Just In
- 2 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 4 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 5 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 6 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Movies ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...?
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಟೋಮ್ಯಾಟಿಕ್ ಆವೃತ್ತಿಯಲ್ಲಿ ಮಿಂಚಲಿವೆ ಮಾರುತಿ ಸುಜುಕಿ ಜನಪ್ರಿಯ ಕಾರುಗಳು
ಮಾರುತಿ ಸುಜುಕಿ ಕಂಪನಿಯು ಯಾವಾಗಲೂ ಭಾರತೀಯ ಆಟೋಮೋಬೈಲ್ ಮಾರುಕಟ್ಟೆಯಲ್ಲಿ ಮುಂಚೂಣಿ ಸ್ಥಾನದಲ್ಲಿದೆ. ತನ್ನ ಎಂಟ್ರಿ ಲೆವೆಲ್ ಕಾರುಗಳಲ್ಲಿ ಮಾರುತಿ ಸುಜುಕಿ ಕಂಪನಿಯು ಆಟೋಮ್ಯಾಟಿಕ್ ಗೇರ್ಗಳನ್ನು ಒದಗಿಸಿತ್ತು. ದೇಶಿಯ ಮಾರುಕಟ್ಟೆಯಲ್ಲಿ ಈ ರೀತಿಯ ಕಾರುಗಳನ್ನು ಒದಗಿಸಿದ ಮೊದಲ ಕಂಪನಿ ಎಂಬ ಹೆಗ್ಗಳಿಕೆಯನ್ನು ಮಾರುತಿ ಕಂಪನಿ ಹೊಂದಿದೆ.
ಮಾರುತಿ ಸುಜುಕಿಯ ಆಟೋಮ್ಯಾಟಿಕ್ ಕಾರುಗಳನ್ನು ಸದ್ಯಕ್ಕೆ ಮೂರು ವಿವಿಧ ಟ್ರಾನ್ಸ್ ಮಿಷನ್ ಬಗೆಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ. ಅವುಗಳೆಂದರೆ - ಎಟಿ, ಕಂಟ್ಯೂನಿಯಸ್ಲಿ ವೆರಿಯಬಲ್ ಟ್ರಾನ್ಸ್ ಮಿಷನ್ (ಸಿವಿಟಿ) ಮತ್ತು ಆಟೋಮೇಟೆಡ್ ಮ್ಯಾನುಯಲ್ ಟ್ರಾನ್ಸ್ ಮಿಷನ್ (ಎಎಂಟಿ) - ಇವುಗಳನ್ನು ಆಟೋ ಗೇರ್ ಶಿಫ್ಟ್ (ಎಜಿಎಸ್) ಎಂದು ಕರೆಯಲಾಗುತ್ತದೆ. ಮಾರುತಿ ಸುಜುಕಿ ಕಂಪನಿಯು 2014ರಲ್ಲಿ ಮೊದಲ ಬಾರಿಗೆ ಸೆಲೆರಿಯೋ ಹ್ಯಾಚ್ಬ್ಯಾಕ್ ಕಾರಿನಲ್ಲಿ ಆಟೋಮ್ಯಾಟಿಕ್ ಗೇರ್ ಸಿಸ್ಟಂ ಅನ್ನು ಪರಿಚಯಿಸಿತು.
ಅದಾದ ನಂತರ ಆಲ್ಟೋ ಕೆ10, ವ್ಯಾಗನ್ ಆರ್, ಸ್ವಿಫ್ಟ್, ಇಗ್ನಿಸ್, ಡಿಜೈರ್ ಮತ್ತು ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಎಸ್ಯುವಿಯಾದ ವಿಟಾರಾ ಬ್ರಿಝಾ ವಾಹನಗಳಲ್ಲಿ ಅಳವಡಿಸಲಾಗಿದೆ. ಎಜಿಎಸ್ ಸಿಸ್ಟಂ, ಮ್ಯಾನುಯಲ್ ಟ್ರಾನ್ಸ್ ಮಿಷನ್ ನಿಂದ ಪವರ್ ಪಡೆದುಎಲೆಕ್ಟ್ರೊ ಹೈಡ್ರಾಲಿಕ್ ಸಿಸ್ಟಂ ಬಳಸುವ ರೆಗ್ಯುಲರ್ ಎಎಂಟಿ ಟ್ರಾನ್ಸ್ ಮಿಷನ್ ನಂತೆಯೇ ಇದೆ.
