Just In
- 33 min ago Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
- 1 hr ago ಯುಎಸ್ಎ, ಕೆನಡಾಗೂ ಕಾಲಿಟ್ಟ ಭಾರತೀಯ ಬೈಕ್: ಮುಂದುವರೆದ ವಿಶ್ವಗುರು ಭಾರತದ ನಾಗಾಲೋಟ
- 1 hr ago Honda: ಭಾರತದಲ್ಲಿ ಹೋಂಡಾ ಹೊಸ ಮೈಲಿಗಲ್ಲು: ಎಷ್ಟು ಮಂದಿಯ ಬಳಿ ಆಕ್ಟೀವಾ, ಶೈನ್ ಇದೆ ಹೇಳಿ?
- 2 hrs ago ಜನಪ್ರಿಯ ಕಂಪನಿಗಳಿಂದ ಮುಂಬರುವ ಪುಟ್ಟ ಕಾರುಗಳಿವು.. ಇವೇ ಮಿಡಲ್ ಕ್ಲಾಸ್ ಜನರ ಫೇವರಿಟ್ ಆಗುವುದು ಪಕ್ಕಾ!
Don't Miss!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Movies STD ಬೂತ್ನಲ್ಲಿ ಕೆಲಸ ಮಾಡುವಾಗ 500 ರೂ. ಸಂಬಳ; ಶೋ ಆರಂಭಿಸಿದ ಮೇಲೆ ಗಳಿಸಿದ್ದೆಷ್ಟು ಕೋಟಿ?
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- News ಅಮಿತ್ ಶಾ ಓರ್ವ ಗೂಂಡಾ, ರೌಡಿ.! ಯತೀಂದ್ರ ಸಿದ್ದರಾಮಯ್ಯ ತೀವ್ರ ವಾಗ್ದಾಳಿ
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Finance ನಿಮಗೆ ಗೊತ್ತಲ್ಲದೇ ನಿಮ್ಮ ಹೆಸರಲ್ಲಿ ಖಾತೆ ತೆರೆದಿರ್ತಾರೆ, ಪಿಂಚಣಿ ಯೋಜನೆ ಬಗ್ಗೆ ಹುಷಾರಾಗಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತೀಯ ಕ್ರಿಕೆಟ್ ಆಟಗಾರರ ಐಷಾರಾಮಿ ಕಾರುಗಳ ಭರ್ಜರಿ ಕಲೆಕ್ಷನ್ ಹೇಗಿದೆ ಗೊತ್ತಾ?
ತಮ್ಮದೆ ಕ್ರೀಡಾ ಶೈಲಿಯಿಂದ ಭಾರತದಲ್ಲಿ ಮಾತ್ರವಲ್ಲದೆ ಪ್ರಪಂಚಾದ್ಯಂತ ಜನಪ್ರಿಯತೆಯನ್ನು ಪಡೆದಂತಹ ಪ್ರಸಿದ್ಧ ಕ್ರಿಕೆಟ್ ಆಟಗಾರರ ಗ್ಯಾರೆಜ್ನಲ್ಲಿರುವ ಐಷಾರಾಮಿ ಕಾರುಗಳ ಕಲೆಕ್ಷನ್ ಬಗ್ಗೆ ಮಾಹಿತಿ ಇಲ್ಲಿದೆ ನೋಡಿ.
ಟೀಮ್ ಇಂಡಿಯಾ ಆಟಗಾರರಾದ ನಾಯಕ ಧೋನಿ, ವಿರಾಟ್ ಕೊಹ್ಲಿಗೆ ಕಾರುಗಳೆಂದರೆ ಎಲ್ಲಿಲ್ಲದ ಪ್ರೀತಿ. ಕ್ರಿಕೆಟ್ನಲ್ಲಿ ತಮ್ಮ ಭರ್ಜರಿ ಸಂಪಾದನೆಗೆ ತಕ್ಕಂತೆ ದುಬಾರಿ ಕಾರುಗಳನ್ನು ಹೊಂದಿದ್ದು, ದಿಗ್ಗಜರಾದ ಸಚಿನ್ ಕೂಡಾ ಇದಕ್ಕೆ ಹೊರತಾಗಿಲ್ಲ. ಹಾಗಾದ್ರೆ ಯಾವ ಯಾವ ಕ್ರಿಕೆಟಿಗರು ಯಾವ ಕಾರನ್ನ ಹೊಂದಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ಇಲ್ಲಿದೆ ನೋಡಿ.
