Just In
- 3 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 5 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 6 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 7 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies ಶಾರುಖ್ ಖಾನ್ ಜೊತೆ ಅಫೇರ್ ಇತ್ತಾ? ಪ್ರಿಯಾಂಕಾ ಚೋಪ್ರಾ ಕೊಟ್ಟದ ಆ ಚಿಕ್ಕ ಸುಳಿವು ಏನು?
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅನಾವರಣಗೊಂಡ ಆಲ್ ಎಲೆಕ್ಟ್ರಿಕ್ ಬೋಲ್ಟ್ ಬಿ ವಾಹನ
ವಿಶ್ವ ವಿಖ್ಯಾತ ಓಟಗಾರ ಉಸೈನ್ ಬೋಲ್ಟ್ ರವರ ಸಹಕಾರ ಹೊಂದಿರುವ ಬೋಲ್ಟ್ ಕಂಪನಿಯು ತನ್ನ ಎರಡು ಸೀಟಿನ ಎಲೆಕ್ಟ್ರಿಕ್ ವಾಹನವಾದ, ಬೋಲ್ಟ್ ಬಿ ನ್ಯಾನೋವನ್ನು ಅನಾವರಣಗೊಳಿಸಿದೆ. ಈ ವಾಹನದಿಂದ ಕಡಿಮೆ ದೂರದ ಹಾಗೂ ಕಡಿಮೆ ಅಂತರವಿರುವ ನಗರಗಳ ನಡುವಿನ ಪ್ರಯಾಣಕ್ಕೆ ಅನುಕೂಲವಾಗಲಿದೆ.
ಬೋಲ್ಟ್ ಕಂಪನಿಯು ಮೊದಲಿಗೆ ಎರಡು ಮೈಲಿವರೆಗಿನ ಪ್ರಯಾಣಕ್ಕಾಗಿ ಮೈಕ್ರೊ ಸ್ಕೂಟರ್ಗಳನ್ನು ಬಿಡುಗಡೆಗೊಳಿಸಿತ್ತು. ಈಗ ಅದೇ ರೀತಿಯ ಕಾರುಗಳನ್ನು ಬಿಡುಗಡೆಗೊಳಿಸಲಿದೆ. ಈ ಕಾರು 3 ರಿಂದ 24 ಕಿ.ಮೀವರೆಗಿನ ಪ್ರಯಾಣಕ್ಕಾಗಿ ಅನುಕೂಲವಾಗಲಿದೆ. ರೆನಾಲ್ಟ್ ಟ್ವಿಜಿಯಂತೆಯೇ ಕಾಣುವ ಈ ಒನ್ ಪ್ಲಸ್ ಒನ್ ವಾಹನವನ್ನು ಡೋರ್ಗಳಿಗೆ ಹೊಂದಿಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ. ಬ್ಯಾಗ್ಗಳನ್ನು ಇಡುವುದಕ್ಕೆ ಸ್ಥಳವನ್ನು ನೀಡಲಾಗಿದೆ. ಈ ಕಾರಿನ ಟೆಕ್ನಿಕಲ್ ಅಂಶಗಳಾದ ಬ್ಯಾಟರಿ ರೇಂಜ್ ಮತ್ತು ವೇಗದ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡಲಾಗಿಲ್ಲ.
ಬಿ-ನ್ಯಾನೋವನ್ನು ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನಲ್ಲಿ ನಡೆದ ವಿವಾ ಟೆಕ್ನಾಲಜಿ ಸಮ್ಮೇಳನದಲ್ಲಿ ಅನಾವರಣಗೊಳಿಸಲಾಯಿತು. ಬೋಲ್ಟ್ ಕಂಪನಿಯ ಪ್ರಕಾರ ಈ ಕಾರು ಹೊರತೆಗೆದು ಬದಲಿಸಬಲ್ಲ ಬ್ಯಾಟರಿಗಳನ್ನು ಬಳಸುವ ಪ್ರಪಂಚದ ಏಕೈಕ ಎಲೆಕ್ಟ್ರಿಕ್ ಮೈಕ್ರೊ ವಾಹನವಾಗಿದೆ.
ಕಳೆದ ಮಾರ್ಚ್ ನಲ್ಲಿ ಮಿನಿಮೋ ಕ್ವಾಡ್ರಿ ಸೈಕಲ್ ಹೊಂದಿರುವ ಸೀಟುಗಳನ್ನು ಅನಾವರಣಗೊಳಿಸಲಾಗಿತ್ತು. ಇವುಗಳೂ ಸಹ ಬದಲಿಸಬಲ್ಲ ಬ್ಯಾಟರಿಗಳನ್ನು ಬಳಸುತ್ತವೆ. ಆದರೆ ಈ ವಾಹನಗಳನ್ನು 2021ರ ನಂತರಲ್ಲಿ ಉತ್ಪಾದಿಸಲಾಗುತ್ತದೆ. ಈಗ ಈ ಕಾರುಗಳಿಗಾಗಿ ಮುಂಗಡ ಬೇಡಿಕೆಯನ್ನು ಪಡೆಯಲಾಗುತ್ತಿದೆ.
