Just In
- 3 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 6 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 6 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 7 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies Lakshmibaramma: ಗೊಂದಲದಲ್ಲಿರುವ ಲಕ್ಷ್ಮೀಗೆ ಕಲರ್ಸ್ ಕನ್ನಡದ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ನೋಡಲು ಹೇಳಿದ ಟ್ರೋಲರ್ಸ್
- Lifestyle ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಕ್ಟೋಬರ್ ಅವಧಿಯ ಮಾರುತಿ ಸುಜುಕಿ ಮಾರಾಟ ವರದಿ ಬಿಡುಗಡೆ
ಭಾರತದ ನಂ 1 ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿಯ ಕಾರುಗಳು ಯಾವಾಗಲೂ ಜನಪ್ರಿಯತೆಯನ್ನು ಹೊಂದಿರುತ್ತವೆ. ಇದರ ಜೊತೆಗೆ ದೇಶಿಯ ಮಾರುಕಟ್ಟೆಯಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಗುತ್ತಲೇ ಇರುತ್ತವೆ.
ಕಳೆದ ಕೆಲವು ತಿಂಗಳುಗಳಿಂದ ದೇಶಿಯ ಆಟೋಮೊಬೈಲ್ ಮಾರುಕಟ್ಟೆಯು ಎದುರಿಸುತ್ತಿರುವ ನಿಧಾನಗತಿಯ ಬೆಳವಣಿಗೆಯ ಬಿಸಿಯು ಮಾರುತಿ ಸುಜುಕಿ ಕಂಪನಿಗೂ ತಟ್ಟಿತ್ತು. ಇದರಿಂದಾಗಿ ಈ ಕಂಪನಿಯ ಕಾರುಗಳ ಮಾರಾಟದಲ್ಲಿ ಕುಸಿತ ಉಂಟಾಗಿತ್ತು.
ಆದರೆ ಹಬ್ಬದ ಸಂದರ್ಭದಲ್ಲಿ ಎಲ್ಲಾ ಕಂಪನಿಯ ಕಾರುಗಳಂತೆ ಮಾರುತಿ ಸುಜುಕಿ ಕಂಪನಿಯ ಕಾರುಗಳ ಮಾರಾಟದಲ್ಲೂ ಚೇತರಿಕೆ ಕಂಡು ಬಂದಿದೆ. ಬೇರೆ ತಿಂಗಳುಗಳಿಗೆ ಹೋಲಿಸಿದರೆ, 2019ರ ಅಕ್ಟೋಬರ್ ತಿಂಗಳಿನಲ್ಲಿ ಮಾರುತಿ ಸುಜುಕಿ ಕಂಪನಿಯ ಕಾರುಗಳ ಮಾರಾಟವು ಏರಿಕೆಯಾಗಿದೆ.
ಪ್ರತಿ ವರ್ಷದ ಮಾರಾಟಕ್ಕೆ ಹೋಲಿಸಿದರೆ, ಎರ್ಟಿಗಾ ಕಾರಿನ ಮಾರಾಟದಲ್ಲಿ 418.8%ನಷ್ಟು ಏರಿಕೆಯಾಗಿದ್ದರೆ, ಸೆಲೆರಿಯೊ, ವಿಟಾರಾ ಬ್ರಿಝಾ ಕಾರುಗಳನ್ನು ಹೊರತು ಪಡಿಸಿ ಬೇರೆ ಕಾರುಗಳ ಮಾರಾಟದಲ್ಲೂ ಗಣನೀಯ ಪ್ರಮಾಣದ ಏರಿಕೆಯಾಗಿದೆ. ಮಾರುತಿ ಸುಜುಕಿ ಕಂಪನಿಯ ಯಾವ ಕಾರುಗಳ ಮಾರಾಟದಲ್ಲಿ ಎಷ್ಟೆಷ್ಟು ಏರಿಕೆಯಾಗಿದೆ ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಮಾರುತಿ ಆಲ್ಟೋ 800 ಹಾಗೂ ಕೆ10
ಮಾರುತಿ ಸುಜುಕಿಯ ಈ ಆಲ್ಟೊ ಟ್ವಿನ್ ಕಾರುಗಳು ಕಳೆದ ತಿಂಗಳು 17,903 ಯುನಿಟ್ಗಳಷ್ಟು ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದರೆ ಈ ಪ್ರಮಾಣವು 18.7%ನಷ್ಟು ಜಾಸ್ತಿಯಾಗಿದೆ. ಸೆಪ್ಟೆಂಬರ್ನಲ್ಲಿ 15,079 ಯುನಿಟ್ಗಳು ಮಾರಾಟವಾಗಿದ್ದವು. ಆದರೆ ಕಳೆದ ವರ್ಷದ ಮಾರಾಟಕ್ಕೆ ಹೋಲಿಸಿದರೆ 19.3%ನಷ್ಟು ಕುಸಿತವಾಗಿದೆ.
