Just In
- 1 hr ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 1 hr ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 2 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 2 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- News Bengaluru Heat: ಏ.25 ರಂದು ನಗರದಲ್ಲಿ ಅತ್ಯಧಿಕ ತಾಪಮಾನ: 12 ವರ್ಷಗಳ ದಾಖಲೆ ಉಡೀಸ್
- Lifestyle ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
250 ಕೋಟಿ ಹೂಡಿಕೆ; ಸ್ಕಾನಿಯಾ ಭರ್ಜರಿ ಎಂಟ್ರಿ: ವೋಲ್ವೋ ಯುಗಾಂತ್ಯ?
ಸ್ವೀಡನ್ನ ದೈತ್ಯ ವಾಣಿಜ್ಯ ವಾಹನ ತಯಾರಕ ಸಂಸ್ಥೆಯಾದ ಸ್ಕಾನಿಯಾ ಕಾಮರ್ಷಿಯಲ್ ವೆಹಿಕಲ್ಸ್ ಭಾರತಕ್ಕೆ ಭರ್ಜರಿ ಎಂಟ್ರಿ ಕೊಟ್ಟಿದ್ದು, ಅದರಲ್ಲೂ ಪ್ರಮುಖವಾಗಿ ಸ್ಕಾನಿಯಾ ತಯಾರಿಕ ಘಟಕ ನಮ್ಮ ರಾಜ್ಯದಲ್ಲೇ ಆರಂಭಗೊಂಡಿರುವುದು ಇನ್ನು ಹೆಚ್ಚಿನ ಸಂತಸಕ್ಕೆ ಕಾರಣವಾಗಿದೆ.
ಬೆಂಗಳೂರು ಹೊರವಯಲದಲ್ಲಿರುವ ಕೋಲಾರ ಜಿಲ್ಲೆಯ ನರಸಾಪುರದಲ್ಲಿ 250 ಕೋಟಿಗಳಷ್ಟು ಬೃಹತ್ ಹೂಡಿಕೆ ಮಾಡಿರುವ ಸ್ಕಾನಿಯಾ. ವಾರ್ಷಿಕವಾಗಿ 2,500ರಷ್ಟು ಭಾರ ಎಳೆಯುವಿಕೆ ಟ್ರಕ್ಕುಗಳ ಜತೆಗೆ 1,000 ಐಷಾರಾಮಿ ಇಂಟರ್ ಸಿಟಿ ಬಸ್ಸುಗಳನ್ನು ಉತ್ಪಾದಿಸುವ ಯೋಜನೆ ಹೊಂದಿದೆ. ಅಲ್ಲದೆ ಏಷ್ಯಾದ ಮೊದಲ ಸ್ಕಾನಿಯಾ ಘಟಕವೆಂಬ ಹೆಮ್ಮೆಗೆ ಕರ್ನಾಟಕದ ನರ್ಸಾಪುರ ಪಾತ್ರವಾಗಿದೆ.
ನರಸಾಪುರದಲ್ಲಿ
ಆರಂಭವಾಗಿರುವ
ಸ್ಕಾನಿಯಾದ
ಬೃಹತ್
ಜೋಡಣೆ
ಘಟಕವನ್ನು
ಕರ್ನಾಟಕ
ಮುಖ್ಯಮಂತ್ರಿ
ಸಿದ್ಧರಾಮಯ್ಯ
ಉದ್ಘಾಟಿಸಿದ್ದರು.
ಈ
ಸಂದರ್ಭದಲ್ಲಿ
ಕೇಂದ್ರ
ರಸ್ತೆ
ಹಾಗೂ
ಸಾರಿಗೆ
ಸಚಿವರಾದ
ಒಸ್ಕರ್
ಫೆರ್ನಾಂಡಿಸ್
ಮತ್ತು
ಸ್ಕಾನಿಯಾ
ಗ್ಲೋಬಲ್
ಸಂಸ್ಥೆಯ
ಅಧ್ಯಕ್ಷ
ಹಾಗೂ
ಮುಖ್ಯ
ಕಾರ್ಯನಿರ್ವಾಣಧಿಕಾರಿ
ಮಾರ್ಟಿನ್
ಲಂಡ್ಸ್ಟಡ್
ಉಪಸ್ಥಿತರಿದ್ದರು.
