Just In
- 4 min ago ಯುವಕರಿಗೆ ಸಿಹಿಸುದ್ದಿ: ಕೈಗೆಟುಕುವ ಬೆಲೆ, ಮಾಸ್ ಲುಕ್ನಲ್ಲಿ ಬರುತ್ತಿದೆ ಹೊಸ ಬಜಾಜ್ ಪಲ್ಸರ್ 400 ಬೈಕ್
- 46 min ago Ola: ಓಲಾದಿಂದ ಕಡಿಮೆ ಬೆಲೆಯ 'ಎಸ್1 ಎಕ್ಸ್' ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ದೊಡ್ಡ ಘೋಷಣೆ.. ಏನದು?
- 1 hr ago ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- 2 hrs ago ಸಾಮಾನ್ಯರಂತೆ ಹಳ್ಳಿಯಲ್ಲಿರುವ ದೇಶದ 55ನೇ ಶ್ರೀಮಂತ ಶ್ರೀಧರ್ ವೆಂಬು: ಕಚೇರಿಗೆ ಹೋಗಲು ಎಲೆಕ್ಟ್ರಿಕ್ ಆಟೋ ಖರೀದಿ!
Don't Miss!
- Finance ಇನ್ಮುಂದೆ ನಿಮ್ಮ ಜಮೀನಿನಲ್ಲಿ ನೀವು ಮನೆ ಕಟ್ಟೋದಕ್ಕೂ ಸರ್ಕಾರದ ಅನುಮತಿ ಅಗತ್ಯ, ಏನಿದು ಹೋಸ ನಿಯಮ?
- News ಬಿಜೆಪಿ ಭದ್ರಕೋಟೆಯಲ್ಲಿ ಶೋಭಾ ಕರಂದ್ಲಾಜೆಗೆ ಕಠಿಣ ಸವಾಲು!
- Technology ಜಿಯೋ ನಿವ್ವಳ ಲಾಭದಲ್ಲಿ ಭರ್ಜರಿ ಹೆಚ್ಚಳ: ಇಲ್ಲಿದೆ ವಿವರ
- Lifestyle ಉಪ್ಪು ನೀರಿನಿಂದ ಮುಖ ತೊಳೆದರೆ ಆಗುವ ಲಾಭವೇನು.? ಇದರ ಅನಾನುಕೂಲವೇನು ಗೊತ್ತಾ?
- Sports IPL 2024: ಆರ್ಸಿಬಿ ಕಪ್ ಗೆಲ್ಲದಿರಲು ಅತಿಯಾದ ಪಾರ್ಟಿ ಕಾರಣವೇ?; ರೈನಾ ಬಿಚ್ಚಿಟ್ಟ ಸತ್ಯ
- Movies ಕಲರ್ಫುಲ್ ಲೈಟು.. ಡಿಂಪಲ್ ಸ್ಮೈಲು.. 'ಸಂಜು ವೆಡ್ಸ್ ಗೀತಾ 2' ಒಂದು ಹಾಡಿನ ಸೆಟ್ಟಿಗೆ ಬರೋಬ್ಬರಿ ₹50 ಲಕ್ಷ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮೊದಲ ಚಾಲನಾ ವಿಮರ್ಶೆ- ರೇಸ್ ಲುಕ್ನೊಂದಿಗೆ ಮಿಂಚಿದ ಟಿವಿಎಸ್ ಅಪಾಚೆ ಆರ್ಟಿಆರ್ 160 4ವಿ
ಸಣ್ಣ ಬಜೆಟ್ನಿಂದ ದುಬಾರಿ ಬೆಲೆಯ ಅಪಾಚೆ ಸರಣಿಗಳನ್ನು ಉತ್ಪಾದಿಸುವ ಟಿವಿಎಸ್ ಇದೀಗ 2018ರ ಆರ್ಟಿಆರ್ 160 4ವಿ ಬೈಕ್ ಮಾದರಿಯನ್ನು ಬಿಡುಗಡೆ ಮಾಡಿದೆ.