ಮಾರುತಿ ಬಲೆನೊ
ಹಾಟ್ ಸೆಲ್ಲಿಂಗ್ ಆಗಿರುವ ಬಿ 2 ಸೆಗ್ಮೆಂಟ್ನ ಮಾರುತಿ ಬಲೆನೊ ಹ್ಯಾಚ್ಬ್ಯಾಕ್ನ 16,237 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದರೆ 42.2% ನಷ್ಟು ಏರಿಕೆಯಾಗಿದ್ದರೆ, ವರ್ಷದ ಮಾರಾಟದ ಪ್ರಕಾರ 13%ನಷ್ಟು ಕುಸಿತ ಉಂಟಾಗಿದೆ. ಸೆಪ್ಟೆಂಬರ್ ತಿಂಗಳಿನಲ್ಲಿ ಬಲೆನೊದ 11,420 ಯುನಿಟ್ಗಳು ಮಾರಾಟವಾಗಿದ್ದವು.
ಮಾರುತಿ ಸೆಲೆರಿಯೊ
ಸೆಲೆರಿಯೊದ 3,669 ಯುನಿಟ್ಗಳು ಮಾರಾಟವಾಗಿವೆ. ಇದು ಸೆಪ್ಟೆಂಬರ್ ತಿಂಗಳಿಗಿಂತ 11.4% ಹಾಗೂ ಕಳೆದ ವರ್ಷಕ್ಕಿಂತ 60.4% ಕಡಿಮೆಯಾಗಿದೆ.
MOST READ: ವಿಭಿನ್ನವಾಗಿ ಸ್ಕೂಟರ್ ಖರೀದಿಸಿದ ಗ್ರಾಹಕ - ಶೋರೂಂ ಸಿಬ್ಬಂದಿಗೆ ಸುಸ್ತೋ ಸುಸ್ತು..!
ಮಾರುತಿ ಸಿಯಾಜ್
ಸಿ 2 ಸೆಗ್ಮೆಂಟಿನಲ್ಲಿರುವ ಸಿಯಾಜ್ ಸೆಡಾನ್ ಕಾರಿನ 2,371 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 1,715 ಯುನಿಟ್ಗಳು ಮಾರಾಟವಾಗಿದ್ದವು. ತಿಂಗಳ ಮಾರಾಟದಲ್ಲಿ 38.3% ನಷ್ಟು ಏರಿಕೆಯಾಗಿದ್ದರೆ, ವರ್ಷದ ಮಾರಾಟದ ಪ್ರಕಾರ 39.1%ನಷ್ಟು ಕುಸಿತ ಉಂಟಾಗಿದೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಮಾರುತಿ ಡಿಜೈರ್
ಮಾರುತಿ ಸುಜುಕಿಯ ಎಂಟ್ರಿ ಲೆವೆಲ್ ಸೆಡಾನ್ ಕಾರ್ ಆದ, ದೇಶಿಯ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಕಾರುಗಳಲ್ಲಿ ಒಂದಾದ ಡಿಜೈರ್ ಕಾರಿನ 19,569 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 15,662 ಯುನಿಟ್ಗಳು ಮಾರಾಟವಾಗಿದ್ದವು. ತಿಂಗಳ ಮಾರಾಟದಲ್ಲಿ 24.9% ಹಾಗೂ ವರ್ಷದ ಮಾರಾಟದಲ್ಲಿ 12.4%ನಷ್ಟು ಏರಿಕೆಯಾಗಿದೆ.
