ಹೊಸ ಅವತಾರದಲ್ಲಿ ಸ್ಕಾರ್ಪಿಯೊ; ಮನಮೆಚ್ಚಿದ ಪಿಕಪ್ ಟ್ರಕ್ ಶೈಲಿ

ವಾಹನ ಪ್ರೇಮಿಗಳು ಸ್ಕಾರ್ಪಿಯೊ ಕಾರನ್ನು ವಿಶಿಷ್ಟವಾಗಿ ಮಾರ್ಪಾಡುಗೊಳಿಸುತ್ತಿರುವ ಸುದ್ದಿಯನ್ನು ಪದೇ ಪದೇ ಕೇಳುತ್ತಿದ್ದೇವೆ. ಇದಕ್ಕೊಂದು ಹೊಸ ಸೇರ್ಪಡೆ.

By Nagaraja

Published: Friday, October 28, 2016, 13:55 [IST]

ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯು ಜನಪ್ರಿಯ ಸ್ಕಾರ್ಪಿಯೊ ಕ್ರೀಡಾ ಬಳಕೆಯ ವಾಹನದ ತಳಹದಿಯಲ್ಲಿ ಅತಿ ನೂತನ ಗೇಟ್ ವೇ ಜೀವನ ಶೈಲಿಯ ಪಿಕಪ್ ಟ್ರಕ್ ವಾಹನ ಅಭಿವೃದ್ಧಿ ಪಡಿಸುತ್ತಿರುವ ಬಗ್ಗೆ ನಾವು ಈಗಾಗಲೇ ವರದಿ ಮಾಡಿರುತ್ತೇವೆ. ಈ ನಡುವೆ ಸ್ಕಾರ್ಪಿಯೊ ಪಿಕಪ್ ಟ್ರಕ್ ಗೆ ಹೋಲುವಂತಹ ವಾಹನವೊಂದು ಅವತಾರವೆತ್ತಿರುವುದು ಕುತೂಹಲ ಮೂಡಿಸಿದೆ.

ಹೊಸ ಅವತಾರದಲ್ಲಿ ಸ್ಕಾರ್ಪಿಯೊ; ಮನಮೆಚ್ಚಿದ ಪಿಕಪ್ ಟ್ರಕ್ ಶೈಲಿ

ಸ್ಕಾರ್ಪಿಯೊ ಮೇಲಿನ ಅತೀವ ಪ್ರೀತಿಯಿಂದಾಗಿ ವಿಶೇಷವಾಗಿ ಪಿಕಪ್ ಟ್ರಕ್ ರೀತಿಯಲ್ಲಿ ಮಾರ್ಪಾಡುಗೊಳಿಸಿದ್ದಾರೆ. ಇದು ಇತರೆ ಕಸ್ಟಮೈಸ್ಡ್ ಪ್ರಿಯರನ್ನು ತನ್ನತ್ತ ಸೆಳೆಯುತ್ತಿದೆ.

ಸ್ಕಾರ್ಪಿಯೊ ಒಟ್ಟಾರೆ ಉದ್ದಳತೆಯಲ್ಲಿ ಯಾವುದೇ ಬದಲಾವಣೆಗಳನ್ನು ತರದೆಯೇ ಎರಡು ಕ್ಯಾಬಿನ್ ಕೋಣೆಯನ್ನು ಜೋಡಿಸಲಾಗಿದೆ.

ಇದರಲ್ಲಿ ಆಫ್ ರೋಡ್ ಚಕ್ರಗಳು, ಅಲಾಯ್ ವೀಲ್ ಹೋದಿಕೆ, ವಿಶೇಷ ಬಾಡಿ ಹೋದಿಕೆ, ರಿಯರ್ ಹ್ಯಾಂಡಲ್ ಬಾರ್, ಬದಿಯಲ್ಲಿ ಕಪ್ಪು ಪಟ್ಟಿ, ಸನ್ ರೂಫ್, ಜೆರ್ರಿ ಕ್ಯಾನ್ ಮತ್ತು ಸೈಕಲ್ ಗಳನ್ನು ಸಾಗಿಸಲು ಸೈಕಲ್ ರಾಕ್ ಗಳಿರಲಿದೆ.

ಹಿಂದುಗಡೆ ಜಾಗಕ್ಕೆ ಕತ್ತರಿ ಪ್ರಯೋಗ ಮಾಡುವ ಮೂಲಕ ಢಿಕ್ಕಿ ಜಾಗವನ್ನು ಕಾಯ್ದುಕೊಳ್ಳಲಾಗಿದೆ. ಇದು ದೂರ ಪ್ರಯಾಣದ ವೇಳೆ ಲಗ್ಗೇಜ್ ಗಳನ್ನಿಡಲು ಸಹಕಾರಿಯಾಗಲಿದೆ.

ಬದಲಾದ ಸ್ಕಾರ್ಪಿಯೊದ ಒಳಭಾಗಗಳಲ್ಲಿ ಏನೆಲ್ಲ ಮಾರ್ಪಾಡುಗಳನ್ನು ತರಲಾಗಿದೆ ಎಂಬುದು ಇನ್ನು ಬಯಲಾಗಿಲ್ಲ.

ಇನ್ನೊಂದೆಡೆ ಸ್ಕಾರ್ಪಿಯೊ ತಳಹದಿಯಲ್ಲಿ ನಿರ್ಮಾಣವಾಗುತ್ತಿರುವ ಸ್ಕಾರ್ಪಿಯೊ ಗೇಟ್ ವೇ ಪಿಕಪ್ ಟ್ರಕ್ ನಲ ಪರೀಕ್ಷಾರ್ಥ ಚಾಲನೆಯು ಮುಂಬೈ-ಪುಣೆ ಎಕ್ಸ್ ಪ್ರೆಸ್ ವೇನಲ್ಲಿ ಭರದಿಂದ ಸಾಗುತ್ತಿದೆ.