ಭಾರತಕ್ಕೆ ಬಂತು ಅಮಿತಾಬ್, ವಿಜಯ್ ಮಲ್ಯರ ನೆಚ್ಚಿನ ಮಸೆರೆಟಿ

ದೇಶದ ಲಕ್ಷುರಿ ಕಾರು ಮಾರುಕಟ್ಟೆಗೆ ಮತ್ತೊಬ್ಬ ಕೆಟ್ಟ ಹುಡುಗನ ಆಗಮನವಾಗಿದೆ. ಇಟಲಿಯ ಸ್ಪೋರ್ಟ್ಸ್ ಕಾರ್ ತಯಾರಿಕಾ ಕಂಪನಿ ಮಸೆರೆಟಿ ಆವೃತ್ತಿಯೊಂದನ್ನು ಭಾರತಕ್ಕೆ ಪರಿಚಯಿಸಲಾಗಿದ್ದು, ಅದರ ದರ ಸುಮಾರು 1.20 ಕೋಟಿ ರೂ.ನಿಂದ 1.43 ಕೋಟಿ ರೂ.ಗಳ ಆಸುಪಾಸಿನಲ್ಲಿದೆ.

ಮಸೆರಿಟಿ ಬ್ರಾಂಡ್ ಕಾರುಗಳೆಂದರೆ ದೇಶದ ಉದ್ಯಮಿಗಳಿಗೆ, ಚಿತ್ರನಟರಿಗೆ ಅಚ್ಚುಮೆಚ್ಚು. ಈಗಾಗಲೇ ಭಾರತದ ಕೆಲವು ಖ್ಯಾತನಾಮರು ಮಸೆರೆಟಿ ಕ್ಯಾಲಿಬಾರ್ ಕಾರ್ ಮಾಲೀಕರಾಗಿದ್ದಾರೆ. ಬಾಲಿವುಡ್ ಸ್ಟಾರ್ ಅಮಿತಾಬ್ ಬಚ್ಚನ್ ಬಳಿ ಮಸೆರೆಟಿ ಕಾರಿದೆ. ಉಳಿದಂತೆ ವಿಜಯ್ ಮಲ್ಯ, ಅಜಯ್ ದೇವ್ ಗನ್, ಅನಿಲ್ ಅಂಬಾನಿ ಸಹ ಮಸೆರೆಟಿ ಕಾರ್ ಹೊಂದಿದ್ದಾರೆ.

ಭಾರತದಲ್ಲಿ ಕಳೆದ ವರ್ಷ ಸುಮಾರು 15 ಸಾವಿರ ಐಷಾರಾಮಿ ಕಾರುಗಳು ಮಾರಾಟಗೊಂಡಿದ್ದು, ಶೇಕಡಾ 70ರಷ್ಟು ಏರಿಕೆ ದಾಖಲಿಸಿದೆ. "ದೇಶದಲ್ಲಿ ಎಲ್ಲ ಪ್ರೀಮಿಯಂ ಮಸೆರೆಟಿ ಬ್ರಾಂಡ್ ಕಾರುಗಳನ್ನು ಪರಿಚಯಿಸಲಾಗುವುದು" ಎಂದು ಕಂಪನಿಯ ಏಷ್ಯಾ ಫೆಸಿಫಿಕ್ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕರು ಹೇಳಿದ್ದಾರೆ. ಕಾರುಗಳನ್ನು ಇಲ್ಲಿನ ಶ್ರೇಯಸ್ ಗ್ರೂಪ್ ಮೂಲಕ ಕಂಪನಿಯು ಮಾರಾಟ ಮಾಡಲಿದೆ. ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಶ್ರೇಯಸ್ ಗ್ರೂಪ್ ಮಸೆರಿಟಿ ಕಾರುಗಳನ್ನು ಆಮದು ಮಾಡಿಕೊಳ್ಳಲಿದೆ.

ನೂತನ ಕಾರು ಪ್ರಸಕ್ತ ವರ್ಷದ ಜುಲೈ-ಅಗಸ್ಟ್ ವೇಳೆಗೆ ಗ್ರಾಹಕರ ಕೈಸೇರುವ ನಿರೀಕ್ಷೆಯಿದೆ. ಕಂಪನಿಯು ಮುಂಬೈನಲ್ಲಿ ಮೊದಲ ಶೋರೂಂ ತೆರೆಯಲಿದೆ. ಎರಡನೇ ಶೋರೂಂನ್ನು ಮುಂದಿನ ವರ್ಷ ನವದೆಹಲಿಯಲ್ಲಿ ಆರಂಭಿಸಲು ಕಂಪನಿ ನಿರ್ಧರಿಸಿದೆ. ವೇಗದ ಆವೇಗಕ್ಕೆ, ದುಬಾರಿ ಸವಾರಿಗೆ, ಐಷಾರಾಮಿ ಪ್ರಯಾಣಕ್ಕೆ ಬುಗಾಟಿ, ಫೆರಾರಿ, ಲಂಬೋರ್ಗಿನಿ ಮತ್ತು ಫೋರ್ಷ್ ಕಾರ್ ಗಳು ಅನ್ವರ್ಥನಾಮಗಳು. ಇವುಗಳಿಗೆ ಪೈಪೋಟಿ ನೀಡಲು ಇಟಲಿಯಿಂದ ಮಸೆರೆಟಿ ಸ್ಪೋರ್ಟ್ಸ್ ಕಾರ್ ಬಂದಿದೆ.

ಮಸೆರೆಟಿ ಎಂಬುದು ಫಿಯೆಟ್ ನ ಪೇರೆಂಟ್ ಕಂಪನಿಯಾಗಿದೆ. ಮಸೆರೆಟಿ ಕಾರುಗಳನ್ನು ಕಂಪನಿಯು ಸುಮಾರು 75ಕ್ಕೂ ಹೆಚ್ಚು ವಿದೇಶಿ ಮಾರುಕಟ್ಟೆಗಳಿಗೆ ರಫ್ತು ಮಾಡುತ್ತಿದೆ. ಈ ಕಾರ್ ಗಳು ಮೂರು ಮಾದರಿಗಳಲ್ಲಿ ದೊರಕುತ್ತಿದೆ. ಸುಮಾರು 5 ಕೋಟಿ ರೂಪಾಯಿಯ ಎರಡು ಸೀಟ್ ನ ಗ್ರ್ಯಾನ್ ಕ್ಯಾಬ್ರಿಯೊ, ಸುಮಾರು 3 ಕೋಟಿ ರೂ. ದರದ ಕ್ಯೂಟ್ರೊಪೋರ್ಟೆ ಸೆಡಾನ್ ಮತ್ತು ಗ್ರಾನ್ ಟೂರಿಸ್ಮೊ ಕೂಪ್ ಎಂಬ ಟಾಪ್ ಎಂಡ್ ಸ್ಪೋರ್ಟ್ ಆವೃತ್ತಿ (4.75 ಕೋಟಿ ರೂ.) ಗಳನ್ನು ಕಂಪನಿ ಹೊರತರುತ್ತಿದೆ.

Most Read Articles

Kannada
English summary
The luxury car segment in India is getting another contender with the arrival of the Italian sports car company Maserati at Rs1.20 crore –Rs1.43 crore. The prestigious owners of Maserati are in the caliber of the Bollywood superstar Amitabh, Vijay Mallya, Ajay Devgan and Anil Ambani in the Indian count.
Story first published: Thursday, April 7, 2011, 11:25 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more