MOST READ: ಕೈಕೊಟ್ಟ ದುಬಾರಿ ಬೆಲೆಯ ಕಾರಿನ ಬ್ರೇಕ್..!
ಮಾರುತಿ ಇಕೊ
ಮಾರುತಿ ಸುಜುಕಿ ಕಂಪನಿಯು ಮಾರಾಟ ಮಾಡುವ ಏಕೈಕ ಪ್ರಯಾಣಿಕ ಸಾಗಣೆ ಕಾರ್ ಆದ ಇಕೊವಿನ 10,011 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 9,949 ಯುನಿಟ್ಗಳು ಮಾರಾಟವಾಗಿದ್ದವು. ಹಿಂದಿನ ತಿಂಗಳಿಗೆ ಹೋಲಿಸಿದರೆ 49.1%ನಷ್ಟು ಏರಿಕೆಯಾಗಿದೆ.
ಮಾದರಿ | ಅಕ್ಟೋಬರ್ 2019 | ಸೆಪ್ಟೆಂಬರ್ 2019 |
ಮಾರುತಿ ಡಿಜೈರ್ | 19,569 | 15,662 |
ಮಾರುತಿ ಸ್ವಿಫ್ಟ್ | 19,401 | 12,934 |
ಮಾರುತಿ ಆಲ್ಟೋ | 17,903 | 15,079 |
ಮಾರುತಿ ಬಲೆನೊ | 16,237 | 11,420 |
ಮಾರುತಿ ವ್ಯಾಗನ್ ಆರ್ | 14,359 | 11,757 |
ಮಾರುತಿ ಎಸ್ ಪ್ರೆಸ್ಸೊ | 10,634 | 5,006 |
ಮಾರುತಿ ವಿಟಾರಾ ಬ್ರಿಝಾ | 10,227 | 10,362 |
ಮಾರುತಿ ಇಕೊ | 10,011 | 9,949 |
ಮಾರುತಿ ಎರ್ಟಿಗಾ | 7,197 | 6,284 |
ಮಾರುತಿ ಎಕ್ಸ್ ಎಲ್6 | 4,328 | 3,840 |
ಮಾರುತಿ ಸೆಲೆರಿಯೊ | 3,669 | 4,140 |
ಮಾರುತಿ ಸಿಯಾಜ್ | 2,371 | 1,715 |
ಮಾರುತಿ ಇಗ್ನಿಸ್ | 1,859 | 6,284 |
ಮಾರುತಿ ಎಸ್ ಕ್ರಾಸ್ | 1,356 | 1,040 |
ಮಾರುತಿ ಎರ್ಟಿಗಾ
ಎರ್ಟಿಗಾ ಅಕ್ಟೋಬರ್ನಲ್ಲಿ 7,197 ಯುನಿಟ್ಗಳ ಮಾರಾಟದೊಂದಿಗೆ ಕಳೆದ ವರ್ಷದ ಅಕ್ಟೋಬರ್ ತಿಂಗಳಿಗಿಂತ 418.9%ನಷ್ಟು ಏರಿಕೆ ಕಂಡಿದೆ. ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದರೆ 14.5%ನಷ್ಟು ಏರಿಕೆಯಾಗಿದೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 6,284 ಯುನಿಟ್ಗಳು ಮಾರಾಟವಾಗಿದ್ದವು.
