Just In
- 6 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 7 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 8 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 8 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇಶಾದ್ಯಂತ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮ- ಜನಪ್ರಿಯ ಕಾರುಗಳ ಮೇಲೆ ಭರ್ಜರಿ ಡಿಸ್ಕೌಂಟ್
ದೇಶದಲ್ಲಿ ಇಂದು 72ನೇ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮ ಮನೆ ಮಾಡಿದ್ದು, ದೇಶದ ಜನಪ್ರಿಯ ಕಾರು ಉತ್ಪಾದನಾ ಸಂಸ್ಥೆಗಳು ತಮ್ಮ ಜನಪ್ರಿಯ ಕಾರುಗಳ ಖರೀದಿ ಮಾದರಿಗಳ ಮೇಲೆ ಭರ್ಜರಿ ಡಿಸ್ಕೌಂಟ್ ಘೋಷಣೆ ಮಾಡಿರುವುದು ಕಾರು ಯೋಜನೆಯಲ್ಲಿರುವ ಗ್ರಾಹಕರಿಗೆ ಹಬ್ಬವೇ ಸರಿ.
ದೇಶದ ಜನಪ್ರಿಯ ಕಾರು ಉತ್ಪಾದನಾ ಸಂಸ್ಥೆಗಳಾದ ಮಾರುತಿ ಸುಜುಕಿ, ಹ್ಯುಂಡೈ, ಹೋಂಡಾ, ಮಹೀಂದ್ರಾ ಮತ್ತು ಟಾಟಾ ಮೋಟಾರ್ಸ್ ಸಂಸ್ಥೆಗಳು ತಮ್ಮ ಪ್ರಮುಖ ಕಾರು ಮಾದರಿಗಳ ಖರೀದಿಗಳ ಮೇಲೆ ಭರ್ಜರಿ ಆಫರ್ ಘೋಷಣೆ ಮಾಡಿದ್ದು, ಕೆಲವು ಕಾರುಗಳ ಖರೀದಿ ಮೇಲೆ ಎಕ್ಸ್ಚೆಂಜ್ ಆಫರ್ ಮತ್ತು ಉಚಿತ ವಿಮೆ ಸಹ ದೊರೆಯಲಿದೆ. ಹಾಗಾದ್ರೆ ಯಾವ ಕಾರುಗಳ ಮೇಲೆ ಎಷ್ಟು ಡಿಸ್ಕೌಂಟ್ ದೊರೆಯಲಿದೆ ಇಲ್ಲಿದೆ ನೋಡಿ ಸಂಪೂರ್ಣ ಮಾಹಿತಿ.
ಮಾರುತಿ ಸುಜುಕಿ ಸಿಯಾಜ್
ಸಿಯಾಜ್ ಫೇಸ್ಲಿಫ್ಟ್ ಕಾರುಗಳು ಇದೇ ತಿಂಗಳು 18ರಂದು ಬಿಡುಗಡೆ ಸಜ್ಜಾಗುತ್ತಿದ್ದು, ಈ ಹಿನ್ನೆಲೆ ಹಿಂದಿನ ತಲೆಮಾರಿನ ಸಿಯಾಜ್ ಕಾರುಗಳ ಖರೀದಿ ಮೇಲೆ ಮಾರುತಿ ಸುಜುಕಿ ಸಂಸ್ಥೆಯು ರೂ. 80 ಸಾವಿರ ಡಿಸ್ಕೌಂಟ್ ಹಾಗೂ 7 ವರ್ಷದೊಳಗಿನ ಕಾರುಗಳ ಎಕ್ಸ್ಚೆಂಜ್ ಮೇಲೆ ರೂ. 50 ಸಾವಿರ ಆಫರ್ ದೊರೆಯಲಿದೆ.
ಮಾರುತಿ ಸುಜುಕಿ ಇಗ್ನಿಸ್
ಸ್ಪೋರ್ಟಿ ಲುಕ್ ಹೊಂದಿರುವ ಹ್ಯಾಚ್ಬ್ಯಾಕ್ ಕಾರುಗಳಲ್ಲಿ ಉತ್ತಮ ಬೇಡಿಕೆ ಹೊಂದಿರುವ ಇಗ್ನಿಸ್ ಕಾರುಗಳ ಮೇಲೆ ಮಾರುತಿ ಸಂಸ್ಥೆಯು ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮಕ್ಕಾಗಿ ರೂ.35 ಸಾವಿರ ಡಿಸ್ಕೌಂಟ್ ಹಾಗೂ ರೂ. 25 ಸಾವಿರ ಎಕ್ಸ್ಚೆಂಜ್ ಆಫರ್ ದೊರೆಯಲಿದೆ.
