Just In
- 5 min ago ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
- 44 min ago ಕ್ರ್ಯಾಶ್ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ ಮಧ್ಯಮ ವರ್ಗದ ಮೆಚ್ಚಿನ ಸ್ವದೇಶಿ ಕಾರು
- 1 hr ago ಕ್ರ್ಯಾಶ್ಟೆಸ್ಟ್ನಲ್ಲಿ ಈ ಹೋಂಡಾ ಕಾರಿಗೆ ಕೇವಲ 2 ಸ್ಟಾರ್: ಆದರೂ ಭಾರತೀಯರಿಗೆ ಈ ಕಾರು ಅಚ್ಚುಮೆಚ್ಚು!
- 1 hr ago ಹ್ಯುಂಡೈ ಕ್ರೆಟಾಗೆ ಪೈಪೋಟಿ ನೀಡಲು ಬರಲಿವೆ ಟಾಟಾ, ಸಿಟ್ರನ್ ಕಾರುಗಳು.. ಇವೇ ಜನಸಾಮಾನ್ಯರ ಲ್ಯಾಂಬೋರ್ಗಿನಿಗಳು!
Don't Miss!
- News Bengaluru: ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರದಲ್ಲಿ ಕೆಜಿಗಟ್ಟಲೆ ಚಿನ್ನ, ವಜ್ರ ಮತ್ತು ಹಣ ಪತ್ತೆ
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Technology SmartGlass: ಮೆಟಾ ರೇ-ಬ್ಯಾನ್ ಸ್ಮಾರ್ಟ್ ಗ್ಲಾಸ್ ಬಳಕೆದಾರರು ಇನ್ಮುಂದೆ ವಿಡಿಯೋ ಕಾಲ್ ಮಾಡಬಹುದು!
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Movies ಅದ್ಧೂರಿ 'ರಾಮಾಯಣ' ಚಿತ್ರದ ಬಗ್ಗೆ ರಾಕಿಂಗ್ ಸ್ಟಾರ್ ಯಶ್ ಮೊದಲ ಮಾತು
- Finance ಬೆಂಗಳೂರಿನಲ್ಲಿ ಈ ಮೂರು ದಿನಗಳ ಕಾಲ ಮದ್ಯ ಮಾರಾಟ ನಿಷೇಧ, ದಿನಾಂಕ, ಸಮಯ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೌರ ವಿದ್ಯುತ್ ಮೂಲಕವೇ ಚಲಿಸುತ್ತೆ ಈ ವಾಹನ- ಕನ್ನಡಿಗ ವಿದ್ಯಾರ್ಥಿಗಳಿಂದ ಅಮೋಘ ಸಾಧನೆ..!
ನಮ್ಮಲ್ಲಿ ಪ್ರತಿಭೆಗಳಿಗೆ ಕೊರತೆ ಇಲ್ಲ. ಆದ್ರೆ ಅವರನ್ನು ಗುರುತಿಸುವ ಕೆಲಸವಾಗಬೇಕು ಅಷ್ಟೇ. ಇದಕ್ಕೆ ಕಾರಣ ಕನ್ನಡಿಗ ವಿದ್ಯಾರ್ಥಿಗಳು ಇಂದು ವಿಶ್ವಮಟ್ಟದಲ್ಲಿ ಗುರುತಿಸುವಂತಹ ಹಲವಾರು ಸಾಧನೆಗಳನ್ನು ಮಾಡುತ್ತಿದ್ದು, ಆಳ್ವಾಸ್ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಸಿದ್ದಪಡಿಸಿರುವಂತಹ ವಿನೂತನ ಮಾದರಿಯ ಸೌರ ವಿದ್ಯುತ್ ಚಾಲಿತ ವಾಹನವೊಂದು ಭಾರೀ ಚರ್ಚೆಗೆ ಕಾರಣವಾಗಿದೆ.