ನಿಮಗೆಲ್ಲರಿಗೂ ತಿಳಿದಿರುವ ಹಾಗೆಯೇ ಆರಾಮದಾಯಕ ಬಸ್ ಪಯಣಕ್ಕೆ ವೋಲ್ವೋ ಹೆಸರುವಾಸಿಯಾಗಿದೆ. ಇದೀಗ ಈ ವಿಸ್ತಾರವಾದ ಮಾರುಕಟ್ಟೆಯನ್ನು ವಶಪಡಿಸಿಕೊಳ್ಳುವ ಗುರಿಯನ್ನು ಸ್ಕಾನಿಯಾ ಹೊಂದಿದೆ. ಸ್ಕಾನಿಯಾ ನೂತನ ಘಟಕದಲ್ಲಿ ಶೇಕಡಾ 18ರಷ್ಟು ಟ್ರಕ್ ಹಾಗೂ 100ರಷ್ಟು ಬಸ್ ಬಾಡಿಗಳನ್ನು ಸ್ಥಳೀಯವಾಗಿ ಉತ್ಪಾದಿಸಲಾಗುವುದು.
ಈ ಮುಖಾಂತರ ಮುಂದಿನ ಐದು ವರ್ಷಗಳ ವರೆಗೆ 800ಕ್ಕಿಂತಲೂ ಹೆಚ್ಚು ಮಂದಿಗೆ ಉದ್ಯೋಗವಕಾಶವನ್ನು ಕಲ್ಪಿಸಲಾಗುವುದು ಎಂದು ಸ್ಕಾನಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.
2007ರಲ್ಲಿ ಲಾರ್ಸೆಲ್ ಆಂಡ್ ಟರ್ಬೊ ಜತೆ ಪಾಲುದಾರಿಕೆ ಹಂಚಿಕೊಂಡಿದ್ದ ಸ್ಕಾನಿಯಾ ಭಾರತಕ್ಕೆ ಎಂಟ್ರಿ ಕೊಟ್ಟಿತ್ತು. ಇದೀಗ ದೇಶದಲ್ಲಿ ಭದ್ರ ನೆಲೆ ಸ್ಥಾಪಿಸುವತ್ತ ದಿಟ್ಟ ಹೆಜ್ಜೆಯನ್ನಿಟ್ಟಿದೆ.
ದೇಶದಲ್ಲಿ ಮಾರಾಟ ವೃದ್ಧಿಸುವ ನಿಟ್ಟಿನಲ್ಲಿ 2011ರಲ್ಲಿ ಸ್ಕಾನಿಯಾ ಕಾರ್ಮಿಷಿಯಲ್ ವೆಹಿಕಲ್ಸ್ ಇಂಡಿಯಾಕ್ಕೆ ರೂಪು ನೀಡಲಾಗಿತ್ತು. ಅಷ್ಟೇ ಅಲ್ಲದೆ ಇತ್ತೀಚೆಗಷ್ಟೇ ವಿಶೇಷವಾಗಿಯೂ ಭಾರತಕ್ಕಾಗಿ R 500 6×4, G 460 6×4 ಮತ್ತು P 410 6×2 ಭಾರ ಎಳೆಯುವ ಟ್ರಕ್ಕುಗಳನ್ನು ಪರಿಚಿಸಿತ್ತು. ಈ ಪೈಕಿ P 410 8×4 ಗಣಿಗಾರಿಕೆ ಟಿಪ್ಪರನ್ನು 2012ರ ವರ್ಷಾಂತ್ಯದಲ್ಲಿ ಬಿಡುಗಡೆಗೊಳಿಸಲಾಗಿತ್ತು.
