ಹೀರೋ ಹೋಂಡಾ ಇನ್ನು ಮುಂದೆ ಹೀರೋ ಮೋಟೊಕಾರ್ಪ್

ದೇಶದ ರಸ್ತೆಯಲ್ಲಿ 26 ವರ್ಷಕ್ಕಿಂತ ಹೆಚ್ಚು ವರ್ಷ ಮೋಡಿ ಮಾಡಿದ "ಹೀರೋ ಹೋಂಡಾ" ಹೆಸರು ಇನ್ನಿಲ್ಲ. ದೇಶದ ಬೃಹತ್ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿಗಿನ್ನು ಹೊಸ ಹೆಸರು. ಜಪಾನಿನ ಹೋಂಡಾದೊಂದಿಗೆ ಮೈತ್ರಿ ಕಡಿದುಕೊಂಡ ನಂತರ ಹೊಸ ಹೆಸರು ಸೃಷ್ಟಿಸುವ ಅನಿವಾರ್ಯತೆ ಕಂಪನಿಗೆ ಒದಗಿತ್ತು.

ಇದರೊಂದಿಗೆ ಹೊಸ ಬ್ರಾಂಡ್ ಐಡೆಂಟಿಟಿಯನ್ನು ಮುಂದಿನ ತಿಂಗಳು ಲಂಡನಿನಲ್ಲಿ ಅನಾವರಣಗೊಳಿಸಲಾಗುವುದು ಎಂದು ಕಂಪನಿ ಹೇಳಿದೆ. "ಕಂಪನಿಯು ಔಪಚಾರಿಕವಾಗಿ ಹೆಸರನ್ನು ಹೀರೋ ಮೋಟೊಕಾರ್ಪ್ ಲಿಮಿಟೆಡ್ ಎಂದು ಬದಲಾಯಿಸಿಕೊಂಡಿದೆ. ಇದಕ್ಕೆ ರಿಜಿಸ್ಟರ್ ಆಫ್ ಕಂಪನೀಸ್ ಅನುಮೋದನೆ ನೀಡಿದೆ" ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ. ಕಳೆದ ತಿಂಗಳು ಕಂಪನಿಯ ಷೇರುದಾರರು ಹೆಸರು ಬದಲಾಯಿಸಲು ಅನುಮೋದನೆ ನೀಡಿದ್ದರು.

"ಇದು ಕೇವಲ ಹೆಸರಿನ ಬದಲಾವಣೆಯಲ್ಲ. ಕಂಪನಿಯ ಕನಸು, ಗುರಿ. ಸಾಧನೆಗೆ ಹೊಸ ಶಕೆಯಾಗಿದೆ" ಎಂದು ಹೀರೋ ಮೋಟೊಕಾರ್ಪ್ ಚೇರ್ಮನ್ ಬ್ರಿಜ್ಮೊಹನ್ ಲಾಲ್ ಹೇಳಿದ್ದಾರೆ. ಕಂಪನಿಯು ಈ ತಿಂಗಳ ಆರಂಭದಲ್ಲಿ specialistWolff Olin ಕಂಪನಿಯನ್ನು ಬ್ರಾಂಡ್ ಐಡೆಂಟಿಟಿ ನಿರ್ಮಾಣಕ್ಕಾಗಿ ನೇಮಿಸಿದೆ.