ಪೆಟ್ರೋಲ್, ಡೀಸೆಲ್ ಬೆಲೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಹೀಗಾಗಿಯೇ, ಪರ್ಯಾಯ ಇಂಧನ ಚಾಲಿತ ವಾಹನಗಳ ಅಭಿವೃದ್ಧಿಗಾಗಿ ಹೊಸ ಹೊಸ ಪ್ರಯತ್ನಗಳು ನಡೆಯುತ್ತಲೇ ಇದ್ದು, ಇದಕ್ಕೆ ಪೂರಕವಾಗಿ ಹಲವು ಆಟೋ ಉತ್ಪಾದನಾ ಸಂಸ್ಥೆಗಳು ದೊಡ್ಡಮಟ್ಟದ ಯೋಜನೆಗಳನ್ನು ಕೂಡಾ ರೂಪಿಸುತ್ತಿವೆ. ಹೀಗಿರುವಾಗ ತಮ್ಮಲ್ಲಿ ಲಭ್ಯವಿರುವ ಸಂಪನ್ಮೂಲಗಳನ್ನೇ ಬಳಸಿಕೊಂಡು ಹೊಸ ಪ್ರಯತ್ನಕ್ಕೆ ಕೈ ಹಾಕಿರುವ ಆಳ್ವಾಸ್ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು, ಮೂರು ಚಕ್ರದ ಹೊಸ ವಿನ್ಯಾಸದ ಸೌರ ವಿದ್ಯುತ್ ವಾಹನವೊಂದನ್ನ ಆವಿಷ್ಕಾರ ಮಾಡಿದ್ದಾರೆ.
ಆಳ್ವಾಸ್ ಇನ್ಸ್ಟ್ಯೂಟ್ ಆಫ್ ಎಂಜಿನಿಯರಿಂಗ್ ಆ್ಯಂಡ್ ಟೆಕ್ನಾಲಜಿ ಕಾಲೇಜಿನ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿರುವ ಬೈರೇಗೌಡ ಜಿ, ದರ್ಶನ್ ಎಸ್, ರೋಹನ್ ಮತ್ತು ಶರತ್ ನಾಯಕ್ ಎನ್ನುವ ನಾಲ್ವರು ವಿದ್ಯಾರ್ಥಿಗಳೇ ಈ ಸೌರ ವಿದ್ಯುತ್ ವಾಹನದ ರೂವಾರಿಗಳಾಗಿದ್ದು, ಡಾ.ಫರ್ನಾಂಡಿಸ್ ಮತ್ತು ವಿದ್ಯಾಸಾಗರ್ ಇವರುಗಳ ಮಾರ್ಗದರ್ಶನದೊಂದಿಗೆ ಸೌರ ವಿದ್ಯುತ್ ಚಾಲಿತ ವಾಹನವು ಹೊಸ ರೂಪ ಪಡೆದುಕೊಂಡಿದೆ.
ಕಡಿಮೆ ವೆಚ್ಚದಲ್ಲೇ ಸಿದ್ದವಾಯ್ತು ಅಚ್ಚುಮೆಚ್ಚಿನ ಗ್ರೀನ್ ವೆಹಿಕಲ್
ಹೌದು, ಆಳ್ವಾಸ್ ವಿದ್ಯಾರ್ಥಿಗಳು ಸಿದ್ದಪಡಿಸಿರುವ ಈ ವಾಹನವು ಸಂಪೂರ್ಣ ಪರಿಸರ ಸ್ನೇಹಿ ವಾಹನವಾಗಿರುವುದಲ್ಲದೇ ಉತ್ತಮ ಕಾರ್ಯ ದಕ್ಷತೆಯನ್ನು ಹೊಂದಿದ್ದು, ಅಲ್ಯುನಿಯಂ ಅಲಾಯ್ 6063 ಮೆಟಿರಿಲ್ ಬಳಕೆ ಮಾಡಿ ಈ ವಾಹನದ ರಕ್ಷಾಕವಚವನ್ನು ಸಿದ್ದಪಡಿಸಲಾಗಿದೆ.