ಈ ನಡುವೆ ಪ್ರಸಕ್ತ ಸಾಲಿನಲ್ಲಿ ಗರಿಷ್ಠ ಸೌಲಭ್ಯಗಳನ್ನು ಒಳಗೊಂಡ ಇಂಟರ್ ಸಿಟಿ ಬಸ್ಸಿಗೂ ಹಸಿರು ನಿಶಾನೆ ತೋರಿಸಲಾಗಿತ್ತು.
ಏಷ್ಯಾದಲ್ಲೇ ಮೊದಲ ಘಟಕ
ಇದು ಸ್ಕಾನಿಯಾದಿಂದ ಏಷ್ಯಾದಲ್ಲಿ ಸ್ಥಾಪಿತವಾಗಿರುವ ಮೊದಲ ಘಟಕವಾಗಿದೆ. ಅಂದರೆ ಭಾರತ ಸ್ಕಾನಿಯಾದ ಜಾಗತಿಕ ಪ್ರತಿನಿಧಿ ಕೂಡಾ ಎನಿಸಿಕೊಳ್ಳಲಿದ್ದು, ಜಗತ್ತಿನೆಲ್ಲೆಡೆಗೆ ಸ್ಕಾನಿಯಾ ಬಿಡಿಭಾಗಗಳನ್ನು ರಫ್ತು ಮಾಡಲಿದೆ.
ತಯಾರಿಕ ಘಟಕ
ನರ್ಸಾಪುರ ಸ್ಥಳೀಯ ತಯಾರಿಕ ಘಟಕವು ಎರಡು ಉತ್ಪಾದಕ ವಿಭಾಗಗಳನ್ನು ಹೊಂದಿರಲಿದೆ. ಸಹಜವಾಗಿಯೇ ಇದು ಟ್ರಕ್ ಜೋಡಣೆ ಹಾಗೂ ಇನ್ನೊಂದು ಬಸ್ಸಿಗೆ ಸೇರಿರಲಿದೆ.
ಏತನ್ಮಧ್ಯೆ ಪ್ರಸ್ತುತ ಘಟಕದಲ್ಲಿ ಜೂನ್ ತಿಂಗಳಲ್ಲೇ ಆಫ್ ರೋಡ್ ಟ್ರಕ್ ಉತ್ಪನ್ನ ಆರಂಭಗೊಂಡಿತ್ತಲ್ಲದೆ ಆನ್ ರೋಡ್ ಟ್ರಕ್ ಉತ್ಪನ್ನ ಶೀಘ್ರದಲ್ಲೇ ಆರಂಭಗೊಳ್ಳಲಿದೆ. ಅಂದ ಹಾಗೆ 2014 ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಬಸ್ ರಸ್ತೆಗಿಳಿಯುವ ನಿರೀಕ್ಷೆಯಿದೆ.
ಈ ಸಂದರ್ಭದಲ್ಲಿ ಮಾತನಾಡಿರುವ ಕರ್ನಾಟಕ ಸಿಎಂ ಸಿದ್ಧರಾಮಯ್ಯ, ಇಷ್ಟು ದೊಡ್ಡ ಕಂಪನಿಯು ನಮ್ಮ ರಾಜ್ಯದಲ್ಲಿ ಹೂಡಿಕೆ ಮಾಡಿರುವುದು ಹೆಮ್ಮೆಗೆ ಕಾರಣವಾಗಿದ್ದು, ಸ್ಕಾನಿಯಾದ ಸ್ಥಾಪನೆಯು ಈ ಪ್ರದೇಶದ ಕೈಗಾರಿಕಾ ಬೆಳವಣಿಗೆ ಮಾತ್ರವಲ್ಲದೆ ಗಮನಾರ್ಹ ಉದ್ಯೋಗವಕಾಶ ಸೃಷ್ಟಿ ಮಾಡಲು ನೆರವಾಗುತ್ತದೆ ಎಂದಿದ್ದಾರೆ.
