Just In
- 10 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 13 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 13 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 14 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅನಾವರಣಗೊಂಡ ಬಹುನಿರೀಕ್ಷಿತ ಆಡಿ ಕ್ಯೂ5 ಹೈಬ್ರಿಡ್ ಆವೃತ್ತಿ
ಆಡಿ ಈ ವರ್ಷಾರಂಭದಲ್ಲಿ ನಡೆದ ಜಿನೀವಾ ಮೋಟಾರ್ ಶೋದಲ್ಲಿ ಹೈಬ್ರಿಡ್ ಮಾದರಿಯ ಕಾರನ್ನು ಅನಾವರಣಗೊಳಿಸಿತ್ತು. ಆದರೆ ಈ ಬಗ್ಗೆ ಹೆಚ್ಚಿನ ಮಾಹಿತಿಗಳಿರಲಿಲ್ಲ. ಆಡಿ ಕಂಪನಿಯು ಈಗ ಅಧಿಕೃತವಾಗಿ ತನ್ನ ಕ್ಯೂ5 ಪ್ಲಗ್ - ಇನ್ ಹೈಬ್ರಿಡ್ ವಾಹನದ ಬಗ್ಗೆ ಘೋಷಿಸಿದ್ದು, 55 ಟಿಎಫ್ಸಿಐ ಕ್ವಾಟ್ರೋ ಎಂದು ಹೆಸರಿಡಲಾಗಿದೆ.
ಹೊಸ ಕ್ಯೂ5 ಪ್ಲಗ್ ಇನ್ ವಾಹನದಲ್ಲಿ 2.0 ಲೀಟರಿನ ಟರ್ಬೊಚಾರ್ಜ್ 4 ಸಿಲಿಂಡರ್ ಎಂಜಿನ್ ಇದ್ದು, ಸಿಂಗಲ್ ಎಲೆಕ್ಟ್ರಿಕ್ ಮೋಟಾರ್ ಪ್ರೊಪಲ್ಷನ್ ಹೊಂದಿದೆ. 367 ಬಿಹೆಚ್ಪಿ ಮತ್ತು 500 ಎನ್ಎಂ ಟಾರ್ಕ್ ಉತ್ಪಾದಿಸಿ, ಕ್ಯೂ5 ವಾಹನವನ್ನು 5.3 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗದಲ್ಲಿ ಚಲಿಸುವಂತೆ ಮಾಡುತ್ತದೆ. ಈ ಕಾರಿನ ಗರಿಷ್ಟ ವೇಗವು ಪ್ರತಿ ಗಂಟೆಗೆ 238 ಕಿ.ಮೀ ಆಗಿದೆ. ಮೊದಲಿದ್ದ ಎಸ್ಕ್ಯೂ 5 ವಾಹನಕ್ಕಿಂತ 13 ಬಿಹೆಚ್ಪಿ ಹೆಚ್ಚು ಉತ್ಪಾದಿಸುತ್ತದೆ. ಎಸ್ಕ್ಯೂ5 ವಾಹನವು, 3.0 ಲೀಟರ್ ಟರ್ಬೊಚಾರ್ಜ್ನ ವಿ6 ಎಂಜಿನ್ ಹೊಂದಿತ್ತು.
ಕ್ಯೂ5 ಹೈಬ್ರಿಡ್ ಕಾರು, ಎಸ್ ಸರಣಿಯ ಕಾರಿಗಿಂತ ಅಧಿಕ ಪವರ್ ಹೊಂದಿದೆ. ಎಲೆಕ್ಟ್ರಿಕ್ ಗೇರ್ ಗಳನ್ನು ಹೊಂದಿದೆ. ಆಡಿ ಕಂಪನಿಯ ಪ್ರಕಾರ ಕ್ಯೂ 5 ಪ್ಲಗ್ ಇನ್ ಕಾರು, ಎಲೆಕ್ಟ್ರಿಕ್ ಚಾರ್ಜ್ ಹೊಂದಿದ್ದಾಗ 40 ಕಿ.ಮೀ ವರೆಗೆ ಚಲಿಸುತ್ತವೆ. ಈ ಕಾರಿನ ಬೂಟ್ ಕಂಪಾರ್ಟ್ಮೆಂಟ್ ಕೆಳಗೆ 14.1 ಕಿಲೋ ವ್ಯಾಟ್ನ ಬ್ಯಾಟರಿ ಅಳವಡಿಸಲಾಗಿದೆ.