ನೋಡಲು ಇದು ಆಟೋ ರಿಕ್ಷಾದಂತೆಯೇ ಕಂಡರೂ ಅದಕ್ಕಿಂತೂ ಭಿನ್ನವಾಗಿದ್ದು, ಇಬ್ಬರೂ ಅರಾಮದಾಯಕವಾಗಿ ಪ್ರಯಾಣ ಮಾಡಬಹುದಾಗಿದೆ. ಜೊತೆಗೆ 'ಗೋ ಗ್ರೀನ್ ಗ್ಲೋ ಗ್ರೀನ್' ಹೆಸರಿನ ಈ ವಾಹನದ ರೂಫ್ ಟಾಪ್ ಮೇಲೆಯೇ ಸೋಲಾರ್ ಪ್ಯಾನಲ್ ಅಳವಡಿಸಿರುವುದು ಎಲೆಕ್ಟ್ರಿಕ್ ಮೋಟಾರ್ಗೆ ಸಾಕಾಗುವಷ್ಟು ಶಕ್ತಿ ಪೂರೈಕೆ ಮಾಡಲಿದೆ.
ಅದರಲ್ಲೂ 'ಗೋ ಗ್ರೀನ್ ಗ್ಲೋ ಗ್ರೀನ್' ವಾಹನ ನಿರ್ಮಾಣಕ್ಕಾಗಿ ಬಳಕೆ ಮಾಡಿರುವ ಅಲ್ಯುನಿಯಂ ಅಲಾಯ್ 6063 ಮೆಟಿರಿಲ್ ಬಳಕೆಯು ವಾಹನ ತೂಕವನ್ನು ಇಳಿಕೆ ಮಾಡುವಲ್ಲಿ ಮತ್ತು ಮೈಲೇಜ್ ಸಾಮರ್ಥ್ಯವನ್ನು ಹೆಚ್ಚಿಸುವಲ್ಲಿ ವಿಶೇಷ ಪಾತ್ರವಹಿಸಿವೆ ಎನ್ನಲಾಗಿದೆ.
ಜೊತೆಗೆ ಬೆಲೆಯಲ್ಲಿ ತುಸು ದುಬಾರಿ ಎನ್ನಿಸಿದರೂ ತುಕ್ಕು ನಿರೋಧಕ ಮತ್ತು ಡಿಸೈನ್ ಫ್ಲೆಕ್ಸಿಬ್ಲಿಟಿ ಅಧಿಕವಾಗಿದ್ದು, ಟಿಗ್ ವೆಲ್ಡಿಂಗ್ ಮೂಲಕವೇ ಸೌರ ವಿದ್ಯುತ್ ಚಾಲಿತ ವಾಹನದ ಡಿಸೈನ್ ರೂಪಿಸಲಾಗಿದೆ.
ಸೋಲಾರ್ ಪ್ಯಾನೆಲ್
'ಗೋ ಗ್ರೀನ್ ಗ್ಲೋ ಗ್ರೀನ್' ವಾಹನದ ರೂಫ್ ಟಾಪ್ ಮೇಲೆಯೇ ಸುಧಾರಿತ ಮಾದರಿಯ 'ಮೊನೊ ಕ್ರ್ಟಿಷ್ಟಲಿನ್ ಸಿಲಿಕಾನ್ ಸೋಲಾರ್ ಪ್ಯಾನಲ್ ಬಳಕೆ ಮಾಡಿದ್ದು, ಇದು 5 ಅಡಿ ಉದ್ದ, 3 ಅಡಿ ಅಗಲ ವಿಸ್ತಾರವಾಗಿದೆ. ಇದರಲ್ಲಿರುವ 24 ವೊಲ್ಟ್ ಮತ್ತು 33 ಎಹೆಚ್ ಸಾಮರ್ಥ್ಯದ ಬ್ಯಾಟರಿ ನಿಯಂತ್ರಣದ ಮೂಲಕ 225 ವ್ಯಾಟ್ಸ್ ಶಕ್ತಿ ಪೂರೈಕೆ ಮಾಡುತ್ತೆ.