ಸಿಎನ್ಜಿ ವ್ಯಾಗನ್ ಆರ್
ಮಾರುತಿ ಸುಜುಕಿ ನಿರ್ಮಾಣದ ಜನಪ್ರಿಯ ಕಾರುಗಳಲ್ಲಿ ಅತಿ ಮಾರಾಟಗೊಳ್ಳುವ ವ್ಯಾಗನ್ ಆರ್ ಕಾರುಗಳ ಮೇಲು ಉತ್ತಮ ಆಫರ್ ಘೋಷಣೆ ಮಾಡಲಾಗಿದೆ. ಸಿಎನ್ಜಿ ವರ್ಷನ್ ಮೇಲೆ ರೂ.35 ಸಾವಿರ ಡಿಸ್ಕೌಂಟ್ ಮತ್ತು 7 ವರ್ಷದೊಳಗಿನ ಕಾರು ಮಾದರಿಗಳ ಎಕ್ಸ್ಚೆಂಜ್ ಮೇಲೆ ರೂ. 20 ಸಾವಿರ ಆಫರ್ ದೊರೆಯಲಿದೆ.
ಹೋಂಡಾ ಸಿಟಿ
ಮಧ್ಯಮ ಕ್ರಮಾಂಕದ ಸೆಡಾನ್ ಕಾರುಗಳಲ್ಲಿ ಅತಿ ಹೆಚ್ಚು ಜನಪ್ರಿಯಗೊಂಡಿರುವ ಹೋಂಡಾ ಸಿಟಿ ಕಾರುಗಳ ಖರೀದಿ ಮೇಲೆ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮಕ್ಕಾಗಿ ರೂ.20 ಆಫರ್ ಮತ್ತು ಮೊದಲ ವರ್ಷದ ಕಾರು ವಿಮೆಯನ್ನು ಉಚಿತವಾಗಿ ನೀಡಲಾಗುತ್ತಿದೆ.
ಜಾಝ್ ಹ್ಯಾಚ್ಬ್ಯಾಕ್
ಹೋಂಡಾ ಸಂಸ್ಥೆಯ ಜನಪ್ರಿಯ ಹ್ಯಾಚ್ಬ್ಯಾಕ್ ಮಾದರಿಯಾಗಿರುವ ಜಾಝ್ ಕಾರುಗಳ ಮೇಲೆ ಅತ್ಯುತ್ತಮ ಖರೀದಿ ಆಫರ್ ಲಭ್ಯವಿದೆ. ಫೇಸ್ಲಿಫ್ಟ್ ಹೊರತುಪಡಿಸಿ ಹಳೆಯ ಮಾದರಿಯ ಜಾಝ್ ಕಾರುಗಳ ಮೇಲೆ ಬರೋಬ್ಬರಿ ರೂ.75,000 ಡಿಸ್ಕೌಂಟ್ ಮತ್ತು ಬ್ರಿಯೋ ಕಾರುಗಳ ಖರೀದಿ ಮೇಲೆ ಒಂದು ವರ್ಷದ ಉಚಿತ ವಿಮೆ ಪಡೆದುಕೊಳ್ಳಬಹುದು.
ಹೋಂಡಾ ಬಿಆರ್-ವಿ
ಕ್ರಾಸ್ಒವರ್ ಬಿಆರ್-ವಿ ಕಾರುಗಳ ಖರೀದಿ ಮೇಲೆ ಗರಿಷ್ಠ 1 ಲಕ್ಷ ಆಫರ್ ದೊರೆಯಲಿದ್ದು, ಇದರಲ್ಲಿ ಮೊದಲ ವರ್ಷದ ಉಚಿತ ವಿಮೆ, ಎಕ್ಸ್ಚೆಂಜ್ ಮೇಲೆ ರೂ.50 ಸಾವಿರ, ಮತ್ತು ರೂ.16 ಸಾವಿರ ಮೌಲ್ಯ ಆಕ್ಸೆರಿಸ್ ಲಭ್ಯವಾಗಲಿವೆ.