35 ಎಕ್ರೆ ಪ್ರದೇಶದಲ್ಲಿ ಹರಡಿರುವ ಸ್ಕಾನಿಯಾದ ಹೊಸ ಘಟಕವು ಕಂಪ್ಲೀಟ್ ನೌಕ್ಡ್ ಡೌನ್ (ಸಿಕೆಡಿ) ಸಿದ್ಧಾಂತದಲ್ಲಿ ಕಾರ್ಯಚರಿಸಲಿದೆ. ಅಂದರೆ ಬಿಡಿಭಾಗಗಳ ಜೋಡಣೆ ನರಸಾಪುರದಲ್ಲಿ ನಡೆಯಲಿದೆ. ಅಲ್ಲದೆ ಮುಂದಿನ ವರ್ಷದಲ್ಲಿ ಉತ್ಪಾದನೆಯನ್ನು ಶೇಕಡಾ 100ರಷ್ಟು ಸ್ಥಳೀಯವಾಗಿಸುವ ಗುರಿ ಹೊಂದಿದೆ.
ಮುಂದಿನ ದಿನಗಳಲ್ಲಿ ದೇಶದ ಪ್ರಮುಖ 50 ನಗರಗಳಲ್ಲಿ ಡೀಲರ್ಶಿಪ್ ಹೊಂದುವುದು ಸ್ಕಾನಿಯಾ ಇರಾದೆಯಾಗಿದೆ. ಈ ನಿಟ್ಟಿನಲ್ಲಿ ಮಾರಾಟ ಹಾಗೂ ಸರ್ವೀಸ್ ಔಟ್ಲೆಟ್ಗಳನ್ನು ತೆರುದುಕೊಳ್ಳುವ ಮೂಲಕ ವ್ಯಾಪಾರ ಕುದುರಿಸಿಕೊಳ್ಳಲಿದೆ.
ಅಷ್ಟಕ್ಕೂ ಇಂತಹ ಪ್ರೀಮಿಯಂ ಟ್ರಕ್ಕುಗಳ ಬೆಲೆ ಎಷ್ಟು ಗೊತ್ತೇ? ಬರೋಬ್ಬರಿ 70 ಲಕ್ಷಗಳಷ್ಟು ದುಬಾರಿಯಾಗಿರಲಿದೆ. ಈ ಮುಖಾಂತರ ವಾರ್ಷಿಕವಾಗಿ 20-25ರಷ್ಟು ಪ್ರಗತಿ ಸಾಧಿಸುವ ಗುರಿ ಹೊಂದಿದೆ.
ಒಟ್ಟಿನಲ್ಲಿ ಮುಂದಿನ ದಿನಗಳಲ್ಲಿ ಭಾರತ ವಾಣಿಜ್ಯ ಮಾರುಕಟ್ಟೆಯಲ್ಲಿ ಸ್ಕಾನಿಯಾ ಕ್ರಾಂತಿಕಾರಿ ಬದಲಾವಣೆಗೆ ಕಾರಣವಾಗಲಿದೆ. ಈ ವಿಭಾಗದಲ್ಲಿ ಸ್ವೀಡನದ್ದೇ ಆಗಿರುವ ವೋಲ್ವೋ ಹಾಗೂ ಜರ್ಮನಿಯ ಮರ್ಸಿಡಿಸ್ ಬೆಂಝ್ ಕೂಡಾ ಕಾಣಿಸಿಕೊಂಡಿದೆ.
ಸ್ಕಾನಿಯಾ ನರಸಾಪುರ ಘಟಕ ಉದ್ಘಾಟನೆ- ವೀಡಿಯೋ ವೀಕ್ಷಿಸಿ