ಹೊಸ ಲುಕ್‌ನಲ್ಲಿ 2014 ಫೋರ್ಸ್ ಗುರ್ಖಾ

Four Wheelers

oi-Nagaraja

By Nagaraja

Published: Friday, June 6, 2014, 11:45 [IST]

ಈ ಹಿಂದೆ 2013 ಫೆಬ್ರವರಿ ತಿಂಗಳಲ್ಲಿ ದೇಶದಲ್ಲಿ ಗುರ್ಖಾ ಎಸ್‌ಯುವಿ ಲಾಂಚ್ ಮಾಡಿದ್ದ ಫೋರ್ಸ್ ಮೋಟಾರ್ಸ್, ಗ್ರಾಹಕರ ನಿರೀಕ್ಷೆ ಮುಟ್ಟುವಲ್ಲಿ ವಿಫಲವಾಗಿತ್ತು. ಪರಿಣಾಮವೆಂಬಂತೆ ಹಲವಾರು ಋಣಾತ್ಮಕ ಪ್ರತಿಕ್ರಿಯೆ ಗಿಟ್ಟಿಸಿಕೊಂಡಿತ್ತು.

ಇದೀಗ ಗ್ರಾಹಕರ ವಿಮರ್ಶೆಗೆ ಸಕಾರಾತ್ಮಕವಾಗಿ ಸ್ಪಂದಿಸಿರುವ ಫೋರ್ಸ್ ಸಂಸ್ಥೆಯು, ಅನೇಕ ಬದಲಾವಣೆಗಳೊಂದಿಗೆ 2014 ಗುರ್ಖಾ ಎಸ್‌ಯುವಿ ವಿತರಣೆ ಪ್ರಕ್ರಿಯೆಯನ್ನು ಮುಂಬರುವ ಸೆಪ್ಟೆಂಬರ್ ತಿಂಗಳಿಂದ ಆರಂಭಿಸಲಿದೆ. ಈ ಹಿಂದಿನ ಮಾಲಿಕರಿಂದಲೂ ವಿಷಯ ಸಂಗ್ರಹಣೆ ಮಾಡಿರುವ ಫೋರ್ಸ್ ಸಂಸ್ಥೆಯು ಅಗತ್ಯ ಮಾರ್ಪಾಡುಗಳನ್ನು ಮಾಡಿವೆ. ಇನ್ನು ಬುಕ್ಕಿಂಗ್ ಸಹ ಸೆಪ್ಟೆಂಬರ್ ತಿಂಗಳಿನಿಂದಲೇ ಆರಂಭವಾಗಲಿದೆ.

ಹಿಂದಿನ ತಲೆಮಾರಿನ ವಾಹನಗಳನ್ನು ಗಮನಿಸಿದಾಗ ಹೊಸ ಫೋರ್ಸ್ ಎಸ್‌‍ಯುವಿ, ಫಿಟ್ ಆಂಡ್ ಫಿನಿಶ್ ಗುಣಮಟ್ಟತೆಗೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಹಾಗೆಯೇ ಎಂಜಿನಿಯರ್‌ಗಳು ಕಾರಿನ ಒಳಮೈ ಫೈನ್ ಟ್ಯೂನ್ ಮಾಡುವುದರಲ್ಲಿ ವಿಶೇಷ ಗಮನ ಹರಿಸಿದ್ದಾರೆ.

ನೈಜ ಆಫರ್ ರೋಡರ್ ಎನಿಸಿಕೊಂಡಿರುವ ಫೋರ್ಸ್ 4x4, 2.6 ಲೀಟರ್ ಟರ್ಬೊಚಾರ್ಜ್ಡ್ ಡೀಸೆಲ್ ಎಂಜಿನ್ ಪಡೆದುಕೊಳ್ಳಲಿದೆ. ಇದು 5 ಸ್ಪೀಡ್ ಗೇರ್ ಬಾಕ್ಸ್ ಸಹ ಪಡೆದುಕೊಳ್ಳಲಿದೆ. ಹಾಗೆಯೇ 82 ಅಶ್ವಶಕ್ತಿ (230 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರುತ್ತದೆ.

ಅಂತಿಮವಾಗಿ ಅಂದಾಜು ಎಂಟರಿಂದ ಎಂಟು ವರೆ ಲಕ್ಷ ರು.ಗಳ ಅಸುಪಾಸಿನಲ್ಲಿ ಆಗಮನವಾಗಲಿರುವ ಫೋರ್ಸ್ ಎಸ್‌ಯುವಿ, ಪ್ರಮುಖವಾಗಿಯೂ ಮಹೀಂದ್ರ ಥಾರ್ ಮಾದರಿಗೆ ಸ್ಪರ್ಧೆ ಒಡ್ಡಲಿದೆ. ಹಾಗೆಯೇ ಮೂರು ವರ್ಷಗಳ ಅಥವಾ ಮೂರು ಲಕ್ಷ ಕೀ.ಮೀ.ಗಳ ವಾರಂಟಿ ಸಹ ಲಭ್ಯವಿರಲಿದೆ.