Just In
- 1 hr ago ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- 1 hr ago ಓಲಾ ಎಸ್ 1 ಪ್ರೋ VS ಏಥರ್ 450X: ಮದಗಜಗಳ ಹಣಾಹಣಿಯಲ್ಲಿ ಯಾರು ಬೆಸ್ಟ್?
- 1 hr ago Ather: ಬೆಂಗಳೂರಿನ ಎಥರ್ನಿಂದ ಫ್ಯಾಮಿಲಿ ಇ-ಸ್ಕೂಟರ್ 'ರಿಜ್ಟಾ' ಬುಕ್ಕಿಂಗ್ ಆರಂಭ, ರೂ.999 ಪಾವತಿಸಿದರೆ ಸಾಕು!
- 2 hrs ago Kia: ಬ್ರೇಕ್ ಇಲ್ಲದ ಟ್ರಕ್ನಂತೆ ಮುನ್ನುಗ್ಗುತ್ತಿದೆ ಕಿಯಾ: ಈಗ ಸಣ್ಣ ಪಟ್ಟಣಗಳಲ್ಲೂ ಸಿಗಲಿದೆ!
Don't Miss!
- News ರಾಮೇಶ್ವರಂ ಕೆಫೆ ಸ್ಫೋಟ ಪ್ರಕರಣ; ಇಬ್ಬರು ಶಂಕಿತರ ಸುಳಿವು ಕೊಟ್ಟರೆ ₹20 ಲಕ್ಷ ಬಹುಮಾನ
- Movies "ನನ್ನೇನು ಅಭಿಮನ್ಯು ಅಂದುಕೊಂಡ್ಯ..; ಕೆಲವ್ರು ಕುಡಿದ ಮೇಲೆ ಗಂಡಸರಾಗ್ತಾರೆ.. 'ಯುವ' ಡೈಲಾಗ್ ಪಂಚ್
- Sports RCB VS KKR: ಟಾಸ್ ಗೆದ್ದ ಕೆಕೆಆರ್ ಫೀಲ್ಡೀಂಗ್ ಆಯ್ಕೆ: ಆರ್ಸಿಬಿ ತಂಡದಲ್ಲಿ ಇಲ್ಲ ಬದಲಾವಣೆ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಶ್ವ ಮಾರುಕಟ್ಟೆಗೆ ಕಾಲಿಡಲಿವೆ ಫೋರ್ಡ್ ಇಂಡಿಯಾ ಹಾಗೂ ಮಹೀಂದ್ರಾ
ಅಮೇರಿಕಾ ಮೂಲದ ಫೋರ್ಡ್ ಮೋಟಾರ್ಸ್, ಇಂಟರ್ನ್ಯಾಷನಲ್ ಮಾರ್ಕೆಟ್ಸ್ ಗ್ರೂಪ್ (ಐಎಂಜಿ) ರಚಿಸಿದೆ. ಈ ಗ್ರೂಪ್ ಅನ್ನು ಅಭಿವೃದ್ಧಿ ಹೊಂದುತ್ತಿರುವ ವಿಶ್ವದ 100 ಮಾರುಕಟ್ಟೆಗಳಿಗಾಗಿ ರಚಿಸಲಾಗಿದೆ. ಐಎಂಜಿ ಘಟಕವು 2020ರ ಜನವರಿಯಿಂದ ಕಾರ್ಯನಿರ್ವಹಿಸಲಿದ್ದು, ಮಹೀಂದ್ರಾ ಅಲಾಯನ್ಸ್ ಬೆಂಬಲ ಹೊಂದಿರುವ ಫೋರ್ಡ್ ಇಂಡಿಯಾ ಪ್ರಮುಖ ಪಾತ್ರ ವಹಿಸಲಿದೆ ಎಂದು ಫೋರ್ಡ್ ಕಂಪನಿ ತಿಳಿಸಿದೆ.