ಈ ಕಾರಿನಲ್ಲಿರುವ ಎಲೆಕ್ಟ್ರಿಕ್ ಮೋಟಾರ್ನಲ್ಲಿ 7 ಸ್ಪೀಡಿನ ಟ್ರಾನ್ಸ್ ಮಿಷನ್ ಇದ್ದು, ಆಲ್ ವ್ಹೀಲ್ ಡ್ರೈವ್ ಸಿಸ್ಟಂ ಅನ್ನು ಡ್ರೈವ್ ಟಾರ್ಕ್ ಗೆ ಬದಲಾಯಿಸುತ್ತದೆ. ಈ ಎಲೆಕ್ಟ್ರಿಕ್ ಕಾರಿನ ಟಾಪ್ ಸ್ಪೀಡ್ 135 ಕಿ.ಮೀ ಆಗಿದೆ. ಆಡಿ ಕಂಪನಿಯ ಹೇಳಿಕೆ ಪ್ರಕಾರ 400 ವೊಲ್ಟ್ ನ ಬ್ಯಾಟರಿ ಪೂರ್ತಿಯಾಗಿ ಚಾರ್ಜ್ ಆಗಲು ಎರಡೂವರೆ ಗಂಟೆ ಬೇಕಾಗುತ್ತದೆ.
220 ವೊಲ್ಟ್ ನ ಬ್ಯಾಟರಿ ಪೂರ್ತಿಯಾಗಿ ಚಾರ್ಜ್ ಆಗಲು ಆರು ಗಂಟೆಗಳು ಬೇಕಾಗುತ್ತದೆ. ಈ ವಾಹನದಲ್ಲಿ ಮೂರು ಡ್ರೈವಿಂಗ್ ಮೋಡ್ಗಳಿವೆ. ಮೊದಲಿಗೆ ಈ ಕಾರು ಆಟೋಮ್ಯಾಟಿಕ್ ಆಗಿ ಇವಿ ಮೋಡ್ಗೆ ಬಂದು, ಆಕ್ಸೆಲೆರೇಟರ್ ಪೆಡಲ್ ಪುಶ್ ಮಾಡುವವರೆಗೂ ಎಂಜಿನ್ ಆನ್ ಆಗುವುದನ್ನು ತಪ್ಪಿಸುತ್ತದೆ. ನ್ಯಾವಿಗೇಶನ್ ಆಕ್ಟಿವ್ ಆಗಿದ್ದರೆ, ಹೈಬ್ರಿಡ್ ಮೋಡ್ಗೆ ಬದಲಾಗುತ್ತದೆ ಅಥವಾ ಹೈಬ್ರಿಡ್ ಮೋಡ್ ಅನ್ನು ಮ್ಯಾನುಯಲ್ ಆಗಿ ಆಯ್ಕೆಮಾಡಿಕೊಳ್ಳಬೇಕಾಗುತ್ತದೆ.
