Just In
- 13 min ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 1 hr ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 2 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 3 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Darshan: ಡಿ.ಕೆ. ಸುರೇಶ್ ಪರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಚಾರ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೈಟ್ ಶಿಫ್ಟ್ ಸರ್ವಿಸ್ ಸೆಂಟರ್ಗಳಿಗೆ ಚಾಲನೆ ನೀಡಿದ ಮಾರುತಿ ಸುಜುಕಿ
ಕಾರು ಖರೀದಿಯ ನಂತರ ಅದರ ನಿರ್ವಹಣೆ ಕೂಡಾ ತುಂಬಾ ಮುಖ್ಯ. ಆದ್ರೆ ಹಗಲಿನ ವೇಳೆ ಸಿಗುವ ಸರ್ವಿಸ್ ಸೆಂಟರ್ಗಳ ಸೌಲಭ್ಯ ರಾತ್ರಿ ಹೊತ್ತಿನಲ್ಲಿ ಸಿಗುವುದು ತುಂಬಾ ಕಷ್ಟ. ಹೀಗಾಗಿ ಮಾರುತಿ ಸುಜುಕಿ ತನ್ನ ನೆಚ್ಚಿನ ಗ್ರಾಹಕರಿಗೆ ಹೊಸ ಸೌಲಭ್ಯವೊಂದನ್ನು ತೆರೆದಿದೆ.
ಹೌದು, ಮಾರುತಿ ಸುಜುಕಿ ಸಂಸ್ಥೆಯ ಸರ್ವಿಸ್ ಸೆಂಟರ್ಗಳು ಇನ್ಮುಂದೆ ನೈಟ್ ಶಿಫ್ಟ್ನಲ್ಲೂ ಸಹ ಕಾರ್ಯನಿರ್ವಹಿಸಲಿದ್ದು, ರಾತ್ರಿ ವೇಳೆ ಆಗುವ ತಾಂತ್ರಿಕ ತೊಂದರೆಗಳಿಂದ ಪರದಾಟುತ್ತಿದ್ದ ಮಾರುತಿ ಸುಜುಕಿ ಕಾರು ಮಾಲೀಕರಿಗೆ ಇದೊಂದು ಖುಷಿಯ ವಿಚಾರ ಎಂದು ಹೇಳಬಹುದು. ಇನ್ನೊಂದು ಪ್ರಮುಖ ವಿಚಾರ ಅಂದ್ರೆ ಹಗಲಿನ ವೇಳೆಯಲ್ಲಿ ವಿಧಿಸಲಾಗುವ ದರಗಳೇ ರಾತ್ರಿ ಸಮಯದ ಸರ್ವಿಸ್ಗಳಿಗೂ ಅನ್ವಯವಾಗಲಿರುವುದು ಮತ್ತೊಂದು ಆಕರ್ಷಣೆ.
ಸದ್ಯಕ್ಕೆ ಮಾರುತಿ ಸುಜುಕಿ ಸಂಸ್ಥೆಯು ರಾಜ್ಯದ ರಾಜಧಾನಿ ಬೆಂಗಳೂರು ಮತ್ತು ವಾಣಿಜ್ಯ ಚಟುವಟಿಕೆಗಳ ಪ್ರಮುಖ ಕೇಂದ್ರವಾಗಿರುವ ಮಂಗಳೂರಿನಲ್ಲಿ ಮಾತ್ರವೇ ರಾತ್ರಿ ಪಾಳೆಯದಲ್ಲಿ ಸರ್ವಿಸ್ ಸೆಂಟರ್ಗಳು ಕಾರ್ಯನಿರ್ವಹಿಸಲಿದ್ದು, ಗ್ರಾಹಕರ ಬೇಡಿಕೆಯ ಆಧಾರದ ಮೇಲೆ ಮುಂಬರುವ ದಿನಗಳಲ್ಲಿ ರಾಜ್ಯದ ಮತ್ತಷ್ಟು ಪ್ರಮುಖ ನಗರಗಳಿಗೂ ಈ ಸೇವೆಯನ್ನು ವಿಸ್ತರಿಸುವ ಯೋಜನೆ ರೂಪಿಸಿದೆ.
ಹೊಸ ಸೌಲಭ್ಯದಿಂದಾಗಿ ರಾತ್ರಿ ವೇಳೆ ತಾಂತ್ರಿಕ ಸಮಸ್ಯೆಗಳಿಂದ ಪರದಾಟುವ ಕಾರು ಮಾಲೀಕರಿಗೆ ಇದು ವರದಾನವಾಗಲಿದ್ದು, ಬೆಂಗಳೂರಿನಲ್ಲಿ ಮಾರುತಿ ಸುಜುಕಿ ಸಂಸ್ಥೆಯ ಅರೆನಾ ಮತ್ತು ನೆಕ್ಸಾ ಎರಡು ಮಾದರಿಯ ಆಯ್ದ ಡೀಲರ್ಸ್ಗಳಲ್ಲಿ 24x7 ಸರ್ವಿಸ್ ಲಭ್ಯವಿರಲಿದೆ.
ಉಚಿತ ಪಿಕ್ ಅಪ್ ಆ್ಯಂಡ್ ಡ್ರಾಪ್
ರಾತ್ರಿ ವೇಳೆ ಕಾರಿನಲ್ಲಿ ತಾಂತ್ರಿಕ ಸಮಸ್ಯೆ ಉಂಟಾಗಿದ್ದಲ್ಲಿ ಅಧಿಕೃತ ಸರ್ವಿಸ್ ಡೀಲರ್ಸ್ಗಳಿಂದ ಉಚಿತವಾಗಿ ಪಿಕ್ ಆ್ಯಂಡ್ ಡ್ರಾಪ್ ಸೌಲಭ್ಯ ಸಿಗಲಿದ್ದು, ಪ್ರಮುಖ ಬೆಂಗಳೂರಿನಂತಹ ಪ್ರಮುಖ ಐಟಿ ಸಂಸ್ಥೆಗಳ ಉದ್ಯೋಗಿಗಳಿಗೆ ಇದು ಸಾಕಷ್ಟು ಸಹಕಾರಿಯಾಗಲಿದೆ.
ಜೊತೆಗೆ ಕ್ಯಾಬ್ ಮಾಲೀಕರಿಗೂ ಇದರಿಂದ ಸಾಕಷ್ಟು ಅನುಕೂಲತೆಗಳಿದ್ದು, ರಾತ್ರಿ ವೇಳೆ ಆಗುವ ತಾಂತ್ರಿಕ ಸಮಸ್ಯೆಗಳಿಗೆ ಮುಂಜಾನೆಯ ತನಕ ಕಾಯುವ ಪರಿಸ್ಥಿತಿ ತಪ್ಪಲಿದೆ. ಅಂದಹಾಗೆ ಮತ್ತೊಂದು ಮುಖ್ಯ ವಿಚಾರ ಅಂದ್ರೆ ನೈಟ್ ಶಿಫ್ಟ್ನಲ್ಲಿ ಕಾರಿನ ಎಂಜಿನ್ ತಾಂತ್ರಿಕ ಸಮಸ್ಯೆ ಮತ್ತು ಬಿಡಿಭಾಗಗಳ ಸೇವೆ ಮಾತ್ರ ಲಭ್ಯವಿರಲಿದ್ದು, ಬಾಡಿ ವರ್ಕ್ ಸೇರಿದಂತೆ ಇನ್ನಿತರೆ ಸರ್ವಿಸ್ಗಳಿಗಾಗಿ ಹಗಲಿನ ವೇಳೆಯೇ ಸಂಪರ್ಕಿಸಿಬೇಕು.