ಫೋರ್ಡ್ ಇಂಡಿಯಾದ ಕಾರ್ಯಾಚರಣೆಗಳ ವ್ಯವಸ್ಥಾಪಕ ನಿರ್ದೇಶಕ ಅನುರಾಗ್ ಮೆಹ್ರೋತ್ರಾ ಅವರಿಗೆ ಮಹೀಂದ್ರಾ ಅಲಾಯನ್ಸ್ ನೊಂದಿಗೆ ಪ್ರಾಡಕ್ಟ್ ಪೋರ್ಟ್ಫೋಲಿಯೇ ಮ್ಯಾನೇಜ್ಮೆಂಟಿನ 18 ಮಿಲಿಯನ್ ಯುನಿಟ್ ವಾರ್ಷಿಕ ಮಾರುಕಟ್ಟೆಯನ್ನು ಪೂರೈಸುವ ಜವಾಬ್ದಾರಿಯನ್ನು ವಹಿಸಲಾಗಿದೆ. ಫೋರ್ಡ್ ಇಂಡಿಯಾದ ವಕ್ತಾರರು ಐಎಂಜಿ ರಚನೆಯನ್ನು ಖಚಿತಪಡಿಸಿದ್ದು, ವ್ಯವಸ್ಥಾಪಕ ನಿರ್ದೇಶಕರಿಗೆ ವಹಿಸಲಾಗಿರುವ ಜವಾಬ್ದಾರಿಯನ್ನು ದೃಢಪಡಿಸಿದ್ದಾರೆ.
ವಾಹನಗಳ ಆರ್ಕಿಟೆಕ್ಚರ್ ಹಾಗೂ ಎಂಜಿನ್ಗಳ ಹಂಚಿಕೆಯನ್ನು ಈಗಾಗಲೇ ಘೋಷಿಸಲಾಗಿದೆ. ಭಾರತವನ್ನು ಮೀರಿ ಆರ್ಥಿಕತೆಯ ಮಟ್ಟವನ್ನು ನಿರ್ಮಿಸಲು ಹಾಗೂ ಭಾರತದ ಹೊರಗಿನ ಮುಂದಿನ ಬೆಳವಣಿಗೆ ಅವಕಾಶಗಳಲ್ಲಿ ಭಾಗವಹಿಸುವುದನ್ನು ಮೂಲಗಳು ದೃಢಪಡಿಸಿವೆ. ಫೋರ್ಡ್ ಎರಡು ದಶಕಗಳಿಂದ ಭಾರತೀಯ ಮಾರುಕಟ್ಟೆಯಲ್ಲಿದ್ದರೂ ವಾರ್ಷಿಕ 1.2 ಲಕ್ಷ ಯೂನಿಟ್ಗಳನ್ನು ಮೀರಿದ ಪರಿಮಾಣ ಮಾರಾಟವನ್ನು ನಿರ್ಮಿಸಲು ಸಾಧ್ಯವಾಗಲಿಲ್ಲ.
ಮಹೀಂದ್ರಾ ಪ್ರಯಾಣಿಕರ ವಾಹನ ವಿಭಾಗದಲ್ಲಿ ಕಳೆದ ಐದು ವರ್ಷಗಳಲ್ಲಿ 2.5 ಲಕ್ಷ ಹಾಗೂ 3 ಲಕ್ಷ ಯೂನಿಟ್ಗಳಷ್ಟು ಕಡಿಮೆ ಮಾರಾಟವಾಗಿದೆ. ರಫ್ತು ಮಾರುಕಟ್ಟೆಗಳು ಮಹೀಂದ್ರಾ ಕಂಪನಿಗೆ ಸಬ್ ಆಪ್ಟಿಮಲ್ ಆಗಿ ಉಳಿದಿದ್ದು, ಒಟ್ಟು ಮಾರಾಟವು ಸುಮಾರು 5 ರಿಂದ 7%ನಷ್ಟಿದೆ. ಈಗಾಗಲೇ ಅಭಿವೃದ್ದಿಗೊಂಡಿರುವ ಯುರೋಪ್ ಹಾಗೂ ಉತ್ತರ ಅಮೆರಿಕದ ಮಾರುಕಟ್ಟೆಗಳಲ್ಲಿರುವ ಹೊಸ ನಿಯಮಗಳಿಂದಾಗಿ ಫೋರ್ಡ್ ಹಾಗೂ ಮಹೀಂದ್ರಾ ಕಂಪನಿಗಳು ರಫ್ತಿನ ಬಗ್ಗೆ ಗಮನ ಹರಿಸಿ ಅಭಿವೃದ್ದಿ ಹೊಂದುತ್ತಿರುವ ಮಾರುಕಟ್ಟೆಗಳಿಗೆ ಬದಲಾಯಿಸುವ ಸಾಧ್ಯತೆಯಿದೆ.
