Just In
- 23 min ago Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- 33 min ago ಬೈಕಿನಂತೆ ಮೈಲೇಜ್ ಕೊಡೋದ್ರಿಂದ ಈ ಹ್ಯುಂಡೈ ಕಾರಿನ ಮಾಲೀಕರು ಫುಲ್ ಖುಷ್
- 36 min ago ಮಹೀಂದ್ರಾ ಪ್ರೀಯರಿಗೆ ಭಾರೀ ಸಿಹಿಸುದ್ದಿ: ಗಲ್ಲಿಗಲ್ಲಿಯಲ್ಲಿ ಶುರುವಾಗುತ್ತಾ ಸ್ಕಾರ್ಪಿಯೋ ಹವಾ!
- 1 hr ago ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಬೆಸ್ಟ್ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡುತ್ತವೆ!
Don't Miss!
- News Hubballi: ರಾಜ್ಯ ಸರ್ಕಾರದ ವಿರುದ್ಧ ಭಾರೀ ಪ್ರತಿಭಟನೆ: ನೇಹಾ ನಿವಾಸಕ್ಕೆ ಶ್ರೀಗಳು, ಲಕ್ಷ್ಮಿ ಹೆಬ್ಬಾಳ್ಕರ್ ಭೇಟಿ: ಪೊಲೀಸ್ ಅಭಯ
- Technology ನಿಮ್ಮ ಬಳಿ ರೆಡ್ಮಿಯ ಈ ಫೋನ್ ಇದ್ರೆ, ಇಲ್ಲಿದೆ ನಿಮಗೆ ಗುಡ್ನ್ಯೂಸ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾಯ್ತು 2019ರ ಹೊಸ ಜೀಪ್ ವ್ರಾಂಗ್ಲರ್
ಜೀಪ್ ಇಂಡಿಯಾ, ತನ್ನ ಹೊಸ ವಾಹನವಾದ ವ್ರಾಂಗ್ಲರ್ ಎಸ್ಯುವಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಹೊಸ ಜೀಪ್ ವ್ರಾಂಗ್ಲರ್ನ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.63.94 ಲಕ್ಷಗಳಾಗಿದೆ. ವ್ರಾಂಗ್ಲರ್ ಎಸ್ಯುವಿಯನ್ನು 5 ಡೋರ್ಗಳನ್ನು ಹೊಂದಿರುವ ಅನ್ಲಿಮಿಟೆಡ್ ಎಂಬ ಏಕೈಕ ಮಾದರಿಯಲ್ಲಿ ಮಾರಾಟ ಮಾಡಲಾಗುವುದು.
ಹೊಸ ತಲೆಮಾರಿನ ವ್ರಾಂಗ್ಲರ್ ಅನ್ನು ಭಾರತಕ್ಕೆ ಸಿಬಿಯು ಅಂದರೆ ಕಂಪ್ಲೀಟ್ ಬಿಲ್ಟ್ ಯೂನಿಟ್ ಆಗಿ ಆಮದು ಮಾಡಿಕೊಳ್ಳಲಾಗುವುದು. ವ್ರಾಂಗ್ಲರ್ ಎಸ್ಯುವಿಯ ಬುಕ್ಕಿಂಗ್ ಆರಂಭವಾಗಿದ್ದು, ಶೀಘ್ರದಲ್ಲಿಯೇ ವಿತರಣೆಯನ್ನು ಶುರುಮಾಡಲಾಗುವುದು. ಹೊಸ ತಲೆಮಾರಿನ ಜೀಪ್ ವ್ರಾಂಗ್ಲರ್ ಹಲವಾರು ಆಧುನಿಕ ಸ್ಟೈಲಿಂಗ್ಗಳನ್ನು ಹೊಂದಿದೆ. ಆದರೂ ಬೋಲ್ಡ್ ಹಾಗೂ ಮಸ್ಕ್ಯೂಲರ್ ಸಿಲ್ಹೌಟ್ನಲ್ಲಿರುವ ಹಳೆಯ ಸಿಗ್ನೇಚರ್ ಅನ್ನು ಉಳಿಸಿಕೊಳ್ಳಲಾಗಿದೆ.