ಈ ಸಿಸ್ಟಂ ಕ್ಲಚ್ ಹಾಗೂ ಗೇರ್ ಶಿಫ್ಟ್ ನ ಕಾರ್ಯವನ್ನು ಆಟೋಮ್ಯಾಟಿಕ್ ಆಗಿ ನಿಯಂತ್ರಿಸುತ್ತದೆ, ಇದರಿಂದ ಚಾಲಕನಿಗೆ ಚಾಲನೆ ಸುಲಭವಾಗಲಿದೆ. ಎಜಿಎಂ ಸಿಸ್ಟಂನಲ್ಲಿ ಮಾರುತಿ ಸುಜುಕಿ ಕಂಪನಿಯು ಹೆಚ್ಚುವರಿಯಾಗಿ ಟ್ರಾನ್ಸ್ ಮಿಷನ್ ಕಂಟ್ರೋಲ್ ಯೂನಿಟ್ ಅಳವಡಿಸಿದ್ದು, ಇದು ಹೈಡ್ರಾಲಿಕ್ ಸಿಸ್ಟಂನ ಕಾರ್ಯವನ್ನು ನಿಯಂತ್ರಿಸುತ್ತದೆ.
ಇದು ಆಕ್ಸೆಲೆರೇಟರ್ ಪೆಡಾಲ್ನ ಮೇಲೆ ಹಾಗೂ ವಾಹನವು ಚಲಿಸುತ್ತಿರುವ ವೇಗದ ಮೇಲೆ ಕಾರ್ಯ ನಿರ್ವಹಿಸುತ್ತದೆ. ಮಾರುತಿ ಸುಜುಕಿಯ ಆಟೋ ಗೇರ್ ಶಿಫ್ಟ್ ಚಾಲಕನಿಗೆ ಅನೇಕ ಆಯ್ಕೆಗಳನ್ನು ನೀಡುತ್ತದೆ. ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರುವ ಮಾರುತಿ ಸುಜುಕಿಯ ವಾಹನಗಳು, ಮ್ಯಾನುಯಲ್ ಗೇರ್ ಬಾಕ್ಸ್ ಹೊಂದಿರುವ ವಾಹನಗಳು ನೀಡುವಷ್ಟೆ ಮೈಲೇಜ್ ನೀಡುತ್ತವೆ. ಈ ವಾಹನಗಳು ಭಾರತದಲ್ಲಿ ಜನಪ್ರಿಯವಾಗುತ್ತಿವೆ.
ಏಕೆಂದರೆ, ಭಾರತದಲ್ಲಿ ಕಾರನ್ನು ಖರೀದಿಸುವ ಮೊದಲು ಕಾರಿನ ಮೈಲೇಜಿನ ಬಗ್ಗೆ ಹೆಚ್ಚು ವಿಚಾರಿಸಲಾಗುತ್ತದೆ. ಆದ ಕಾರಣ ಹೊಸ ಕಾರನ್ನು ಕೊಳ್ಳುವವರಿಗಾಗಿ ಎಜಿಎಸ್ ಉತ್ತಮವಾದ ಆಯ್ಕೆಯಾಗಿದೆ. ಮ್ಯಾನುಯಲ್ ಟ್ರಾನ್ಸ್ ಮಿಷನ್ ಕಾರುಗಳಿಂದ ಆಟೋ ಮ್ಯಾಟಿಕ್ ಟ್ರಾನ್ಸ್ ಮಿಷನ್ ಕಾರುಗಳಿಗೆ ಬದಲಾವಣೆ ಬಯಸುವವರು ಈ ವಾಹನಗಳನ್ನು ಕೊಳ್ಳಬಹುದಾಗಿದೆ.
ಪ್ರತಿ ಬಾರಿ ಗೇರ್ ಬದಲಿಸುವಾಗ ಕ್ಲಚ್ ಪೆಡಲ್ ಬಳಸುವ ಚಿಂತೆಯಿಲ್ಲದೇ, ಆಟೋಮ್ಯಾಟಿಕ್ ಕಾರಿನ ಚಾಲಕನು, ರಸ್ತೆಯ ಮೇಲೆ ಗಮನವಿರಿಸಿ, ಸುರಕ್ಷತೆಯಿಂದ ಕಾರು ಚಾಲನೆ ಮಾಡಬಹುದು.
MOST READ: ಕೆಟಿಎಂ ಸಂಸ್ಥೆಯಿಂದ ಭಾರತಕ್ಕೆ ಬರಲಿದೆ 500ಸಿಸಿ ಬೈಕ್..!!
ಈ ವಾಹನಗಳಿಂದ ಗುಡ್ಡಗಾಡು ಪ್ರದೇಶಗಳಲ್ಲಿ ಅನುಕೂಲವಾಗಲಿದೆ. ಅಲ್ಲಿ ಹೆಚ್ಚು ತಿರುವುಗಳು, ಹೇರ್ಪಿನ್ನಂತಹ ರಸ್ತೆಗಳಿದ್ದು, ಗೇರ್ಗಳನ್ನು ಬದಲಿಸುವಾಗ ಅನೇಕ ಏರಿಳಿತಗಳಾಗುತ್ತವೆ. ಮಾರುತಿ ಸುಜುಕಿಯ ಎಜಿಎಸ್ ಗೇರ್ಬಾಕ್ಸ್ ನೆರವಿನಿಂದಾಗಿ ಚಾಲಕನು ಗುಡ್ಡಗಾಡು ಪ್ರದೇಶಗಳಲ್ಲಿ ಗೇರ್ ಬದಲಾವಣೆ ಹಾಗೂ ಕ್ಲಚ್ ನ ಚಿಂತೆಯಿಲ್ಲದೇ ತಿರುವುಗಳಿರುವ ಬೆಟ್ಟ ಪ್ರದೇಶಗಳಲ್ಲಿ ರಸ್ತೆಯ ಮೇಲೆ ಗಮನವಿಡಬಹುದಾಗಿದೆ.
