ಅಶೋಕ್ ಲೈಲ್ಯಾಂಡ್‌ನಿಂದ 3019 ಹೊಸ ಬಸ್‌ಗಳನ್ನು ಖರೀದಿಸಲಿದೆ ಕೆಎಸ್ಆರ್‌ಟಿಸಿ

ಪ್ರಯಾಣಿಕರಿಗೆ ವಿಶೇಷ ಸೌಲಭ್ಯಗಳನ್ನು ಒದಗಿಸುತ್ತಿರುವ ಕೆಎಸ್ಆರ್‌ಟಿ ಸಂಸ್ಥೆಯು ಸದ್ಯದಲ್ಲೇ ಮತ್ತಷ್ಟು ಹೊಸ ಬಸ್‌ಗಳ ಸೇವೆ ಆರಂಭಿಸುತ್ತಿದ್ದು, ಇದಕ್ಕಾಗಿ 650ಕೋಟಿ ವೆಚ್ಚದಲ್ಲಿ 3019 ಹೊಸ ಬಸ್‌ಗಳನ್ನು ಖರೀದಿ ಮಾಡುತ್ತಿದೆ.

ಈಗಾಗಲೇ ಅಶೋಕ್ ಲೈಲ್ಯಾಂಡ್‌ ಜೊತೆ ಬಸ್ ತಯಾರಿಕೆಗೆ ಒಡಂಬಡಿಕೆ ಮಾಡಿಕೊಂಡಿರುವ ಕೆಎಸ್ಆರ್‌ಟಿಸಿ, ಪ್ರಸಕ್ತ ಆರ್ಥಿಕ ವರ್ಷದ ಅಂತ್ಯಕ್ಕೆ ಪೂರ್ಣ ಪ್ರಮಾಣದಲ್ಲಿ ಹೊಸ ಬಸ್‌ಗಳನ್ನು ಒದಗಿಸುವಂತೆ ಕೋರಿಕೆ ಸಲ್ಲಿಸಿದೆ.

ಈ ಬಗ್ಗೆ ಅಶೋಕ್ ಲೈಲ್ಯಾಂಡ್ ಕೂಡಾ ಅಧಿಕೃತ ಪ್ರಕಟನೆ ಬಿಡುಗಡೆ ಮಾಡಿದ್ದು, ನಿಗದಿತ ಅವಧಿಯೊಳಗೆ ಕೆಎಸ್ಆರ್‌ಟಿಸಿ ಬೇಡಿಕೆಗೆ ಪೂರೈಸುವ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದೆ.

ಇನ್ನು ಕೆಎಸ್ಆರ್‌ಟಿಸಿಯಲ್ಲಿ ಅಶೋಕ್ ಲೈಲ್ಯಾಂಡ್ ನಿರ್ಮಾಣದ ಬಸ್‌ಗಳು ಈಗಾಗಲೇ ಸಾಕಷ್ಟು ಪ್ರಮಾಣದಲ್ಲಿದ್ದು, ಉತ್ತಮ ಇಂಧನ ಕಾರ್ಯಕ್ಷಮತೆ ಮತ್ತು ಕಡಿಮೆ ನಿರ್ವಹಣೆ ಹೊಂದಿರುವ ಹಿನ್ನೆಲೆ ಮತ್ತಷ್ಟು ಹೊಸ ಬಸ್‌ಗಳನ್ನು ಖರೀದಿಸಲಾಗುತ್ತಿದೆ.

ಹೊಸ ಬಸ್‌ಗಳು KSRTC, NWKRTC, BMTC ಮತ್ತು NEKRTC ವಿಭಾಗಗಳಿಗೆ ಬೇಡಿಕೆಗೆ ಅನುಗುಣವಾಗಿ ಹಂಚಿಕೆಯಾಗಲಿದ್ದು, ರಾಜ್ಯ ಸಾರಿಗೆ ವ್ಯವಸ್ಥೆಯಲ್ಲಿ ಅಶೋಕ್ ಲೈಲ್ಯಾಂಡ್ ನಿರ್ಮಾಣದ ಬಸ್‌ಗಳ ಪ್ರಾಬಲ್ಯ ಮತ್ತಷ್ಟು ಹೆಚ್ಚಾಗಲಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ರೂ.650 ಕೋಟಿ ವೆಚ್ಚ ಮಾಡಿ ಹೊಸ ಬಸ್ ಖರೀದಿ ಮಾಡುತ್ತಿರುವ ಕೆಎಸ್ಆರ್‌ಟಿಸಿ ನಿರ್ಧಾರ ಮಹತ್ವದಾಗಿದ್ದು, ಇದರ ಜೊತೆ ಸದ್ಯ ಸೇವೆಯಲ್ಲಿರುವ ಹಳೆಯ ಬಸ್‌ಗಳಲ್ಲಿನ ಸೌಲಭ್ಯಗಳ ಸುಧಾರಣೆಗೂ ಒತ್ತು ನೀಡುವ ಅಗತ್ಯವಿದೆ.