ಹೊಸ ವ್ರಾಂಗ್ಲರ್ ಎಸ್ಯುವಿಯ ಮುಂಭಾಗದಲ್ಲಿರುವ ಗ್ರಿಲ್ ಏಳು ವರ್ಟಿಕಲ್ ಸ್ಲ್ಯಾಟ್ಗಳನ್ನು ಹೊಂದಿದೆ. ಹೊಸ ಎಸ್ಯುವಿಯ ಎರಡೂ ತುದಿಯಲ್ಲಿ ರೌಂಡ್ ಎಲ್ಇಡಿ ಹೆಡ್ಲ್ಯಾಂಪ್ಗಳಿಂದ ಇಂಟಿಗ್ರೇಟೆಡ್ ಆದ ಎಲ್ಇಡಿ ಡಿಆರ್ಎಲ್ಗಳು ಅಂದರೆ ಡೇಟೈಮ್ ರನ್ನಿಂಗ್ ಲೈಟ್ಸ್ ಗಳಿವೆ.
ಎಸ್ಯುವಿಯ ಸೈಡ್ ಪ್ರೊಫೈಲ್ ಬಾಕ್ಸಿ ಡಿಸೈನ್ನಲ್ಲಿ ಮುಂದುವರೆದಿದ್ದು, ದೊಡ್ಡ ಡೋರ್ಗಳು, ವಿಂಡೋ ಹಾಗೂ ಫ್ಲೇರ್ಡ್ ವ್ಹೀಲ್ ಆರ್ಕ್ಗಳನ್ನು ಹೊಂದಿದೆ. ಹೊಸ ವ್ರಾಂಗ್ಲರ್ ಟೆಕ್ ಗ್ರೇ ಸ್ಪೋಕ್ಗಳಿರುವ 18 ಇಂಚಿನ ಅಲಾಯ್ ವ್ಹೀಲ್ಗಳನ್ನು ಹೊಂದಿದೆ.
ಈ ವ್ಹೀಲ್ಗಳನ್ನು ವ್ರಾಂಗ್ಲರ್ ಎಸ್ಯುವಿಯಲ್ಲಿ ಸ್ಟಾಂಡರ್ಡ್ ಆಗಿ ನೀಡಲಾಗುವುದು. ಹಿಂಭಾಗದ ಪ್ರೊಫೈಲ್ ಪ್ರೀಮಿಯಂ ಲುಕ್ ನೀಡುತ್ತದೆ. ಒರಟಾಗಿ ಕಾಣುವ ಎಲ್ಇಡಿ ಟೇಲ್ಲೈಟ್ಗಳಿವೆ. ಎಸ್ಯುವಿಯ ಹಿಂಭಾಗದಲ್ಲಿದ್ದ ಮೌಂಟೆಡ್ ವ್ಹೀಲ್ ಅನ್ನು ಈಗ ಸ್ವಲ್ಪ ಕೆಳಗಿರಿಸಲಾಗಿದ್ದು, ಹಿಂಭಾಗದ ಗೋಚರತೆಯು ಸ್ಪಷ್ಟವಾಗಿ ಕಾಣಲಿದೆ.
ಇಂಟಿರಿಯರ್ ಬಗ್ಗೆ ಹೇಳುವುದಾದರೆ, ಹೊಸ ಜೀಪ್ ರಾಂಗ್ಲರ್ನ ಒಳಭಾಗವನ್ನು ಉತ್ತಮವಾಗಿ ವಿನ್ಯಾಸಗೊಳಿಸಲಾಗಿದೆ. ಹಿಂದಿನ ಮಾದರಿಯ ಎಸ್ಯುವಿಗಿಂತ ಹೆಚ್ಚು ಆಧುನಿಕವಾಗಿ ವಿನ್ಯಾಸಗೊಳಿಸಲಾಗಿದೆ.
