ಆಟೋ ಎಕ್ಸ್ ಪೋ 2018: BMW 6 ಸಿರೀಸ್ ಜಿಟಿ ಕಾರು ಬಿಡುಗಡೆ ಮಾಡಿದ ಕ್ರಿಕೆಟ್ ದೇವರು

ಆಟೋ ಎಕ್ಸ್ ಪೋದಲ್ಲಿ 6 ಸೀರಿಸ್ ಜಿಟಿ ಬಿಡುಗಡೆಗೆ ಆಗಮಿಸಿದ್ದ ಕ್ರಿಕೆಟರ್ ಸಚಿನ್ ತೆಂಡೂಲ್ಕರ್ ಕಾರ್ಯಕ್ರಮಕ್ಕೆ ಮೆರುಗು ತುಂಬಿದ್ದಲ್ಲದೇ ಐಷಾರಾಮಿ ಕಾರುಗಳ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿರುವ ಬಿಎಂಡಬ್ಲ್ಯು ಕಾರುಗಳ ಬಗೆಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಇನ್ನು ಹೊಚ್ಚ ಹೊಸ 6 ಸಿರೀಸ್ ಜಿಟಿ ಗ್ರಾನ್ ಟೂರಿಸ್ಮೊ ಬಿಎಂಡಬ್ಲ್ಯಪ 5 ಸಿರೀಸ್ ನ ಸ್ಥಾನವನ್ನು ಬದಲಾಯಿಸುತ್ತದೆ. ಭಾರತದಲ್ಲಿ 630 ಐ ಕಾರು ಮಾತ್ರವ್ ಸ್ಪೋರ್ಟ್ ಆವೃತಿಯಲ್ಲಿ ದೊರೆಯಲಿದ್ದು, ಈ 6 ಸಿರೀಸ್ ಜಿಟಿ ಕಾರು ಉದ್ದವಾದ ವೀಲ್ ಬೇಸ್ ಹೊಂದಿರುವ ಮರ್ಸಿಡಿಸ್ ಇ-ಕ್ಲಾಸ್ ಕಾರಿಗೆ ಪೈಪೋಟಿ ನೀಡಲಿದೆ.

ಎಂಜಿನ್ ಸಾಮರ್ಥ್ಯ

ಹೊಸ 6 ಸಿರೀಸ್ ಜಿಟಿ ಕಾರು ಟರ್ಬೊಚಾರ್ಜ್ಡ್ 2.0 ಲೀಟರ್, 4 ಸಿಲೆಂಡರ್ ಪೆಟ್ರೋಲ್ ಎಂಜಿನನ್ನು ಹೊಂದಿದ್ದು, 254 ಬಿಹೆಚ್ ಪಿ ಮತ್ತು 400 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಹಾಗೆಯೇ ಈ ಎಂಜಿನನ್ನು 8- ಸ್ಪೀಡ್ ಗೇರ್ ಬಾಕ್ಸಿಗೆ ಜೋಡಿಸಲಾಗಿದ್ದು, ಜೊತೆಗೆ ಈ ಕಾರು ಕೇವಲ 6.3 ಸೆಕೆಂಡ್‌ಗಳಲ್ಲಿ 0-100 ಕಿಮಿ ವೇಗ ಪಡೆಯುವುದಲ್ಲದೇ 250ಕಿಮಿ(ಪ್ರತಿ ಗಂಟೆ) ಟಾಪ್ ಸ್ಪೀಡನ್ನು ಹೊಂದಿದೆ.

ಇದಲ್ಲದೇ ಹೊಸ ಕಾರುಗಳು 5,091ಎಂಎಂ ಉದ್ದ, 1,902 ಎಂಎಂ ಅಗಲ, 1,158 ಎಂಎಂ ಎತ್ತರ ಮತ್ತು 3,070 ಎಂಎಂ ಉದ್ದವಾದ ವೇಲ್ ಬೇಸನ್ನು ಪಡೆದುಕೊಂಡಿವೆ.

ಕಾರಿನ ವಿನ್ಯಾಸ ಮತ್ತು ವೈಶಿಷ್ಟ್ಯಗಳು

ಬಿಎಂಡಬ್ಲ್ಯೂ 6 ಸಿರೀಸ್ ಜಿಟಿ ವಿನ್ಯಾಸವನ್ನು 5 ಸಿರೀಸ್ ಸೆಡಾನ್ ಕಾರಿನ್ನು ಆಧರಿಸಿದ್ದು, 5 ಸಿರೀಸ್ ಕಾರಿಗಿಂತ ಭಿನ್ನವಾಗಿ ಕೌಪ್-ಇಷ್ ವಿನ್ಯಾಸವನ್ನು ಬೂಟ್ ಲಿಡ್ ನಲ್ಲಿ, ರೂಫ್ ಫ್ಲೋ ವಿಂಗ್ ಅನ್ನು ಹೊಂದಿದೆ. ಇದಲ್ಲದೆ 5 ಸಿರೀಸ್ ಕಾರಿನಲ್ಲಿದ್ದ ಎಲ್ಇಡಿ ಹೆಡ್ ಲೈಟ್ಅನ್ನು ಜೋಡಣೆಯಿದೆ.

ಬಿಎಂಡಬ್ಲ್ಯೂ 6 ಸಿರೀಸ್ ಜಿಟಿ ಕಾರುಗಳ ತಾಂತ್ರಿಕ ಅಂಶಗಳನ್ನು ಸಂಜ್ಞೆಗಳ ಮೂಲಕ ಕಂಟ್ರೋಲ್ ಮಾಡಬಹುದಾದ 10.25ಇಂಚಿನ ಟಚ್ ಸ್ಕ್ರೀನ್ ಡಿಸ್ಪ್ಲೆಯನ್ನು ಹೊಂದಿದ್ದು, ಹೆಡ್-ಅಪ್ ಡಿಸ್ಪ್ಲೆ, 4 ಜೋನ್ ಆಟೊಮ್ಯಾಟಿಕ್ ವಾತಾವರಣ ನಿಯಂತ್ರಣ, ಎಲ್ಇಡಿ ಮೂಡ್ ಲೈಟಿಂಗ್ ಮತ್ತು ಸುತ್ತುವರೆದ ಸೌಂಡ್ ಸಿಸ್ಟಮ್ ಅನ್ನು ಹೊಂದಿದೆ.