ತಮ್ಮದೆ ಕ್ರೀಡಾ ಶೈಲಿಯಿಂದ ಭಾರತದಲ್ಲಿ ಮಾತ್ರವಲ್ಲದೆ ಪ್ರಪಂಚಾದ್ಯಂತ ಜನಪ್ರಿಯತೆಯನ್ನು ಪಡೆದಂತಹ ಪ್ರಸಿದ್ಧ ಕ್ರಿಕೆಟ್ ಆಟಗಾರರ ಗ್ಯಾರೆಜ್ನಲ್ಲಿರುವ ಐಷಾರಾಮಿ ಕಾರುಗಳ ಕಲೆಕ್ಷನ್ ಬಗ್ಗೆ ಮಾಹಿತಿ ನಾವಿಂದು ನೀಡಲಿದ್ದೇವೆ.
ಯುವರಾಜ್ ಸಿಂಗ್ - ಲಂಬೋರ್ಗಿನಿ ಮರ್ಸಿಯೆಲ್ಗೊ (ರೂ. 3.6 ಕೋಟಿ)
6 ಬಾಲ್ಗಳಿಗೆ 6 ಸಿಕ್ಸ್ ಬಾರಿಸಿ ದಾಖಲೆ ನಿರ್ಮಿಸಿದ್ದ ಆಲ್ ರೌಂಡರ್ ಯುವರಾಜ್ ಸಿಂಗ್ ಐಷಾರಾಮಿ ಕಾರುಗಳ ಬಗ್ಗೆ ಎಲ್ಲಿಲ್ಲದ ಕ್ರೇಜ್ ಹೊಂದಿದ್ದಾರೆ. ಹೀಗಾಗಿ ತಮ್ಮ ನೆಚ್ಚಿನ ಲಂಬೋರ್ಗಿನಿಯ ಮರ್ಸಿಯೆಲ್ಗೊ ಕಾರನ್ನು ಖರೀದಿ ಮಾಡಿದ್ದು, ಈ ಕಾರಿನ ಬೆಲೆಯು ರೂ. 3.6 ಕೋಟಿ ಹೊಂದಿದೆ.
ವಿರೇಂದ್ರ ಸೆಹ್ವಾಗ್ - ಬೆಂಟ್ಲಿ ಕಾಂಟಿನೆಂಟಲ್ ಫ್ಲೈಂಗ್ ಸ್ಟರ್ (ರೂ 3.10 ಕೋಟಿ)
ಟೆಸ್ಟ್ ಮ್ಯಾಚ್, ಏಕದಿನ ಪಂದ್ಯಗಳಲ್ಲಿಯೂ ತಮ್ಮ ಬ್ಯಾಟಿಂಗ್ ಶೈಲಿಯಿಂದ ಮಾತ್ರವಲ್ಲದೆ ತಮ್ಮ ಸಮಾಜ ಸೇವೆಯಿಂದಲೂ ಕೂಡಾ ಪ್ರಸಿದ್ಧರಾಗಿರುವ ವಿರೇಂದ್ರ ಸೆಹ್ವಾಗ್ ಅವರು ರೂ 3.10 ಕೋಟಿ ಮೌಲ್ಯದ ಬೆಂಟ್ಲಿ ಕಾಂಟಿನೆಂಟಲ್ ಫ್ಲೈಂಗ್ ಸ್ಟರ್ ಕಾರನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ವಿರಾಟ್ ಕೊಹ್ಲಿ - ಆಡಿ ಆರ್8 ಎಲ್ಎಂಎಕ್ಸ್ (ರೂ 2.97 ಕೋಟಿ)
ಇನ್ಸ್ಟಾಗ್ರಾಂನಲ್ಲಿ ಒಂದು ಪೋಸ್ಟ್ ಗೆ ಕೋಟಿ ಹಣ ಪಡೆಯುತ್ತಿರುವ ಪ್ರಸ್ತುತ ಭಾರತೀಯ ಕ್ರಿಕೆಟ್ ತಂಡದ ನಾಯಕತ್ವವನ್ನು ವಹಿಸಿರುವ ವಿರಾಟ್ ಕೊಹ್ಲಿ ಮೊನ್ನೆಯಷ್ಟೇ ರೂ. 2.97 ಕೋಟಿ ಬೆಲೆಯುಳ್ಳ ಆಡಿ ಸಂಸ್ಥೆಯ ಆರ್8 ಎಲ್ಎಂಎಕ್ಸ್ ಕಾರನ್ನು ತಮ್ಮದಾಗಿಸಿಕೊಂಡಿದ್ದಾರೆ. ವಿಶೇಷ ಅಂದ್ರೆ ಈ ಕಾರು ಕೇವಲ 99 ಯೂನಿಟ್ಗಳು ಮಾತ್ರ ಮಾರಾಟಕ್ಕಿದ್ದವು ಅವುಗಳಲ್ಲಿ ಕೊಹ್ಲಿ ಖರೀದಿ ಮಾಡಿರುವ ಕಾರು ಕೂಡಾ ಒಂದು.