ಇದರಲ್ಲಿರುವ ತಂತ್ರಜ್ಞಾನವು ರಸ್ತೆ ಹೇಗಿದೆ ಎಂಬುದರ ಮೇಲೆ, ಕ್ಯೂ5 ವಾಹನವು, ಯಾವಾಗ ಇವಿ ಮೋಡ್ ಅಥವಾ ಹೈಬ್ರಿಡ್ ಮೋಡ್ ಬಳಸಬೇಕು ಎಂಬುದನ್ನು ನಿರ್ಧರಿಸುತ್ತದೆ. ಇದಕ್ಕಾಗಿ ಈ ವಾಹನದಲ್ಲಿರುವ ಬಿಲ್ಟ್ ಇನ್ ನ್ಯಾವಿಗೇಶನ್ ಬಳಸಬೇಕು, ಕಾರ್ ಪ್ಲೇ ಅಥವಾ ಆಂಡ್ರಾಯಿಡ್ ಆಟೊ ಆಪ್ಲಿಕೇಶನ್ಗಳನ್ನಲ್ಲ. ಕೊನೆಯ ಮೋಡ್, ಬ್ಯಾಟರಿ ಮೋಡ್ ಆಗಿದ್ದು, ಪೂರ್ತಿ ಚಾಲನೆ ಮುಗಿಯುವವರೆಗೆ ಬ್ಯಾಟರಿ ಚಾರ್ಜ್ ಅನ್ನು ಒಂದೇ ರೀತಿಯಾಗಿಡುತ್ತದೆ.
MOST READ: ಕಡಿಮೆ ಅವಧಿಯಲ್ಲಿ ದಾಖಲೆ ಬರೆದ ಕವಾಸಕಿ ನಿಂಜಾ 300
ಯೂರೋಪ್ ನಲ್ಲಿ ಕ್ಯೂ 5 ಪ್ಲಗ್ ಇನ್ ಅನೇಕ ಆಯ್ಕೆಗಳನ್ನು ಸ್ಟಾಂಡರ್ಡ್ ಆಗಿ ನೀಡುತ್ತದೆ. ಈ ಹೈಬ್ರಿಡ್ ಪ್ಲಗ್ ಇನ್ ವಾಹನದ ಬೆಲೆಯು ಯೂರೋಪ್ ನಲ್ಲಿ 60,450 ಯೂರೋಗಳಾಗಿದೆ. ಭಾರತೀಯ ಮೌಲ್ಯದಲ್ಲಿ ರೂ.47,04,722. ಇದರ ಜೊತೆಗೆ ಹೆಚ್ಚುವರಿ ತೆರಿಗೆ ಮತ್ತು ಆಮದು ಸುಂಕಗಳನ್ನು ಭರಿಸಬೇಕು. ಆಡಿ ಕಂಪನಿಯ ಪ್ರಕಾರ ಕ್ಯೂ 5 ಪ್ಲಗ್ ಇನ್ ಈ ವರ್ಷದ ಮೂರನೇ ಭಾಗದಲ್ಲಿ ಯೂರೋಪಿಯನ್ ಮಾರುಕಟ್ಟೆಗೆ ಕಾಲಿಡಲಿದೆ. ಭಾರತದಲ್ಲಿ ಈ ಎಲೆಕ್ಟ್ರಿಕ್ ವಾಹನದ ಬಿಡುಗಡೆಯ ಬಗ್ಗೆ ಯಾವುದೇ ಮಾಹಿತಿಯು ಲಭ್ಯವಾಗಿಲ್ಲ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಹೈಬ್ರಿಡ್ ಎಂಜಿನ್ ಸಾಂಪ್ರಾದಾಯಿಕ ಎಂಜಿನ್ಗಳಿಗಿಂತ ಹೆಚ್ಚು ಬಲಶಾಲಿಯಾಗಿದೆ. ಇದರಲ್ಲಿ ಅತ್ಯಾಧುನಿಕವಾದ ತಂತ್ರಜ್ಞಾನವನ್ನು ಉಪಯೋಗಿಸಲಾಗಿದೆ. ನಾವು ಈ ಕಾರನ್ನು ಭಾರತದಲ್ಲೂ ಕಾಣ ಬಯಸುತ್ತೇವೆ. ಆಡಿ ಕಂಪನಿಯು ಇದರಲ್ಲಿರುವ ಬಿಡಿ ಭಾಗಗಳನ್ನು ಸ್ಥಳೀಯವಾಗಿ ತಯಾರಿಸಿದ ನಂತರದಲ್ಲಿ ಭಾರತದಲ್ಲೂ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ. ಬೆಲೆ ಕೈಗೆಟುಕುವಂತಿರಲಿ ಎಂದು ಆಶಿಸುತ್ತೇವೆ.