Just In
- 36 min ago Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- 46 min ago ಬೈಕಿನಂತೆ ಮೈಲೇಜ್ ಕೊಡೋದ್ರಿಂದ ಈ ಹ್ಯುಂಡೈ ಕಾರಿನ ಮಾಲೀಕರು ಫುಲ್ ಖುಷ್
- 50 min ago ಮಹೀಂದ್ರಾ ಪ್ರೀಯರಿಗೆ ಭಾರೀ ಸಿಹಿಸುದ್ದಿ: ಗಲ್ಲಿಗಲ್ಲಿಯಲ್ಲಿ ಶುರುವಾಗುತ್ತಾ ಸ್ಕಾರ್ಪಿಯೋ ಹವಾ!
- 1 hr ago ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಬೆಸ್ಟ್ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡುತ್ತವೆ!
Don't Miss!
- News Hubballi: ರಾಜ್ಯ ಸರ್ಕಾರದ ವಿರುದ್ಧ ಭಾರೀ ಪ್ರತಿಭಟನೆ: ನೇಹಾ ನಿವಾಸಕ್ಕೆ ಶ್ರೀಗಳು, ಲಕ್ಷ್ಮಿ ಹೆಬ್ಬಾಳ್ಕರ್ ಭೇಟಿ: ಪೊಲೀಸ್ ಅಭಯ
- Technology ನಿಮ್ಮ ಬಳಿ ರೆಡ್ಮಿಯ ಈ ಫೋನ್ ಇದ್ರೆ, ಇಲ್ಲಿದೆ ನಿಮಗೆ ಗುಡ್ನ್ಯೂಸ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅನಾವರಣಗೊಂಡ ಹೊಸ ತಲೆಮಾರಿನ ಯಾರಿಸ್ ಹ್ಯಾಚ್ಬ್ಯಾಕ್ ಕಾರು
ಟೊಯೊಟಾ ಕಂಪನಿಯ ಹೆಚ್ಚು ಮಾರಾಟವಾಗುವ ಯಾರಿಸ್ ಕಾರ್ ಅನ್ನು ಯುರೋಪಿಯನ್ ಮಾರುಕಟ್ಟೆಗಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಅಭಿವೃದ್ಧಿಪಡಿಸಲಾಗುತ್ತಿರುವ ಯಾರಿಸ್ ಕಾರಿನ ಹೊಸ ತಲೆಮಾರಿನ ಕಾರ್ ಅನ್ನು ಮುಂದಿನ ವರ್ಷ ಬಿಡುಗಡೆಗೊಳಿಸಲಾಗುವುದು.
ಈ ಕಾರಿನ ಮೊದಲ ಅಧಿಕೃತ ಚಿತ್ರಗಳು ಹಾಗೂ ವಿವರಗಳನ್ನು ಅನಾವರಣಗೊಳಿಸಲಾಗಿದೆ. ನಾಲ್ಕನೇ ತಲೆಮಾರಿನ ಯಾರಿಸ್ ಹ್ಯಾಚ್ಬ್ಯಾಕ್ ಅನ್ನು ಕೆಳಭಾಗದಿಂದಲೇ ಮರುವಿನ್ಯಾಸಗೊಳಿಸಲಾಗಿದೆ. ಹೊಸ ಪ್ಲಾಟ್ಫಾರ್ಮ್ ಹಾಗೂ ಮೂರು ಸಿಲಿಂಡರ್ ಹೈಬ್ರಿಡ್ ಎಂಜಿನ್ ಅನ್ನು ಹೊಸ ಕಾರಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ.
ಹಿಂದಿನ ತಲೆಮಾರಿನ ಯಾರಿಸ್ ಕಾರುಗಳಂತೆ, ಹೊಸ ಪ್ರೀಮಿಯಂ ಹ್ಯಾಚ್ಬ್ಯಾಕ್ ಅನ್ನು ಯುರೋಪಿಯನ್ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ವಿನ್ಯಾಸವು ಮಾರುಕಟ್ಟೆಯಲ್ಲಿರುವ ಕಾರಿಗಿಂತ ಹೆಚ್ಚು ಆಕರ್ಷಕವಾಗಿದೆ ಎಂದು ಹೇಳಲಾಗುತ್ತಿದೆ.
ಹೊಸ ಜಿಎ ಬಿ ಪ್ಲಾಟ್ಫಾರಂ ಹೊಂದಿರುವ ಈ ಕಾರಿನ ರೂಫ್ ಎತ್ತರವನ್ನು 40 ಎಂಎಂನಷ್ಟು ಕಡಿಮೆ ಮಾಡಲಾಗಿದೆ. ಈ ಕಾರು 50 ಎಂಎಂ ಅಗಲವಾಗಿದ್ದು, 60 ಎಂಎಂ ಅಗಲವಾದ ಟ್ರ್ಯಾಕ್ ಹೊಂದಿದ್ದು, ಪ್ಯಾಸೆಂಜರ್ ಸ್ಪೇಸ್ ಹೆಚ್ಚಿಸಲು ವ್ಹೀಲ್ಬೇಸ್ 50 ಎಂಎಂನಷ್ಟು ಹೆಚ್ಚಿಸಲಾಗಿದೆ.
