಾಡಿತ್ತು. ಬೈಕ್ ಸವಾರರಿಗೆ ಹೊಸ ಅನುಭೂತಿ ನೀಡಿದ್ದ ಕೆಟಿಎಂ, ಅಲ್ಪಾವಧಿಯಲ್ಲೇಸಾಕಷ್ಟು ಜನಪ್ರಿಯತೆ ಪಡೆಯಿತು. ಇದಕ್ಕೆ ಪ್ರಮುಖ ಕಾರಣ ಉತ್ತಮ ಕಾರ್ಯಕ್ಷಮತೆ ಹೊಂದಿರುವ ಕೆಟಿಎಂ, 2013ರಲ್ಲಿ 390 ಡ್ಯೂಕ್ ಬಿಡುಗಡೆಗೊಳಿಸಿ ಯಶಸ್ವಿಯಾಗಿತ್ತು.
2013ರಲ್ಲಿ ಬಿಡುಗಡೆಯಾಗಿದ್ದ ಕೆಟಿಎಂ 390 ಡ್ಯೂಕ್ ಆವೃತ್ತಿ, ಹಾರ್ಸ್ ಪವರ್ ಕಾರ್ಯಕ್ಷಮತೆಯಿಂದಾಗಿ ಯುವಜನತೆಯ ಮೆಚ್ಚುಗೆಗೆ ಪಾತ್ರವಾಗಿತ್ತು. ಡ್ಯುಯಲ್ ಚಾನಲ್ ಎಬಿಎಸ್ ಉಪಕರಣ ಹೊಂದಿದ್ದರು, ಕೈಗೆಟುಕುವ ದರದಲ್ಲಿ ಬೈಕ್ ದರ ನಿಗದಿ ಗಮನ ಸೆಳೆದಿತ್ತು.
ಸದ್ಯ ಬಿಡುಗಡೆಗೊಳ್ಳಲು ಸಜ್ಜಾಗಿರುವ 2017ರ 390 ಡ್ಯೂಕ್, ಹೊಸ ಎಲ್ಇಡಿ ಹೆಡ್ ಲ್ಯಾಂಪ್, ಹ್ಯಾಂಡ್ ಫ್ರಿ ಕಿಟ್ ಮತ್ತು ಆಡಿಯೊ ಪ್ಲೇಯರ್ ಹೊಂದಿದೆ. ಜೊತೆಗೆ ನೂತನ ಮಾದರಿಗಳಿಗೆ ಹೊಸ ರೂಪ ನೀಡಲಾಗಿದ್ದು, ಪ್ರಸ್ತುತ ತಂತ್ರಜ್ಞಾನಗಳೊಂದಿಗೆ ನವೀಕರಿಸಲಾಗಿದೆ.
390 ಡ್ಯೂಕ್ 2017 ಆವೃತ್ತಿಯಲ್ಲಿ ಹೊಸ ಫ್ರಂಟ್ ಫ್ರೋಕ್ಸ್ , ದೊಡ್ಡದಾದ ಬ್ರೇಕ್, ಬೃಹತ್ ಗ್ರಾತದ ಇಂಧನ ಟ್ಯಾಂಕ್, ಸ್ಲಿಪ್ಪರ್ ಕ್ಲಚ್ ವ್ಯವಸ್ಥೆ ಹೊಂದಿದೆ. ಅಲ್ಲದೇ 373 ಸಿಸಿ ಎಂಜಿನ್ ಸಾಮರ್ಥ್ಯವಿದ್ದು, ವೇಗವರ್ಧಕ ಪರಿವರ್ತಕ ಸಾಧನ ಅಳವಡಿಸಲಾಗಿದೆ.
ದ್ರವ ತಂಪುಗೊಳಿಸುವ ಮೋಟಾರ್ ಪವರ್ ಹೊಂದಿರುವ 373ಸಿಸಿ ಡ್ಯೂಕ್ 390, 35ಎನ್ಎಂ ಜೊತೆಗೆ 44ಬಿಎಚ್ಪಿ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವಿದೆ. ಅದೇ ರೀತಿಯಾಗಿ 2017ರ 200 ಡ್ಯೂಕ್ 200ಸಿಸಿ ಬೈಕಿನಲ್ಲೂದ್ರವ ತಂಪುಗೊಳಿಸುವ ಮೋಟಾರ್ ಪವರ್ ಹೊಂದಿದ್ದು, 19.2ಎನ್ಎಂ ಜೊತೆ 25ಬಿಎಚ್ಪಿ ಟಾರ್ಕ್ ಉತ್ವಾದಿಸುವ ಶಕ್ತಿ ಹೊಂದಿದೆ.
ಒಟ್ಟಿನಲ್ಲಿ ಅದ್ಭುತ ವೆಶಿಷ್ಟ್ಯತೆಗಳೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡಲು ಸಜ್ಜಾಗಿರುವ ಕೆಟಿಎಂ ಹೊಸ ಆವೃತ್ತಿಗೆ ಜನ ಎದುರು ನೋಡುತ್ತಿದ್ದು, ಬೈಕ್ ವಿತರಕರಿಗೆ ಇದು ವರದಾನ ಪರಿಣಮಿಸಿದೆ.
2017 ಕೆಟಿಎಂ 390 ಡ್ಯೂಕ್ ಬೈಕ್ಗಳ ಚಿತ್ರಗಳನ್ನು ವೀಕ್ಷಿಸಲು ಕೆಳಗಿನ ಗ್ಯಾಲರಿಯನ್ನು ಕ್ಲಿಕ್ ಮಾಡಿ.