ಸುಮಾರು 2 ದಶಕಗಳಿಂದ ಬೈಕ್ ಉತ್ಪಾದನೆಯಲ್ಲಿ ಮುಂಚೂಣಿ ಸಾಧಿಸುತ್ತಲೇ ಬಂದಿರುವ ದೇಶಿ ಸಂಸ್ಥೆ ಟಿವಿಎಸ್, ಅಪಾಚೆ ಬೈಕ್ ಸರಣಿಗಳ ಮೂಲಕ ಹೊಸ ಮೈಲಿಗಲ್ಲು ಸಾಧಿಸಿದೆ ಎಂದರೇ ತಪ್ಪಾಗಲಾರದು. ಸಣ್ಣ ಬಜೆಟ್ನಿಂದ ದುಬಾರಿ ಬೆಲೆಯ ಅಪಾಚೆ ಸರಣಿಗಳನ್ನು ಉತ್ಪಾದಿಸುವ ಟಿವಿಎಸ್ ಇದೀಗ 2018ರ ಆರ್ಟಿಆರ್ 160 4ವಿ ಬೈಕ್ ಮಾದರಿಯನ್ನು ಬಿಡುಗಡೆ ಮಾಡಿದೆ.
ಕಮ್ಯುಟರ್ ಬೈಕ್ ವಿಭಾಗದಲ್ಲಿ ಹೊಸ ನೀರಿಕ್ಷೆ ಹುಟ್ಟುಹಾಕಿದ್ದ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು ಇದೀಗ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದು, ಹೊಸ ಬೈಕಿನಲ್ಲಿ ಒದಗಿಸಲಾಗಿರುವ ಸುಧಾರಿತ ತಂತ್ರಜ್ಞಾನ ಪ್ರೇರಿತ ಎಂಜಿನ್ ಸೇರಿದಂತೆ ಹೊಸ ವಿನ್ಯಾಸಗಳನ್ನು ಪಡೆದುಕೊಂಡಿದೆ. ಈ ಹಿನ್ನೆಲೆ ಹೊಸ ಬೈಕಿನ ಕಾರ್ಯಕ್ಷಮತೆ ಕುರಿತಂತೆ ಡ್ರೈವ್ಸ್ಪಾರ್ಕ್ ನಡೆದ ಮೊದಲ ಚಾಲನಾ ಅನುಭವಗಳನ್ನು ಇಲ್ಲಿ ನೀಡಲಾಗಿದೆ.
ಟಿವಿಎಸ್ ಸಂಸ್ಥೆಯ ಹೊಸೂರು ರೇಸ್ ಟ್ರ್ಯಾಕ್ನಲ್ಲಿ ಹೊಸ ಬೈಕಿನ ಎಂಜಿನ್ ಸಾಮರ್ಥ್ಯದ ಕುರಿತು ಟೆಸ್ಟಿಂಗ್ ನಡೆಸಲಾಗಿದ್ದು, ಅಪಾಚೆ 160 4ವಿ ಬೈಕ್ಗಳು ವಿಶೇಷವಾಗಿ ರೇಸಿಂಗ್ ತಂತ್ರಜ್ಞಾನದ ಪ್ರೇರಣೆ ಹೊಂದಿವೆ.
ಇದೇ ಕಾರಣಕ್ಕೆ ಸತತ 6 ಬಾರಿ ನ್ಯಾಷನಲ್ ಚಾಂಪಿಯನ್ಶಿಪ್ ಆಗಿ ಹೊರಹೊಮ್ಮಿರುವ ಅಪಾಚೆ ಸರಣಿಗಳು ಯುವ ಸಮುದಾಯದ ಬೆಸ್ಟ್ ಬೈಕ್ ಆಗಿ ಹೊರಹೊಮ್ಮಿದ್ದು, ಮುಂಬುರುವ ದಿನಗಳಲ್ಲಿ ಇನ್ನಷ್ಟು ಜನಪ್ರಿಯತೆ ಸಾಧಿಸಲಿದೆ.
ಇದಕ್ಕೆ ಕಾರಣ, ಸ್ಪೋರ್ಟಿ ಲುಕ್ ಮತ್ತು ಹೊಸ ತಂತ್ರಜ್ಞಾನ ಪ್ರೇರಣೆ ಹಿನ್ನೆಲೆ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು ಈ ಹಿಂದಿಗಿಂತಲೂ ಹೆಚ್ಚು ಆಕರ್ಷಣೆ ಹೊಂದಿದ್ದು, ಟ್ರ್ಯಾಕ್ನಲ್ಲಿ ಕಮಾಲ್ ಮಾಡಬಲ್ಲ ಗುಣ ವೈಶಿಷ್ಟ್ಯತೆಗಳನ್ನು ಪಡೆದುಕೊಂಡಿದೆ.