ಇನ್ನು ಹೋಂಡಾ ಐಷಾರಾಮಿ ಎಸ್ಯುವಿ ಮಾದರಿಯಾದ ಸಿಆರ್-ವಿ ಕಾರುಗಳ ಮೇಲೆ ರೂ. 1.50 ಲಕ್ಷ ಡಿಸ್ಕೌಂಟ್ ಲಭ್ಯವಿದ್ದು, ಮುಂದಿನ ತಿಂಗಳು ನೆಕ್ಸ್ಟ್ ಜನರೇಷನ್ ಸಿಆರ್-ವಿ ಕಾರುಗಳ ಬಿಡುಗಡೆ ಹಿನ್ನೆಲೆಯಲ್ಲಿ ಸಿಆರ್-ವಿ ಮೇಲೆ ಭರ್ಜರಿ ಆಫರ್ ನೀಡುತ್ತಿದೆ.
ಹ್ಯುಂಡೈ ಕಾರುಗಳು ಮೇಲಿನ ಆಫರ್
ದೇಶದ ಎರಡನೇ ಅತಿ ದೊಡ್ಡ ಕಾರು ಉತ್ಪಾದನಾ ಸಂಸ್ಥೆಯಾಗಿರುವ ಹ್ಯುಂಡೈ ಸಂಸ್ಥೆಯು ವೆರ್ನಾ ಸೆಡಾನ್ ಕಾರುಗಳ ಮೇಲೆ ರೂ. 20 ಸಾವಿರ ಆಫರ್ ಮತ್ತು ರೂ. 20 ಸಾವಿರ ಎಕ್ಸ್ಚೆಂಜ್ ಆಫರ್ ನೀಡುತ್ತಿದ್ದು, ಎಕ್ಸ್ಸೆಂಟ್ ಕಾರುಗಳ ಖರೀದಿ ಮೇಲೆ ರೂ. 40 ಸಾವಿರ ಡಿಸ್ಕೌಂಟ್ ಮತ್ತು ರೂ.45 ಸಾವಿರ ಎಕ್ಸ್ಚೆಂಜ್ ಆಫರ್ ಲಭ್ಯವಿದೆ.
ಹ್ಯುಂಡೈ ಐ10 ಕಾರುಗಳ ಮೇಲೂ ಸಹ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮದ ಆಫರ್ಗಳು ಲಭ್ಯವಿದ್ದು, ರೂ. 50 ಸಾವಿರ ಡಿಸ್ಕೌಂಟ್, ರೂ. 20 ಸಾವಿರ ಎಕ್ಸ್ಚೆಂಜ್ ಆಫರ್ ಹಾಗೂ ಐ20 ಎಲೈಟ್ ಕಾರುಗಳ ಮೇಲೆ ರೂ.20 ಸಾವಿರ ಎಕ್ಸ್ಚೆಂಜ್ ಆಫರ್ ಪಡೆದುಕೊಂಡಿದೆ.
ಜೊತೆಗೆ ಸರ್ಕಾರಿ ಉದ್ಯೋಗಿಗಳಿಗೆ ಹೊಸ ಆಫರ್ ಪರಿಚಯಿಸಿರುವ ಹ್ಯುಂಡೈ ಸಂಸ್ಥೆಯು ಲಭ್ಯವಿರುವ ಡಿಸ್ಕೌಂಟ್ ಹೊರತು ಪಡಿಸಿ, ರೂ.5 ಸಾವಿರದಿಂದ ರೂ.30 ಸಾವಿರದ ತನಕ ವಿವಿಧ ಕಾರುಗಳ ಮೇಲೆ ಹೆಚ್ಚುವರಿ ಡಿಸ್ಕೌಂಟ್ ಘೋಷಣೆ ಮಾಡಿದೆ.
ಟಾಟಾ ಕಾರುಗಳ ಮೇಲಿನ ಆಫರ್
ದೇಶಿಯ ಕಾರು ಉತ್ಪಾದನಾ ಸಂಸ್ಥೆಯಾದ ಟಾಟಾ ಮೋಟಾರ್ಸ್ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮಕ್ಕಾಗಿ ಟಿಯಾಗೋ ಕಾರುಗಳ ಮೇಲೆ ರೂ.10 ಸಾವಿರ ಎಕ್ಸ್ಚೆಂಜ್ ಮತ್ತು ಮೊದಲ ವರ್ಷದ ಉಚಿತ ಕಾರು ವಿಮೆ ನೀಡಲಿದೆ.