ಸಚಿನ್ ತೆಂಡೂಲ್ಕರ್ - ಬಿಎಂಡಬ್ಲ್ಯೂ ಐ8 - (ರೂ 2.62 ಕೋಟಿ)
ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಬಗ್ಗೆ ನಮಗೆಲ್ಲಾ ತಿಳಿದಿರುವ ಹಾಗೆ ಬಿಎಂಡಬ್ಲ್ಯು ಇಂಡಿಯಾದ ಬ್ರ್ಯಾಂಡ್ ಅಂಬಾಸಿಡರ್ ಆಗಿದ್ದಾರೆ. ಸಚಿನ್ ಬಿಎಂಡಬ್ಲ್ಯು ಐ8 ಕಾರಿನ ವಿನ್ಯಾಸಕ್ಕೆ ಫಿದಾ ಆಗಿದ್ದರು. ಇದಕ್ಕಾಗಿ ಬಿಎಂಡಬ್ಲ್ಯು ಸಂಸ್ಥೆಯು ರೂ. 2.62 ಕೋಟಿ ಬೆಲೆಬಾಳುವ ಐ8 ಕಾರನ್ನು ಉಡುಗೊರೆಯಾಗಿ ಪಡೆದಿದ್ದರು.
ಹಾರ್ದಿಕ್ ಪಾಂಡ್ಯ - ಲ್ಯಾಂಡ್ ರೋವರ್ ರೇಂಜ್ ರೋವರ್ (ರೂ 1.66 ಕೋಟಿ)
ಭಾರತೀಯ ಕ್ರಿಕೆಟ್ ತಂಡದಲ್ಲಿನ ಉದಯೊನ್ಮುಖ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಕೂಡಾ ರೂ.1.66 ಕೋಟಿ ಮೌಲ್ಯದ ಲ್ಯಾಂಡ್ ರೋವರ್ ರೇಂಜ್ ರೋವರ್ ಕಾರನ್ನು ಖರೀದಿ ಮಾಡಿದ್ದಾರೆ.
ದಿನೇಶ್ ಕಾರ್ತಿಕ್ - ಪೋರ್ಷೆ ಕಯೆನ್ ಎಸ್ (ರೂ 85.53 ಲಕ್ಷ)
2004ರಲ್ಲಿ ಭಾರತೀಯ ಕ್ರಿಕೆಟ್ ತಂಡಕ್ಕೆ ಸೇರಿಕೊಂಡ ದಿನೇಶ್ ಕಾರ್ತಿಕ್, ತಂಡದಲ್ಲಿ ತಮ್ಮ ಬ್ಯಾಟಿಂಗ್ ಸಾಮರ್ಥ್ಯ ಹಾಗೂ ವಿಕೇಟ್ ಕೀಪಿಂಗ್ ನಿಂದ ಜನಪ್ರಿಯತೆ ಗಳಿಸಿದ್ದು, ರೂ 85.53 ಲಕ್ಷ ಮೌಲ್ಯದ ಪೋರ್ಷೆ ಸಂಸ್ಥೆಯ ಸ್ಪೋರ್ಟ್ಸ್ ಕಾರು ಕಯೆನ್ ಖರೀದಿಸಿದ್ದಾರೆ.