ಎಸ್ಯುವಿ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ನಲ್ಲಿ 7.0 ಇಂಚಿನ ಮಲ್ಟಿಇನ್ಫೊಡಿಸ್ಪ್ಲೇ ಹಾಗೂ 8.4 ಇಂಚಿನ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಂನೊಂದಿಗೆ ಆಪಲ್ ಕಾರ್ ಪ್ಲೇ ಹಾಗೂ ಆಂಡ್ರಾಯ್ಡ್ ಆಟೋವನ್ನು ಸ್ಟ್ಯಾಂಡರ್ಡ್ ಆಗಿ ಹೊಂದಿರಲಿದೆ.
MOST READ: ಸಾವಿನಂಚಿನಿಂದ ಬಚಾವ್ ಆದ ಕೆಟಿಎಂ ಬೈಕ್ ಸವಾರ
2019 ಜೀಪ್ ವ್ರಾಂಗ್ಲರ್ ಡ್ಯುಯಲ್ ಜೋನ್ ಕ್ಲೈಮೇಟ್ ಕಂಟ್ರೋಲ್, ಟಯರ್ ಪ್ರೆಷರ್ ಮಾನಿಟರಿಂಗ್ ಸಿಸ್ಟಂ, ರೇರ್ ಎಸಿ ವೆಂಟ್ಸ್, ಆಂಬಿಯೆಂಟ್ ಲೈಟಿಂಗ್ ಹಾಗೂ ಮಲ್ಟಿಪಲ್ 12 ವೋಲ್ಟ್ ಸಾಕೆಟ್ ಹಾಗೂ ಯುಎಸ್ಬಿ ಚಾರ್ಜಿಂಗ್ ಪೋರ್ಟ್ಗಳನ್ನು ಸಹ ಹೊಂದಿರಲಿದೆ.
MOST READ: ಕಳಪೆ ಕಾಮಗಾರಿ ಮಾಡಿದ ಎಂಜಿನಿಯರ್ ಮೇಲೆ ಕೆಸರು ಸುರಿದ ಶಾಸಕ
ಹೊಸ ಎಸ್ಯುವಿಯಲ್ಲಿ, ಜೀಪ್ ಕಂಪನಿಯ ಯುಕನೆಕ್ಟ್ ಸಿಸ್ಟಂ ಅಳವಡಿಸಲಾಗಿದ್ದು, ಇದು ವಿವಿಧ ಕನೆಕ್ಟಿವಿಟಿ ಫೀಚರ್ಗಳನ್ನು ನೀಡುವುದರ ಜೊತೆಗೆ ಇನ್ಫೋಟೈನ್ಮೆಂಟ್ ಸಿಸ್ಟಂ ಒಟ್ಟಾರೆ ಪರ್ಫಾಮೆನ್ಸ್ ಅನ್ನು ಸುಧಾರಿಸುತ್ತದೆ.
MOST READ: ಕಾರಿನೊಳಗೆ ಸಿಲುಕಿದ್ದ ಮಗು- ಕೊನೆಗೂ ಬಚಾವ್ ಆಗಿದ್ದು ಹೇಗೆ ಗೊತ್ತಾ?
ಹೊಸ ಎಸ್ಯುವಿಯಲ್ಲಿ ಪ್ರೀಮಿಯಂ ಆಲ್ಪೈನ್ 552 ವ್ಯಾಟ್ನ 8 ಸ್ಪೀಕರ್ ಸೌಂಡ್ ಸಿಸ್ಟಂ ಅನ್ನು ಪ್ರತ್ಯೇಕವಾದ ಸಬ್ ವೂಫರ್ನೊಂದಿಗೆ ಸ್ಟ್ಯಾಂಡರ್ಡ್ ಆಗಿ ನೀಡಲಾಗುತ್ತದೆ. ಸುರಕ್ಷ ಫೀಚರ್ಗಳ ಬಗ್ಗೆ ಹೇಳುವುದಾದರೆ ಡ್ಯುಯಲ್ ಏರ್ಬ್ಯಾಗ್, ಎಬಿಎಸ್ ವಿಥ್ ಇಬಿಡಿ, ಇಎಸ್ಸಿ, ಎಲೆಕ್ಟ್ರಾನಿಕ್ ರೋಲ್ ಮಿಟಿಗೇಷನ್, ಹಿಲ್ ಸ್ಟಾರ್ಟ್ ಅಸಿಸ್ಟ್ ಹಾಗೂ ಟ್ರಾಕ್ಷನ್ ಕಂಟ್ರೋಲ್ಗಳನ್ನು ಹೊಂದಿದೆ.
