Just In
- 4 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 5 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 6 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 6 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- Movies Puttakkana Makkalu:ಪುಟ್ಟಕ್ಕಗೆ ಮಗಳ ಜೀವನ ಹಾಳಾಗುವ ಆತಂಕ: ಬಂಗಾರಮ್ಮನಿಗ್ಯಾಕೆ ಬೇಸರ?
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2022ರ ವೇಳೆಗೆ ಎಲೆಕ್ಟ್ರಿಕ್ ಎಂಜಿನ್ನೊಂದಿಗೆ ಬಿಡುಗಡೆಯಾಗಲಿವೆ ಜೀಪ್ ಕಾರುಗಳು
ಈಗ ಎಲ್ಲಿ ನೋಡಿದರೂ ಎಲೆಕ್ಟ್ರಿಕ್ ವಾಹನಗಳದೇ ಸದ್ದು. ಬಹುತೇಕ ಎಲ್ಲಾ ಕಂಪನಿಗಳೂ ತಮ್ಮ ವಾಹನಗಳನ್ನು ಎಲೆಕ್ಟ್ರಿಕ್ನಲ್ಲಿ ಬಿಡುಗಡೆಗೊಳಿಸುತ್ತಿವೆ. ಎಫ್ಸಿಎನ ಜೀಪ್ ಕಂಪನಿಯು ಸಹ ತನ್ನ ಎಲ್ಲಾ ವಾಹನಗಳನ್ನು 2022ರ ವೇಳೆಗೆ ಎಲೆಕ್ಟ್ರಿಕ್ಗೊಳಿಸಲು ಬಯಸಿದೆ. ಈ ವಿಷಯವನ್ನು ಅಮೇರಿಕನ್ ಯುಟಿಲಿಟಿ ವೆಹಿಕಲ್ನ ಸಿಇಒ ಖಚಿತಪಡಿಸಿದ್ದಾರೆ.
ನ್ಯೂಜಿಲ್ಯಾಂಡ್ನಲ್ಲಿ ಗ್ಲಾಡಿಯೇಟರ್ ಪಿಕ್ಅಪ್ ಟ್ರಕ್ ಬಿಡುಗಡೆ ವೇಳೆಯಲ್ಲಿ ಅವರು ಮಾತನಾಡುತ್ತಿದ್ದರು.ಜೀಪ್ ಕಂಪನಿಯ ಕಂಪಾಸ್, ರೆನೆಗೆಡ್, ವ್ರಾಂಗ್ಲರ್ ಎಸ್ಯುವಿಗಳನ್ನು ಮುಂದಿನ ವರ್ಷ ಪಿಹೆಚ್ಇವಿ ಟೆಕ್ನಾಲಜಿ ಅಂದರೆ ಪ್ಲಗ್ ಇನ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ ಟೆಕ್ನಾಲಜಿಯಲ್ಲಿ ಬಿಡುಗಡೆಗೊಳಿಸಲಾಗುವುದು.
ನಂತರ ಇವುಗಳನ್ನು ಪೂರ್ಣ ಪ್ರಮಾಣದ ಎಲೆಕ್ಟ್ರಿಕ್ ಆಗಿ ಪರಿವರ್ತಿಸಲಾಗುವುದು. ಇದು ಜೀಪ್ ಕಂಪನಿಯ ಜಾಗತಿಕ ಉತ್ಪಾದನೆಯ ಭಾಗವಾಗಿದೆ. ಈ ಮೂಲಕ ಕಂಪನಿಯು ತನ್ನ ಎಲ್ಲಾ ವಾಹನಗಳನ್ನು 2022ರ ವೇಳೆಗೆ ಶೂನ್ಯ ಮಾಲಿನ್ಯಗೊಳಿಸಲು ಮುಂದಾಗಿದೆ.
ಜೀಪ್ ಕಂಪನಿಯ ಸಿಇಒರವರು ಜೀಪ್ ಕಂಪನಿಯನ್ನು ಅಂತರ್ರಾಷ್ಟ್ರೀಯ ಮಟ್ಟದಲ್ಲಿ ವಿಸ್ತರಿಸಲು ಬಯಸಿದ್ದಾರೆ. ಈ ಕಾರಣಕ್ಕಾಗಿ ಕಳೆದ ಆರು ತಿಂಗಳಿನಿಂದ ಚೀನಾ ಮಾರುಕಟ್ಟೆಯ ಅಧ್ಯಯನವನ್ನು ನಡೆಸುತ್ತಿದ್ದಾರೆ.