ಶಿಖರ್ ಧವನ್ - ಮರ್ಸಿಡಿಸ್ ಜಿಎಲ್ ಕ್ಲಾಸ್ (ರೂ 79.78 ಲಕ್ಷ)
ತಂಡದಲ್ಲಿ ತಮ್ಮ ಬ್ಯಾಟಿಂಗ್ ಚಾತುರ್ಯದಿಂದ ಪ್ರಸಿದ್ಧರಾಗಿರುವ ಶಿಖರ್ ಧವನ್ರವರು ರೂ 79.78 ಲಕ್ಷ ಬೆಲೆಬಾಳುವಂತಹ ಮರ್ಸಿಡಿಸ್ ಜಿಎಲ್ ಕ್ಲಾಸ್ ಐಷಾರಾಮಿ ಕಾರನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಮಹೇಂದ್ರ ಸಿಂಗ್ ಧೋನಿ - ಹಮ್ಮರ್ ಹೆಚ್2 (ರೂ 75 ಲಕ್ಷ)
2007ರಲ್ಲಿ ಭಾರತದ ತಂಡಕ್ಕೆ ನಾಯಕರಾಗಿ ವರ್ಲ್ಡ್ ಕಪ್ ಗೆಲ್ಲುವಂತೆ ತಂಡವನ್ನು ಪ್ರೋತ್ಸಾಹಿಸಿ ಇದೀಗ ಇಂಡಿಯನ್ ಪ್ರಿಮಿಯರ್ ಲೀಗ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮುನ್ನಡೆಸುತ್ತಿರುವ ಎಂಎಸ್ ಧೋನಿಯವರು ಆಟಕ್ಕೆ ಮಾತ್ರವಲ್ಲದೆ ತಮ್ಮ ಗ್ಯಾರೇಜ್ನಲ್ಲಿನ ಐಷಾರಾಮಿ ಕಾರುಗಳು ಹಾಗು ಬೈಕ್ಗಳಿಂದಲೂ ಕೂಡಾ ಪ್ರಸಿದ್ದಯಾಗಿದ್ದಾರೆ.
ತಮ್ಮ ಗ್ಯಾರೇಜ್ನಲ್ಲಿ ಆಡಿ ಕ್ಯೂ7, ಮಿಟ್ಸುಬಿಷಿ ಪಜೆರೊ ಎಸ್ಎಫ್ಎಕ್ಸ್, ಮಹಿಂದ್ರಾ ಸ್ಕಾರ್ಪಿಯೊ ಹಾಗು ಉತ್ತಮ ಪರ್ಫಾರ್ಮೆನ್ಸ್ ಸೂಪರ್ ಬೈಕ್ಗಳನ್ನು ತಮ್ಮದಾಗಿಸಿಕೊಂಡಿದ್ದು, ಇದೀಗ ಜನಪ್ರಿಯ ಹಮ್ಮರ್ ಸಂಸ್ಥೆಯ ಎರಡನೇ ತಲೆಮಾರಿನ ಹೆಚ್2 ಎಸ್ಯುವಿ ಕಾರನ್ನು ಕೂಡ ಖರೀದಿ ಮಾಡಿದ್ದಾರೆ.
ಹರ್ಭಜನ್ ಸಿಂಗ್- ಹಮ್ಮರ್ ಹೆಚ್2 (ರೂ.75 ಲಕ್ಷ)
ತಮ್ಮ ಸ್ಪಿನ್ ಬೌಲಿಂಗ್ ಚಾತುರ್ಯದಿಂದ ಹಲವಾರು ಪಂದ್ಯಗಳಲ್ಲಿ ಹ್ಯಾಟ್ರಿಕ್ ವಿಕೆಟ್ಗಳನ್ನು ಪಡೆದಿರುವ ಹರ್ಭಜನ್ ಸಿಂಗ್ ಕೂಡಾ ಹಮ್ಮರ್ ಹೆಚ್2 ಎಸ್ಯುವಿ ಕಾರ್ ಅನ್ನು ಖರೀದಿ ಮಾಡಿದ್ದು, ಈ ಕಾರು 6.2 ಲೀಟರ್ ವಿ8 ಎಂಜಿನ್ ಸಹಾಯದಿಂದ 393 ಬೆಹೆಚ್ ಪಿ ಸಾಮರ್ಥ್ಯವನ್ನು ಪಡೆದಿದೆ.
ಕೆಎಲ್ ರಾಹುಲ್- ಮರ್ಸಿಡಿಸ್ ಸಿ43 ಎಎಂಜಿ (ರೂ 75.35 ಲಕ್ಷ)
ಕರ್ನಾಟಕ ಕ್ರಿಕೆಟ್ ತಂಡದಿಂದ ಪ್ರಸಿದ್ಧರಾಗಿ ಈಗ ಭಾರತದ ಕ್ರಿಕೆಟ್ ತಂಡದಲ್ಲಿ ತಮ್ಮ ಬ್ಯಾಟಿಂಗ್ ಸಾಮರ್ಥ್ಯದಿಂದ ಸದ್ದು ಮಾಡುತ್ತಿರುವ ಕನ್ನಡಿಗ ಕೆಎಲ್ ರಾಹುಲ್ ಅವಪು ಐಷಾರಾಮಿ ವಾಹನ ತಯಾರಕ ಸಂಸ್ಥೆ ಮರ್ಸಿಡಿಸ್ನ ಸಿ43 ಎಎಂಜಿ ಕಾರ್ ಅನ್ನು ತಮ್ಮದಾಗಿಸಿಕೊಂಡಿದ್ದಾರೆ.