ಇದರ ಜೊತೆಗೆ, ಹೊಸ ಕಾರಿನ ಉದ್ದವನ್ನು 5 ಎಂಎಂನಷ್ಟು ಕಡಿಮೆ ಮಾಡಲಾಗಿದೆ. ಇದರಿಂದಾಗಿ ಯಾರಿಸ್ ಯುರೋಪಿಯನ್ ಮಾರುಕಟ್ಟೆಯಲ್ಲಿ ನಾಲ್ಕು ಮೀಟರ್ಗಿಂತಲೂ ಕಡಿಮೆ ಉದ್ದವಿರುವ ಏಕೈಕ ಪ್ರೀಮಿಯಂ ಹ್ಯಾಚ್ಬ್ಯಾಕ್ ಕಾರ್ ಆಗಿದೆ.
ಟೊಯೊಟಾ ಕಂಪನಿಯು ಹೇಳುವಂತೆ ಕಾರಿನ ಒಳಭಾಗದಲ್ಲಿ ಚಕ್ರದ ಮೇಲೆ ಕೈ, ರಸ್ತೆಯ ಮೇಲೆ ಕಣ್ಣು ಎಂಬ ತತ್ವವನ್ನು ಅನುಸರಿಸಲಾಗಿದೆ. ಡ್ಯಾಶ್ಬೋರ್ಡ್ ಹಾಗೂ ಇನ್ಫೋಟೇನ್ಮೆಂಟ್ ಸ್ಕ್ರೀನ್ಗಳನ್ನು ಚಾಲಕನಿಗೆ ಕಾಣುವಂತೆ ಚಿಕ್ಕದಾಗಿ ಅಳವಡಿಸಲಾಗಿದೆ.
ಇದರ ಜೊತೆಗೆ ಬೈನಾಕ್ಯುಲರ್ ಸೈಜಿನ ಉಪಕರಣಗಳಿವೆ. ಚಾಲನಾ ಸ್ಥಾನವನ್ನು ಸುಧಾರಿಸಲಾಗಿದ್ದು, ಹಳೆಯ ಕಾರುಗಿಂತ ಹಿಪ್ ಪಾಯಿಂಟ್ ಅನ್ನು 36 ಎಂಎಂನಷ್ಟು ಕಡಿಮೆ ಮಾಡಲಾಗಿದೆ. ಇದರ ಜೊತೆಗೆ ವ್ಹೀಲ್ ಅಡ್ಜಸ್ಟ್ ಮೆಂಟ್ ಕಡಿಮೆ ಮಾಡಲಾಗಿದೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಹೊಸ ಯಾರಿಸ್ ಕಾರು, ಆಪಲ್ ಕಾರ್ ಪ್ಲೇ ಹಾಗೂ ಆಂಡ್ರಾಯ್ಡ್ ಆಟೋ ಕನೆಕ್ಟಿವಿಟಿಯನ್ನು ಸಹ ಹೊಂದಲಿದ್ದು, 8.0-ಇಂಚಿನ ಟಚ್ಸ್ಕ್ರೀನ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಹಾಗೂ ದೊಡ್ದ ಗಾತ್ರದ ಡಿಸ್ಪ್ಲೇಯನ್ನು ಟಾಪ್ ಮಾದರಿಗಳಲ್ಲಿ ನೀಡಲಾಗುವುದು.
MOST READ: ವಾಹನ ಸವಾರರಿಗೆ ಸಿಹಿ ಸುದ್ದಿ ನೀಡಿದ ಸಚಿವ ನಿತಿನ್ ಗಡ್ಕರಿ ..!
ಈ ಕಾರು ತನ್ನ ಸೆಗ್ಮೆಂಟಿನಲ್ಲಿ ಡ್ರೈವರ್ ಹಾಗೂ ಪ್ಯಾಸೆಂಜರ್ ಸೀಟುಗಳ ನಡುವೆ ಸೆಂಟ್ರಲ್ ಆಗಿ ಮೌಂಟ್ ಮಾಡಲಾದ ಏರ್ಬ್ಯಾಗ್ ಸಿಸ್ಟಂ ಅನ್ನು ನೀಡುತ್ತಿರುವ ಮೊದಲ ಕಾರ್ ಆಗಿದೆ. ಈ ಯುರೋಪಿಯನ್ ಯಾರಿಸ್ ಕಾರ್ ಅನ್ನು ಮೂರು ಪೆಟ್ರೋಲ್ ಎಂಜಿನ್ಗಳೊಂದಿಗೆ ಮಾರಾಟ ಮಾಡಲಾಗುವುದು. ಎಲ್ಲ ಎಂಜಿನ್ಗಳೂ ಮೂರು ಸಿಲಿಂಡರ್ಗಳನ್ನು ಹೊಂದಿರುತ್ತವೆ.