ಹೀಗಾಗಿ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಪ್ರಮು ಮೂರು ವಿವಿಧ ಮಾದರಿಯಲ್ಲಿ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳನ್ನು ಅಭಿವೃದ್ಧಿ ಮಾಡಲಾಗಿದ್ದು, ಬೇಡಿಕೆ ಅನುಗುಣವಾಗಿ ಗ್ರಾಹಕರ ತಮ್ಮ ಇಷ್ಟದ ಬೈಕ್ ಮಾದರಿಗಳನ್ನು ಆಯ್ಕೆ ಮಾಡಬಹುದಾಗಿದೆ.
ಕ್ರಾಬ್ ಫ್ರಂಟ್ ಡಿಸ್ಕ್ ಬ್ರೇಕ್, ಕ್ರಾಬ್ ರಿರ್ ಡಿಸ್ಕ್ ಬ್ರೇಕ್ ಮತ್ತು ಫ್ಯೂಲ್ ಇಂಜೆಕ್ಷೆಡ್ ರಿರ್ ಡಿಸ್ಕ್ ಬ್ರೇಕ್ ಎಂಬ ಮೂರು ವಿಧಗಳಲ್ಲಿ ಆರ್ಟಿಆರ್ 160 4ವಿ ಬೈಕ್ಗಳನ್ನು ಬಿಡುಗಡೆ ಮಾಡಲಾಗಿದ್ದು, ಎಂಜಿನ್ನಲ್ಲಿ ಭಿನ್ನತೆ ಹೊಂದಿದ್ದರು ಫರ್ಮಾಮೆನ್ಸ್ನಲ್ಲಿ ಒಂದೇ ರೀತಿ ಗುಣ ಪಡೆದಿವೆ.
ಈ ಮೂಲಕ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು ಕಮ್ಯುಟರ್ ಬೈಕ್ ಸವಾರಿಗೆ ಹೊಸ ಚಾಲನಾ ಅನುಭವ ನೀಡಲಿದ್ದು, ಈ ಹಿಂದಿನ ಅಪಾಚೆ ಸರಣಿಗಳ ವಿನ್ಯಾಸಗಳನ್ನು ಹೊಸ ಬೈಕಿನಲ್ಲೂ ಎರವಲು ಪಡೆಯಲಾಗಿದೆ.
ಎಂಜಿನ್ ವೈಶಿಷ್ಟ್ಯತೆ
ನ್ಯೂ ಜನರೇಷನ್ ವಿನ್ಯಾಸಗಳನ್ನು ಹೊಂದಿರುವ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು 159.7 ಸಿಸಿ ಸಿಂಗಲ್ ಸಿಲಿಂಡರ್ 4 ವಾಲ್ವೆ ಏರ್ ಕೂಲ್ಡ್ ಎಂಜಿನ್ ಜೋಡಣೆ ಪಡೆದಿವೆ.
ಈ ಮೂಲಕ ಫ್ಯೂಲ್ ಇಂಜೆಕ್ಷೆಡ್ ಮಾದರಿಯು 16.56 ಬಿಎಚ್ಪಿ, 14.8 ಟಾರ್ಕ್ ಉತ್ಪಾದಿಸಿದ್ದಲ್ಲಿ ಕಾರ್ಬೋರೆಟೆಡ್ ಎಂಜಿನ್ ಮಾದರಿಯು 16.28 ಬಿಎಚ್ಪಿ, 14.8 ಎನ್ಎಂ ಟಾರ್ಕ್ ಉತ್ಪಾದಿಸಲಿವೆ ಎಂದು ಟಿವಿಎಸ್ ಹೇಳಿಕೊಂಡಿದೆ.
ಇದರೊಂದಿಗೆ 5-ಸ್ಪೀಡ್ ಗೇರ್ಬಾಕ್ಸ್ ಹೊಂದಿರುವ ಹೊಸ ಬೈಕ್ಗಳು ಕೇವಲ 4.3 ಸೇಕೆಂಡ್ಗಳಲ್ಲಿ 60 ಕಿಮಿ ವೇಗ ಸಾಧಿಸುವ ಸಾಮರ್ಥ್ಯ ಪಡೆದುಕೊಂಡಿದ್ದು, ಗಂಟೆಗೆ 114 ಕಿಮಿ ಟಾಪ್ ಸ್ಪೀಡ್ನಲ್ಲಿ ಚಲಿಸುತ್ತವೆ.
