Just In
- 9 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 10 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 11 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 12 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾರಾಟ ಕುಸಿತ ತಡೆಗಟ್ಟಲು ಹೊಸ ಯೋಜನೆ ರೂಪಿಸಿದ ಫಿಯೆಟ್
ಫಿಯೆಟ್ ಕ್ರೈಸ್ಲರ್ ಆಟೋಮೋಬೈಲ್ ಕಂಪನಿಯು, ಪ್ಯಾಸೆಂಜರ್ ವಾಹನದ ಮಾರುಕಟ್ಟೆಯಲ್ಲಿ ಉಂಟಾಗಿರುವ ಮಾರಾಟ ಕುಸಿತವನ್ನು ತಡೆಗಟ್ಟಲು ಹೊಸ ಯೋಜನೆಯನ್ನು ರೂಪಿಸಿದೆ. ಹಾಗೆಯೇ ಮುಂದಿನ ವರ್ಷದ ಏಪ್ರಿಲ್ನಿಂದ ಹೊಸ ಬಿಎಸ್6 ಮಾಲಿನ್ಯ ನಿಯಮಗಳನ್ನು ತನ್ನ ವಾಹನಗಳಲ್ಲಿ ಅಳವಡಿಸಿಕೊಳ್ಳಲು ಮುಂದಾಗಿದೆ.
ಎಕಾನಾಮಿಕ್ ಟೈಮ್ಸ್ ಆಟೋ ವರದಿಗಳ ಪ್ರಕಾರ, ಸ್ಥಳೀಯ ನಾಲ್ಕು ವಾಹನಗಳ ಮಾರುಕಟ್ಟೆಯು, ಎಲ್ಲಾ ವಾಹನ ತಯಾರಕ ಕಂಪನಿಗಳು 100% ಬಿಎಸ್ 6 ನಿಯಮಗಳನ್ನು ಅಳವಡಿಸಿಕೊಂಡ ನಂತರ 2020-21ರ ವೇಳೆಗೆ ಚೇತರಿಸಿಕೊಳ್ಳುವ ಸಾಧ್ಯತೆಗಳಿವೆ. ಫಿಯೆಟ್ ಕಂಪನಿಯು ತನ್ನ ಜೀಪ್ ಕಾಂಪಾಸ್ ಎಸ್ಯುವಿ ವಾಹನವನ್ನು ಡೀಸೆಲ್ ಆಟೋಮ್ಯಾಟಿಕ್, 4x4 ಆಫ್ ರೋಡ್ ಟ್ರೇಲ್ ಹಾಕ್ನೊಂದಿಗೆ ವಿಸ್ತರಿಸಲು ಗಮನ ಹರಿಸುತ್ತಿದ್ದು, ಇದಾದ ನಂತರ 2020ರಲ್ಲಿ ಮಧ್ಯಮ ಗಾತ್ರದ ಕಾಂಪಾಸ್ ಎಸ್ಯುವಿಯತ್ತ ಚಿತ್ತ ಹರಿಸಲಿದೆ.
ಈ ಯೋಜನೆಯನ್ನು ಕಂಪನಿಯು ತನ್ನ ಹೊಸ ವಾಹನಗಳಾದ 7 ಸೀಟರ್ನ ಎಸ್ಯುವಿ ಜೀಪ್ ಕಾಂಪಾಸ್ ಮತ್ತು ಸಣ್ಣ ಬಿ ಎಸ್ಯುವಿ ವಾಹನಗಳ ಬಿಡುಗಡೆಯ ನಂತರ ಕೈಗೆತ್ತಿಕೊಳ್ಳಲಿದೆ. ಫಿಯೆಟ್ ಕ್ರೈಸ್ಲರ್ ಆಟೋಮೋಬೈಲ್ಸ್ ಇಂಡಿಯಾದ ಮ್ಯಾನೇಜಿಂಗ್ ಡೈರೆಕ್ಟರ್ ಕೆವಿನ್ ಫ್ಲಿನ್ ರವರು ಈ ಬಗ್ಗೆ ಮಾತನಾಡಿದ್ದಾರೆ.
ಕಂಪನಿಯು ಮಾರುಕಟ್ಟೆಯಲ್ಲಿ ದೀರ್ಘಾವಧಿ ಬೆಳವಣಿಗೆಯ ಭಾಗವಾಗಿ ಹೂಡಿಕೆ ಮಾಡಿದೆ. ಈಗ ಉಂಟಾಗಿರುವ ಕುಸಿತವು ತಾತ್ಕಾಲಿಕವಾಗಿದ್ದು, ಚುನಾವಣೆಗಳ ನಂತರ ಮಾರುಕಟ್ಟೆಯು ಯಥಾಸ್ಥಿತಿಗೆ ಬರಲಿದೆ ಎಂದು ತಿಳಿಸಿದರು.