ಬಿ-ನ್ಯಾನೋ ಕಾರುಗಳನ್ನು ರೈಡ್ ಶೇರಿಂಗ್ ಗಾಗಿ ತಯಾರಿಸಲಾಗಿದೆ. ಈ ಕಾರುಗಳನ್ನು ಎಲ್ಲಿ ಬೇಕಾದರೂ ಉಪಯೋಗಿಸಿ, ಎಲ್ಲಿ ಬೇಕಾದರೂ ಚಾರ್ಜ್ ಮಾಡಬಹುದಾಗಿದೆ. ಇ ಸ್ಕೂಟರ್ ನಲ್ಲಿರುವ ಬ್ಯಾಟರಿಗಳನ್ನು ಹೊರತೆಗೆದು ಜಾರ್ಜ್ ಮಾಡಲಾಗುತ್ತದೆ. ಇದೇ ರೀತಿಯಲ್ಲಿ ಬೋಲ್ಟ್ ಕಾರಿನ ಬ್ಯಾಟರಿಗಳನ್ನು ಸಹ ಅವುಗಳನ್ನು ನಿಲ್ಲಿಸಿರುವ ಜಾಗಗಳಿಂದ ಹೊರ ತೆಗೆದು ಚಾರ್ಜ್ ಮಾಡಬಹುದಾಗಿದೆ. ಇವುಗಳನ್ನು ಚಾರ್ಜ್ ಮಾಡುವ ಉದ್ದೇಶದಿಂದ ಅನೇಕ ಕಡೆ ಚಾರ್ಜಿಂಗ್ ಸ್ಟೇಷನ್ಗಳನ್ನು ಸಹ ತೆರೆಯಲಾಗುವುದು.
ಪ್ಯಾರೀಸ್ ನಲ್ಲಿ ನಡೆದ ವಿವಾ ಟೆಕ್ ಸಮ್ಮೇಳನದಲ್ಲಿ ಬೋಲ್ಟ್ ಕಂಪನಿ ಮಾಡಿದ ಮುಖ್ಯ ಘೋಷಣೆಯೆಂದರೆ ಸ್ಕೂಟರ್ ಸೇವೆಗಳನ್ನು ಪ್ಯಾರಿಸ್ಗೆ ವಿಸ್ತರಿಸುವುದು. ಮಾಲಿನ್ಯ ನಿಯಮಗಳನ್ನು ಅಳವಡಿಸಿಕೊಳ್ಳದ ಕಾರಣ ಬ್ರಿಟನ್ನನ್ನು ಹೊರತುಪಡಿಸಿ , ಉಳಿದ ಯೂರೋಪಿಯನ್ ನಗರಗಳಿಗೂ ಸಹ ಈ ಯೋಜನೆಯನ್ನು ಜಾರಿಗೊಳಿಸುವ ಗುರಿಯನ್ನಿಟ್ಟು ಕೊಳ್ಳಲಾಗಿದೆ.
MOST READ: ಈ ಪುಸ್ತಕದ ಬೆಲೆ ಒಂದು ಐಷಾರಾಮಿ ಬಂಗಲೆಗಿಂತಲೂ ದುಬಾರಿ..!
ಬೋಲ್ಟ್ ಕಂಪನಿಯನ್ನು ಅಮೇರಿಕಾದ ಫ್ಲೋರಿಡಾದಲ್ಲಿ 2018ರಲ್ಲಿ ಪ್ರಾರಂಭಿಸಲಾಯಿತು. ಕಂಪನಿಯ ಸ್ಥಾಪನೆ ಬಗ್ಗೆ ಅದರ ವೆಬ್ಸೈಟಿನಲ್ಲಿ ' ಫಿಲ್ ದಿ ಗ್ಯಾಪ್ಸ್ ಇನ್ ಮೈಕ್ರೊ ಮೊಬಿಲಿಟಿ' ಎಂದು ಬರೆಯಲಾಗಿದೆ. ಬೋಲ್ಟ್ ನಗರ ಪ್ರದೇಶಗಳಲ್ಲಿ ವ್ಯಾಪಕ ಸಂಶೋಧನೆ ನಡೆಸಿ, ಸಾರಿಗೆ ವ್ಯವಸ್ಥೆಯಲ್ಲಿ ಕ್ರಾಂತಿಕಾರಕ ಬದಲಾವಣೆ ತರಲು ಮುಂದಾಗಿದೆ. ನಾವು ಇ-ಸ್ಕೂಟರ್ ಅನ್ನು ನೀಡಲು ಸಿದ್ದರಿದ್ದೇವೆ, ಅದರಿಂದ ಸಂಚಾರ ದಟ್ಟಣೆ ಕಡಿಮೆಯಾಗುತ್ತದೆಯಲ್ಲದೇ ಪಾದಚಾರಿಗಳಿಗೆ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ಕಂಪನಿ ತಿಳಿಸಿದೆ.