ಎಂಜಿನ್ ವೈಶಿಷ್ಟ್ಯತೆ
ಡಿಸಿ ಸೀರಿಸ್ ಹಬ್ ಮೋಟಾರ್ ಬಳಕೆ ಹೊಂದಿರುವ 'ಗೋ ಗ್ರೀನ್ ಗ್ಲೋ ಗ್ರೀನ್' ವಾಹನವು 20 ರಿಂದ 40 ಎನ್ಎಂ ಟಾರ್ಕ್ ಮತ್ತು 300ರಿಂದ 600 ಆರ್ಪಿಎಂ ಉತ್ಪಾದನಾ ಗುಣಹೊಂದಿದ್ದು, ತಗ್ಗು ದಿಣ್ಣೆಯ ರಸ್ತೆಗಳಲ್ಲೂ ಉತ್ತಮ ರೀತಿ ಎಂಜಿನ್ ಪರ್ಫಾಮೆನ್ಸ್ ಪ್ರದರ್ಶಿಸಬಲ್ಲವು.
ಈ ಮೂಲಕ ಸಿಂಗಲ್ ಡ್ರೈವಿಂಗ್ನಲ್ಲಿ ಪ್ರತಿ ಗಂಟೆಗೆ ಗರಿಷ್ಠವಾಗಿ 45ಕಿ.ಮೀ ವೇಗ ಸಾಧಿಸುವ 'ಗೋ ಗ್ರೀನ್ ಗ್ಲೋ ಗ್ರೀನ್' ವಾಹನಗಳು ಸಹ ಪ್ರಯಾಣಿಕ ಇದ್ದ ಸಂದರ್ಭದಲ್ಲಿ ಪ್ರತಿ ಗಂಟೆಗೆ ಗರಿಷ್ಠವಾಗಿ 38 ಕಿ.ಮೀ ವೇಗ ಪಡೆಯಬಲ್ಲವು ಎನ್ನಲಾಗಿದೆ.
ಸೋಲಾರ್ ವೆಹಿಕಲ್ ಬ್ಯಾಟರಿ ಸಾಮರ್ಥ್ಯ
ಸದ್ಯ ಎಲೆಕ್ಟ್ರಿಕ್ ವೆಹಿಕಲ್ಗಳಲ್ಲಿ ಹೆಚ್ಚು ಜನಪ್ರಿಯತೆ ಹೊಂದುತ್ತಿರುವ ಲೀಥಿಯಂ ಅಯಾನ್ ಬ್ಯಾಟರಿಯನ್ನೇ ಈ ಸೌರ ವಿದ್ಯುತ್ ಚಾಲನೆಯ ವಾಹನದಲ್ಲೂ ಬಳಕೆ ಮಾಡಿದ್ದು, ಪೂರ್ಣ ಪ್ರಮಾಣದ ಬ್ಯಾಟರಿ ಚಾರ್ಜಿಂಗ್ಗೊಳ್ಳಲು ಕೇವಲ 90 ನಿಮಿಷ ಸಮಯಾವಕಾಶವನ್ನು ತೆಗೆದುಕೊಳ್ಳುತ್ತದೆ.
ಒಂದು ವೇಳೆ ಸೋಲಾರ್ ಪ್ಯಾನಲ್ಗೆ ಸೌರ್ ಶಾಖ ಕೊರತೆಯಾದಲ್ಲಿ ಬಾಹ್ಯವಾಗಿ ಚಾರ್ಚಿಂಗ್ ಪಾಯಿಂಟ್ ಮೂಲಕ ಚಾರ್ಚಿಂಗ್ ಮಾಡಿಕೊಳ್ಳಬುಹುದಾದ ವಿನೂತನ ಸೌಲಭ್ಯ ಈ ವಾಹನದಲ್ಲಿದ್ದು, ಎಲ್ಲಾ ಋತುಮಾನಗಳಲ್ಲೂ ಇದು ಬಳಕೆಯಾಗಲಿದೆ.