ಮೈಲೇಜ್
12 ಲೀಟರ್ ಫ್ಯೂಲ್ ಟ್ಯಾಂಕ್ ಸೌಲಭ್ಯ ಹೊಂದಿರುವ ಆರ್ಟಿಆರ್ 160 4ವಿ ಬೈಕ್ಗಳು, ಪ್ರದೇಶಗಳಿಗೆ ಅನುಗುಣವಾಗಿ ಪ್ರತಿ ಲೀಟರ್ ಪೆಟ್ರೋಲ್ಗೆ 40ರಿಂದ 45 ಕಿ.ಮೀ ಮೈಲೇಜ್ ಹಿಂದಿರುಗಿಸಬಲ್ಲವು.
ಹೊರ ವಿನ್ಯಾಸಗಳು
ಅಪಾಚೆ ಆರ್ಟಿಆರ್ 160 4ವಿ ತನ್ನ ಉತ್ನತ ಮಾದರಿಯಾದ ಅಪಾಚೆ ಆರ್ಟಿಆರ್ 200 4ವಿ ಬೈಕಿನ ಪ್ರೇರಣೆ ಪಡೆದುಕೊಂಡಿದ್ದು, ರೇಸಿಂಗ್ ಟೆಕ್ನಾಲಜಿ ಅಳವಡಿಕೆಯೊಂದಿಗೆ ಅಕ್ರಮಶೀಲ ಹೊರ ನೋಟವೇ ಈ ಬೈಕಿನ ಗುಣವಿಶೇಷ.
ಜೊತೆಗೆ ಡಬಲ್ ಕ್ರೇಡಲ್ ಸ್ಪ್ಲಿಟ್ ಸಿಂಕ್ರೋ ಸ್ಟಿಫ್ ಫ್ರೇಮ್ ವಿನ್ಯಾಸವನ್ನು ಆಧರಿಸಿದ್ದು, ಅಪಾಚೆ ಆರ್ಟಿಆರ್ 200 4ವಿ ಮಾದರಿಯಲ್ಲೇ ಸಂಪೂರ್ಣ ಡಿಜಿಟಲ್ ಸಲಕರಣೆ ಕ್ಲಸ್ಟರ್ ಮತ್ತು ಡಬಲ್ ಬ್ಯಾರೆಲ್ ಎಕ್ಸಾಸ್ಟ್ ಮಫ್ಲರ್ ಪಡೆದಿರುತ್ತವೆ.
ಇನ್ನು ಹಿಂಭಾದಗ ವಿನ್ಯಾಸಗಳನ್ನು ಗಮನಿಸಿದ್ದಲ್ಲಿ, ಶಾರ್ಪ್ ಟೈಲ್ ಕ್ಲಸ್ಟರ್ ಮತ್ತು ಎಲ್ಇಡಿ ಒದಗಿಸಲಾಗಿದ್ದು, ಡಬಲ್ ಬ್ಯಾರಲ್ ಎಕ್ಸಾಸ್ಟ್ಗಳು ರೇಸಿಂಗ್ ಸೌಂಡ್ ಉತ್ಪಾದನೆ ಮಾಡುವಲ್ಲಿ ಸಹಕಾರಿ ಆಗಲಿವೆ ಎನ್ನಬಹುದು.
ಪೆರೆಲ್ಲಿ ಟೈರ್ಸ್
ಹೊಸ ಆರ್ಟಿಆರ್ 160 4ವಿ ಬೈಕ್ಗಳಲ್ಲಿ ಅತ್ಯುತ್ತಮ ಶ್ರೇಣಿಯ ಪೆರೆಲ್ಲಿ ಟೈರ್ಗಳನ್ನು ಬಳಕೆ ಮಾಡಲಾಗಿದ್ದು, 90/90 ಮತ್ತು 130/70 ರಬ್ಬರ್ ಮಾದರಿಯೊಂದಿಗೆ 17 ಇಂಚಿನ ಅಲಾಯ್ ಚಕ್ರಗಳನ್ನು ಒದಗಿಸಲಾಗಿದೆ.