ಮಾರುತಿ ಇಗ್ನಿಸ್
ಮಾರುತಿ ಸುಜುಕಿಯ ಬಿ 1 ಸೆಗ್ಮೆಂಟ್ನಲ್ಲಿರುವ ಕ್ರಾಸ್ ಹ್ಯಾಚ್ ಬ್ಯಾಕ್ ಆದ ಇಗ್ನಿಸ್ನ 1,859 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 1,266 ಯುನಿಟ್ಗಳು ಮಾರಾಟವಾಗಿದ್ದವು. ಒಟ್ಟಾರೆಯಾಗಿ ಸೆಪ್ಟೆಂಬರ್ ತಿಂಗಳಿಗಿಂತ 46.8%ನಷ್ಟು ಏರಿಕೆಯಾಗಿದೆ. ಆದರೆ ಕಳೆದ ವರ್ಷಕ್ಕೆ ಹೋಲಿಸಿದರೆ 17.5%ನಷ್ಟು ಕುಸಿತ ಉಂಟಾಗಿದೆ.
ಮಾರುತಿ ಎಸ್-ಕ್ರಾಸ್
ಅಕ್ಟೋಬರ್ನಲ್ಲಿ 1,356 ಯುನಿಟ್ಗಳ ಮಾರಾಟದೊಂದಿಗೆ, ಎಸ್-ಕ್ರಾಸ್ ಸೆಪ್ಟೆಂಬರ್ ತಿಂಗಳಿಗಿಂತ 30.4%ನಷ್ಟು ಏರಿಕೆ ಕಂಡಿದೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 1,040 ಯುನಿಟ್ಗಳು ಮಾರಾಟವಾಗಿದ್ದವು. ತಿಂಗಳ ಮಾರಾಟದಲ್ಲಿ ಹೆಚ್ಚಿನ ಏರಿಕೆಯಾಗಿದ್ದರೂ, ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ 59.1%ನಷ್ಟು ಭಾರಿ ಪ್ರಮಾಣದ ಕುಸಿತ ಉಂಟಾಗಿದೆ.
ಮಾರುತಿ ಎಸ್-ಪ್ರೆಸ್ಸೊ
ಎಸ್-ಪ್ರೆಸ್ಸೊ ಕಾರು ಅಕ್ಟೋಬರ್ ತಿಂಗಳಿನಲ್ಲಿ 10,634 ಯುನಿಟ್ಗಳಷ್ಟು ಮಾರಾಟವಾಗಿದೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 5,006 ಯುನಿಟ್ಗಳು ಮಾರಾಟವಾಗಿದ್ದವು. ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದರೆ ಅಕ್ಟೋಬರ್ ತಿಂಗಳಿನಲ್ಲಿ 112.4%ನಷ್ಟು ಏರಿಕೆಯಾಗಿದೆ.
ಮಾರುತಿ ಸ್ವಿಫ್ಟ್
ಬಿ 1 ಸೆಗ್ಮೆಂಟಿನಲ್ಲಿರುವ ಸ್ವಿಫ್ಟ್ ಕಾರಿನ 19,401 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಈ ಮೂಲಕ ಪ್ರತಿ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ 50.0% ಹಾಗೂ ವರ್ಷದ ಮಾರಾಟಕ್ಕೆ ಹೋಲಿಸಿದರೆ, 12.7%ನಷ್ಟು ಹೆಚ್ಚಳವಾಗಿದೆ. ಸೆಪ್ಟೆಂಬರ್ ತಿಂಗಳಿನಲ್ಲಿ ಸ್ವಿಫ್ಟ್ ಕಾರಿನ 12,944 ಯುನಿಟ್ಗಳನ್ನು ಮಾರಾಟ ಮಾಡಲಾಗಿತ್ತು.