ಈ ಅಧ್ಯಯನದಲ್ಲಿ ಜೀಪ್ ಕಂಪನಿಯು ಜಾಗತಿಕ ಕಂಪನಿಯಾಗಬಹುದೆಂದು ಕಂಡು ಬಂದಿದೆ. ಜೀಪ್ ಕಂಪನಿಯು ಚೀನಾಗಾಗಿ ಹೊಸ ತಂತ್ರವನ್ನು ಅಳವಡಿಸಿಕೊಂಡಿದೆ. 2019ರಲ್ಲಿ ಜೀಪ್ ಕಂಪನಿಯ ಜಾಗತಿಕ ಮಾರುಕಟ್ಟೆಯ ಮಾರಾಟವು ಒಂದು ಮಿಲಿಯನ್ಗಿಂತ ಹೆಚ್ಚಾಗಿದೆ.
ಇದು ಕಳೆದ ಹತ್ತು ವರ್ಷಕ್ಕೆ ಹೋಲಿಸಿದರೆ ಐದು ಪಟ್ಟು ಹೆಚ್ಚಾಗಿದೆ. ಹೈಬ್ರಿಡ್ ಟೆಕ್ನಾಲಜಿಯನ್ನು ಅಳವಡಿಸಿದ ನಂತರ ಜೀಪ್ ಪೆಟ್ರೋಲ್ ಎಂಜಿನ್ನಿಂದ 450 ಕಿ.ಮೀ ಹಾಗೂ ಎಲೆಕ್ಟ್ರಿಕ್ ಮೋಟರ್ನಿಂದ 50 ಕಿ.ಮೀ ದೂರದವರೆಗೂ ಚಲಿಸಲಿದೆ.
ಜೀಪ್ ಕಂಪನಿಯು ಮೊದಲಿಗೆ ಕಂಪಾಸ್ ಹಾಗೂ ರೆನೆಗಡ್ ವಾಹನಗಳಲ್ಲಿ ಪಿಹೆಚ್ಇವಿ ಟೆಕ್ನಾಲಜಿಯನ್ನು ಅಳವಡಿಸಲಿದೆ. ಈ ಎರಡೂ ಆಫ್ ರೋಡ್ ಎಸ್ಯುವಿಗಳು 1.3 ಲೀಟರಿನ ಟರ್ಬೊಚಾರ್ಜ್ಡ್ ಎಂಜಿನ್ ಹೊಂದಿರಲಿವೆ.
ಈ ಎಂಜಿನ್ ಜೊತೆಯಲ್ಲಿ ಎಲೆಕ್ಟ್ರಿಕ್ ಮೋಟರ್ಗಳನ್ನು ಅಳವಡಿಸಲಾಗುವುದು. ಪೆಟ್ರೋಲ್ ಎಂಜಿನ್ ಫ್ರಂಟ್ ವ್ಹೀಲ್ಗಳಿಗೆ ಪವರ್ ನೀಡಿದರೆ, ಎಲೆಕ್ಟ್ರಿಕ್ ಮೋಟರ್ ಹಿಂಭಾಗದ ವ್ಹೀಲ್ಗಳಿಗೆ ಪವರ್ ನೀಡಲಿದೆ.
ಜೀಪ್ ಕಂಪನಿಯು ಈ ವಾಹನಗಳ ಎಲೆಕ್ಟ್ರಿಕ್ ಆವೃತ್ತಿಯನ್ನು ಮುಂದಿನ ವರ್ಷ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ. ಜೀಪ್ ಕಂಪನಿಯು 2020ರ ಮಧ್ಯ ಭಾಗದಲ್ಲಿ ಕಂಪಾಸ್ ಕಂಪನಿಯ ಫೇಸ್ಲಿಫ್ಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸಲಿದೆ.
ಇದರ ಜೊತೆಗೆ ಸಿಎಎಫ್ಇ ನಿಯಮಗಳಿಗೆ ಅನುಸಾರವಾಗಿ ಪಿಹೆಚ್ಇವಿ ಆವೃತ್ತಿಗಳನ್ನೂ ಸಹ ಬಿಡುಗಡೆಗೊಳಿಸಲಿದೆ. 7 ಸೀಟರ್ಗಳ ಕಂಪಾಸ್ ಆವೃತ್ತಿಯ ಬಿಡುಗಡೆಯನ್ನು 2021ಕ್ಕೆ ಮುಂದೂಡಲಾಗಿದೆ. ಇದರ ಜೊತೆಗೆ ಜೀಪ್ ಕಂಪನಿಯು ಆಫ್ ರೋಡ್ ಸಾಮರ್ಥ್ಯದ ಕಂಪ್ಯಾಕ್ಟ್ ಎಸ್ಯುವಿಯನ್ನು ಅಭಿವೃದ್ಧಿಪಡಿಸುತ್ತಿರುವ ಬಗ್ಗೆ ವರದಿಗಳಾಗಿವೆ.