ಬ್ರೇಕಿಂಗ್ ಸಿಸ್ಟಂ
ಅಪಾಚೆ ಆರ್ಟಿಆರ್ 160 4ವಿ ಬೈಕ್ ಮುಂಭಾಗದ ಚಕ್ರಗಳಲ್ಲಿ ಟೆಲೆಸ್ಕೋಪಿಕ್ ಫೋರ್ಕ್ಸ್ ಮತ್ತು ಹಿಂಭಾಗದ ಚಕ್ರಗಳಲ್ಲಿ ಮೊನೊ ಸಸ್ಷೆಷನ್ ಹೊಂದಿದ್ದು, 270ಎಂಎಂ ಪೆಟಲ್ ಡಿಸ್ಕ್ ಬ್ರೇಕ್ ಮತ್ತು 200ಎಂಎಂ ರಿರ್ ಡಿಸ್ಕ್ ಬ್ರೇಕ್ ಅಳವಡಿಕೆಯೊಂದಿಗೆ ಸುರಕ್ಷತೆಗೂ ಹೆಚ್ಚಿನ ಒತ್ತು ನೀಡಲಾಗಿದೆ.
ಲಭ್ಯವಿರುವ ಬಣ್ಣಗಳು
ರೆಡ್ ರೇಸಿಂಗ್, ಮೆಟಾಲಿಕ್ ಬ್ಲೂ ಮತ್ತು ನೈಟ್ ಬ್ಲಾಕ್ ಬಣ್ಣಗಳಲ್ಲಿ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು ಖರೀದಿಗೆ ಲಭ್ಯವಿವೆ.
ಬೈಕ್ ಬೆಲೆಗಳು (ಎಕ್ಸ್ಶೋರಂ)
ದೆಹಲಿ ಎಕ್ಸ್ಶೋರಂ ಪ್ರಕಾರ ಟಿವಿಎಸ್ ಅಪಾಚೆ ಆರ್ಟಿಆರ್ 160 4ವಿ ಬೈಕ್ಗಳು ಆರಂಭಿಕವಾಗಿ ರೂ.81,490 ಬೆಲೆ ಪಡೆದುಕೊಂಡಿವೆ.
ಹಾಗೆಯೇ, ಕ್ರಾಬ್ ಫ್ರಂಟ್ ಡಿಸ್ಕ್ ಬ್ರೇಕ್ ಮಾದರಿಯು ರೂ. 81.490 ಬಿಡುಗಡೆಯಾದರೇ ಕ್ರಾಬ್ ರಿರ್ ಡಿಸ್ಕ್ ಬ್ರೇಕ್ ಮಾದರಿಯು ರೂ. 84,490ಕ್ಕೆ ಮತ್ತು ಫ್ಯೂಲ್ ಇಂಜೆಕ್ಷೆಡ್ ರಿರ್ ಡಿಸ್ಕ್ ಬ್ರೇಕ್ ಮಾದರಿಯು ರೂ. 89,990ಕ್ಕೆ ಖರೀದಿಸಬಹುದು.
ಒಟ್ಟಾರೆ ಟಿವಿಎಸ್ ಸಂಸ್ಥೆಯು ಈ ಹಿಂದಿನ ಅಪಾಚೆ ಆರ್ಟಿಆರ್ 200 4ವಿ ಬೈಕಿನ ಗುಣಗಳನ್ನೇ ಎರವಲು ಪಡೆದುಕೊಂಡು ಆರ್ಟಿಆರ್ 160 4ವಿ ಬೈಕ್ ಮಾದರಿಯನ್ನು ಸಿದ್ದಗೊಳಿಸಿದ್ದು, ಅತ್ಯುತ್ತಮ ರೇಸಿಂಗ್ ಫೀಚರ್ಸ್ಗಳಿಂದಾಗಿ ಸದ್ಯ ಮಾರುಕಟ್ಟೆಯಲ್ಲಿರುವ ಬಜಾಜ್ ಪಲ್ಸರ್ ಎನ್ಎಸ್160, ಹೋಂಡಾ ಸಿಬಿ ಹಾರ್ನೆಟ್ 160ಆರ್ ಮತ್ತು ಯಮಹಾ FZ-S FI V2.0 ಬೈಕ್ಗಳಿಗೆ ತೀವ್ರ ಪ್ರತಿಸ್ಪರ್ಧಿಯಾಗುವ ನೀರಿಕ್ಷೆಯಿದೆ.