ಮಾರುತಿ ವ್ಯಾಗನ್ ಆರ್
ಟಾಲ್ಬಾಯ್ ಕಾರ್ ಎಂದು ಕರೆಯಲಾಗುವ ವ್ಯಾಗನ್ ಆರ್ನ 14,359 ಯುನಿಟ್ಗಳು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಸೆಪ್ಟೆಂಬರ್ ತಿಂಗಳಿನಲ್ಲಿ 11,757 ಯುನಿಟ್ಗಳು ಮಾರಾಟವಾಗಿದ್ದವು. ತಿಂಗಳ ಮಾರಾಟಕ್ಕೆ ಹೋಲಿಸಿದರೆ 22.1% ಹಾಗೂ ವರ್ಷದ ಮಾರಾಟಕ್ಕೆ ಹೋಲಿಸಿದರೆ 34.8%ನಷ್ಟು ಏರಿಕೆಯಾಗಿದೆ.
ಮಾರುತಿ ವಿಟಾರಾ ಬ್ರಿಝಾ
ಸಬ್ ಮೀಟರ್ ಎಸ್ಯುವಿ ಸೆಗ್ಮೆಂಟಿನಲ್ಲಿ ಜನಪ್ರಿಯವಾಗಿರುವ ವಿಟಾರಾ ಬ್ರಿಝಾದ 10,227 ಯುನಿಟ್ಗಳನ್ನು ಅಕ್ಟೋಬರ್ ತಿಂಗಳಿನಲ್ಲಿ ಮಾರಾಟ ಮಾಡಲಾಗಿದೆ. ಸೆಪ್ಟೆಂಬರ್ನಲ್ಲಿ 10,362 ಯುನಿಟ್ಗಳನ್ನು ಮಾರಾಟ ಮಾಡಲಾಗಿತ್ತು. ಸೆಪ್ಟೆಂಬರ್ ತಿಂಗಳಿಗೆ ಹೋಲಿಸಿದರೆ 1.3%ನಷ್ಟು ಕುಸಿತ ಉಂಟಾಗಿದೆ. ಪ್ರತಿ ವರ್ಷದ ಮಾರಾಟಕ್ಕೆ ಹೋಲಿಸಿದರೆ ವಿಟಾರಾ ಬ್ರಿಝಾದ ಮಾರಾಟದಲ್ಲಿ 35.4%ನಷ್ಟು ಕುಸಿತ ಉಂಟಾಗಿದೆ.
ಮಾರುತಿ ಎಕ್ಸ್ಎಲ್ 6
ಎರ್ಟಿಗಾ ಕಾರಿನ ಆಧಾರದ ಮೇಲೆ ತಯಾರಾಗಿರುವ ಕ್ರಾಸ್ ಎಂಪಿವಿ ಎಕ್ಸ್ಎಲ್ 6 ಆಗಸ್ಟ್ ತಿಂಗಳಿನಲ್ಲಿ ಬಿಡುಗಡೆಯಾದಾಗಿನಿಂದಲೂ ಉತ್ತಮವಾಗಿ ಮಾರಾಟವಾಗುತ್ತಿದೆ. ಅಕ್ಟೋಬರ್ ತಿಂಗಳಿನಲ್ಲಿ ಎಕ್ಸ್ಎಲ್ 6ನ 4,328 ಯುನಿಟ್ಗಳನ್ನು ಮಾರಾಟ ಮಾಡಲಾಗಿತ್ತು. ಸೆಪ್ಟೆಂಬರ್ನಲ್ಲಿ 3,840 ಯುನಿಟ್ಗಳನ್ನು ಮಾರಾಟ ಮಾಡಲಾಗಿತ್ತು. ಈ ಮೂಲಕ ತಿಂಗಳ ಮಾರಾಟದಲ್ಲಿ 12.7%ನಷ್ಟು ಏರಿಕೆಯಾಗಿದೆ.