ಹೊಸ ಹೋಂಡಾ ಆಕ್ಟಿವಾ 4ಜಿ ಬಿಡುಗಡೆ: ಸ್ಕೂಟರಿನಲ್ಲೇ ಮೊಬೈಲ್ ಚಾರ್ಜ್ ಮಾಡ್ಕೊಳಿ

Written By:

ಭಾರತದ ಪ್ರತಿಷ್ಠಿತ ಮೋಟಾರ್ ಸೈಕಲ್ ಮತ್ತು ಸ್ಕೂಟರ್ ತಯಾರಕ ಕಂಪನಿ ಹೋಂಡಾ ತನ್ನ ಬಹುನೀರೀಕ್ಷಿತ ಸ್ವಯಂಚಾಲಿತ ಹೆಡ್ ಲ್ಯಾಂಪ್(AHO) ಹೊಂದಿರುವ ಹೋಂಡಾ 4ಜಿ ಸ್ಕೂಟರನ್ನು ಬಿಡುಗಡೆಗೊಳಿಸಿದೆ.

ಪ್ರತಿಯೊಬ್ಬರಿಗೂ ತಿಳಿದಿರುವಂತೆಯೇ ದೇಶದಲ್ಲಿಯೇ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ, ಸ್ಕೂಟರ್ ವಿಭಾಗದಲ್ಲಿ ಈಗಾಗಲೇ ತನ್ನ ಅಧಿಪತ್ಯ ಹೊಂದಿದ್ದು, ಹೋಂಡಾ ಕಂಪನಿಯ ಈ ಯಶಸ್ಸಿನ ಹಿಂದೆ ಆಕ್ಟಿವಾ ಪ್ರಮುಖ ಪಾತ್ರ ವಹಿಸಿದೆ ಎಂಬುದನ್ನು ಮರೆಯುವಂತಿಲ್ಲ.

ಇಷ್ಟೆಲ್ಲಾ ಹಿನ್ನೆಲೆ ಹೊಂದಿರುವ ಹೋಂಡಾ ಸ್ಕೂಟರ್ ಇಂಡಿಯಾ ಕಂಪನಿ ತನ್ನ 4ನೇ ತಲೆಮಾರಿನ 110 ಸಿಸಿ ಹೋಂಡಾ ಆಕ್ಟಿವಾ ಸ್ಕೂಟರ್ ಬಿಡುಗಡೆಗೊಳಿಸಿದೆ.

ಹೊಸ ಆಕ್ಟಿವಾ 4ಜಿ ಬಿಎಸ್ IV ಕಂಪ್ಲೈಂಟ್ ಎಂಜಿನ್ ಮತ್ತು ಸ್ವಯಂಚಾಲಿತ ಹೆಡ್ ಲ್ಯಾಂಪ್(AHO) ವಿಶೇಷತೆಗಳನ್ನು ಹೊಂದಿದೆ.

ಹೋಂಡಾ ಕಂಪನಿಯ ಈ ಸ್ಕೂಟರ್ ನಿಮ್ಮದಾಗಿಸಿಕೊಳ್ಳಬೇಕಾದರೆ ರೂ. 50,730 (ಎಕ್ಸ್ ಶೋ ರೂಂ ದೆಹಲಿ) ನೀಡಬೇಕು ಎಂದು ಕಂಪನಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ಸ್ಕೂಟರ್ ಮುಂಭಾಗದಲ್ಲಿ ಹೊಸ ವಿನ್ಯಾಸದ ಕವರ್ ವಿನ್ಯಾಸ ಪಡೆದುಕೊಂಡಿದ್ದು, ಮೊಬೈಲ್ ಚಾರ್ಜ್ ಕೂಡ ಮಾಡಬಹುದಾದ ಹೊಸ ಆಯ್ಕೆಯೊಂದನ್ನು ನೀಡಲಾಗಿದೆ. ಉಳಿದಂತೆ ಈ ಹಿಂದಿನ ಆವೃತಿಯ ವಿಶೇಷತೆಗಳು ಹೊಸ ಆಕ್ಟಿವಾ 4ಜಿಯಲ್ಲೂ ಮುಂದುವರಿಯಲಿದ್ದು, ಟ್ಯೂಬ್ ಲೆಸ್ ಟೈರುಗಳು, ಸೀಟಿನ ಕೆಳಗಿರುವ ವಿಶಾಲವಾದ ಸ್ಥಳ ಪಡೆದುಕೊಳ್ಳಲಿದೆ.

ಹೊಸ ಆಕ್ಟಿವಾ 4ಜಿ ಸ್ಕೂಟರ್ ಮಟ್ಟ್ ಸೆಲೆನ್ ಸಿಲ್ವರ್ ಮೆಟಾಲಿಕ್ ಮತ್ತು ಮಟ್ಟೇ ಆಕ್ಸಿಸ್ ಗ್ರೇ ಮೆಟಾಲಿಕ್ ಎಂಬ ಎರಡು ಹೊಚ್ಚ ಹೊಸ ಬಣ್ಣಗಳಲ್ಲಿ ಬಿಡುಗಡೆಗೊಳ್ಳುತ್ತಿದೆ.

ಕಾಂಬಿ ಬ್ರೇಕ್ ಸಿಸ್ಟಮ್ ಮತ್ತು ಇಕ್ವಾಲೈಸರ್ ತಂತ್ರಜ್ಞಾನ ಹೊಂದಿರುವ ಹೋಂಡಾ ಆಕ್ಟಿವಾ 4ಜಿ ಸ್ಕೂಟರ್ ಎಲ್ಲರ ಮೆಚ್ಚುಗೆ ಪಡೆದುಕೊಳ್ಳುವುದರಲ್ಲಿ ಸಂದೇಹವಿಲ್ಲ.

109 ಸಿಸಿ ಇಕೋ ತಂತ್ರಜ್ಞಾನ ಹೊಂದಿರುವ ಈ ಸ್ಕೂಟರ್ 9 ಏನ್ಎಂ ತಿರುಗುಬಲದಲ್ಲಿ 8 ಅಶ್ವಶಕ್ತಿ ಉತ್ಪಾದಿಸುವಷ್ಟು ಶಕ್ತವಾಗಿದೆ. ಭಾರತ ಮಾತ್ರವಲ್ಲದೆ ವಿಶ್ವದಲ್ಲಿಯೇ ಅತಿ ಹೆಚ್ಚು ಮಾರಾಟವಾದ ಏಕೈಕ ಸ್ಕೂಟರ್ ಈ ಆಕ್ಟಿವಾ ಎಂಬ ವಿಚಾರ ಕಂಪನಿಗೆ ಮತ್ತಷ್ಟು ಬಲ ತಂದುಕೊಟ್ಟಿದ್ದು, ಸದ್ಯ 1.5 ಕೋಟಿಗೂ ಹೆಚ್ಚು ಮಂದಿ ಈ ಸ್ಕೂಟರ್ ಬಳಸುತ್ತಿದ್ದಾರೆ.

ಹೊಚ್ಚ ಹೊಸ ಏಪ್ರಿಲಿಯ ಎಸ್ಆರ್ ಸ್ಕೂಟರಿನ ಚಿತ್ರಗಳನ್ನು ವೀಕ್ಷಿಸಿ...

English summary
Honda Motorcycle & Scooter India (HMSI) launched the new Activa 4G scooter with BS-IV compliant engine and Automatic Headlamp On(AHO) feature.
Please Wait while comments are loading...

Latest Photos