ಗೇರ್ ಬದಲಾವಣೆಗಳ ಮೇಲೆ ಇನ್ನೂ ಸ್ವಲ್ಪ ನಿಯಂತ್ರಣ ಹೊಂದಬಯಸುವ ಚಾಲಕರಿಗಾಗಿ, ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಗಳ ಜೊತೆಯಲ್ಲಿ ಮ್ಯಾನುಯಲ್ ಗೇರ್ಬಾಕ್ಸ್ ಗಳನ್ನು ಸಹ ನೀಡಲಾಗಿದೆ. ಮ್ಯಾನುಯಲ್ ಮೋಡ್ನಲ್ಲಿ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಹೈಡ್ರಾಲಿಕ್ಸ್ ನ ಜೊತೆಯಲ್ಲಿ ಸಿಕ್ವೆಂಷಿಯಲ್ ಗೇರ್ಬಾಕ್ಸ್ ಆಗಿ ಕಾರ್ಯನಿರ್ವಹಿಸಿ ಕ್ಲಚ್ ನ ಬಗ್ಗೆ ಗಮನ ನೀಡುತ್ತದೆ. ಇದರಲ್ಲಿ ಚಾಲಕನು ಗೇರ್ಗಳನ್ನು ಬದಲಿಸಬಹುದು. ಚಾಲಕನು ಗುಡ್ಡಗಾಡು ಪ್ರದೇಶಗಳಲ್ಲಿ ಹೆಚ್ಚಿನ ವೇಗ ಬಯಸಿದರೆ, ಗೇರ್ಗಳನ್ನು ಮ್ಯಾನುಯಲ್ ಆಗಿ ಬದಲಿಸಬಹುದಾಗಿದೆ.
ಎಟಿ ಹಾಗೂ ಸಿವಿಟಿ ಗೇರ್ ಬಾಕ್ಸ್ ಗಳಿಗಿಂತ ಭಿನ್ನವಾಗಿರುವ ಆಟೋಮ್ಯಾಟಿಕ್ ವಾಹನಗಳು ಗ್ರಾಹಕರಿಗೆ ಹೆಚ್ಚು ಹೊರೆಯಾಗಲಾರವು. ಮ್ಯಾನುಯಲ್ ಟ್ರಾನ್ಸ್ ಮಿಷನ್ ಮಾದರಿಯ ವಾಹನಗಳಿಗಿಂತ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಮಾದರಿಯ ವಾಹನಗಳ ಬೆಲೆಯು ಸುಮಾರು ರೂ.50,000 ಗಳಷ್ಟು ಜಾಸ್ತಿಯಾಗಿರಲಿದೆ.
ಮಾರುತಿ ಸುಜುಕಿಯ ಆಟೋಮ್ಯಾಟಿಕ್ ವಾಹನಗಳು, ಮ್ಯಾನುಯಲ್ ಗೇರ್ ಬಾಕ್ಸ್ ಹೊಂದಿರುವ ವಾಹನಗಳು ನೀಡುವಷ್ಟೇ ಮೈಲೇಜ್ ನೀಡುತ್ತವೆ. ಆದರೆ ಗೇರ್ ಹಾಗೂ ಕ್ಲಚ್ಗಳ ಬಗ್ಗೆ ತಲೆಕೆಡಿಸಿಕೊಳ್ಳುವ ಅವಶ್ಯಕತೆ ಇರುವುದಿಲ್ಲ. ಆಟೋಮ್ಯಾಟಿಕ್ ಗೇರ್ ಹೊಂದಿರುವ ವಾಹನಗಳನ್ನು ನಿಭಾಯಿಸುವುದು ಸುಲಭ ವಾಗಿದೆ. ಯಾವುದೇ ಹೆಚ್ಚುವರಿ ಹಣವನ್ನು ಪಾವತಿಸುವಂತಿಲ್ಲ. ಅಲ್ಲದೇ ಮ್ಯಾನುಯಲ್ ಟ್ರಾನ್ಸ್ ಮಿಷನ್ ವಾಹನಗಳಿಗಿಂತ ಹೆಚ್ಚೇನೂ ದುಬಾರಿಯಲ್ಲದ ಕಾರಣದಿಂದಾಗಿ ಅನೇಕ ಭಾರತೀಯರು ಮಾರುತಿ ಸುಜುಕಿಯ ಆಟೋಮ್ಯಾಟಿಕ್ ಕಾರುಗಳನ್ನು ಖರೀದಿಸುತ್ತಿದ್ದಾರೆ.