ಅದೇ ರೀತಿಯಾಗಿ ಟಿಗೋರ್ ಕಾರುಗಳ ಮೇಲೂ ಸಹ ರೂ.10 ಸಾವಿರ ಎಕ್ಸ್ಚೆಂಜ್ ಆಫರ್ ಮತ್ತು ನೆಕ್ಸಾನ್ ಕಂಪ್ಯಾಕ್ಟ್ ಎಸ್ಯುವಿ, ಹೆಕ್ಸಾ ಕಾರುಗಳ ಮೇಲೆ ರೂ.5 ಸಾವಿರ ಡಿಸ್ಕೌಂಟ್ ಮತ್ತು ರೂ. 15 ಸಾವಿರ ಎಕ್ಸ್ಚೆಂಜ್ ಆಫರ್ ನೀಡುತ್ತಿದೆ.
ಮಹೀಂದ್ರಾ ಕಾರುಗಳ ಮೇಲಿನ ಆಫರ್
ದೇಶದ ಜನಪ್ರಿಯ ಕಾರುಗಳಲ್ಲಿ ಒಂದಾಗಿರುವ ಮಹೀಂದ್ರಾ ಸಂಸ್ಥೆಯು ಸಹ ಗ್ರಾಹಕರಿಗೆ ಹೆಚ್ಚಿನ ಮಟ್ಟದ ಆಫರ್ ನೀಡುತ್ತಿದ್ದು, ಕೆಯುವಿ100, ಟಿಯುವಿ300, ಥಾರ್, ಸ್ಕಾರ್ಪಿಯೋ ಮತ್ತು ಫೇಸ್ಲಿಫ್ಟ್ ಎಕ್ಸ್ಯುವಿ500 ಕಾರುಗಳ ಮೇಲೂ ಡಿಸ್ಕೌಂಟ್ ಆಫರ್ ಮತ್ತು ಎಕ್ಸ್ಚೆಂಜ್ ಆಫರ್ ನೀಡಲಾಗುತ್ತಿದೆ.
ಪ್ರತಿ ಕಾರುಗಳ ಮೇಲೂ ರೂ. 20 ಸಾವಿರ ಡಿಸ್ಕೌಂಟ್ ಮತ್ತು ರೂ. 20 ಸಾವಿರ ಎಕ್ಸ್ಚೆಂಜ್ ಆಫರ್ ಮತ್ತು ಕೆಲವು ಕಾರುಗಳ ಮೇಲೆ ಮೊದಲ ವರ್ಷದ ಆಫರ್ ಲಭ್ಯವಿದ್ದು, ಆಫ್ ರೋಡ್ ಕಾರು ಮಾದರಿಯಾದ ಥಾರ್ ಮೇಲೆ ರೂ.46 ಸಾವಿರ ಡಿಸ್ಕೌಂಟ್ ಮತ್ತು ರೂ.10 ಸಾವಿರ ಡಿಸ್ಕೌಂಟ್ ಆಫರ್ ನೀಡಲಾಗುತ್ತಿದೆ.
ವಿ.ಸೂ: ಮೇಲೆ ನೀಡಲಾಗಿರುವ ಡಿಸ್ಕೌಂಟ್ ಆಫರ್ಗಳು ಮತ್ತು ಎಕ್ಸ್ಚೆಂಜ್ ಆಫರ್ಗಳು ಒಂದು ನಗರದಿಂದ ಮತ್ತೊಂದು ನಗರಕ್ಕೆ ವ್ಯತ್ಯಾಸವಾಗಿರಲಿದ್ದು, ಹೆಚ್ಚಿನ ಮಾಹಿತಿ ನಿಮ್ಮ ಹತ್ತಿರದ ಕಾರು ಡೀಲರ್ಸ್ಗಳ ಬಳಿ ಈ ಬಗ್ಗೆ ಚರ್ಚೆ ಮಾಡಿ ವ್ಯವಹಾರ ಮುಂದುವರಿಸಿ..
Source: carandbike