ಮೈಲೇಜ್
ವಿದ್ಯಾರ್ಥಿ ಬೈರೇಗೌಡ ನೇತೃತ್ವದಲ್ಲಿ ಸಿದ್ದವಾಗಿರುವ ಈ ವಾಹನವು ಇತರೆ ಎಲೆಕ್ಟ್ರಿಕ್ ವಾಹನಗಳಿಂತಲೂ ವಿಶೇಷ ಎನ್ನಿಸಲಿದ್ದು, ಒಂದು ಬಾರಿ ಪೂರ್ಣಪ್ರಮಾಣದ ಚಾರ್ಜಿಂಗ್ ಆದಲ್ಲಿ ಗರಿಷ್ಠವಾಗಿ 60 ರಿಂದ 65 ಕಿ.ಮೀ ಮೈಲೇಜ್ ಹಿಂದಿರುಗಿಸಬಲ್ಲವು. ಹಾಗೆಯೇ ಸಹ ಪ್ರಯಾಣಿಕರೊಂದಿಗೆ ವಾಹನ ಚಾಲನೆ ಮಾಡುವಾಗ ಪ್ರತಿ ಚಾರ್ಜ್ಗೆ ಗರಿಷ್ಠವಾಗಿ 50ರಿಂದ 55 ಕಿ.ಮೀ ಮೈಲೇಜ್ಗೆ ಯಾವುದೇ ತೊಂದರೇ ಇಲ್ಲ.
ಹೊಸ ವಾಹನ ನಿರ್ಮಾಣಕ್ಕಾಗಿ ಲಕ್ಷ ಲಕ್ಷ ವೆಚ್ಚ
ಆಳ್ವಾಸ್ ವಿದ್ಯಾರ್ಥಿಗಳು ಸಿದ್ದಗೊಳಿಸಿರುವ 'ಗೋ ಗ್ರೀನ್ ಗ್ಲೋ ಗ್ರೀನ್' ವಾಹನವನ್ನು ಸಿದ್ದಗೊಳಿಸಲು ಬರೋಬ್ಬರಿ 1 ವರ್ಷಗಳ ಕಾಲ ಸಮಯಾವಕಾಶ ತೆಗೆದುಕೊಳ್ಳಲಾಗಿದ್ದು, ವಾಹನದ ಬೀಡಿಭಾಗಗಳ ಖರೀದಿ ಮತ್ತು ವೆಲ್ಡಿಂಗ್ಗಾಗಿ ರೂ. 1.60 ಲಕ್ಷ ಖರ್ಚು ಮಾಡಲಾಗಿದೆ.
ಇದಲ್ಲದೇ ವಾಹನದ ನಿರ್ಮಾಣದ ಖರ್ಚು ತಗ್ಗಿಸಲು ಕೆಲವು ಸೆಕೇಂಡ್ ಹ್ಯಾಂಡ್ ಬೀಡಿಭಾಗಗಗಳನ್ನು ಸಹ ಬಳಕೆ ಮಾಡಲಾಗಿದ್ದು, ಟಾಟ್ ಏಸ್ ಸ್ಟಿರಿಂಗ್, ಹೋಂಡಾ ಆಕ್ಟಿವಾ ಸ್ಕೂಟರಿನ ವೀಲ್ಹ್ಗಳು, ಬಜಾಜ್ ಪಲ್ಸರ್ ಮಿರರ್ಗಳನ್ನು ಇದರಲ್ಲಿ ಜೋಡಿಸಿರುವುದು ವಿಶೇಷವಾಗಿದೆ.