ಇದರ ಜೊತೆಗೆ ಫಿಯೆಟ್ ಕಂಪನಿಯು ಇತ್ತೀಚಿಗಷ್ಟೆ ಒರಿಕ್ಸ್ ಆಟೋ ಇನ್ಫಾಸ್ಟ್ರಕ್ಚರ್ ಸರ್ವಿಸ್ ಸಹಭಾಗಿತ್ವದಲ್ಲಿ ಜೀಪ್ ಮಾದರಿಗಳಿಗಾಗಿ ಲೀಸ್ ಸೇವೆಯನ್ನು ಘೋಷಿಸಿದೆ. ಈ ಯೋಜನೆಯಡಿಯಲ್ಲಿ ಗ್ರಾಹಕರು ಜೀಪ್ ಕಾಂಪಾಸ್ ವಾಹನವನ್ನು 2 ರಿಂದ 5 ವರ್ಷಗಳವರೆಗೆ ಲೀಸ್ ಪಡೆಯಲಿದ್ದಾರೆ, ಈ ಯೋಜನೆಯಲ್ಲಿ ವಾಹನಗಳಿಗೆ ಪೂರ್ತಿಯಾಗಿ ಹಣ ಪಾವತಿಸುವಂತಿಲ್ಲ. ಈ ಲೀಸಿಂಗ್ ಸೇವೆಯನ್ನು ದೇಶಾದ್ಯಂತವಿರುವ ಐದು ಮೆಟ್ರೋ ನಗರಗಳಾದ ಬೆಂಗಳೂರು, ಪುಣೆ, ಮುಂಬೈ, ಹೈದರಾಬಾದ್ ಮತ್ತು ದೆಹಲಿ ಎನ್ಸಿಆರ್ ಗಳಲ್ಲಿ ಆರಂಭಿಸಲಾಗುವುದು.
ಒರಿಕ್ಸ್ ಆಟೋ ಇನ್ಫಾಸ್ಟ್ರಕ್ಚರ್ ಸರ್ವಿಸ್ನ ಮ್ಯಾನೇಜಿಂಗ್ ಡೈರೆಕ್ಟರ್ ಮತ್ತು ಸಿಇಒ ಸಂದೀಪ್ ಗಂಭೀರ್ ರವರು ಮಾತನಾಡಿ, ಒರಿಕ್ಸ್ ತನ್ನ ಲೀಸಿಂಗ್ ಸೇವೆಯನ್ನು ವಿಸ್ತರಿಸಲು ಬಯಸಿದ್ದು, ತಮ್ಮ ಗ್ರಾಹಕರಿಗೆ ಹೊಸ ಬಗೆಯ ಸೌಲಭ್ಯಗಳನ್ನು ನೀಡಲಿದೆ. ನಮಗೆ ಫಿಯೆಟ್ ಕಂಪನಿಯ ಜೊತೆ ಕೈಜೋಡಿಸಲು ಸಂತೋಷವಾಗುತ್ತಿದ್ದು, ಗ್ರಾಹಕರಿಗೆ ಇನ್ನೂ ಹೆಚ್ಚಿನ ಕೊಡುಗೆಗಳನ್ನು ನೀಡಲಿದ್ದೇವೆ ಎಂದು ತಿಳಿಸಿದರು.
MOST READ: ಈ ಪುಸ್ತಕದ ಬೆಲೆ ಒಂದು ಐಷಾರಾಮಿ ಬಂಗಲೆಗಿಂತಲೂ ದುಬಾರಿ..!
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಫಿಯೆಟ್ನ ಯೋಜನೆಯ ಬಗ್ಗೆ ಇನ್ನೂ ಸ್ಪಷ್ಟತೆ ದೊರಕಿಲ್ಲ. ಲೀಸ್ ಸೇವೆಗಳನ್ನು ನೀಡುವುದು ಒಳ್ಳೆಯ ಯೋಜನೆಯಾದರೂ ಎಷ್ಟು ಮಾದರಿಗಳಲ್ಲಿ ಈ ಯೋಜನೆಯನ್ನು ನೀಡಲಾಗುವುದು ಎಂಬುದು ಖಚಿತವಾಗಿಲ್ಲ. ಮಾರಾಟದ ಬೆಲೆ ಲೀಸ್ನ ಬೆಲೆ ಒಂದೇ ಆದರೆ ಯಾವುದೇ ಪ್ರಯೋಜನವಾಗುವುದಿಲ್ಲ.