2019ರ ಹೊಸ ಜೀಪ್ ವ್ರಾಂಗ್ಲರ್ನಲ್ಲಿ 2.0-ಲೀಟರಿನ ಟರ್ಬೋಚಾರ್ಜ್ಡ್ ಇನ್ ಲೈನ್ 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 268ಬಿಹೆಚ್ಪಿ ಹಾಗೂ 400 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ನಲ್ಲಿ 8 ಸ್ಪೀಡಿನ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಅಳವಡಿಸಲಾಗಿದೆ.
ಈ ಎಂಜಿನ್ ಸದ್ಯಕ್ಕೆ ಬಿಎಸ್4 ಆಗಿದ್ದು, ಶೀಘ್ರದಲ್ಲೇ ಹೊಸ ಮಾಲಿನ್ಯ ನಿಯಮಗಳಿಗೆ ತಕ್ಕಂತೆ ಬಿಎಸ್6ಗೆ ಅಪ್ಗ್ರೇಡ್ ಆಗುವ ನಿರೀಕ್ಷೆಯಿದೆ. ಹೊಸ ಜೀಪ್ ವ್ರಾಂಗ್ಲರ್ ಅನ್ನು ಭಾರತದಲ್ಲಿ ಬ್ರೈಟ್ ವೈಟ್, ಬ್ಲ್ಯಾಕ್, ಗ್ರಾನೈಟ್ ಕ್ರಿಸ್ಟಲ್, ಬಿಲೆಟ್ ಸಿಲ್ವರ್ ಹಾಗೂ ಫೈರ್ಕ್ರ್ಯಾಕರ್ ರೆಡ್ ಎಂಬ ಐದು ಬಣ್ಣಗಳಲ್ಲಿ ಮಾರಾಟ ಮಾಡಲಾಗುತ್ತದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಜೀಪ್ ವ್ರಾಂಗ್ಲರ್ ಒಂದು ಲೆಜೆಂಡರಿ ಎಸ್ಯುವಿಯಾಗಿದ್ದು, ತನ್ನ ಆಫ್ ರೋಡಿಂಗ್ ಸಾಮರ್ಥ್ಯಗಳಿಗೆ ಹೆಸರುವಾಸಿಯಾಗಿದೆ. ಈ ಎಸ್ಯುವಿ ಆಫ್ ರೋಡ್ನ ನಿರ್ದಿಷ್ಟ ಸಾಧನಗಳೊಂದಿಗೆ ಬರುತ್ತದೆ. ಜೀಪ್ ವ್ರಾಂಗ್ಲರ್ ಅನ್ನು ಅಮೇರಿಕಾದಲ್ಲಿರುವ ಜೀಪ್ ಕಂಪನಿಯ ಟೊಲೆಡೊ ಘಟಕದಲ್ಲಿ ತಯಾರಿಸಲಾಗುವುದು.
ಈ ಎಸ್ಯುವಿಯನ್ನು ಸರ್ಕಾರದ ಹೊಸ ನಿಯಮದ ಪ್ರಕಾರ ನೇರವಾಗಿ ಆಮದು ಮಾಡಿಕೊಳ್ಳಲಾಗುವುದು. ಇದರಿಂದಾಗಿ ಏಕರೂಪೀಕರಣದ ಅಗತ್ಯವಿಲ್ಲದೆ ಉತ್ಪಾದಕರಿಗೆ 2,500 ವಾಹನಗಳನ್ನು ಆಮದು ಮಾಡಿಕೊಳ್ಳಲು ಮತ್ತು ಮಾರಾಟ ಮಾಡಲು ಅನುಕೂಲವಾಗಲಿದೆ.