ಸುರಕ್ಷಾ ಸೌಲಭ್ಯಗಳು
ಮುಂದೇ ಎರಡು ಚಕ್ರ. ಹಿಂದೆ ಒಂದು ಚಕ್ರ ಹೊಂದಿರುವ ಈ ವಾಹನದಲ್ಲಿ ಸುರಕ್ಷತೆಗೂ ಹೆಚ್ಚಿನ ಒತ್ತು ನೀಡಲಾಗಿದ್ದು, ಮುಂಭಾಗದ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದ ಚಕ್ರದಲ್ಲಿ ಡ್ರಮ್ ಬ್ರೇಕ್ ಬಳಕೆ ಮಾಡಿದೆ. ಹಾಗೆಯೇ ಸವಾರನ ರಕ್ಷಣೆಗಾಗಿ ಸೀಟ್ ಬೆಲ್ಟ್ ಸೇರಿದಂತೆ ಬಿಸಿಲಿನಿಂದ ರಕ್ಷಿಸಿಕೊಳ್ಳಲು ರೂಫ್ ಟಾಪ್ ಮೇಲಿರುವ ಸೋಲಾರ್ ಪ್ಯಾನಲ್ಗಳೇ ರಕ್ಷಾ ಕವಚವಾಗಿ ಕಾರ್ಯನಿರ್ವಹಿಸುತ್ತೆ.
ನಗರ ಪ್ರದೇಶಗಳಲ್ಲಿ ಟ್ರಾಫಿಕ್ ಕಿರಿಕಿರಿ ಮತ್ತು ಮಾಲಿನ್ಯ ಸಮಸ್ಯೆಯನ್ನು ಮುಕ್ತಗೊಳಿಸಲು ಇಂತಹ ಪರಿಸರ ಸ್ನೇಹಿ ವಾಹನಗಳ ಉತ್ಪಾದನೆ ಅವಶ್ಯಕತೆಯಿದ್ದು, ಆಳ್ವಾಸ್ ವಿದ್ಯಾರ್ಥಿಗಳು ನಿರ್ಮಾಣ ಮಾಡಿರುವ ಸೌರ ವಿದ್ಯುತ್ ಚಾಲಿತ ವಾಹನವು ಸದ್ಯದ ಪರಿಸ್ಥಿತಿ ಹೇಳಿ ಮಾಡಿಸಿದ ವಾಹನ ಅಂದ್ರೆ ತಪ್ಪಾಗುವುದಿಲ್ಲ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ವಿದ್ಯಾರ್ಥಿ ಬೈರೇಗೌಡ್ ಮತ್ತು ಅವರ ಸಂಗಡಿಗರು ನಿರ್ಮಾಣ ಮಾಡಿರುವ ಸೌರ ವಿದ್ಯುತ್ ಚಾಲಿತ ವಾಹನವು ಹಲವು ವಿಶೇಷತೆಗಳ ಆಧಾರದ ಮೇಲೆ ನಿರ್ಮಾಣವಾಗಿದ್ದು, ಮೋಟಾರ್ ಬಳಕೆ ಮತ್ತು ಬ್ಯಾಟರಿ ದಕ್ಷತೆ ವಿಚಾರದಲ್ಲಿ ಎರಡು ಮಾತಿಲ್ಲ. ಆದರೇ, ವಾಹನದ ಹೊರ ವಿನ್ಯಾಸಗಳನ್ನು ಇನ್ನು ಸ್ವಲ್ಪ ಉತ್ತಮ ಮಾದರಿಯಲ್ಲಿ ವಿನ್ಯಾಸಗಳಿಸಿದ್ದರೇ ಉತ್ತಮವಾಗಿರುತ್ತಿತ್ತು ಎನ್ನುವುದು ವಾಸ್ತವ. ಆದರೂ, ಕಡಿಮೆ ಸಮಯಾವಕಾಶದಲ್ಲಿ ಉತ್ತಮ ಪ್ರಯತ್ನ ಮಾಡಿರುವ ಆಳ್ವಾಸ್ ವಿದ್ಯಾರ್ಥಿಗಳ ಸಾಧನೆ ಮೆಚ್ಚಲೇಬೇಕಾಗಿದ್ದು, ಅವರ ಮುಂದಿನ ಪ್ರಯತ್ನಗಳು ಆಟೋ ಉದ್ಯಮದಲ್ಲಿ ಹೊಸ ಸಂಚಲನಕ್ಕೆ ಕಾರಣವಾಗಲಿ ಎನ್ನುವುದು ನಮ್ಮ ಆಶಯ. ಆಲ್ ದಿ ಬೆಸ್ಟ್....