ಅನಾಮಧೇಯ ಮೂಲಗಳ ಪ್ರಕಾರ ಐಎಂಜಿಯ ರಚನೆಯು ಮಹೀಂದ್ರಾ ಕಂಪನಿಯ ಜಾಗತೀಕ ಮಾರುಕಟ್ಟೆಗಳ ಕಾರ್ಯತಂತ್ರವನ್ನು ವೇಗಗೊಳಿಸಲಿದ್ದು, ಮಹೀಂದ್ರಾ ಅಲಾಯನ್ಸ್ ನೇತೃತ್ವದಲ್ಲಿ, ಬಿ ಹಾಗೂ ಸಿ ಸೆಗ್ಮೆಂಟಿನ ಎಸ್ಯುವಿಗಳು ಹಾಗೂ ಎಂಪಿವಿಗಳ ಜಂಟಿ ಯೋಜನೆಗಳಿಂದಾಗಿ, ಮಹೀಂದ್ರಾ ಕಂಪನಿಯ ವೆಚ್ಚದ ಸೋರ್ಸಿಂಗ್ ಸಾಮರ್ಥ್ಯದಿಂದಾಗಿ ಫೋರ್ಡ್ ಉತ್ಪನ್ನಗಳು ಅಭಿವೃದ್ಧಿ ವೆಚ್ಚವನ್ನು ಉತ್ತಮಗೊಳಿಸಲು ಸಹಾಯ ಮಾಡಲಿವೆ ಎಂದು ಹೇಳಿದರು.
ಇದರ ಜೊತೆಗೆ ಫೋರ್ಡ್ ದೇಶಿಯ ಮಾರುಕಟ್ಟೆಗಾಗಿ ಒಂದು ಬಿಲಿಯನ್ ಅಮೇರಿಕನ್ ಡಾಲರ್ಗಳನ್ನು ಮೀಸಲಾಗಿರಿಸಿದೆ. ಏಕೆಂದರೆ ಕಂಪನಿಯು ಭಾರತದಲ್ಲಿ ಕಾರ್ಯಾಚರಣೆಯನ್ನು ಶುರುಮಾಡಿದ ಇಪ್ಪತ್ತು ವರ್ಷಗಳ ನಂತರ ಸುಸ್ಥಿರ ಲಾಭವನ್ನು ಗಳಿಸಿದೆ. ಫೋರ್ಡ್ ಕಂಪನಿಯ ಮಿಡ್ಲ್ ಈಸ್ಟ್ ಹಾಗೂ ಆಫ್ರಿಕಾಗಳ ಅಧ್ಯಕ್ಷರಾಗಿದ್ದ ಮಾರ್ಕ್ ಒವೆಂಡೆನ್ ಅವರನ್ನು ಅಂತರರಾಷ್ಟ್ರೀಯ ಮಾರುಕಟ್ಟೆಗಳ ಗುಂಪಿನ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದ್ದು, ಅಭಿವೃದ್ಧಿಗೆ ಶ್ರಮಿಸಲಿದ್ದಾರೆ. ಐಎಂಜಿ 2020 ರಿಂದ ವರದಿ ಮಾಡುವ ವ್ಯವಹಾರ ಘಟಕವಾಗಲಿದೆ.