MOST READ: ಬೈಕ್ ಸವಾರನ ಪ್ರಾಣ ಉಳಿಸಿದ ಆಪಲ್ ವಾಚ್..!
ಮೂಲ ಮಾದರಿಯ 1.0 ಲೀಟರಿನ ಎಂಜಿನ್ 5 ಸ್ಪೀಡ್ನ ಮ್ಯಾನುವಲ್ ಗೇರ್ಬಾಕ್ಸ್ ಹೊಂದಿರಲಿದೆ. 1.5 ಲೀಟರ್ನ ಎಂಜಿನ್ 6 ಸ್ಪೀಡ್ನ ಮ್ಯಾನುವಲ್ ಅಥವಾ ಸಿವಿಟಿ ಆಟೋಮ್ಯಾಟಿಕ್ ಆಯ್ಕೆಯನ್ನು ಹೊಂದಿರಲಿದೆ. ಇದರ ಜೊತೆಗೆ ಹೈಬ್ರಿಡ್ ಆಯ್ಕೆಯೂ ಇರಲಿದೆ. 1.5 ಲೀಟರ್ನ ಈ ಎಂಜಿನ್ 80 ಬಿಹೆಚ್ಪಿ ಪವರ್ ಹಾಗೂ 140 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಹೈಬ್ರಿಡ್ ಆಯ್ಕೆಯಲ್ಲಿ 1.5 ಲೀಟರಿನ ಎಂಜಿನ್ ಹಾಗೂ ಏರ್-ಕೂಲ್ಡ್ ಲಿಥಿಯಂ-ಐಯಾನ್ ಬ್ಯಾಟರಿ ಹೊಂದಿರುವ ಎಲೆಕ್ಟ್ರಿಕ್ ಮೋಟರ್ ಇರಲಿವೆ. ಈ ಬ್ಯಾಟರಿ ನಿಕಲ್ ಮೆಟಲ್ ಹೈಡ್ರೈಡ್ ಪ್ಯಾಕ್ಗಿಂತ 27%ನಷ್ಟು ಹಗುರವಾಗಿದ್ದರೂ, ಹೆಚ್ಚಿನ ಪವರ್ ಅನ್ನು ವೇಗವಾಗಿ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಟೊಯೊಟಾ ಹೊಸ ಯಾರಿಸ್ನ ಪರ್ಫಾಮೆನ್ಸ್ ಆವೃತ್ತಿಯನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆಗಳಿವೆ ಎಂದು ಟೊಯೊಟಾ ಯುರೋಪಿನ ಕಾರ್ಯನಿರ್ವಾಹಕ ಉಪಾಧ್ಯಕ್ಷರಾದ ಮ್ಯಾಟ್ ಹ್ಯಾರಿಸನ್ರವರು ಹೇಳಿದ್ದಾರೆ. ಟೊಯೊಟಾ ಹೊಸ ಯಾರಿಸ್ ಹ್ಯಾಚ್ಬ್ಯಾಕ್ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸುವ ಸಾಧ್ಯತೆಗಳಿಲ್ಲ.
ಭಾರತದಲ್ಲಿ ಈಗಾಗಲೇ ಯಾರಿಸ್ ಸೆಡಾನ್ ಕಾರ್ ಅನ್ನು ಬಿಡುಗಡೆಗೊಳಿಸಲಾಗಿದೆ. ಆ ಕಾರ್ ಅನ್ನು ಹಳೆಯ ಪ್ಲಾಟ್ಫಾರಂನ ಮೇಲೆ ತಯಾರಿಸಲಾಗಿದೆ. ಭಾರತದಲ್ಲಿ ಮಾರಾಟವಾಗುತ್ತಿರುವ ಮಧ್ಯಮ ಗಾತ್ರದ ಟೊಯೊಟಾ ಯಾರಿಸ್ ಸೆಡಾನ್ ಕಾರು ಮಾರುತಿ ಸುಜುಕಿ ಸಿಯಾಜ್, ಹೋಂಡಾ ಸಿಟಿ ಮತ್ತು ಹ್ಯುಂಡೈ ವೆರ್ನಾಗಳಿಗೆ ಪೈಪೋಟಿ ನೀಡುತ್ತದೆ. ಈ ಕಾರ್ ಅನ್ನು ಆಗ್ನೇಯ ಏಷ್ಯಾದ ಕೆಲವು ದೇಶಗಳಲ್ಲಿ ಹಾಗೂ ದಕ್ಷಿಣ ಅಮೆರಿಕಾದ ಮಾರುಕಟ್ಟೆಗಳಲ್ಲಿ ಯಾರಿಸ್ ಅಥವಾ ವಿಯೋಸ್ ಹೆಸರಿನಲ್ಲಿ ಮಾರಾಟ ಮಾಡಲಾಗುತ್ತಿದೆ.