ಕಂಪನಿಯ ಹೊಸ ಐಎಂಜಿ ಘಟಕವು ಆಫ್ರಿಕಾ, ಆಸ್ಟ್ರೇಲಿಯಾ, ಭಾರತ, ಮೆಕ್ಸಿಕೊ, ಮಧ್ಯಪ್ರಾಚ್ಯ, ನ್ಯೂಜಿಲೆಂಡ್, ದಕ್ಷಿಣ ಕೊರಿಯಾ ಹಾಗೂ ಆಸಿಯಾನ್ ದೇಶಗಳಲ್ಲಿನ ಕಾರ್ಯಾಚರಣೆಗಳು ಸೇರಿದಂತೆ ಸುಮಾರು 100 ಮಾರುಕಟ್ಟೆಗಳ ಮೇಲ್ವಿಚಾರಣೆಯನ್ನು ನೋಡಿಕೊಳ್ಳಲಿದೆ. ಫೋರ್ಡ್ ಗ್ಲೋಬಲ್, ಭವಿಷ್ಯದಲ್ಲಿ ಅಭಿವೃದ್ಧಿ ಹೊಂದಲಿರುವ ಮಾರುಕಟ್ಟೆಯಲ್ಲಿನ ಮೂರು ವಾಹನಗಳ ಮಾರಾಟದಲ್ಲಿ ಒಂದು ವಾಹನವು ಫೋರ್ಡ್ ಕಂಪನಿಯದ್ದಾಗಿರಲಿದ್ದು, ಹೆಚ್ಚಿನ ಪ್ರಮಾಣದ ಬೆಳವಣಿಗೆಯ ದರಗಳಿಗೆ ಸಾಕ್ಷಿಯಾಗಲಿದೆ ಎಂಬ ನಂಬಿಕೆಯಲ್ಲಿದೆ.
ಐಎಂಜಿಯ ರಚನೆಯು ಕಾಂಪ್ಯಾಕ್ಟ್ ಪಿಕ್ ಅಪ್ ಹಾಗೂ ಕಮರ್ಷಿಯಲ್ ವಾಹನಗಳಲ್ಲಿನ ಫೋರ್ಡ್ನ ಪ್ರಮುಖ ಮಾರುಕಟ್ಟೆ ಸ್ಥಾನಗಳ ಮೇಲೆ ಆಧಾರಿತವಾಗಲಿದೆ ಎಂದು ಹೇಳಲಾಗುತ್ತದೆ. ಐಎಂಜಿ ಘಟಕವು ಕಂಪನಿಯ ಆಮದು ಬಂಡವಾಳವನ್ನು ಉತ್ತಮಗೊಳಿಸಲಿದ್ದು, ಮಾರಾಟದ ನಂತರದ ಅವಕಾಶಗಳನ್ನು ಹೆಚ್ಚಿಸಲಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಫೋರ್ಡ್ ಯಾವಾಗಲೂ ಆಟೋಮೋಟಿವ್ ವ್ಯವಹಾರಗಳಲ್ಲಿ ಸದಾ ಮುಂಚೂಣಿಯಲ್ಲಿರುತ್ತದೆ. ಇಂಟರ್ ನ್ಯಾಷನಲ್ ಮಾರ್ಕೆಟ್ಸ್ ಗ್ರೂಪ್ ರಚನೆಯೊಂದಿಗೆ, ಕಂಪನಿಯು ಹೊಸ ಮಾರುಕಟ್ಟೆಗಳ ಮೇಲೆ ಕೇಂದ್ರೀಕರಿಸಲಿದ್ದು, ಅಲ್ಲಿನ ವ್ಯವಹಾರಗಳಲ್ಲಿ ಸರ್ಕಾರವು ಹೆಚ್ಚಿನ ಹಸ್ತಕ್ಷೇಪ ನಡೆಸುವುದಿಲ್ಲ.